ກອງປະຊຸມແນະນໍາການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມເພື່ອການພັດທະນາສີຂຽວໃນ ສປປ ລາວ (ຫຼື GAMCIL);ໄດ້ຈັດຂຶ້ນໃນວັນທີ 8 ມັງກອນ ນີ້ ຢູ່ໂຮງແຮມຈຳປາສັກແກຣນ ນະຄອນປາກເຊ ແຂວງຈຳປາສັກ ໂດຍການເປັນປະທານຂອງທ່ານ ໂພສີ ແກ້ວມະນີວົງຮອງລັດຖະມົນຕີກະຊວງ ຖວທ,ທ່ານ ວັນນະໄຊ ຊາດຕະກຸນ ຫົວໜ້າພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງພ້ອມຄະນະ,ທ່ານ ສະຫວັນຄອນ ຣາຊມົນຕຣີປະທານສະມາຄົມນັກຂ່າວແຫ່ງ ສປປ ລາວ, ບັນດາທ່ານຫົວໜ້າກົມ, ຮອງຫົວໜ້າກົມ;ມີບັນດາທ່ານຫົວໜ້າຂະແໜງ,ຮອງຂະແໜງອ້ອມຂ້າງພະແນກ ຖວທແຂວງ,ຕາງໜ້າຈາກຫ້ອງການອົງການແຄນາໆຊາດປະຈຳ ສປປລາວ ເຂົ້າຮ່ວມ.
ທ່ານ ທອງຫຼໍ່ ດວງສະຫວັນກຳມະການຄະນະບໍລິຫານງານຄະນະສະມາຄົມນັກຂ່າວແຫ່ງ ສປປ ລາວ ຫົວໜ້າຄະນະບໍລິຫານ ແລະ ຈັດຕັ້ງປະຕິບັດໂຄງການ ຂຶ້ນນໍາສະເໜີກ່ຽວກັບ: ການສ້າງກົນໄກປະສານງານລະຫວ່າງສະມາຄົມນັກຂ່າວ ແຫ່ງ ສປປ ລາວ ກັບຄູ່ຮ່ວມງານຢູ່ຂັ້ນແຂວງ ແລະ ບັນດາສື່ອອນລາຍທີ່ຍັງບໍ່ທັນໄດ້ລົງທະບຽນ: ການສ້າງເວັບໄຊສະມາຄົມນັກຂ່າວລາວ ແລະ ການສ້າງຕຳລາການສິດສອນນັກຂ່າວ ແບບເຊິ່ງໜ້າ-ອອນລາຍແລະ ການສ້າງສະມາຄົມສື່ອອນລາຍລາວ (Lao Online Media Association (LOMA)ແລະ ທ່ານສະຫວັນຄອນ ຣາຊມົນຕຣີສະເໜີພາລະບົດບາດ ຂອງສະມາຄົມຕໍ່ກັບການຈັດຕັ້ງປະຕິບັດໂຄງການ GAMCIL.
ທ່ານ ໂພສີ ແກ້ວມະນີວົງ ໄດ້ມີຄຳເຫັນກ່າວເປີດກອງປະຊຸມວ່າ: ກອງປະຊຸມໂດຍມີເປົ້າໝາຍເພື່ອຊ່ວຍແນະນໍາບັນດາທ່ານຜູ້ຮັບຜິດຊອບ ແລະ ຜູ້ເຄື່ອນໄຫວວຽກງານສື່ມວນຊົນພາຍໃນນະຄອນຫຼວງວຽງຈັນ ໃຫ້ຮັບຊາບ ແລະ ເຂົ້າໃຈ ກ່ຽວກັບວິທີການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມ ເພື່ອການພັດທະນາສີຂຽວໃນ ສປປ ລາວ (ຫຼື GAMCIL). ຄືດັ່ງທີ່ພວກເຮົາຮູ້ນໍາກັນແລ້ວວ່າ ໂຄງການດັ່ງກ່າວແມ່ນໄດ້ເປີດໂຕຢ່າງເປັນທາງການ ພາຍຫຼັງທີ່ໄດ້ມີການລົງນາມບົດບັນທຶກຄວາມເຂົ້າໃຈ (MoU) ໃນວັນທີ 14 ກັນຍາ 2023 ຜ່ານມາ ລະຫວ່າງ ກະຊວງຖວທ ຊຶ່ງຕາງໜ້າໂດຍ ກົມສື່ມວນຊົນ ແລະ ອົງການແຄຣ ນານາຊາດ ປະຈຳ ສປປ ລາວ.
