ໂດຍ:ສຳນານ ພົມພັກດີ
ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ(20/1/1949-20/1/2024) ໄດ້ໝູນວຽນມາບັນຈົບຄົບຮອບອີກວາລະໜຶ່ງ ແລະ ເພື່ຶອເຮັດໃຫ້ບັນຍາກາດໃນການສະເຫຼີມສະຫຼອງວັນສຳຄັນດັ່ງກ່າວໃຫ້ເຕັມໄປດ້ວຍຄວາມໝາຍ ແລະ ຄວາມສຳຄັນ,ບັນດາກະຊວງ ແລະ ອົງການຈັດຕັ້ງຕ່າງໆກໍໄດ້ມີການຈັດຕັ້ງປາຖະກະຖາ,ຈັດການແຂ່ງຂັນກິລາ ແລະ ສະແດງສິລະປະວັນນະຄະດີໃຫ້ມີຄວາມເບີກບານມ່ວນຊື່ນລື້ນເລີງ ແລະ ທັງເປັນເປັນການຫວນຄືນເຖິງມູນເຊື້ອອັນພິລາດອາດຫານ ແລະ ຜົນງານອັນໃຫຍ່ຫຼວງຂອງກອງທັບປະຊາຊົນລາວຍາດມາໄດ້ ຕະຫຼອດໃນໄລຍະ 75 ປີຜ່ານມາ ໂດຍພາຍໃຕ້ການນຳພາ-ຊີ້ນຳຂອງພັກປະຊາຊົນ ປະຕິວັດລາວ,ໃນນັ້ນຊັ້ນຄົນຕ່າງໆກໍໄດ້ສະແດງຄວາມຮູ້ສຶກຂອງຕົນຕໍ່ວັນກສຳຄັນດັ່ງກ່າວ.
ທ່ານປັນມະນີ ນາມວົງຍົດ ອະດີດຫົວໜ້າໜ່ວຍງານບໍລິຫານການເງິນ ແລະ ສະຖິຕິແຜນການ,ພະນັກງານບຳນານຫ້ອງການສຶກສາທິການ ແລະ ກິລາເມືອງສີສັດຕະນາກນະຄອນຫຼວງວຽງຈັນໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນວ່າ:ຂ້າພະເຈົ້າແມ່ນມີຄວາມຮູ້ສຶກພາກພູມໃຈເປັນຢ່າງຍິ່ງທີ່ເຫັນກອງທັບປະຊາຊົນລາວພວກເຮົາຕະຫຼອດໄລຍະທີ່ໄດ້ຜ່ານຄວາມຫຍຸ້ງຍາກຢ່າງລະອິດລະອ້ຽວ ປະກອບສ່ວນຕໍ່ສູ້ຕ້ານຈັກກະພັດຜູ້ຮຸກຮານທັງແບບເກົ່າ ແລະ ແບບໃໝ່,ພາຍໃຕ້ການນຳພາອັນປີຊາສາມາດຂອງພັກປະຊາຊົນລາວໃນເມື່ອກ່ອນ ກໍຄືພັກປະຊາຊົນປະຕິວັດລາວໃນປັດຈຸບັນ ແລະ ມາຮອດປັດຈຸບັນກອງທັບປະຊາຊົນລາວພວກເຮົາແມ່ນມີຄວາມເຕີບໃຫຍ່ເຂັ້ມແຂງ ແລະ ຂະຫຍາຍຕົວຂຶ້ນຢ່າງບໍ່ຢຸດຢັ້ງ ແລະ ກອງທັບພວກເຮົາກໍໄດ້ຮັບການພັດທະນາທາງດ້ານຍຸດທະວິທີ ແລະ ມີອຸປະກອນຮັບໃຊ້ທີ່ທັນສະໄໝຂຶ້ນຢ່າງຕໍ່ເນື່ອງ, ບັນດານາຍ ແລະ ພົນທະຫານກໍໄດ້ຮັບການຍົກລະດັບຄວາມຮູ້ ຄວາມສາມາດ ບໍ່ວ່າຈະຢູ່ພາຍໃນ ແລະຕ່າງປະເທດ,ນອກຈາກນີ້ນາຍ ແລະ ພົນທະຫານ ກໍໄດ້ເອົາໃຈໃສ່ ໃນການປົກປັກຮັກສາ ແລະ ປະກອບສ່ວນໃນການສ້າງສາ ແລະ ພັດທະນາປະເທດຊາດໃຫ້ມີຄວາມຮຸ່ງເຮືອງສີວິໄລຂຶ້ນຢ່າງບໍ່ຢຸດຢັ້ງ ທັງເຮັດໃຫ້ປະຊາຊົນມີຄວາມຜາສຸກ ສະດວກສະບາຍໃນການທຳມາຫາກິນ ແລະ ທີ່ຜ່ານມາໃນເວລາເກີດມີໄພພິບັດທາງທຳມະຊາດຕ່າງໆເກີດຂຶ້ນ, ບັນດານາຍ ແລະ ພົນທະຫານກໍໄດ້ລົງໄປໃຫ້ການຊ່ວຍເຫຼືອປະຊາຊົນຢ່າງບໍ່ຮູ້ອິດຮູ້ເມື່ອຍ. ສະນັ້ນ,ສົມແລ້ວກັບຄຳຂວັນທີ່ວ່າ: “ທະຫານກັບປະຊາຊົນຄືປາກັບນ້ຳ”
ໃນໂອກາດນີ້ທ່ານປັນມະນີ ນາມວົງຍົດ ຍັງໄດ້ຖືເອົາໂອກາດນີ້ອວຍພອນໄຊອັນປະເສີດໃຫ້ແກ່ທ່ານຜູ້ນຳພັກ-ລັດ, ເວົ້າລວມ,ເວົ້າສະເພາະ ກໍຄືຄະນະພັກ,ຄະນະການນຳຂອງກະຊວງປ້ອງກັນປະເທດ ຕະຫຼອດນາຍ ແລະພົນທະຫານທຸກຖ້ວນໜ້າ ທົ່ວປະເທດຈົ່ງມີສຸຂະພາບເຂັ້ມແຂງ ມີພະລານາໄມທີ່ສົມບູນປາສະຈາກໂຣກໄພໄຂ້ເຈັບທຸກປະການ,ກອງທັບປະຊາຊົນລາວມີນໍ້າໃຈດຸໝັ່ນຂະຫຍັນພຽນໃນການເຮັດວຽກ ແລະ ເພີ່ມພູນຜະລິດຜົນ,ປະຢັດຫາລ້ຽງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.
ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ(20/1/1949-20/1/2024) ໄດ້ໝູນວຽນມາບັນຈົບຄົບຮອບອີກວາລະໜຶ່ງ ແລະ ເພື່ຶອເຮັດໃຫ້ບັນຍາກາດໃນການສະເຫຼີມສະຫຼອງວັນສຳຄັນດັ່ງກ່າວໃຫ້ເຕັມໄປດ້ວຍຄວາມໝາຍ ແລະ ຄວາມສຳຄັນ,ບັນດາກະຊວງ ແລະ ອົງການຈັດຕັ້ງຕ່າງໆກໍໄດ້ມີການຈັດຕັ້ງປາຖະກະຖາ,ຈັດການແຂ່ງຂັນກິລາ ແລະ ສະແດງສິລະປະວັນນະຄະດີໃຫ້ມີຄວາມເບີກບານມ່ວນຊື່ນລື້ນເລີງ ແລະ ທັງເປັນເປັນການຫວນຄືນເຖິງມູນເຊື້ອອັນພິລາດອາດຫານ ແລະ ຜົນງານອັນໃຫຍ່ຫຼວງຂອງກອງທັບປະຊາຊົນລາວຍາດມາໄດ້ ຕະຫຼອດໃນໄລຍະ 75 ປີຜ່ານມາ ໂດຍພາຍໃຕ້ການນຳພາ-ຊີ້ນຳຂອງພັກປະຊາຊົນ ປະຕິວັດລາວ,ໃນນັ້ນຊັ້ນຄົນຕ່າງໆກໍໄດ້ສະແດງຄວາມຮູ້ສຶກຂອງຕົນຕໍ່ວັນກສຳຄັນດັ່ງກ່າວ.
