ໃນວັນທີ 10 ມັງກອນ ນີ້ ທີ່ໂຮງຮຽນທະຫານຊາຍແດນ 712, ເມືອງທ່າພະບາດ ແຂວງບໍລິຄໍາໄຊ ໄດ້ມີພິທີ ມອບ-ຮັບ ຫຼັກໝາຍຊາຍແດນຈໍາລອງຂຶ້ນ ລະຫວ່າງ ກະຊວງການຕ່າງປະເທດ ແລະ ກະຊວງປ້ອງກັນປະເທດ ໂດຍການເຂົ້າຮ່ວມຂອງ ທ່ານ ໂພໄຊ ໄຂຄໍາພິທູນ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ພົນຕີ ສີດາລໍ່ ຈົ່ງເຕັງເຈ້ຍຊ້າ ຮອງຫົວໜ້າກົມໃຫຍ່ເສນາທິການກອງທັບ ກະຊວງປ້ອງກັນປະເທດ ໂດຍມີຜູ້ຕາງໜ້າຈາກພາກສ່ວນທີ່ກ່ຽວຂ້ອງຂອງກະຊວງການຕ່າງປະເທດ, ກະຊວງປ້ອງກັນປະເທດ ແລະ ຜູ້ຕາງໜ້າຂອງແຂວງບໍລິຄໍາໄຊ ເຂົ້າຮ່ວມໃນພິທີດັ່ງກ່າວ.
ການກໍ່ສ້າງຫຼັກໝາຍຊາຍແດນຈໍາລອງດັ່ງກ່າວ ແມ່ນເພື່ອນໍາໃຊ້ເຂົ້າໃນການຮຽນ-ການສອນ ກ່ຽວກັບວຽກງານຄຸ້ມຄອງຊາຍແດນ ໃນພາກທິດສະດີ ແລະ ພາກປະຕິບັດຕົວຈິງ ໃຫ້ແກ່ບັນດານາຍທະຫານ, ນັກຮົບທີ່ມາຮຽນຢູ່ໂຮງຮຽນທະຫານຊາຍແດນ ນອກຈາກນັ້ນ ກໍຍັງເປັນການເຜີຍແຜ່ໃຫ້ຜູ້ທີ່ມີຄວາມສົນໃຈຢູ່ໃນສັງຄົມເຫັນໄດ້ຫຼັກໝາຍຊາຍແດນຈໍາລອງ ທີ່ມີຂະໜາດ ແລະ ຮູບແບບຄື ແລະ ເທົ່າກັບຫຼັກໝາຍຊາຍແດນຢູ່ພື້ນທີ່ຕົວຈິງ. ການກໍ່ສ້າງນີ້ໄດ້ກໍ່ສ້າງຫຼັກໝາຍຊາຍແດນຈໍາລອງຂອງ 5 ປະເທດ ທີ່ມີຊາຍແດນຮ່ວມກັບ ສປປ ລາວ (ສສ ຫວຽດນາມ, ສປ ຈີນ, ຣາຊາອະນາຈັກກໍາປູເຈຍ, ມຽນມາ ແລະ ຣາຊາອະນາຈັກໄທ) ຊຶ່ງຫຼັກໝາຍດັ່ງກ່າວຫຼໍ່ດ້ວຍເບຕົງເສີມເຫຼັກ-ທາສີ ພ້ອມດ້ວຍຕິດເຄື່ອງໝາຍກາຊາດ, ຕົວໜັງສື ແລະ ສັນຍາລັກຕ່າງໆໃສ່ຕາມແບບສະເພາະຂອງແຕ່ລະຫຼັກ
ໝາຍຊາຍແດນຂອງ ສປປ ລາວ ກັບບັນດາປະເທດ ທີ່ມີຊາຍແດນຕິດຈອດລວມຈໍານວນຫຼັກໝາຍຈໍາລອງທີ່ກໍ່ສ້າງທັງໝົດ 11 ຫຼັກໝາຍ.
ໃນພິທີດັ່ງກ່າວ ທ່ານ ໂພໄຊ ໄຂຄໍາພິທູນ ໄດ້ຕາງໜ້າໃຫ້ການນໍາກະຊວງການຕ່າງປະເທດມອບຫຼັກໝາຍຈໍານວນດັ່ງກ່າວໃຫ້ຜູ້ຕາງໜ້າຈາກກົມໃຫຍ່ເສນາທິການກອງທັບ, ກະຊວງປ້ອງກັນປະເທດ ແລະ ໄດ້ມອບຕໍ່ໃຫ້ໂຮງຮຽນທະຫານຊາຍແດນ 712 ໂດຍມີຜູ້ຕາງໜ້າຈາກກົມກ່ຽວຂ້ອງຂອງສອງກະຊວງ ແລະ ຕາງໜ້າຂອງແຂວງບໍລິຄໍາໄຊ ເຂົ້າຮ່ວມເປັນສັກຂີພິຍານ.
