ເມືອງຫົງສາແຂວງໄຊຍະບູລີໄດ້ຈັດພິທີ ປາຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ 75 ປີແລະວັນເກີດຂອງປະທານຄຳໄຕສີພັນດອນຄົບຮອບ 100 ປີຂຶ້ນເມື່ອວັນທີ 10 ມັງກອນ ນີ້ທີ່ເມືອງຫົງສາໃຫ້ກຽດເຂົ້າຮ່ວມເປັນປະທານ ແລະ ປາຖະກະຖາຂອງທ່ານ ຄຳຫຼ້າ ຜິວວັນນາ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງຫົງສາ, ມີຄະນະປະຈຳພັກເມືອງ, ກຳມະການພັກເມືອງ, ມີຫົວໜ້າ-ຮອງຫົວໜ້າຫ້ອງການແລະພາກສ່ວນກ່ຽວຂ້ອງເຂົ້າຮ່ວມຮັບຟັງ.
ທ່ານ ຄຳຫຼ້າ ຜິວວັນນາ ໄດ້ເລົ່າຄືນປະຫວັດສາດການກຳເນີດຂອງກອງທັບປະຊາຊົນລາວ ໂດຍສະເພາະ ສະພາບແວດລ້ອມ ກ່ອນການສ້າງຕັ້ງ, ຄວາມໝາຍຄວາມສຳຄັນ, ຜົນງານໄຊຊະນະ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ໃນໄລຍະຕໍ່ສູ້ກູ້ຊາດ ລວມທັງໄລຍະປະຕິບັດພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່ ໂດຍພາຍໃຕ້ການນຳພາອັນປີຊາສາມາດ ແລະ ສະຫລາດສ່ອງໃສຂອງພັກປະຊາຊົນປະຕິວັດລາວ.
ທ່ານເຈົ້າເມືອງຫົງສາໄດ້ຍົກໃຫ້ເຫັນປະຫວັດມູນເຊື້ອອັນສະຫງ່າງາມຂອງກອງທັບປະຊາຊົນລາວ, ໂດຍສະເພາະທາດແທ້, ມູນເຊື້ອຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນ, ຕໍ່ອຸດົມການສັງຄົມນິຍົມ, ນໍ້າໃຈຕໍ່ສູ້ພິລະອາດຫານ, ເສຍສະຫຼະ, ກ້າແກ່ນ, ໜຽວແໜ້ນ, ມີໄຫວພິບ, ມີຄວາມດຸໝັ່ນຂະຫຍັນພຽນ, ມີນໍ້າໃຈປະຢັດມັດທະຍັດ, ມີຄວາມສາມັກຄີ ແລະ ມີລະບຽບວິໄນທີ່ເຂັ້ມງວດ. ດັ່ງນັ້ນ, ຜ່ານພຶດຕິກໍາຕົວຈິງ ຈາກການຕໍ່ສູ້ກູ້ຊາດຍືດເຍື້ອຍາວນານ ໄດ້ຢັ້ງຢືນຢ່າງຈະແຈ້ງວ່າ: ກອງທັບປະຊາຊົນລາວ ແມ່ນມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນ ພາຍໃຕ້ການນຳພາເດັດຂາດ ແລະ ຮອບດ້ານຂອງພັກປະຊາຊົນປະຕິວັດລາວ.
ຈາກນັ້ນ, ທ່ານ ຄຳຫຼ້າ ຜີວວັນນາ ໄດ້ສືບຕໍ່ປາຖະກະຖາ ລະນຶກວັນເກີດຂອງ ປະທານ ຄໍາໄຕ ສີພັນດອນ ໂດຍໄດ້ຍົກໃຫ້ເຫັນເຖິງບົດບາດອັນສຳຄັນຂອງປະທານ ຄໍາໄຕ ສີພັນດອນ ໃນການຊີ້ນໍາ-ນໍາພາ ປະຕິບັດ 2 ໜ້າທີ່ຍຸດທະສາດ ແລະ ພາລະກິດປ່ຽນແປງໃໝ່ຂອງພັກ, ການເຄື່ອນໄຫວຂອງເພິ່ນ ພາຍຫຼັງອອກພັກຜ່ອນ ຮັບບໍານານ ນັບແຕ່ປີ 2006 ເປັນຕົ້ນມາ ຊຶ່ງເພິ່ນໄດ້ສືບຕໍ່ອຸທິດຕົນ ເພື່ອສືບຕໍ່ສ້າງພັກໃຫ້ເຂັ້ມແຂງ ແລະ ມີຄວາມສາມາດປະຕິບັດພາລະກຳປະຫວັດສາດ ສ້າງລະບອບສັງຄົມນິຍົມໃຫ້ເປັນຈິງ ເທື່ອລະກ້າວ ແລະ ເພິ່ນຢາກນໍາພາຈັດຕັ້ງປະຕິບັດແນວທາງຂອງພັກ ໃຫ້ໄດ້ຮັບຜົນ ເພື່ອບັນລຸເປົ້າໝາຍທີ່ວ່າ ປະເທດຊາດ ມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມສາມັກຄີປອງດອງ ມີປະຊາ ທິປະໄຕ, ຍຸຕິທໍາ ແລະ ສີວິໄລ.
