ພິທີພົບປະແລກປານບົດຮຽນ ລະຫວ່າງຄະນະຄູ-ອາຈານ ແລະ ນັກສຶກສາ ຈາກໂຮງຮຽນການເມືອງ ແລະ ການປົກຄອງແຂວງຄຳມ່ວນ-ໂຮງຮຽນການເມືອງແລະການປົກຄອງແຂວງບໍລິຄຳໄຊ ຈັດຂຶ້ນໃນວັນທີ 10 ມັງກອນ ນີ້ ທີ່ແຂວງຄຳມ່ວນ ໂດຍມີທ່ານ ແກ້ວວັນໄຊ ສຸກແສນທອງ ຫົວໜ້າໂຮງຮຽນການເມືອງ ແລະ ການປົກຄອງແຂວງຄຳມ່ວນ, ທ່ານ ສົມນຶກ ລອງອ່ອນ ຮອງຫົວໜ້າໂຮງຮຽນການເມືອງ ແລະ ການປົກຄອງແຂວງບໍລິຄຳໄຊ, ມີຄະນະ ຄູ-ອາຈານ ແລະ ນັກສຶກສາທັງສອງໂຮງຮຽນເຂົ້າຮ່ວມ.
ໂອກາດນີ້, ທ່ານ ແກ້ວວັນໄຊ ສຸກແສນທອງ ໄດ້ລາຍງານສະພາບລວມ ແລະ ການຈັດຕັ້ງປະຕິບັດການຮຽນ-ການສອນ ຂອງໂຮງຮຽນການເມືອງ ແລະ ການປົກຄອງແຂວງຄຳມ່ວນຊຶ່ງໄດ້ປະຕິບັດຕາມທິດຊີ້ນຳ ແລະ ໂຄງການຫຼັກສູດ ຈາກສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ເຮັດໜ້າທີ່ໃນການຝຶກອົບຮົມ ເພື່ອຍົກລະດັບທາງດ້ານທິດສະດີການເມືອງໃຫ້ພະນັກງານຫຼັກແຫຼ່ງ, ພະນັກງານນຳພາຄຸ້ມຄອງຂັ້ນແຂວງ, ກຳລັງປະກອບອາວຸດຂັ້ນແຂວງ ແລະ ຂັ້ນເມືອງ.
ນັບແຕ່ສ້າງຕັ້ງມາຮອດປັດຈຸບັນ ແມ່ນໄດ້ສ້າງບຸກຄະລາກອນຈົບທິດສະດີການເມືອງ ແລະ ການປົກຄອງ ຊັ້ນກາງ ໄດ້ 15 ຊຸດ, ຈຳນວນນັກສຶກສາຮຽນຈົບທັງໝົດ 930 ທ່ານ, ຊັ້ນຕົ້ນໄດ້ 12 ຊຸດ ມີນັກສຶກສາຮຽນຈົບ 656 ທ່ານ ແລະ ຝຶກອົບຮົມທິດສະດີການເມືອງ ໄລຍະສັ້ນ 45 ວັນ ໄດ້ 9 ຊຸດ ມີຈຳນວນ 499 ທ່ານ, ຫຼັກສູດຝຶກອົບຮົມໂຄງການ 10 ວັນ ສຳລັບເລຂາພັກບ້ານ-ນາຍບ້ານ ໄດ້ເມືອງລະ 1 ຊຸດ ສຳເລັດ 10 ຕົວເມືອງ ມີຈຳນວນ 894 ທ່ານ.