ໃນໂອກາດດຽວກັນ ການນໍາຂອງກະຊວງການຕ່າງປະເທດ, ກະຊວງປ້ອງກັນປະເທດ, ຜູ້ຕາງໜ້າຂອງແຂວງບໍລິຄໍາໄຊ ແລະ ຜູ້ເຂົ້າຮ່ວມພິທີກໍໄດ້ເຄື່ອນໄຫວຢ້ຽມຢາມໂຮງຮຽນດັ່ງກ່າວ.
ຂ່າວ-ພາບ: ກະຊວງການຕ່າງປະເທດ
ການກໍ່ສ້າງຫຼັກໝາຍຊາຍແດນຈໍາລອງດັ່ງກ່າວ ແມ່ນເພື່ອນໍາໃຊ້ເຂົ້າໃນການຮຽນ-ການສອນ ກ່ຽວກັບວຽກງານຄຸ້ມຄອງຊາຍແດນ ໃນພາກທິດສະດີ ແລະ ພາກປະຕິບັດຕົວຈິງ ໃຫ້ແກ່ບັນດານາຍທະຫານ, ນັກຮົບທີ່ມາຮຽນຢູ່ໂຮງຮຽນທະຫານຊາຍແດນ ນອກຈາກນັ້ນ ກໍຍັງເປັນການເຜີຍແຜ່ໃຫ້ຜູ້ທີ່ມີຄວາມສົນໃຈຢູ່ໃນສັງຄົມເຫັນໄດ້ຫຼັກໝາຍຊາຍແດນຈໍາລອງ ທີ່ມີຂະໜາດ ແລະ ຮູບແບບຄື ແລະ ເທົ່າກັບຫຼັກໝາຍຊາຍແດນຢູ່ພື້ນທີ່ຕົວຈິງ. ການກໍ່ສ້າງນີ້ໄດ້ກໍ່ສ້າງຫຼັກໝາຍຊາຍແດນຈໍາລອງຂອງ 5 ປະເທດ ທີ່ມີຊາຍແດນຮ່ວມກັບ ສປປ ລາວ (ສສ ຫວຽດນາມ, ສປ ຈີນ, ຣາຊາອະນາຈັກກໍາປູເຈຍ, ມຽນມາ ແລະ ຣາຊາອະນາຈັກໄທ) ຊຶ່ງຫຼັກໝາຍດັ່ງກ່າວຫຼໍ່ດ້ວຍເບຕົງເສີມເຫຼັກ-ທາສີ ພ້ອມດ້ວຍຕິດເຄື່ອງໝາຍກາຊາດ, ຕົວໜັງສື ແລະ ສັນຍາລັກຕ່າງໆໃສ່ຕາມແບບສະເພາະຂອງແຕ່ລະຫຼັກ
ໝາຍຊາຍແດນຂອງ ສປປ ລາວ ກັບບັນດາປະເທດ ທີ່ມີຊາຍແດນຕິດຈອດລວມຈໍານວນຫຼັກໝາຍຈໍາລອງທີ່ກໍ່ສ້າງທັງໝົດ 11 ຫຼັກໝາຍ.
ໃນພິທີດັ່ງກ່າວ ທ່ານ ໂພໄຊ ໄຂຄໍາພິທູນ ໄດ້ຕາງໜ້າໃຫ້ການນໍາກະຊວງການຕ່າງປະເທດມອບຫຼັກໝາຍຈໍານວນດັ່ງກ່າວໃຫ້ຜູ້ຕາງໜ້າຈາກກົມໃຫຍ່ເສນາທິການກອງທັບ, ກະຊວງປ້ອງກັນປະເທດ ແລະ ໄດ້ມອບຕໍ່ໃຫ້ໂຮງຮຽນທະຫານຊາຍແດນ 712 ໂດຍມີຜູ້ຕາງໜ້າຈາກກົມກ່ຽວຂ້ອງຂອງສອງກະຊວງ ແລະ ຕາງໜ້າຂອງແຂວງບໍລິຄໍາໄຊ ເຂົ້າຮ່ວມເປັນສັກຂີພິຍານ.
ໃນໂອກາດດຽວກັນ ການນໍາຂອງກະຊວງການຕ່າງປະເທດ, ກະຊວງປ້ອງກັນປະເທດ, ຜູ້ຕາງໜ້າຂອງແຂວງບໍລິຄໍາໄຊ ແລະ ຜູ້ເຂົ້າຮ່ວມພິທີກໍໄດ້ເຄື່ອນໄຫວຢ້ຽມຢາມໂຮງຮຽນດັ່ງກ່າວ.
ຂ່າວ-ພາບ: ກະຊວງການຕ່າງປະເທດ
