ຈາກຂໍ້ມູນທີ່ເຜີຍແຜ່ໃນວັນທີ 10 ມັງກອນ ຜ່ານມາ ໂດຍສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ/Lao PDR Trade Portal ໄດ້ໃຫ້ຮູ້ວ່າ: ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນ 11 ປີ 2023 ບັນລຸໄດ້ ປະມານ 1.085 ລ້ານໂດລາ ຊຶ່ງໃນນີ້ສິນຄ້າສົ່ງອອກທັງໝົດ ປະມານ 389.5 ລ້ານໂດລາ ແລະ ສິນຄ້ານຳເຂົ້າທັງໝົດ ປະມານ 696 ລ້ານໂດ ຊຶ່ງຂໍ້ມູນນີ້ໄດ້ສະແດງໃຫ້ເຫັນວ່າໃນເດືອນດັ່ງກ່າວນີ້ ສປປ ລາວ ຂາດດຸນການຄ້າຢູ່ປະມານ 306,5 ລ້ານໂດລາ. ຂໍ້ມູນໂຕເລກມູນຄ່າການຄ້ານີ້ ຍັງບໍ່ທັນໄດ້ລວມມູນຄ່າການນຳເຂົ້າ ແລະ ສົ່ງອອກ ໄຟຟ້າ.
ເມື່ອເບິ່ງຄືນຂໍ້ມູນການຄ້າຜ່ານມາ, ເຫັນວ່າໃນເດືອນພະຈິກ 2023 ສປປ ລາວ ສືບຕໍ່ຂາດດຸນການຄ້າເປັນເດືອນທີ 8 ຕິດຕໍ່ກັນ ຊຶ່ງກ່ອນໜ້ານີ້ ມູນຄ່າສົ່ງອອກ ແລະ ນໍາເຂົ້າໃນເດືອນທໍາອິດຂອງປີ 2023 ເລີ່ມຕົ້ນໃນການສືບຕໍ່ຂາດດຸນຈາກເດືອນ 12 ປີ 2022 ກ່ອນຈະເກີນດຸນການຄ້າໃນເດືອນ ກຸມພາ ແລະ ມີນາ ດ້ວຍມູນຄ່າລວມ 48 ລ້ານໂດລາ; ແຕ່ເລີ່ມຕົ້ນຈາກເດືອນເມສາເປັນຕົ້ນມາ, ສປປ ລາວ ຂາດດຸນການຄ້າມາເປັນເດືອນທີ 8 ຕິດຕໍ່ກັນ ດ້ວຍໂຕເລກຂາດດຸ່ນໂດຍລວມທີ່ປະມານ 1.232,5 ລ້ານໂດລາ ແລະ ຖ້າລວມທັງໝົດທີ່ຂາດດຸນການຄ້າໃນເດືອນມັງກອນມາເຂົ້າໃສ່ ແມ່ນມາຮອດເດືອນພະຈິກ 2023 ສປປ ລາວ ຂາດດຸນການຄ້າ 9 ເດືອນຢູ່ປະມານ 1.245,5 ລ້ານໂດລາ.
ສະເພາະເດືອນພະຈິກ 2023, ປະເທດສົ່ງອອກຕົ້ນຕໍ 5 ອັນດັບຂອງ ສປປ ລາວ ໄດ້ແກ່: ຈີນ ປະມານ 168,3 ລ້ານໂດລາ, ຫວຽດນາມ 86,4 ລ້ານໂດລາ, ໄທ 43,8 ລ້ານໂດລາ, ອົສຕຣາລີ 28 ລ້ານໂດລາ ແລະ ສະວິດເຊີແລນ ປະມານ 10 ລ້ານໂດລາ. ໃນນີ້, ສິນຄ້າສົ່ງອອກຫຼັກ 10 ອັນດັບ ປະກອບມີ: ຄໍາປະສົມ, ຄຳແທ່ງ 47,1 ລ້ານໂດລາ, ຢາງພາລາ 44,8 ລ້ານໂດລາ,ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 37,4 ລ້ານໂດລາ,ແຮ່ທອງ 31,2 ລ້ານໂດລາ,ເຄື່ອງນຸ່ງຫົ່ມ 20,3 ລ້ານໂດລາ,ເຄື່ອງດື່ມ (ນໍ້າ, ນໍ້າອັດລົມ,ຊູກໍາລັງ...) 16,6 ລ້ານໂດລາ,ໝາກກ້ວຍ 14,4 ລ້ານໂດລາ,ເຍື່ອໄມ້ ແລະ ເສດເຈ້ຍ 14,1 ລ້ານໂດລາ,ນໍ້າຕານ 13,8 ລ້ານໂດລາ ແລະ ແປ້ງມັນຕົ້ນ ປະມານ 12 ລ້ານໂດລາ.
