ໂດຍ: ສີສະຫັວນ ວິໄລຈອນ
ໃນຊີວິດປະຈຳວັນຂອງຄົນເຮົາ ຊຶ່ງປະກອບດ້ວຍ 4 ປັດໄຈຕົ້ນຕໍເຊັ່ນ: ອາຫານການກິນ, ຢາປິ່ນປົວ, ທີ່ພັກອາໄສ ແລະເຄື່ອງນຸ່ງຮົ່ມ ທີ່ຂາດບໍ່ໄດ້ໃນການດຳລົງຊີວິດ ຊຶ່ງປັດຈຸບັນ ການປະກອບອາຊີບກະສິກຳ ເປັນສິນຄ້າດ້ວຍການປູກພືດ-ຜັກ ຂາຍເປັນສິນຄ້າ ແມ່ນອາຊີບໜຶ່ງທີ່ສາມາດສ້າງລາຍຮັບ ໃຫ້ກັບບຸກຄົນ ແລະຄອບຄົວ ດັ່ງຄອບຄົວ ທ່ານ ແກ້ວປະເສີດ ອາຍຸ 62 ປີຢູ່ບ້ານໂພລາດ ເມືອງຈອມເພັດ ແຂວງຫຼວງພະບາງ ເປັນຄອບຄົວທີ່ມີຄວາມຫ້າວຫັນໃນການຜະລິດສາມາດສ້າງລາຍຮັບ 100 ລ້ານກວ່າກີບຕໍ່ປີ.
ທ່ານ ແກ້ວປະເສີດ ກ່າວວ່າ: ຄອບຄົວຂອງຕົ້ນມີແຮງງານຕົ້ນຕໍພຽງ2ຄົນ, ໄດ້ເລີ່ມຕົ້ນເຮັດທຸລະກິດການປູກພືດຜັກໃນປີ 2015 ດ້ວຍທຶນເບື້ອງຕົ້ນພຽງແຕ່ 3 ລ້ານກີບ, ເວລານັ້ນໄດ້ປູກພືດຜັກ ແລະດອກດາວເຮືອງ ເພື່ອຂາຍໃນທ້ອງຕະຫຼາດ, ມາຮອດປີ 2017 ໄດ້ສືບຕໍ່ພັດທະນາພື້ນທີ່ ທັງໄດ້ສຸມໃສ່ການປູກພືດຜັກ ແລະດອກດາວເຮືອງຫຼາຍຂຶ້ນຕື່ມ ສາມາດສ້າງລາຍຮັບໄດ້ 100 ລ້ານກວ່າກີບຕໍ່ປີ ເມື່ອໄດ້ເຫັນລາຍຮັບຕົວຈິງ ຈຶ່ງໄດ້ຂະຫຍາຍກິດຈະການໃຫ້ກວ້າງຂວາງຕື່ມອີກ ໂດຍຂະຫຍາຍເນື້ອທີ່ດິນສວນ ຈຳນວນ 2 ເຮັກຕາ ເພື່ອປູກໝາກກະທັນ, ຜັກກາດ, ຜັກບົ່ວ, ຜັກນາງຕູ່ ແລະດອກດາວເຮືຶອງ ເຮັດໃຫ້ມີລາຍຮັບສູງຂຶ້ນ ປັດຈຸບັນໃນຄອບຄົວ ມີລົດໃຫຍ່ 1 ຄັນ, ລົດໄຖນາ 1 ຄັນ, ລົດຈັກ ແລະມີເຮືອນຢູ່ຖາວອນ 1 ຫຼັງ ແລະມີທຶນໝູນວຽນທັງໝົດໃນການດຳເນີນທຸລະກິດມີ 50 ລ້ານກວ່າກີບ.
ທ່ານ ແກ້ວປະເສີດ ໄດ້ໃຫ້ຮູ້ຕື່ມວ່າ: ສຳລັບແຜນການໃນຕໍ່ໜ້າ ຈະໄດ້ຂະຫຍາຍເນື້ອທີ່ສວນໃຫ້ກວ້າງຂວາງອອກກວ່າເກົ່າ ເພື່ອປູກພືດຜັກລົ້ມລຸກຕາມລະດູການເຊັ່ນ: ໝາກກະທັນ, ໝາກເຜັດ, ຜັກບົ່ວ, ຜັກກາດ ແລະຜັກນາງຕູ່ ລວມທັງດອກດາວເຮືອງ ໃຫ້ໄດ້ຫຼາຍຕາມຄວາມສາມາດ ແລະຄວາມຕ້ອງການຂອງຕະຫຼາດ.