ກ່ອນພິທີປາຖະກະຖາ, ຄະນະພັກ-ຄະນະນຳ ແລະ ກ້ອນກຳລັງເຍົາວະຊົນ-ຊາວໜຸ່ມ ເມືອງຫົງສາ ແຂວງໄຊຍະບູລີ ໄດ້ເຂົ້າວາງພວງມາລາ ຢູ່ອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ ຢູ່ຕໍ່ໜ້າຮູບປັ້ນປະທານ ໄກສອນ ພົມວິຫານ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ. ເພື່ອສະແດງຄວາມເຄົາລົບຮັກ, ຮູ້ບຸນຄຸນ ແລະ ລະນຶກເຖິງຄຸນງາມ ຄວາມດີຂອງບັນດາສະຫາຍ, ພະນັກງານ ແລະ ນັກຮົບທີ່ເສຍສະຫຼະຊີວິດ ເພື່ອປະເທດຊາດ, ເພື່ອຄວາມເປັນເອກະລາດແຫ່ງຊາດ ແລະ ເພື່ອຄວາມຢູ່ດີກິນດີຂອງປະຊາຊົນລາວບັນດາເຜົ່າ ແລະ ລະນຶກເຖິງປະທານ ໄກສອນ ພົມວິຫານ ຜູ້ນຳທີ່ດີເດັ່ນ ແລະ ເຄົາລົບຮັກຂອງພັກ-ລັດ ແລະ ປວງຊົນລາວທັງຊາດ, ຜູ້ກໍ່ຕັ້ງ, ສຶກສາອົບຮົມ, ຝຶກຝົນຫຼໍ່ຫຼອມ ແລະ ຖະນຸບຳລຸງກອງທັບປະຊາຊົນລາວຕະຫຼອດມາ.
ຂ່າວ-ພາບ: ກິດຕິສັກ ບົວໄລ
ທ່ານ ຄຳຫຼ້າ ຜິວວັນນາ ໄດ້ເລົ່າຄືນປະຫວັດສາດການກຳເນີດຂອງກອງທັບປະຊາຊົນລາວ ໂດຍສະເພາະ ສະພາບແວດລ້ອມ ກ່ອນການສ້າງຕັ້ງ, ຄວາມໝາຍຄວາມສຳຄັນ, ຜົນງານໄຊຊະນະ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ໃນໄລຍະຕໍ່ສູ້ກູ້ຊາດ ລວມທັງໄລຍະປະຕິບັດພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່ ໂດຍພາຍໃຕ້ການນຳພາອັນປີຊາສາມາດ ແລະ ສະຫລາດສ່ອງໃສຂອງພັກປະຊາຊົນປະຕິວັດລາວ.
ທ່ານເຈົ້າເມືອງຫົງສາໄດ້ຍົກໃຫ້ເຫັນປະຫວັດມູນເຊື້ອອັນສະຫງ່າງາມຂອງກອງທັບປະຊາຊົນລາວ, ໂດຍສະເພາະທາດແທ້, ມູນເຊື້ອຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນ, ຕໍ່ອຸດົມການສັງຄົມນິຍົມ, ນໍ້າໃຈຕໍ່ສູ້ພິລະອາດຫານ, ເສຍສະຫຼະ, ກ້າແກ່ນ, ໜຽວແໜ້ນ, ມີໄຫວພິບ, ມີຄວາມດຸໝັ່ນຂະຫຍັນພຽນ, ມີນໍ້າໃຈປະຢັດມັດທະຍັດ, ມີຄວາມສາມັກຄີ ແລະ ມີລະບຽບວິໄນທີ່ເຂັ້ມງວດ. ດັ່ງນັ້ນ, ຜ່ານພຶດຕິກໍາຕົວຈິງ ຈາກການຕໍ່ສູ້ກູ້ຊາດຍືດເຍື້ອຍາວນານ ໄດ້ຢັ້ງຢືນຢ່າງຈະແຈ້ງວ່າ: ກອງທັບປະຊາຊົນລາວ ແມ່ນມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນ ພາຍໃຕ້ການນຳພາເດັດຂາດ ແລະ ຮອບດ້ານຂອງພັກປະຊາຊົນປະຕິວັດລາວ.