ຂະນະດຽວກັນ, ປະເທດນໍາເຂົ້າຕົ້ນຕໍ 5 ອັນດັບ ຂອງ ສປປ ລາວ ໄດ້ແກ່: ໄທ ປະມານ 277,3 ລ້ານໂດລາ, ຈີນ 280 ລ້ານໂດລາ, ຫວຽດນາມ 26,5 ລ້ານໂດລາ, ສະຫະລັດອາເມຣິກາ 22,1 ລ້ານໂດລາ ແລະ ຍີ່ປຸ່ນ ປະມານ 12,3 ລ້ານໂດລາ. ໃນນີ້, ສິນຄ້ານໍາເຂົ້າ 10 ອັນດັບ ປະກອບມີ: ນໍ້າມັນກາຊວນ ປະມານ 83,6 ລ້ານໂດລາ,ອຸປະກອນກົນຈັກ 77,3 ລ້ານໂດລາ,ພາຫະນະທາງບົກ 54,5 ລ້ານໂດລາ,ເຫຼັກ ແລະ ເຄື່ອງທີ່ເຮັດດ້ວຍເຫຼັກ-ເຫຼັກກ້າ 39,7 ລ້ານໂດລາ,ເຄື່ອງໄຟຟ້າ ແລະ ອຸປະກອນໄຟຟ້າ 34,6 ລ້ານໂດລາ,ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້...) 24,9 ລ້ານໂດລາ,ເຍື່ອໄມ້ ແລະ ເສດເຈ້ຍ 22,2 ລ້ານໂດລາ,ນໍ້າມັນແອັດຊັງ 21,8 ລ້ານໂດລາ,ເຄື່ອງໃຊ້ທີ່ເຮັດດ້ວຍພລາສຕິກ 20,9 ລ້ານໂດລາ ແລະ ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ...) ປະມານ 14 ລ້ານໂດລາ.
(ຂ່າວ:ສຸກສະຫວັນ)
ເມື່ອເບິ່ງຄືນຂໍ້ມູນການຄ້າຜ່ານມາ, ເຫັນວ່າໃນເດືອນພະຈິກ 2023 ສປປ ລາວ ສືບຕໍ່ຂາດດຸນການຄ້າເປັນເດືອນທີ 8 ຕິດຕໍ່ກັນ ຊຶ່ງກ່ອນໜ້ານີ້ ມູນຄ່າສົ່ງອອກ ແລະ ນໍາເຂົ້າໃນເດືອນທໍາອິດຂອງປີ 2023 ເລີ່ມຕົ້ນໃນການສືບຕໍ່ຂາດດຸນຈາກເດືອນ 12 ປີ 2022 ກ່ອນຈະເກີນດຸນການຄ້າໃນເດືອນ ກຸມພາ ແລະ ມີນາ ດ້ວຍມູນຄ່າລວມ 48 ລ້ານໂດລາ; ແຕ່ເລີ່ມຕົ້ນຈາກເດືອນເມສາເປັນຕົ້ນມາ, ສປປ ລາວ ຂາດດຸນການຄ້າມາເປັນເດືອນທີ 8 ຕິດຕໍ່ກັນ ດ້ວຍໂຕເລກຂາດດຸ່ນໂດຍລວມທີ່ປະມານ 1.232,5 ລ້ານໂດລາ ແລະ ຖ້າລວມທັງໝົດທີ່ຂາດດຸນການຄ້າໃນເດືອນມັງກອນມາເຂົ້າໃສ່ ແມ່ນມາຮອດເດືອນພະຈິກ 2023 ສປປ ລາວ ຂາດດຸນການຄ້າ 9 ເດືອນຢູ່ປະມານ 1.245,5 ລ້ານໂດລາ.