ຈຸດປະສົງຫຼັກຂອງໂຄງການນີ້ ກໍເພື່ອຊ່ວຍສະໜັບສະໜູນ ແລະ ສົ່ງເສີມໃຫ້ ບັນດາສື່ມວນຊົນຂອງລັດ ແລະ ສື່ພາກສັງຄົມທີ່ໄດ້ລົງທະບຽນຖືກຕ້ອງຕາມກົດໝາຍ ຢູ່ສປປ ລາວ ໃຫ້ໄດ້ຮັບການຍົກລະດັບທັກສະທາງດ້ານວິຊາຊີບ ກໍຄື ລະບຽບກົດໝາຍ, ຫຼັກນິຕິກຳ ແລະ ຫຼັກຈັນຍາບັນດ້ານສື່ມວນຊົນ, ລວມທັງວິທີການນໍາໃຊ້ເຕັກໂນໂລຊີສື່ ແບບດີຈີຕອນ ແລະ ສື່ແບບໃໝ່ ຢ່າງສ້າງສັນ ແລະ ເປັນປະໂຫຍດແລະ ທັງເພື່ອຊ່ວຍ ໃຫ້ປະຊາຊົນລາວບັນດາເຜົ່າ ໄດ້ຮັບຂໍ້ມູນຂ່າວສານທີ່ມີຄຸນນະພາບ ໂດຍຜ່ານການລາຍງານທີ່ມີຄວາມຮັບຜິດຊອບ ແລະ ຜ່ານສື່ທີ່ມີສີມືເປັນອາຊີບ ກ່ຽວກັບການພັດທະນາສີຂຽວ ແລະ ການປົກປັກຮັກສາສິ່ງແວດລ້ອມແບບຍືນຍົງພາຍໃນ ສປປ ລາວ. ໂຄງການນີ້ ແມ່ນໄດ້ຮັບການຕົກລົງເຫັນດີອະນຸມັດຈາກກະຊວງການຕ່າງປະເທດແຫ່ງ ສປປ ລາວແລະ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໂດຍໄດ້ມອບໃຫ້ ກົມສື່ມວນຊົນເປັນຜູ້ລົງເລີກຊີ້ນໍາໂດຍກົງ,ສະມາຄົມນັກຂ່າວແຫ່ງ ສປປ ລາວ ຈະເປັນຜູ້ ຈັດຕັ້ງປະຕິບັດຕົວຈິງ ຮ່ວມກັບ ອົງການແຄຣ ນານາຊາດ ປະຈຳ ສປປ ລາວ ໂດຍຈະສຸມ ໃສ່ພື້ນທີ່ເປົ້າໝາຍຢູ່ 3 ແຂວງ ໃນ ສປປ ລາວ ຄື: ນະຄອນຫຼວງວຽງຈັນ, ຫຼວງພະບາງ, ແລະ ຈຳປາສັກ, ພາຍໃຕ້ທຶນສະໜັບສະໜູນຈາກສະຫະພາບເອີຣົບ ເປັນໄລຍະເວລາ 4 ປີ ແຕ່ປີ 2023-2027.
ຈາກນັ້ນ, ທ່ານ ແສງດາວ ພອນມະນີ ພະນັກງານໂຄງການທີ່ປະຈຳຢູ່ອົງການແຄຣນານາຊາດປະຈຳ ສປປ ລາວ ຍັງໄດ້ນໍາສະເໜີ ໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງ ທາງສັງຄົມເພື່ອການພັດທະນາ ສີຂຽວໃນ ສປປ ລາວ ໂດຍຫຍໍ້; ແຜນຈັດຕັ້ງປະຕິບັດໂຄງການໃນແຕ່ລະໄລຍະ, (6 ເດືອນ, 1 ປີ), ແລະ ແຜນ ກິດຈະກຳ, ວັນເວລາ ແລະ ແຜນໂຄງຮ່າງການຈັດຕັ້ງປະຕິບັດໂຄງການ ທີ່ໄດ້ຮັບການສະໜັບສະໜູນທຶນຮອນຈາກສະຫະພາບເອີຣົບ ຈາກນີ້ບັນດາທ່ານທີ່ເຂົ້າຮ່ວມຍັງໄດ້ມີການປະກອບຄຳຄິດຄຳເຫັນຢ່າງກົງໄປກົງມາເພື່ອແນໃສ່ເຮັດໃຫ້ການປະຕິບັດໂຄງການນີ້ຢ່າງມີປະສິດທິຜົນສູງ.
ໂຄງການນີ້ຈະສ້າງປະສິດທິຜົນຫຼາຍໃຫ້ແກ່ການ ພັດທະນາສື່ມວນຊົນເຮົາໃນຂອບເຂດທົ່ວປະເທດ, ໂດຍບັນດານັກຂ່າວທີ່ຈະໄດ້ຮັບການ ຝຶກອົບຮົມຈາກໂຄງການນີ້ ຈະໄດ້ຍົກລະດັບຂອງຕົນເອງໃນການຜະລິດເນື້ອໃນຂ່າວເພື່ອສະໜອງໃຫ້ຜູ້ບໍລິໂພກ ຜ່ານຫຼາກຫຼາຍຊ່ອງທາງ ໄດ້ຢ່າງວ່ອງໄວ, ແຫຼມຄົມ, ທົ່ວເຖິງ, ແລະ ຖືກຕ້ອງຊັດເຈນ ແລະ ທັງໄດ້ຮັບຄວາມເຊື່ອຖື ແລະ ຄວາມນິຍົມຊົມຊອບຈາກສັງຄົມຢ່າງກວ້າງຂວາງກ່ວາເກົ່າ.
ຂ່າວ-ພາບ:ດາວພາຈັນ
ທ່ານ ທອງຫຼໍ່ ດວງສະຫວັນກຳມະການຄະນະບໍລິຫານງານຄະນະສະມາຄົມນັກຂ່າວແຫ່ງ ສປປ ລາວ ຫົວໜ້າຄະນະບໍລິຫານ ແລະ ຈັດຕັ້ງປະຕິບັດໂຄງການ ຂຶ້ນນໍາສະເໜີກ່ຽວກັບ: ການສ້າງກົນໄກປະສານງານລະຫວ່າງສະມາຄົມນັກຂ່າວ ແຫ່ງ ສປປ ລາວ ກັບຄູ່ຮ່ວມງານຢູ່ຂັ້ນແຂວງ ແລະ ບັນດາສື່ອອນລາຍທີ່ຍັງບໍ່ທັນໄດ້ລົງທະບຽນ: ການສ້າງເວັບໄຊສະມາຄົມນັກຂ່າວລາວ ແລະ ການສ້າງຕຳລາການສິດສອນນັກຂ່າວ ແບບເຊິ່ງໜ້າ-ອອນລາຍແລະ ການສ້າງສະມາຄົມສື່ອອນລາຍລາວ (Lao Online Media Association (LOMA)ແລະ ທ່ານສະຫວັນຄອນ ຣາຊມົນຕຣີສະເໜີພາລະບົດບາດ ຂອງສະມາຄົມຕໍ່ກັບການຈັດຕັ້ງປະຕິບັດໂຄງການ GAMCIL.
ທ່ານ ໂພສີ ແກ້ວມະນີວົງ ໄດ້ມີຄຳເຫັນກ່າວເປີດກອງປະຊຸມວ່າ: ກອງປະຊຸມໂດຍມີເປົ້າໝາຍເພື່ອຊ່ວຍແນະນໍາບັນດາທ່ານຜູ້ຮັບຜິດຊອບ ແລະ ຜູ້ເຄື່ອນໄຫວວຽກງານສື່ມວນຊົນພາຍໃນນະຄອນຫຼວງວຽງຈັນ ໃຫ້ຮັບຊາບ ແລະ ເຂົ້າໃຈ ກ່ຽວກັບວິທີການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມ ເພື່ອການພັດທະນາສີຂຽວໃນ ສປປ ລາວ (ຫຼື GAMCIL). ຄືດັ່ງທີ່ພວກເຮົາຮູ້ນໍາກັນແລ້ວວ່າ ໂຄງການດັ່ງກ່າວແມ່ນໄດ້ເປີດໂຕຢ່າງເປັນທາງການ ພາຍຫຼັງທີ່ໄດ້ມີການລົງນາມບົດບັນທຶກຄວາມເຂົ້າໃຈ (MoU) ໃນວັນທີ 14 ກັນຍາ 2023 ຜ່ານມາ ລະຫວ່າງ ກະຊວງຖວທ ຊຶ່ງຕາງໜ້າໂດຍ ກົມສື່ມວນຊົນ ແລະ ອົງການແຄຣ ນານາຊາດ ປະຈຳ ສປປ ລາວ.