ນັບແຕ່ປີ 2023 ໂດຍປະຕິບັດຕາມໂຄງການຫຼັກສູດໃໝ່ ທີ່ ສມປຊ ວາງອອກ ເຊັ່ນ: ຫຼັກສູດຂັ້ນຕົ້ນ 3 ເດືອນ ປະຕິບັດໄດ້ 1 ຊຸດ, ມີນັກສຶກສາຮຽນຈົບ 59 ທ່ານ, ຫຼັກສູດຂັ້ນກາງ 6 ເດືອນ ໄດ້ 1 ຊຸດ, ມີນັກສຶກສາຮຽນຈົບ 60 ທ່ານ, ຝຶກອົບຮົມທິດສະດີການເມືອງໄລຍະ 45 ວັນ ໄດ້ 1 ຊຸດ, ມີນັກສຶກສາ 60 ທ່ານ ແລະ ໃນປັດຈຸບັນແມ່ນກຳລັງຈັດຕັ້ງປະຕິບັດ ການຮຽນ-ການສອນ ທິດສະດີການເມືອງຂັ້ນຕົ້ນ ຮຸ່ນທີ II ມີນັກສຶກສາຈຳນວນ 59 ທ່ານ. ການຈັດຕັ້ງປະຕິບັດການຮຽນ-ການສອນ ແມ່ນປະຕິບັດຕາມໂຄງການຫຼັກສູດ ທີ່ ສມປຊ ວາງອອກຢ່າງເຂັ້ມງວດໃນທຸກລະບົບຮຽນ ນັບທັງດ້ານລະບຽບຫໍພັກ, ລະບຽບການຮຽນ-ການສອນ, ລະບຽບການສອບເສັງ, ການຂຽນບົດເກັບກ່ຽວ, ການຂຽນບົດປ້ອງກັນຈົບຂັ້ນ ແລະ ລະບຽບການປ້ອງກັນບົດຈົບຂັ້ນ.
ໂອກາດນີ້ ບັນດາ ຄູ-ອາຈານ ແລະ ນັກສຶກສາ ທັງສອງໂຮງຮຽນ ກໍໄດ້ແລກປ່ຽນບົດຮຽນເຊິ່ງກັນ ແລະ ກັນ ໃນດ້ານຕ່າງໆ ເປັນຕົ້ນ: ການປະຕິບັດຫຼັກສູດການຮຽນ-ການສອນ, ການປະຕິບັດບັນດາລະບຽບການຕ່າງໆພາຍໃນໂຮງຮຽນ, ການປະຕິບັດທາງດ້ານຂອດນະໂຍບາຍຕໍ່ ຄູ-ອາຈານ ແລະ ນັກສຶກສາ ລວມເຖິງບັນຫາຂໍ້ສະດວກ, ຂໍ້ຫຍຸ້ງຍາກໃນການຈັດຕັ້ງປະຕິບັດ ການຮຽນ-ການສອນ ຂອງແຕ່ລະໂຮງຮຽນ ໃນໄລຍະຜ່ານມາ.
ຂ່າວ-ພາບ: ກອງຄໍາ
ໂອກາດນີ້, ທ່ານ ແກ້ວວັນໄຊ ສຸກແສນທອງ ໄດ້ລາຍງານສະພາບລວມ ແລະ ການຈັດຕັ້ງປະຕິບັດການຮຽນ-ການສອນ ຂອງໂຮງຮຽນການເມືອງ ແລະ ການປົກຄອງແຂວງຄຳມ່ວນຊຶ່ງໄດ້ປະຕິບັດຕາມທິດຊີ້ນຳ ແລະ ໂຄງການຫຼັກສູດ ຈາກສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ເຮັດໜ້າທີ່ໃນການຝຶກອົບຮົມ ເພື່ອຍົກລະດັບທາງດ້ານທິດສະດີການເມືອງໃຫ້ພະນັກງານຫຼັກແຫຼ່ງ, ພະນັກງານນຳພາຄຸ້ມຄອງຂັ້ນແຂວງ, ກຳລັງປະກອບອາວຸດຂັ້ນແຂວງ ແລະ ຂັ້ນເມືອງ.