ຈາກນັ້ນ, ທ່ານ ຄຳຫຼ້າ ຜີວວັນນາ ໄດ້ສືບຕໍ່ປາຖະກະຖາ ລະນຶກວັນເກີດຂອງ ປະທານ ຄໍາໄຕ ສີພັນດອນ ໂດຍໄດ້ຍົກໃຫ້ເຫັນເຖິງບົດບາດອັນສຳຄັນຂອງປະທານ ຄໍາໄຕ ສີພັນດອນ ໃນການຊີ້ນໍາ-ນໍາພາ ປະຕິບັດ 2 ໜ້າທີ່ຍຸດທະສາດ ແລະ ພາລະກິດປ່ຽນແປງໃໝ່ຂອງພັກ, ການເຄື່ອນໄຫວຂອງເພິ່ນ ພາຍຫຼັງອອກພັກຜ່ອນ ຮັບບໍານານ ນັບແຕ່ປີ 2006 ເປັນຕົ້ນມາ ຊຶ່ງເພິ່ນໄດ້ສືບຕໍ່ອຸທິດຕົນ ເພື່ອສືບຕໍ່ສ້າງພັກໃຫ້ເຂັ້ມແຂງ ແລະ ມີຄວາມສາມາດປະຕິບັດພາລະກຳປະຫວັດສາດ ສ້າງລະບອບສັງຄົມນິຍົມໃຫ້ເປັນຈິງ ເທື່ອລະກ້າວ ແລະ ເພິ່ນຢາກນໍາພາຈັດຕັ້ງປະຕິບັດແນວທາງຂອງພັກ ໃຫ້ໄດ້ຮັບຜົນ ເພື່ອບັນລຸເປົ້າໝາຍທີ່ວ່າ ປະເທດຊາດ ມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມສາມັກຄີປອງດອງ ມີປະຊາ ທິປະໄຕ, ຍຸຕິທໍາ ແລະ ສີວິໄລ.
ກ່ອນພິທີປາຖະກະຖາ, ຄະນະພັກ-ຄະນະນຳ ແລະ ກ້ອນກຳລັງເຍົາວະຊົນ-ຊາວໜຸ່ມ ເມືອງຫົງສາ ແຂວງໄຊຍະບູລີ ໄດ້ເຂົ້າວາງພວງມາລາ ຢູ່ອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ ຢູ່ຕໍ່ໜ້າຮູບປັ້ນປະທານ ໄກສອນ ພົມວິຫານ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ. ເພື່ອສະແດງຄວາມເຄົາລົບຮັກ, ຮູ້ບຸນຄຸນ ແລະ ລະນຶກເຖິງຄຸນງາມ ຄວາມດີຂອງບັນດາສະຫາຍ, ພະນັກງານ ແລະ ນັກຮົບທີ່ເສຍສະຫຼະຊີວິດ ເພື່ອປະເທດຊາດ, ເພື່ອຄວາມເປັນເອກະລາດແຫ່ງຊາດ ແລະ ເພື່ອຄວາມຢູ່ດີກິນດີຂອງປະຊາຊົນລາວບັນດາເຜົ່າ ແລະ ລະນຶກເຖິງປະທານ ໄກສອນ ພົມວິຫານ ຜູ້ນຳທີ່ດີເດັ່ນ ແລະ ເຄົາລົບຮັກຂອງພັກ-ລັດ ແລະ ປວງຊົນລາວທັງຊາດ, ຜູ້ກໍ່ຕັ້ງ, ສຶກສາອົບຮົມ, ຝຶກຝົນຫຼໍ່ຫຼອມ ແລະ ຖະນຸບຳລຸງກອງທັບປະຊາຊົນລາວຕະຫຼອດມາ.
ຂ່າວ-ພາບ: ກິດຕິສັກ ບົວໄລ