ຈຸດປະສົງຫຼັກຂອງໂຄງການນີ້ ກໍເພື່ອຊ່ວຍສະໜັບສະໜູນ ແລະ ສົ່ງເສີມໃຫ້ ບັນດາສື່ມວນຊົນຂອງລັດ ແລະ ສື່ພາກສັງຄົມທີ່ໄດ້ລົງທະບຽນຖືກຕ້ອງຕາມກົດໝາຍ ຢູ່ສປປ ລາວ ໃຫ້ໄດ້ຮັບການຍົກລະດັບທັກສະທາງດ້ານວິຊາຊີບ ກໍຄື ລະບຽບກົດໝາຍ, ຫຼັກນິຕິກຳ ແລະ ຫຼັກຈັນຍາບັນດ້ານສື່ມວນຊົນ, ລວມທັງວິທີການນໍາໃຊ້ເຕັກໂນໂລຊີສື່ ແບບດີຈີຕອນ ແລະ ສື່ແບບໃໝ່ ຢ່າງສ້າງສັນ ແລະ ເປັນປະໂຫຍດແລະ ທັງເພື່ອຊ່ວຍ ໃຫ້ປະຊາຊົນລາວບັນດາເຜົ່າ ໄດ້ຮັບຂໍ້ມູນຂ່າວສານທີ່ມີຄຸນນະພາບ ໂດຍຜ່ານການລາຍງານທີ່ມີຄວາມຮັບຜິດຊອບ ແລະ ຜ່ານສື່ທີ່ມີສີມືເປັນອາຊີບ ກ່ຽວກັບການພັດທະນາສີຂຽວ ແລະ ການປົກປັກຮັກສາສິ່ງແວດລ້ອມແບບຍືນຍົງພາຍໃນ ສປປ ລາວ. ໂຄງການນີ້ ແມ່ນໄດ້ຮັບການຕົກລົງເຫັນດີອະນຸມັດຈາກກະຊວງການຕ່າງປະເທດແຫ່ງ ສປປ ລາວແລະ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໂດຍໄດ້ມອບໃຫ້ ກົມສື່ມວນຊົນເປັນຜູ້ລົງເລີກຊີ້ນໍາໂດຍກົງ,ສະມາຄົມນັກຂ່າວແຫ່ງ ສປປ ລາວ ຈະເປັນຜູ້ ຈັດຕັ້ງປະຕິບັດຕົວຈິງ ຮ່ວມກັບ ອົງການແຄຣ ນານາຊາດ ປະຈຳ ສປປ ລາວ ໂດຍຈະສຸມ ໃສ່ພື້ນທີ່ເປົ້າໝາຍຢູ່ 3 ແຂວງ ໃນ ສປປ ລາວ ຄື: ນະຄອນຫຼວງວຽງຈັນ, ຫຼວງພະບາງ, ແລະ ຈຳປາສັກ, ພາຍໃຕ້ທຶນສະໜັບສະໜູນຈາກສະຫະພາບເອີຣົບ ເປັນໄລຍະເວລາ 4 ປີ ແຕ່ປີ 2023-2027.
ຈາກນັ້ນ, ທ່ານ ແສງດາວ ພອນມະນີ ພະນັກງານໂຄງການທີ່ປະຈຳຢູ່ອົງການແຄຣນານາຊາດປະຈຳ ສປປ ລາວ ຍັງໄດ້ນໍາສະເໜີ ໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງ ທາງສັງຄົມເພື່ອການພັດທະນາ ສີຂຽວໃນ ສປປ ລາວ ໂດຍຫຍໍ້; ແຜນຈັດຕັ້ງປະຕິບັດໂຄງການໃນແຕ່ລະໄລຍະ, (6 ເດືອນ, 1 ປີ), ແລະ ແຜນ ກິດຈະກຳ, ວັນເວລາ ແລະ ແຜນໂຄງຮ່າງການຈັດຕັ້ງປະຕິບັດໂຄງການ ທີ່ໄດ້ຮັບການສະໜັບສະໜູນທຶນຮອນຈາກສະຫະພາບເອີຣົບ ຈາກນີ້ບັນດາທ່ານທີ່ເຂົ້າຮ່ວມຍັງໄດ້ມີການປະກອບຄຳຄິດຄຳເຫັນຢ່າງກົງໄປກົງມາເພື່ອແນໃສ່ເຮັດໃຫ້ການປະຕິບັດໂຄງການນີ້ຢ່າງມີປະສິດທິຜົນສູງ.
ໂຄງການນີ້ຈະສ້າງປະສິດທິຜົນຫຼາຍໃຫ້ແກ່ການ ພັດທະນາສື່ມວນຊົນເຮົາໃນຂອບເຂດທົ່ວປະເທດ, ໂດຍບັນດານັກຂ່າວທີ່ຈະໄດ້ຮັບການ ຝຶກອົບຮົມຈາກໂຄງການນີ້ ຈະໄດ້ຍົກລະດັບຂອງຕົນເອງໃນການຜະລິດເນື້ອໃນຂ່າວເພື່ອສະໜອງໃຫ້ຜູ້ບໍລິໂພກ ຜ່ານຫຼາກຫຼາຍຊ່ອງທາງ ໄດ້ຢ່າງວ່ອງໄວ, ແຫຼມຄົມ, ທົ່ວເຖິງ, ແລະ ຖືກຕ້ອງຊັດເຈນ ແລະ ທັງໄດ້ຮັບຄວາມເຊື່ອຖື ແລະ ຄວາມນິຍົມຊົມຊອບຈາກສັງຄົມຢ່າງກວ້າງຂວາງກ່ວາເກົ່າ.
ຂ່າວ-ພາບ:ດາວພາຈັນ
