ກອງປະຊຸມລາຍງານການກະກຽມຄວາມພ້ອມເປີດປີທ່ອງທ່ຽວລາວ 2024 ຕິດພັນກັບບຸນປະເພນີ 10 ເຜົ່າ ເສົາຫຼັກເມືອງ ແລະອະນຸສາວະລີອົງແກ້ວຂອງແຂວງເຊກອງ ຈັດຂຶ້ນໃນວັນທີ 8 ມັງກອນ ນີ້ ທີ່ຫ້ອງຫ້ອງວ່າການແຂວງ ໂດຍການເປັນປະທານຂອງທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີທ່ານ ຄໍາສອນ ກອນເຍີ ຮອງເຈົ້າແຂວງປະທານຄະນະຊີ້ນໍາເປີດປີທ່ອງທ່ຽວລາວຂັ້ນແຂວງ ແລະ ອະນຸກໍາມະການຕ່າງໆ ເຂົ້າຮ່ວມ.
ໃນກອງປະຊຸມ, ໄດ້ຮັບຟັງການລາຍງານການກະກຽມຄວາມພ້ອມຂອງອະນຸກໍາມະການຕ່າງໆ ຄື: ອະນຸກໍາມະການເນື້ອໃນ; ອະນຸກຳມະການເສດຖະກິດ; ອະນຸກຳມະການວາງສະແດງສິນຄ້າ; ອະນຸກຳມະການພິທີການ ແລະ ຮັບແຂກ; ອະນຸກໍາມະການປະດັບປະດາ ແລະ ສະຖານທີ່; ອະນຸກຳມະການຖະແຫຼງຂ່າວ-ສື່ມວນຊົນ; ອະນຸກໍາມະການກ້ອນກຳລັງ ແລະ ສິລະປະ; ອະນຸກໍາມະການສາທາລະນະສຸກ; ອະນຸກໍາມະການປ້ອງກັນຊາດ-ປ້ອງກັນຄວາມສະຫງົບ; ອະນຸກໍາມະການແສງ-ສີ-ສຽງ; ອະນຸກໍາມະການພື້ນຖານໂຄງລ່າງ ແລະ ອະນຸກໍາມະການຍ້ອງຍໍ ໂດຍພິທີເປີດປີທ່ອງທ່ຽວລາວ 2024 ທີ່ແຂວງເຊກອງ ແມ່ນຈະໄດ້ຈັດຂຶ້ນໃນວັນທີ 24 ມັງກອນ 2024 ຕິດພັນກັບບຸນປະເພນີ 10 ເຜົ່າ ເສົາຫຼັກເມືອງ ແລະ ອະນຸສາວະລີອົງແກ້ວ ຊຶ່ງປັດຈຸບັນ ແຕ່ລະອະນຸກຳມະການແມ່ນມີຄວາມພ້ອມແລ້ວ 100%. ພ້ອມນັ້ນ ກອງປະຊຸມຍັງໄດ້ຫາລື ແລະ ກໍານົດບັນດາກິດຈະກໍາປິ່ນອ້ອມຈໍານວນໜຶ່ງ ເປັນຕົ້ນກິດຈະກໍາວາງສະແດງສິນຄ້າ, ການປະກວດຫັດຖະກໍາຕໍ່າແຜ່ນ-ຫັດຖະກໍາປຸງແຕ່ງອາຫານພື້ນເມືອງ, ການແນະນຳສິນຄ້າທ່າແຮງທີ່ຜະລິດໄດ້ພາຍໃນແຂວງ, ການປະກວດສິລະປະ-ວັນນະຄະດີ ແລະ ອື່ນໆ.
ທ່ານ ເຫຼັກໄຫຼ ສີວິໄລ ໄດ້ມີຄໍາເຫັນຊີ້ນໍາໃຫ້ແຕ່ລະອະນຸກໍາມະການ ໃຫ້ກວດກາບັນດາໜ້າວຽກ ແລະ ປັບປຸງຄືນເນື້ອໃນບົດລາຍງານຈໍານວນໜຶ່ງ ທີ່ຈະລາຍງານໃນພິທີເປີດໃຫ້ສົມບູນ, ສັ້ນກະທັດຮັດ, ມີຄວາມໝາຍ ແລະ ສະແດງໃຫ້ເຫັນເຖິງຄວາມອຸດົມສົມບູນດ້ານຊັບພະຍາກອນທໍາມະຊາດ ໂດຍສະເພາະແມ່ນດ້ານສະຖານທີ່ແຫຼ່ງທ່ອງທ່ຽວທີ່ພົ້ນເດັ່ນພາຍໃນແຂວງ ແລະ ຄວາມພ້ອມດ້ານຕ່າງໆ ໃນການບໍລິການນັກທ່ອງທ່ຽວ ທີ່ເຂົ້າມາທ່ຽວຊົມແຂວງ.
