ໂດຍ: ວັນເພັງ
ຕະຫຼອດໄລຍະ 34 ປີຜ່ານມາ, ອົງການໄອຍະການປະຊາຊົນສູງສຸດ (ອອປສ) ໄດ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ. ມາຮອດປັດຈຸບັນ, ອົງການໄອຍະການປະຊາຊົນນັບແຕ່ສູນກາງຮອດທ້ອງຖິ່ນໄດ້ຮັບການພັດທະນາເຕີບໃຫຍ່ເຂັ້ມແຂງຢ່າງຮອບດ້ານ.
ໃນໂອກາດສະເຫຼີມສະຫຼອງວັນສ້າງຕັ້ງອົງການໄອຍະການປະຊາຊົນແຫ່ງສປປລາວຄົບຮອບ 34 ປີ (9 ມັງກອນ 1990 ຫາ 9 ມັງກອນ 2024)ການນຳອອປສພ້ອມດ້ວຍຄະນະໄດ້ວາງກະຕ່າດອກໄມ້ຢູ່ຕໍ່ໜ້າຮູບປັ້ນຫຼໍ່ອະນຸສອນສະຖານປະທານໄກສອນພົມວິຫານ(ຫຼັກ 6) ຊຶ່ງນຳໂດຍທ່ານໄຊຊະນະໂຄດພູທອນກໍາມະການສູນກາງພັກເລຂາຄະນະບໍລິຫານງານພັກຫົວໜ້າອົງການອອປສໃນວັນທີ 9 ມັງກອນນີ້, ສະຫາຍໄຊຊະນະໂຄດພູທອນໄດ້ໃຫ້ສຳພາດຕໍ່ສື່ມວນຊົນວ່າ: ຕະຫຼອດໄລຍະ 34 ປີຜ່ານມາ, ອອປສ ໄດ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ ໂດຍສະເພາະມາຮອດປັດຈຸບັນ, ອົງການໄອຍະການປະຊາຊົນນັບແຕ່ສູນກາງຮອດທ້ອງຖິ່ນໄດ້ຮັບການພັດທະນາຢ່າງຮອບດ້ານເປັນຕົ້ນດ້ານບຸກຄະລາກອນ, ການພັດທະນາພືື້ນຖານໂຄງລ່າງ, ວັດຖຸ, ເຕັກນິກ, ອຸປະກອນ ແລະ ເຄື່ອງຮັບໃຊ້ຕ່າງໆແມ່ນເປັນລະບົບຄົບຊຸດ. ນອກນີ້, ຍັງໄດ້ຍົກລະດັບດ້ານວິຊາການທັງພາຍໃນ ແລະ ຕ່າງປະເທດ ແລະ ອື່ນໆອີກ. ສະນັ້ນ, ໃນໂອກາດວັນທີ່ມີຄວາມໝາຍ-ຄວາມສຳຄັນດັ່ງກ່າວນີ້, ຫວັງເປັນຢ່າງຍິ່ງວ່າພະນັກງານ-ລັດຖະກອນທົ່ວລະບົບອົງການໄອຍະການປະຊາຊົນ ຈະສືບຕໍ່ເພີ່ມທະວີຄວາມເຂັ້ມແຂງໃນການປະຕິບັດໜ້າທີ່ ໃນການຕິດຕາມກວດກາ ແລະ ສັ່ງຟ້ອງຜູ້ຕ້ອງຫາຂຶ້ນສານ ທີ່ສໍາຄັນແມ່ນພ້ອມກັນຈັດຕັ້ງປະຕິບັດຄຳຂັວນ 3 ດີ, 4 ຮັບປະກັນຂອງອົງການໄອຍະການປະຊາຊົນວາງອອກໃຫ້ມີຄວາມໜັກແໜ້ນ, ເຂັ້ມແຂງ ແລະ ມີຜົນສັກສິດ.
ໃນໂອກາດວັນສ້າງຕັ້ງອົງການໄອຍະການປະຊາຊົນ, ທ່ານ ໄຊຊະນະໂຄດພູທອນຍັງໄດ້ຕາງໜ້າໃຫ້ ອອປສ ຂໍອວຍໄຊໃຫ້ພອນພະນັກງານ-ລັດຖະກອນທັງໝົດໃນລະບົບອົງການໄອຍະການປະຊາຊົນລວມທັງໄອຍະການການທະຫານໃນຂອບເຂດທົ່ວປະເທດຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ມີຜົນສໍາເລັດໃນໜ້າທີ່ວຽກງານອັນມີກຽດຂອງຕົນຕະຫຼອດໄປ.
ຕະຫຼອດໄລຍະ 34 ປີຜ່ານມາ, ອົງການໄອຍະການປະຊາຊົນສູງສຸດ (ອອປສ) ໄດ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ. ມາຮອດປັດຈຸບັນ, ອົງການໄອຍະການປະຊາຊົນນັບແຕ່ສູນກາງຮອດທ້ອງຖິ່ນໄດ້ຮັບການພັດທະນາເຕີບໃຫຍ່ເຂັ້ມແຂງຢ່າງຮອບດ້ານ.
ໃນໂອກາດສະເຫຼີມສະຫຼອງວັນສ້າງຕັ້ງອົງການໄອຍະການປະຊາຊົນແຫ່ງສປປລາວຄົບຮອບ 34 ປີ (9 ມັງກອນ 1990 ຫາ 9 ມັງກອນ 2024)ການນຳອອປສພ້ອມດ້ວຍຄະນະໄດ້ວາງກະຕ່າດອກໄມ້ຢູ່ຕໍ່ໜ້າຮູບປັ້ນຫຼໍ່ອະນຸສອນສະຖານປະທານໄກສອນພົມວິຫານ(ຫຼັກ 6) ຊຶ່ງນຳໂດຍທ່ານໄຊຊະນະໂຄດພູທອນກໍາມະການສູນກາງພັກເລຂາຄະນະບໍລິຫານງານພັກຫົວໜ້າອົງການອອປສໃນວັນທີ 9 ມັງກອນນີ້, ສະຫາຍໄຊຊະນະໂຄດພູທອນໄດ້ໃຫ້ສຳພາດຕໍ່ສື່ມວນຊົນວ່າ: ຕະຫຼອດໄລຍະ 34 ປີຜ່ານມາ, ອອປສ ໄດ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ ໂດຍສະເພາະມາຮອດປັດຈຸບັນ, ອົງການໄອຍະການປະຊາຊົນນັບແຕ່ສູນກາງຮອດທ້ອງຖິ່ນໄດ້ຮັບການພັດທະນາຢ່າງຮອບດ້ານເປັນຕົ້ນດ້ານບຸກຄະລາກອນ, ການພັດທະນາພືື້ນຖານໂຄງລ່າງ, ວັດຖຸ, ເຕັກນິກ, ອຸປະກອນ ແລະ ເຄື່ອງຮັບໃຊ້ຕ່າງໆແມ່ນເປັນລະບົບຄົບຊຸດ. ນອກນີ້, ຍັງໄດ້ຍົກລະດັບດ້ານວິຊາການທັງພາຍໃນ ແລະ ຕ່າງປະເທດ ແລະ ອື່ນໆອີກ. ສະນັ້ນ, ໃນໂອກາດວັນທີ່ມີຄວາມໝາຍ-ຄວາມສຳຄັນດັ່ງກ່າວນີ້, ຫວັງເປັນຢ່າງຍິ່ງວ່າພະນັກງານ-ລັດຖະກອນທົ່ວລະບົບອົງການໄອຍະການປະຊາຊົນ ຈະສືບຕໍ່ເພີ່ມທະວີຄວາມເຂັ້ມແຂງໃນການປະຕິບັດໜ້າທີ່ ໃນການຕິດຕາມກວດກາ ແລະ ສັ່ງຟ້ອງຜູ້ຕ້ອງຫາຂຶ້ນສານ ທີ່ສໍາຄັນແມ່ນພ້ອມກັນຈັດຕັ້ງປະຕິບັດຄຳຂັວນ 3 ດີ, 4 ຮັບປະກັນຂອງອົງການໄອຍະການປະຊາຊົນວາງອອກໃຫ້ມີຄວາມໜັກແໜ້ນ, ເຂັ້ມແຂງ ແລະ ມີຜົນສັກສິດ.
ໃນໂອກາດວັນສ້າງຕັ້ງອົງການໄອຍະການປະຊາຊົນ, ທ່ານ ໄຊຊະນະໂຄດພູທອນຍັງໄດ້ຕາງໜ້າໃຫ້ ອອປສ ຂໍອວຍໄຊໃຫ້ພອນພະນັກງານ-ລັດຖະກອນທັງໝົດໃນລະບົບອົງການໄອຍະການປະຊາຊົນລວມທັງໄອຍະການການທະຫານໃນຂອບເຂດທົ່ວປະເທດຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ມີຜົນສໍາເລັດໃນໜ້າທີ່ວຽກງານອັນມີກຽດຂອງຕົນຕະຫຼອດໄປ.
