ຫ້ອງວ່າການສູນກາງພັກ(ຫສພ) ໄດ້ຈັດພິທີປາຖະກະຖາວັນສໍາຄັນຂອງພັກ-ຂອງຊາດ ຄື: ວັນເກີດຂອງປະທານຄໍາໄຕ ສີພັນດອນ ຄົບຮອບ 100ປີ,ວັນສ້າງຕັ້ງກອງທັບປະຊາຊົນລາວ ຄົບຮອບ 75ປີໃນວັນທີ 10 ມັງກອນນີ້ ທີ່ຫສພ, ໃຫ້ກຽດປາຖະກະຖາ ໂດຍ ທ່ານ ພົນຈັດຕະວາ ພອນໃຈ ພັນທະວົງ ຮອງປະທານສະຫະພັນນັກຮົບເກົ່າແຫ່ງຊາດລາວ, ເຂົ້າຮ່ວມຮັບຟັງ, ມີ ທ່ານ ມີໄຊ ພົມເຂ ຄະນະປະຈໍາພັກ ຮອງຫົວໜ້າຫ້ອງວ່າການສູນກາງພັກ, ຄະນະພັກ, ຫົວໜ້າກົມ-ຮອງກົມ, ສະມາຊິກພັກ,ພະນັກງານ-ລັດຖະກອນເຂົ້າຮ່ວມ.
ໃນພິທີ, ທ່ານ ພົນຈັດຕະວາ ພອນໃຈ ພັນທະວົງໄດ້ຫວນຄືນວັນເກີດຂອງປະທານຄໍາໄຕ ສີພັນດອນ ຄົບຮອບ 100ປີ, ຍົກໃຫ້ເຫັນຊີວິດເຍົາໄວ ແລະ ຈຸດເລີ່ມຕົ້ນ ການເຄື່ອນໄຫວປະຕິວັດ ຂອງປະທານຄໍາໄຕ ສີພັນດອນ, ການເຄື່ອນໄຫວປະຕິວັດ, ຕັ້ງໜ້າຄົ້ນຄວ້າຮຽນຮູ້ ແລະ ເສີມຂະຫຍາຍຄຸນງາມຄວາມດີ ຂອງປະທານຄໍາໄຕ ສີພັນດອນ ເຂົ້າໃນການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີXIຂອງພັກ. ປະທານ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ໃນຄອບຄົວຊາວນາ, ທີ່ດຸໝັ່ນຂະຫຍັນພຽນ ຢູ່ບ້ານຫົວໂຂງພະໃຫຍ່ເມືອງໂຂງແຂວງສີທັນດອນ (ແຂວງຈຳປະສັກ ໃນປັດຈຸບັນ) ເປັນບຸດຂອງ ພໍ່ນີ ນິລາໄຊ ແລະ ແມ່ສາຍບົວ ນິລາໄຊ, ມີເອື້ອຍນ້ອງຮ່ວມກັນ 6 ຄົນ, ເປັນຄອບຄົວ ທີ່ມີມູນເຊື້ອການຕໍ່ສູ້ຕ້ານພວກລ່າເມືອງຂຶ້ນແບບເກົ່າ ແລະ ສັກດີນາທ້ອງຖິ່ນ ແລະ ຜົນງານການເຄື່ອນໄຫວວຽກງານດີເດັ່ນອື່ນໆ.