ທ່ານປັນມະນີ ນາມວົງຍົດ ອະດີດຫົວໜ້າໜ່ວຍງານບໍລິຫານການເງິນ ແລະ ສະຖິຕິແຜນການ,ພະນັກງານບຳນານຫ້ອງການສຶກສາທິການ ແລະ ກິລາເມືອງສີສັດຕະນາກນະຄອນຫຼວງວຽງຈັນໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນວ່າ:ຂ້າພະເຈົ້າແມ່ນມີຄວາມຮູ້ສຶກພາກພູມໃຈເປັນຢ່າງຍິ່ງທີ່ເຫັນກອງທັບປະຊາຊົນລາວພວກເຮົາຕະຫຼອດໄລຍະທີ່ໄດ້ຜ່ານຄວາມຫຍຸ້ງຍາກຢ່າງລະອິດລະອ້ຽວ ປະກອບສ່ວນຕໍ່ສູ້ຕ້ານຈັກກະພັດຜູ້ຮຸກຮານທັງແບບເກົ່າ ແລະ ແບບໃໝ່,ພາຍໃຕ້ການນຳພາອັນປີຊາສາມາດຂອງພັກປະຊາຊົນລາວໃນເມື່ອກ່ອນ ກໍຄືພັກປະຊາຊົນປະຕິວັດລາວໃນປັດຈຸບັນ ແລະ ມາຮອດປັດຈຸບັນກອງທັບປະຊາຊົນລາວພວກເຮົາແມ່ນມີຄວາມເຕີບໃຫຍ່ເຂັ້ມແຂງ ແລະ ຂະຫຍາຍຕົວຂຶ້ນຢ່າງບໍ່ຢຸດຢັ້ງ ແລະ ກອງທັບພວກເຮົາກໍໄດ້ຮັບການພັດທະນາທາງດ້ານຍຸດທະວິທີ ແລະ ມີອຸປະກອນຮັບໃຊ້ທີ່ທັນສະໄໝຂຶ້ນຢ່າງຕໍ່ເນື່ອງ, ບັນດານາຍ ແລະ ພົນທະຫານກໍໄດ້ຮັບການຍົກລະດັບຄວາມຮູ້ ຄວາມສາມາດ ບໍ່ວ່າຈະຢູ່ພາຍໃນ ແລະຕ່າງປະເທດ,ນອກຈາກນີ້ນາຍ ແລະ ພົນທະຫານ ກໍໄດ້ເອົາໃຈໃສ່ ໃນການປົກປັກຮັກສາ ແລະ ປະກອບສ່ວນໃນການສ້າງສາ ແລະ ພັດທະນາປະເທດຊາດໃຫ້ມີຄວາມຮຸ່ງເຮືອງສີວິໄລຂຶ້ນຢ່າງບໍ່ຢຸດຢັ້ງ ທັງເຮັດໃຫ້ປະຊາຊົນມີຄວາມຜາສຸກ ສະດວກສະບາຍໃນການທຳມາຫາກິນ ແລະ ທີ່ຜ່ານມາໃນເວລາເກີດມີໄພພິບັດທາງທຳມະຊາດຕ່າງໆເກີດຂຶ້ນ, ບັນດານາຍ ແລະ ພົນທະຫານກໍໄດ້ລົງໄປໃຫ້ການຊ່ວຍເຫຼືອປະຊາຊົນຢ່າງບໍ່ຮູ້ອິດຮູ້ເມື່ອຍ. ສະນັ້ນ,ສົມແລ້ວກັບຄຳຂວັນທີ່ວ່າ: “ທະຫານກັບປະຊາຊົນຄືປາກັບນ້ຳ”
ໃນໂອກາດນີ້ທ່ານປັນມະນີ ນາມວົງຍົດ ຍັງໄດ້ຖືເອົາໂອກາດນີ້ອວຍພອນໄຊອັນປະເສີດໃຫ້ແກ່ທ່ານຜູ້ນຳພັກ-ລັດ, ເວົ້າລວມ,ເວົ້າສະເພາະ ກໍຄືຄະນະພັກ,ຄະນະການນຳຂອງກະຊວງປ້ອງກັນປະເທດ ຕະຫຼອດນາຍ ແລະພົນທະຫານທຸກຖ້ວນໜ້າ ທົ່ວປະເທດຈົ່ງມີສຸຂະພາບເຂັ້ມແຂງ ມີພະລານາໄມທີ່ສົມບູນປາສະຈາກໂຣກໄພໄຂ້ເຈັບທຸກປະການ,ກອງທັບປະຊາຊົນລາວມີນໍ້າໃຈດຸໝັ່ນຂະຫຍັນພຽນໃນການເຮັດວຽກ ແລະ ເພີ່ມພູນຜະລິດຜົນ,ປະຢັດຫາລ້ຽງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.