ຂ່າວ-ພາບ: ສັນຍາ
ໃນກອງປະຊຸມ, ໄດ້ຮັບຟັງການລາຍງານການກະກຽມຄວາມພ້ອມຂອງອະນຸກໍາມະການຕ່າງໆ ຄື: ອະນຸກໍາມະການເນື້ອໃນ; ອະນຸກຳມະການເສດຖະກິດ; ອະນຸກຳມະການວາງສະແດງສິນຄ້າ; ອະນຸກຳມະການພິທີການ ແລະ ຮັບແຂກ; ອະນຸກໍາມະການປະດັບປະດາ ແລະ ສະຖານທີ່; ອະນຸກຳມະການຖະແຫຼງຂ່າວ-ສື່ມວນຊົນ; ອະນຸກໍາມະການກ້ອນກຳລັງ ແລະ ສິລະປະ; ອະນຸກໍາມະການສາທາລະນະສຸກ; ອະນຸກໍາມະການປ້ອງກັນຊາດ-ປ້ອງກັນຄວາມສະຫງົບ; ອະນຸກໍາມະການແສງ-ສີ-ສຽງ; ອະນຸກໍາມະການພື້ນຖານໂຄງລ່າງ ແລະ ອະນຸກໍາມະການຍ້ອງຍໍ ໂດຍພິທີເປີດປີທ່ອງທ່ຽວລາວ 2024 ທີ່ແຂວງເຊກອງ ແມ່ນຈະໄດ້ຈັດຂຶ້ນໃນວັນທີ 24 ມັງກອນ 2024 ຕິດພັນກັບບຸນປະເພນີ 10 ເຜົ່າ ເສົາຫຼັກເມືອງ ແລະ ອະນຸສາວະລີອົງແກ້ວ ຊຶ່ງປັດຈຸບັນ ແຕ່ລະອະນຸກຳມະການແມ່ນມີຄວາມພ້ອມແລ້ວ 100%. ພ້ອມນັ້ນ ກອງປະຊຸມຍັງໄດ້ຫາລື ແລະ ກໍານົດບັນດາກິດຈະກໍາປິ່ນອ້ອມຈໍານວນໜຶ່ງ ເປັນຕົ້ນກິດຈະກໍາວາງສະແດງສິນຄ້າ, ການປະກວດຫັດຖະກໍາຕໍ່າແຜ່ນ-ຫັດຖະກໍາປຸງແຕ່ງອາຫານພື້ນເມືອງ, ການແນະນຳສິນຄ້າທ່າແຮງທີ່ຜະລິດໄດ້ພາຍໃນແຂວງ, ການປະກວດສິລະປະ-ວັນນະຄະດີ ແລະ ອື່ນໆ.
ທ່ານ ເຫຼັກໄຫຼ ສີວິໄລ ໄດ້ມີຄໍາເຫັນຊີ້ນໍາໃຫ້ແຕ່ລະອະນຸກໍາມະການ ໃຫ້ກວດກາບັນດາໜ້າວຽກ ແລະ ປັບປຸງຄືນເນື້ອໃນບົດລາຍງານຈໍານວນໜຶ່ງ ທີ່ຈະລາຍງານໃນພິທີເປີດໃຫ້ສົມບູນ, ສັ້ນກະທັດຮັດ, ມີຄວາມໝາຍ ແລະ ສະແດງໃຫ້ເຫັນເຖິງຄວາມອຸດົມສົມບູນດ້ານຊັບພະຍາກອນທໍາມະຊາດ ໂດຍສະເພາະແມ່ນດ້ານສະຖານທີ່ແຫຼ່ງທ່ອງທ່ຽວທີ່ພົ້ນເດັ່ນພາຍໃນແຂວງ ແລະ ຄວາມພ້ອມດ້ານຕ່າງໆ ໃນການບໍລິການນັກທ່ອງທ່ຽວ ທີ່ເຂົ້າມາທ່ຽວຊົມແຂວງ.
ຂ່າວ-ພາບ: ສັນຍາ
