ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ຕ້ອນຮັບ ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ພ້ອມດ້ວຍຄະນະ ໃນວັນທີ 9 ມັງກອນ ນີ້ ທີ່ຫ້ອງວ່າການແຂວງ, ໃນໂອກາດມາເຄື່ອນໄຫວວຽກງານທີ່ແຂວງຈຳປາສັກ.
ໃນໂອກາດນີ້, ທ່ານ ວິໄລວົງ ບຸດດາຄຳ ໄດ້ກ່າວສະແດງກ້ານຕ້ອນຮັບ ແລະ ຊົມເຊີຍທ່ານຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະ ທີ່ເອົາໃຈໃສ່ ຊຸກຍູ້ ຊີ້ນຳວຽກງານ ຖວທ ຢູ່ແຂວງຈຳປາສັກ, ພັດທະນາ ສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມເພື່ອການພັດທະນາສີຂຽວໃນ ສປປ ລາວ ກໍຄື ແຂວງຈຳປາສັກ. ພ້ອມກັນນັ້ນ, ທ່ານເຈົ້າແຂວງຈຳປາສັກ ໄດ້ຍົກໃຫ້ຮູ້ກ່ຽວກັບວຽກງານ ກະກຽມຈັດກິດຈະກຳປີທ່ອງທ່ຽວລາວ ປີ 2024, ພ້ອມທັງ ສະແດງຄວາມຂອບໃຈ ໄປຍັງ ຄະນະນຳ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທີ່ໄດ້ ຊີ້ນໍາຢ່າງໃກ້ຊິດ ໂດຍສະເພາະ ການຍາດແຍ່ງເອົາທຶນຊ່ວຍເຫຼືອຈາກຕ່າງປະເທດ ໂຄງການປັບປຸງເສັ້ນທາງ ແລະ ສິ່ງອໍານວຍຄວາມສະດວກດ້ານການທ່ອງທ່ຽວຢູ່ ບ້ານນາກະສັງ, ບ້ານດອນເດດ ແລະ ບ້ານດອນຄອນ ເມືອງໂຂງ; ບັນດາໂຄງການການຊ່ວຍເຫຼືອ ທາງດ້ານວັດທະນະທຳ,ການພັດທະນາພື້ນຖານການບໍລິການ ການທ່ອງທ່ຽວ ແລະ ການປັບປຸງ ການສ້າງຄວາມເຂັ້ມແຂງໃຫ້ແກ່ສື່ມວນຊົນ ຢູ່ແຂວງຈຳປາສັກ.
ທ່ານ ໂພສີ ແກ້ວມະນີວົງ ໄດ້ກ່າວຈຸດປະສົງຂອງການມາເຄື່ອນໄຫວວຽກງານ ເທື່ອນີ້ ເພື່ອ ແນະນໍາການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມເພື່ອການພັດທະນາສີຂຽວໃນ ສປປ ລາວ, ຈັດຂຶ້ນທີ່ ແຂວງຈຳປາສັກ ຊຶ່ງຈຸດປະສົງຫຼັກຂອງໂຄງການນີ້ ກໍແມ່ນເພື່ອຊ່ວຍສະໜັບສະໜູນ ແລະ ສົ່ງເສີມໃຫ້ ບັນດາສື່ມວນຊົນຂອງລັດ ແລະ ສື່ພາກສັງຄົມທີ່ໄດ້ລົງທະບຽນຖືກຕ້ອງຕາມກົດໝາຍ ຢູ່ສປປ ລາວ ໃຫ້ໄດ້ຮັບການຍົກລະດັບທັກສະທາງດ້ານວິຊາຊີບ ກໍຄື ລະບຽບກົດໝາຍ, ຫຼັກນິຕິກຳ ແລະ ຫຼັກຈັນຍາບັນດ້ານສື່ມວນຊົນ, ລວມທັງ ວິທີການນໍາໃຊ້ເຕັກໂນໂລຊີສື່ ແບບດີຈີຕອນ ແລະ ສື່ແບບໃໝ່ ຢ່າງສ້າງສັນ ໂດຍໄດ້ມອບໃຫ້ ກົມສື່ມວນຊົນເປັນຜູ້ລົງເລິກຊີ້ນໍາໂດຍກົງ, ສະມາຄົມນັກຂ່າວແຫ່ງ ສປປ ລາວ ຈະເປັນຜູ້ ຈັດຕັ້ງປະຕິບັດຕົວຈິງ ຮ່ວມກັບ ອົງການແຄຣ ນານາຊາດ ປະຈຳລາວ ໂດຍຈະສຸມ ໃສ່ພື້ນທີ່ເປົ້າໝາຍຢູ່ 3 ແຂວງ ໃນລາວ ຄື: ນະຄອນຫຼວງວຽງຈັນ, ແຂວງຫຼວງພະບາງ ແລະ ຈຳປາສັກ, ພາຍໃຕ້ທຶນສະໜັບສະໜູນຈາກສະຫະພາບເອີຣົບ ເປັນໄລຍະເວລາ 4 ປີ (2023-2027).