ສະເພາະເດືອນພະຈິກ 2023, ປະເທດສົ່ງອອກຕົ້ນຕໍ 5 ອັນດັບຂອງ ສປປ ລາວ ໄດ້ແກ່: ຈີນ ປະມານ 168,3 ລ້ານໂດລາ, ຫວຽດນາມ 86,4 ລ້ານໂດລາ, ໄທ 43,8 ລ້ານໂດລາ, ອົສຕຣາລີ 28 ລ້ານໂດລາ ແລະ ສະວິດເຊີແລນ ປະມານ 10 ລ້ານໂດລາ. ໃນນີ້, ສິນຄ້າສົ່ງອອກຫຼັກ 10 ອັນດັບ ປະກອບມີ: ຄໍາປະສົມ, ຄຳແທ່ງ 47,1 ລ້ານໂດລາ, ຢາງພາລາ 44,8 ລ້ານໂດລາ,ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 37,4 ລ້ານໂດລາ,ແຮ່ທອງ 31,2 ລ້ານໂດລາ,ເຄື່ອງນຸ່ງຫົ່ມ 20,3 ລ້ານໂດລາ,ເຄື່ອງດື່ມ (ນໍ້າ, ນໍ້າອັດລົມ,ຊູກໍາລັງ...) 16,6 ລ້ານໂດລາ,ໝາກກ້ວຍ 14,4 ລ້ານໂດລາ,ເຍື່ອໄມ້ ແລະ ເສດເຈ້ຍ 14,1 ລ້ານໂດລາ,ນໍ້າຕານ 13,8 ລ້ານໂດລາ ແລະ ແປ້ງມັນຕົ້ນ ປະມານ 12 ລ້ານໂດລາ.
ຂະນະດຽວກັນ, ປະເທດນໍາເຂົ້າຕົ້ນຕໍ 5 ອັນດັບ ຂອງ ສປປ ລາວ ໄດ້ແກ່: ໄທ ປະມານ 277,3 ລ້ານໂດລາ, ຈີນ 280 ລ້ານໂດລາ, ຫວຽດນາມ 26,5 ລ້ານໂດລາ, ສະຫະລັດອາເມຣິກາ 22,1 ລ້ານໂດລາ ແລະ ຍີ່ປຸ່ນ ປະມານ 12,3 ລ້ານໂດລາ. ໃນນີ້, ສິນຄ້ານໍາເຂົ້າ 10 ອັນດັບ ປະກອບມີ: ນໍ້າມັນກາຊວນ ປະມານ 83,6 ລ້ານໂດລາ,ອຸປະກອນກົນຈັກ 77,3 ລ້ານໂດລາ,ພາຫະນະທາງບົກ 54,5 ລ້ານໂດລາ,ເຫຼັກ ແລະ ເຄື່ອງທີ່ເຮັດດ້ວຍເຫຼັກ-ເຫຼັກກ້າ 39,7 ລ້ານໂດລາ,ເຄື່ອງໄຟຟ້າ ແລະ ອຸປະກອນໄຟຟ້າ 34,6 ລ້ານໂດລາ,ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້...) 24,9 ລ້ານໂດລາ,ເຍື່ອໄມ້ ແລະ ເສດເຈ້ຍ 22,2 ລ້ານໂດລາ,ນໍ້າມັນແອັດຊັງ 21,8 ລ້ານໂດລາ,ເຄື່ອງໃຊ້ທີ່ເຮັດດ້ວຍພລາສຕິກ 20,9 ລ້ານໂດລາ ແລະ ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ...) ປະມານ 14 ລ້ານໂດລາ.
(ຂ່າວ:ສຸກສະຫວັນ)