ຈາກນັ້ນ, ຍັງໄດ້ເລົ່າປະຫວັດການກໍາເນີດ ຂອງກອງທັບປະຊາຊົນລາວ, ຜົນງານໄຊຊະນະ, ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວແຕ່ລະໄລຍະ, ທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບປະຊາຊົນລາວ, ສືບຕໍ່ເສີມຂະຫຍາຍທາດແທ້ ແລະ ມູນເຊື້ອອັນສະຫງ່າງາມຂອງກອງທັບ ຊຶ່ງທ່ານ ກ່າວວ່າ: ຊາດລາວ ແມ່ນຊາດໜຶ່ງ ທີ່ມີປະຫວັດສາດອັນຍາວນານນັບຫຼາຍພັນປີ, ປະຊາຊົນລາວບັນດາເຜົ່າມີນໍ້າໃຈຮັກຊາດອັນດູດດື່ມ, ມີຄວາມສາມັກຄີເປັນປຶກແຜ່ນ, ມີຄວາມດຸໝັ່ນຂະຫຍັນພຽນ ແລະ ມູນເຊື້ອພະລະອາດຫານຕໍ່ສູ້ບໍ່ຍອມຈໍານົນສັດຕູ ເພື່ອປົກປັກຮັກສາຄວາມເປັນເອກະລາດ ແລະ ອິດສະຫຼະພາບແຫ່ງຊາດໄວ້ໃຫ້ໝັ້ນຄົງ. ກອງທັບປະຊາຊົນລາວ ສ້າງຕັ້ງ 20 ມັງກອນ1949ຢູ່ເຂດທີ່ໝັ້ນຖໍ້າແມ ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວພັນ. ທ່ານ ໄກສອນ ພົມວິຫານ ໄດ້ປະກາດສ້າງຕັ້ງ “ກອງລາດຊະວົງ” ຂຶ້ນຢ່າງເປັນທາງການ, ນັບຕັງແຕ່ນັ້ນມາ ວັນດັ່ງກ່າວ ຈຶ່ງກາຍເປັນວັນປະຫວັດສາດແຫ່ງການສ້າງຕັ້ງກອງທັບປະຊາຊົນລາວ. ທາດແທ້ ແລະ ມູນເຊື້ອອັນສະຫງ່າອົງອາດ ຂອງກອງທັບປະຊາຊົນລາວ, ທາດແທ້ຂອງຊົນຊັນກໍາມະກອນ, ທາດແທ້ປະຕິວັດ, ທາດແທ້ປະຊາຊົນ ຍ້ອນກອງທັບປະຊາຊົນລາວ ແມ່ນກໍາເນີດມາຈາກປະຊາຊົນ, ໂດຍປະຊາຊົນ ຕໍ່ສູ້ເພື່ອຄວາມສົມບູນພູນສຸກ ຂອງປະຊາຊົນລາວບັນດາເຜົ່າ. ມູນເຊື້ອອັນສະຫງ່າຂອງກອງທັບປະຊາຊົນລາວ ແມ່ນມູນເຊື້ອຈົງຮັກພັກດີຕໍ່ພັກ,ຕໍ່ປະຊາຊົນ,ຕໍ່ອຸດົມການສັງຄົມນິຍົມ, ມູນເຊື້ອນໍ້າໃຈຕໍ່ສູ້ພິລະອາດຫານ,ກ້າແກ່ນ,ໜຽວແໜ້ນ ແລະ ມີໄຫວພິບ, ມູນເຊື້ອນໍ້າໃຈດຸໝັ່ນຂະຫຍັນພຽນ,ອອກແຮງງານເພີ່ມພູນຜະລິດຜົນ ແລະ ປະຢັດມັດທະຍັດ, ມູນເຊື້ອ ຢຶດໝັ້ນການພົວພັນ, ສາມັກຄີແບບກາຍອິນຊີອັນແໜ້ນແຟ້ນ ກັບປະຊາຊົນບັນດາເຜົ່າ, ມູນເຊື້ອພົວພັນຮ່ວມມືພາຍໃນ ແລະ ສາກົນຢ່າງກົມກຽວ ບົນພື້ນຖານຕ່າງຝ່າຍມີຜົນປະໂຫຍດ; ກອງທັບປະຊາຊົນ ເວລາໃດກໍຮັກສາມູນເຊື້ອອັນດີງາມ, ພາຍໃນມີປະຊາທິປະໄຕ ແລະ ມີລະບຽບວິໄນເຂັ້ມງວດ ແລະ ວຽກງານອື່ນໆ. ໂດຍປະຕິບັດຕາມການຊີ້ນຳ ຂອງສູນກາງພັກ, ໜ້າທີ່ຕົ້ນຕໍ ຂອງກອງທັບ ແມ່ນປົກປັກຮັກສາໝາກຜົນຂອງການປະຕິວັດ, ຮັກສາສັນຕິພາບ, ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງສປປ ລາວ.