ນັບແຕ່ສ້າງຕັ້ງມາຮອດປັດຈຸບັນ ແມ່ນໄດ້ສ້າງບຸກຄະລາກອນຈົບທິດສະດີການເມືອງ ແລະ ການປົກຄອງ ຊັ້ນກາງ ໄດ້ 15 ຊຸດ, ຈຳນວນນັກສຶກສາຮຽນຈົບທັງໝົດ 930 ທ່ານ, ຊັ້ນຕົ້ນໄດ້ 12 ຊຸດ ມີນັກສຶກສາຮຽນຈົບ 656 ທ່ານ ແລະ ຝຶກອົບຮົມທິດສະດີການເມືອງ ໄລຍະສັ້ນ 45 ວັນ ໄດ້ 9 ຊຸດ ມີຈຳນວນ 499 ທ່ານ, ຫຼັກສູດຝຶກອົບຮົມໂຄງການ 10 ວັນ ສຳລັບເລຂາພັກບ້ານ-ນາຍບ້ານ ໄດ້ເມືອງລະ 1 ຊຸດ ສຳເລັດ 10 ຕົວເມືອງ ມີຈຳນວນ 894 ທ່ານ.
ນັບແຕ່ປີ 2023 ໂດຍປະຕິບັດຕາມໂຄງການຫຼັກສູດໃໝ່ ທີ່ ສມປຊ ວາງອອກ ເຊັ່ນ: ຫຼັກສູດຂັ້ນຕົ້ນ 3 ເດືອນ ປະຕິບັດໄດ້ 1 ຊຸດ, ມີນັກສຶກສາຮຽນຈົບ 59 ທ່ານ, ຫຼັກສູດຂັ້ນກາງ 6 ເດືອນ ໄດ້ 1 ຊຸດ, ມີນັກສຶກສາຮຽນຈົບ 60 ທ່ານ, ຝຶກອົບຮົມທິດສະດີການເມືອງໄລຍະ 45 ວັນ ໄດ້ 1 ຊຸດ, ມີນັກສຶກສາ 60 ທ່ານ ແລະ ໃນປັດຈຸບັນແມ່ນກຳລັງຈັດຕັ້ງປະຕິບັດ ການຮຽນ-ການສອນ ທິດສະດີການເມືອງຂັ້ນຕົ້ນ ຮຸ່ນທີ II ມີນັກສຶກສາຈຳນວນ 59 ທ່ານ. ການຈັດຕັ້ງປະຕິບັດການຮຽນ-ການສອນ ແມ່ນປະຕິບັດຕາມໂຄງການຫຼັກສູດ ທີ່ ສມປຊ ວາງອອກຢ່າງເຂັ້ມງວດໃນທຸກລະບົບຮຽນ ນັບທັງດ້ານລະບຽບຫໍພັກ, ລະບຽບການຮຽນ-ການສອນ, ລະບຽບການສອບເສັງ, ການຂຽນບົດເກັບກ່ຽວ, ການຂຽນບົດປ້ອງກັນຈົບຂັ້ນ ແລະ ລະບຽບການປ້ອງກັນບົດຈົບຂັ້ນ.
ໂອກາດນີ້ ບັນດາ ຄູ-ອາຈານ ແລະ ນັກສຶກສາ ທັງສອງໂຮງຮຽນ ກໍໄດ້ແລກປ່ຽນບົດຮຽນເຊິ່ງກັນ ແລະ ກັນ ໃນດ້ານຕ່າງໆ ເປັນຕົ້ນ: ການປະຕິບັດຫຼັກສູດການຮຽນ-ການສອນ, ການປະຕິບັດບັນດາລະບຽບການຕ່າງໆພາຍໃນໂຮງຮຽນ, ການປະຕິບັດທາງດ້ານຂອດນະໂຍບາຍຕໍ່ ຄູ-ອາຈານ ແລະ ນັກສຶກສາ ລວມເຖິງບັນຫາຂໍ້ສະດວກ, ຂໍ້ຫຍຸ້ງຍາກໃນການຈັດຕັ້ງປະຕິບັດ ການຮຽນ-ການສອນ ຂອງແຕ່ລະໂຮງຮຽນ ໃນໄລຍະຜ່ານມາ.
ຂ່າວ-ພາບ: ກອງຄໍາ