ຂ່າວ-ພາບ: ທັດຊະນະ
ໃນໂອກາດນີ້, ທ່ານ ວິໄລວົງ ບຸດດາຄຳ ໄດ້ກ່າວສະແດງກ້ານຕ້ອນຮັບ ແລະ ຊົມເຊີຍທ່ານຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະ ທີ່ເອົາໃຈໃສ່ ຊຸກຍູ້ ຊີ້ນຳວຽກງານ ຖວທ ຢູ່ແຂວງຈຳປາສັກ, ພັດທະນາ ສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມເພື່ອການພັດທະນາສີຂຽວໃນ ສປປ ລາວ ກໍຄື ແຂວງຈຳປາສັກ. ພ້ອມກັນນັ້ນ, ທ່ານເຈົ້າແຂວງຈຳປາສັກ ໄດ້ຍົກໃຫ້ຮູ້ກ່ຽວກັບວຽກງານ ກະກຽມຈັດກິດຈະກຳປີທ່ອງທ່ຽວລາວ ປີ 2024, ພ້ອມທັງ ສະແດງຄວາມຂອບໃຈ ໄປຍັງ ຄະນະນຳ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທີ່ໄດ້ ຊີ້ນໍາຢ່າງໃກ້ຊິດ ໂດຍສະເພາະ ການຍາດແຍ່ງເອົາທຶນຊ່ວຍເຫຼືອຈາກຕ່າງປະເທດ ໂຄງການປັບປຸງເສັ້ນທາງ ແລະ ສິ່ງອໍານວຍຄວາມສະດວກດ້ານການທ່ອງທ່ຽວຢູ່ ບ້ານນາກະສັງ, ບ້ານດອນເດດ ແລະ ບ້ານດອນຄອນ ເມືອງໂຂງ; ບັນດາໂຄງການການຊ່ວຍເຫຼືອ ທາງດ້ານວັດທະນະທຳ,ການພັດທະນາພື້ນຖານການບໍລິການ ການທ່ອງທ່ຽວ ແລະ ການປັບປຸງ ການສ້າງຄວາມເຂັ້ມແຂງໃຫ້ແກ່ສື່ມວນຊົນ ຢູ່ແຂວງຈຳປາສັກ.
ທ່ານ ໂພສີ ແກ້ວມະນີວົງ ໄດ້ກ່າວຈຸດປະສົງຂອງການມາເຄື່ອນໄຫວວຽກງານ ເທື່ອນີ້ ເພື່ອ ແນະນໍາການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມເພື່ອການພັດທະນາສີຂຽວໃນ ສປປ ລາວ, ຈັດຂຶ້ນທີ່ ແຂວງຈຳປາສັກ ຊຶ່ງຈຸດປະສົງຫຼັກຂອງໂຄງການນີ້ ກໍແມ່ນເພື່ອຊ່ວຍສະໜັບສະໜູນ ແລະ ສົ່ງເສີມໃຫ້ ບັນດາສື່ມວນຊົນຂອງລັດ ແລະ ສື່ພາກສັງຄົມທີ່ໄດ້ລົງທະບຽນຖືກຕ້ອງຕາມກົດໝາຍ ຢູ່ສປປ ລາວ ໃຫ້ໄດ້ຮັບການຍົກລະດັບທັກສະທາງດ້ານວິຊາຊີບ ກໍຄື ລະບຽບກົດໝາຍ, ຫຼັກນິຕິກຳ ແລະ ຫຼັກຈັນຍາບັນດ້ານສື່ມວນຊົນ, ລວມທັງ ວິທີການນໍາໃຊ້ເຕັກໂນໂລຊີສື່ ແບບດີຈີຕອນ ແລະ ສື່ແບບໃໝ່ ຢ່າງສ້າງສັນ ໂດຍໄດ້ມອບໃຫ້ ກົມສື່ມວນຊົນເປັນຜູ້ລົງເລິກຊີ້ນໍາໂດຍກົງ, ສະມາຄົມນັກຂ່າວແຫ່ງ ສປປ ລາວ ຈະເປັນຜູ້ ຈັດຕັ້ງປະຕິບັດຕົວຈິງ ຮ່ວມກັບ ອົງການແຄຣ ນານາຊາດ ປະຈຳລາວ ໂດຍຈະສຸມ ໃສ່ພື້ນທີ່ເປົ້າໝາຍຢູ່ 3 ແຂວງ ໃນລາວ ຄື: ນະຄອນຫຼວງວຽງຈັນ, ແຂວງຫຼວງພະບາງ ແລະ ຈຳປາສັກ, ພາຍໃຕ້ທຶນສະໜັບສະໜູນຈາກສະຫະພາບເອີຣົບ ເປັນໄລຍະເວລາ 4 ປີ (2023-2027).
ຂ່າວ-ພາບ: ທັດຊະນະ