ຈຸດປະສົງຂອງການປາຖະກະຖາ, ເພື່ອໃຫ້ສະມາຊິກພັກ,ພະນັກງານຫຼັກແຫຼ່ງ, ພະນັກງານ-ລັດຖະກອນ ຂອງ ຫສພ ໄດ້ຮັບຮູ້, ກໍາແໜ້ນ ວັນສໍາຄັນຂອງພັກ-ຂອງຊາດ, ຮໍ່າຮຽນເອົາແບບຢ່າງອັນດີເດັ່ນ, ຄວາມອົດທົນ, ຄວາມສາມັກຄີເປັນປຶກແຜ່ນຂອງການນໍາຮຸ່ນກ່ອນນໍາມາໝູນໃຊ້ເຂົ້າໃນຕົວຈິງໃນການປະຕິບັດໜ້າທີ່ວຽກງານ.
(ຂ່າວ-ພາບ: ແສງຈັນ)
ໃນພິທີ, ທ່ານ ພົນຈັດຕະວາ ພອນໃຈ ພັນທະວົງໄດ້ຫວນຄືນວັນເກີດຂອງປະທານຄໍາໄຕ ສີພັນດອນ ຄົບຮອບ 100ປີ, ຍົກໃຫ້ເຫັນຊີວິດເຍົາໄວ ແລະ ຈຸດເລີ່ມຕົ້ນ ການເຄື່ອນໄຫວປະຕິວັດ ຂອງປະທານຄໍາໄຕ ສີພັນດອນ, ການເຄື່ອນໄຫວປະຕິວັດ, ຕັ້ງໜ້າຄົ້ນຄວ້າຮຽນຮູ້ ແລະ ເສີມຂະຫຍາຍຄຸນງາມຄວາມດີ ຂອງປະທານຄໍາໄຕ ສີພັນດອນ ເຂົ້າໃນການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີXIຂອງພັກ. ປະທານ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ໃນຄອບຄົວຊາວນາ, ທີ່ດຸໝັ່ນຂະຫຍັນພຽນ ຢູ່ບ້ານຫົວໂຂງພະໃຫຍ່ເມືອງໂຂງແຂວງສີທັນດອນ (ແຂວງຈຳປະສັກ ໃນປັດຈຸບັນ) ເປັນບຸດຂອງ ພໍ່ນີ ນິລາໄຊ ແລະ ແມ່ສາຍບົວ ນິລາໄຊ, ມີເອື້ອຍນ້ອງຮ່ວມກັນ 6 ຄົນ, ເປັນຄອບຄົວ ທີ່ມີມູນເຊື້ອການຕໍ່ສູ້ຕ້ານພວກລ່າເມືອງຂຶ້ນແບບເກົ່າ ແລະ ສັກດີນາທ້ອງຖິ່ນ ແລະ ຜົນງານການເຄື່ອນໄຫວວຽກງານດີເດັ່ນອື່ນໆ.
ຈາກນັ້ນ, ຍັງໄດ້ເລົ່າປະຫວັດການກໍາເນີດ ຂອງກອງທັບປະຊາຊົນລາວ, ຜົນງານໄຊຊະນະ, ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວແຕ່ລະໄລຍະ, ທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບປະຊາຊົນລາວ, ສືບຕໍ່ເສີມຂະຫຍາຍທາດແທ້ ແລະ ມູນເຊື້ອອັນສະຫງ່າງາມຂອງກອງທັບ ຊຶ່ງທ່ານ ກ່າວວ່າ: ຊາດລາວ ແມ່ນຊາດໜຶ່ງ ທີ່ມີປະຫວັດສາດອັນຍາວນານນັບຫຼາຍພັນປີ, ປະຊາຊົນລາວບັນດາເຜົ່າມີນໍ້າໃຈຮັກຊາດອັນດູດດື່ມ, ມີຄວາມສາມັກຄີເປັນປຶກແຜ່ນ, ມີຄວາມດຸໝັ່ນຂະຫຍັນພຽນ ແລະ ມູນເຊື້ອພະລະອາດຫານຕໍ່ສູ້ບໍ່ຍອມຈໍານົນສັດຕູ ເພື່ອປົກປັກຮັກສາຄວາມເປັນເອກະລາດ ແລະ ອິດສະຫຼະພາບແຫ່ງຊາດໄວ້ໃຫ້ໝັ້ນຄົງ. ກອງທັບປະຊາຊົນລາວ ສ້າງຕັ້ງ 20 ມັງກອນ1949ຢູ່ເຂດທີ່ໝັ້ນຖໍ້າແມ ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວພັນ. ທ່ານ ໄກສອນ ພົມວິຫານ ໄດ້ປະກາດສ້າງຕັ້ງ “ກອງລາດຊະວົງ” ຂຶ້ນຢ່າງເປັນທາງການ, ນັບຕັງແຕ່ນັ້ນມາ ວັນດັ່ງກ່າວ ຈຶ່ງກາຍເປັນວັນປະຫວັດສາດແຫ່ງການສ້າງຕັ້ງກອງທັບປະຊາຊົນລາວ. ທາດແທ້ ແລະ ມູນເຊື້ອອັນສະຫງ່າອົງອາດ ຂອງກອງທັບປະຊາຊົນລາວ, ທາດແທ້ຂອງຊົນຊັນກໍາມະກອນ, ທາດແທ້ປະຕິວັດ, ທາດແທ້ປະຊາຊົນ ຍ້ອນກອງທັບປະຊາຊົນລາວ ແມ່ນກໍາເນີດມາຈາກປະຊາຊົນ, ໂດຍປະຊາຊົນ ຕໍ່ສູ້ເພື່ອຄວາມສົມບູນພູນສຸກ ຂອງປະຊາຊົນລາວບັນດາເຜົ່າ. ມູນເຊື້ອອັນສະຫງ່າຂອງກອງທັບປະຊາຊົນລາວ ແມ່ນມູນເຊື້ອຈົງຮັກພັກດີຕໍ່ພັກ,ຕໍ່ປະຊາຊົນ,ຕໍ່ອຸດົມການສັງຄົມນິຍົມ, ມູນເຊື້ອນໍ້າໃຈຕໍ່ສູ້ພິລະອາດຫານ,ກ້າແກ່ນ,ໜຽວແໜ້ນ ແລະ ມີໄຫວພິບ, ມູນເຊື້ອນໍ້າໃຈດຸໝັ່ນຂະຫຍັນພຽນ,ອອກແຮງງານເພີ່ມພູນຜະລິດຜົນ ແລະ ປະຢັດມັດທະຍັດ, ມູນເຊື້ອ ຢຶດໝັ້ນການພົວພັນ, ສາມັກຄີແບບກາຍອິນຊີອັນແໜ້ນແຟ້ນ ກັບປະຊາຊົນບັນດາເຜົ່າ, ມູນເຊື້ອພົວພັນຮ່ວມມືພາຍໃນ ແລະ ສາກົນຢ່າງກົມກຽວ ບົນພື້ນຖານຕ່າງຝ່າຍມີຜົນປະໂຫຍດ; ກອງທັບປະຊາຊົນ ເວລາໃດກໍຮັກສາມູນເຊື້ອອັນດີງາມ, ພາຍໃນມີປະຊາທິປະໄຕ ແລະ ມີລະບຽບວິໄນເຂັ້ມງວດ ແລະ ວຽກງານອື່ນໆ. ໂດຍປະຕິບັດຕາມການຊີ້ນຳ ຂອງສູນກາງພັກ, ໜ້າທີ່ຕົ້ນຕໍ ຂອງກອງທັບ ແມ່ນປົກປັກຮັກສາໝາກຜົນຂອງການປະຕິວັດ, ຮັກສາສັນຕິພາບ, ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງສປປ ລາວ.
ຈຸດປະສົງຂອງການປາຖະກະຖາ, ເພື່ອໃຫ້ສະມາຊິກພັກ,ພະນັກງານຫຼັກແຫຼ່ງ, ພະນັກງານ-ລັດຖະກອນ ຂອງ ຫສພ ໄດ້ຮັບຮູ້, ກໍາແໜ້ນ ວັນສໍາຄັນຂອງພັກ-ຂອງຊາດ, ຮໍ່າຮຽນເອົາແບບຢ່າງອັນດີເດັ່ນ, ຄວາມອົດທົນ, ຄວາມສາມັກຄີເປັນປຶກແຜ່ນຂອງການນໍາຮຸ່ນກ່ອນນໍາມາໝູນໃຊ້ເຂົ້າໃນຕົວຈິງໃນການປະຕິບັດໜ້າທີ່ວຽກງານ.
(ຂ່າວ-ພາບ: ແສງຈັນ)