ໃນຊີວິດປະຈຳວັນຂອງຄົນເຮົາ ຊຶ່ງປະກອບດ້ວຍ 4 ປັດໄຈຕົ້ນຕໍເຊັ່ນ: ອາຫານການກິນ, ຢາປິ່ນປົວ, ທີ່ພັກອາໄສ ແລະເຄື່ອງນຸ່ງຮົ່ມ ທີ່ຂາດບໍ່ໄດ້ໃນການດຳລົງຊີວິດ ຊຶ່ງປັດຈຸບັນ ການປະກອບອາຊີບກະສິກຳ ເປັນສິນຄ້າດ້ວຍການປູກພືດ-ຜັກ ຂາຍເປັນສິນຄ້າ ແມ່ນອາຊີບໜຶ່ງທີ່ສາມາດສ້າງລາຍຮັບ ໃຫ້ກັບບຸກຄົນ ແລະຄອບຄົວ ດັ່ງຄອບຄົວ ທ່ານ ແກ້ວປະເສີດ ອາຍຸ 62 ປີຢູ່ບ້ານໂພລາດ ເມືອງຈອມເພັດ ແຂວງຫຼວງພະບາງ ເປັນຄອບຄົວທີ່ມີຄວາມຫ້າວຫັນໃນການຜະລິດສາມາດສ້າງລາຍຮັບ 100 ລ້ານກວ່າກີບຕໍ່ປີ.
ທ່ານ ແກ້ວປະເສີດ ກ່າວວ່າ: ຄອບຄົວຂອງຕົ້ນມີແຮງງານຕົ້ນຕໍພຽງ2ຄົນ, ໄດ້ເລີ່ມຕົ້ນເຮັດທຸລະກິດການປູກພືດຜັກໃນປີ 2015 ດ້ວຍທຶນເບື້ອງຕົ້ນພຽງແຕ່ 3 ລ້ານກີບ, ເວລານັ້ນໄດ້ປູກພືດຜັກ ແລະດອກດາວເຮືອງ ເພື່ອຂາຍໃນທ້ອງຕະຫຼາດ, ມາຮອດປີ 2017 ໄດ້ສືບຕໍ່ພັດທະນາພື້ນທີ່ ທັງໄດ້ສຸມໃສ່ການປູກພືດຜັກ ແລະດອກດາວເຮືອງຫຼາຍຂຶ້ນຕື່ມ ສາມາດສ້າງລາຍຮັບໄດ້ 100 ລ້ານກວ່າກີບຕໍ່ປີ ເມື່ອໄດ້ເຫັນລາຍຮັບຕົວຈິງ ຈຶ່ງໄດ້ຂະຫຍາຍກິດຈະການໃຫ້ກວ້າງຂວາງຕື່ມອີກ ໂດຍຂະຫຍາຍເນື້ອທີ່ດິນສວນ ຈຳນວນ 2 ເຮັກຕາ ເພື່ອປູກໝາກກະທັນ, ຜັກກາດ, ຜັກບົ່ວ, ຜັກນາງຕູ່ ແລະດອກດາວເຮືຶອງ ເຮັດໃຫ້ມີລາຍຮັບສູງຂຶ້ນ ປັດຈຸບັນໃນຄອບຄົວ ມີລົດໃຫຍ່ 1 ຄັນ, ລົດໄຖນາ 1 ຄັນ, ລົດຈັກ ແລະມີເຮືອນຢູ່ຖາວອນ 1 ຫຼັງ ແລະມີທຶນໝູນວຽນທັງໝົດໃນການດຳເນີນທຸລະກິດມີ 50 ລ້ານກວ່າກີບ.
ທ່ານ ແກ້ວປະເສີດ ໄດ້ໃຫ້ຮູ້ຕື່ມວ່າ: ສຳລັບແຜນການໃນຕໍ່ໜ້າ ຈະໄດ້ຂະຫຍາຍເນື້ອທີ່ສວນໃຫ້ກວ້າງຂວາງອອກກວ່າເກົ່າ ເພື່ອປູກພືດຜັກລົ້ມລຸກຕາມລະດູການເຊັ່ນ: ໝາກກະທັນ, ໝາກເຜັດ, ຜັກບົ່ວ, ຜັກກາດ ແລະຜັກນາງຕູ່ ລວມທັງດອກດາວເຮືອງ ໃຫ້ໄດ້ຫຼາຍຕາມຄວາມສາມາດ ແລະຄວາມຕ້ອງການຂອງຕະຫຼາດ.
