ພິທີປະກາດການ ມອບ-ຮັບ ໜ້າທີ່ປະທານສະຫະພັນແມ່ຍິງແຂວງຄໍາມ່ວນ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 11 ມັງກອນ ນີ້ ທີ່ແຂວງດັ່ງກ່າວ ໂດຍມີ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີຕາງໜ້າຄະນະຈັດຕັ້ງແຂວງ, ກວດກາພັກແຂວງ, ພະແນກພາຍໃນແຂວງ ແລະ ຂະແໜງການກ່ຽວຂ້ອງເຂົ້າຮ່ວມ.
ຄະນະຮັບຜິດຊອບພິທີ ໄດ້ຜ່ານມະຕິຕົກລົງຂອງຄະນະປະຈໍາພັກແຂວງຄໍາມ່ວນ ສະບັບເລກທີ 498/ຄປຈ ແລະ ສະບັບເລກທີ 43/ຄປຈ ລົງວັນທີ 21 ພະຈິກ 2023 ວ່າດ້ວຍການຍົກຍ້າຍ ແລະ ແຕ່ງຕັ້ງປະທານສະຫະພັນແມ່ຍິງແຂວງ ເຫັນດີ ຍົກຍ້າຍ ທ່ານ ນາງ ກຽນຕາ ວັນມະນາ ປະທານສະຫະພັນແມ່ຍິງແຂວງ ໄປຮັບຜິດຊອບໜ້າທີ່ໃໝ່ຢູ່ພະແນກການຕ່າງປະເທດແຂວງ ແລະ ແຕ່ງຕັ້ງ ນາງ ສຸກຂະເສີມ ສິດທິເດດ ຮອງປະທານສະຫະພັນແມ່ຍິງແຂວງ ເປັນປະທານສະຫະພັນແມ່ຍິງແຂວງຜູ້ໃໝ່ ແລະ ຂໍ້ຕົກລົງ ສະບັບເລກທີ 44/ຄປຈ.ຄມ ວ່າດ້ວຍການແຕ່ງຕັ້ງຮອງປະທານສະຫະພັນແມ່ຍິງແຂວງ ໂດຍເຫັນດີແຕ່ງຕັ້ງ ທ່ານ ນາງ ສຸດທິລົມ ສຸລິວົງ ຫົວໜ້າຂະແໜງໂຄສະນາຂໍ້ມູນ-ຂ່າວສານ ເປັນຮອງປະທານສະຫະພັນແມ່ຍິງແຂວງ.
ໂອກາດທີ່ມີຄວາມໝາຍຄວາມສໍາຄັນນີ້, ທ່ານ ວັນໄຊ ພອງສະຫວັນ ໄດ້ມີຄໍາເຫັນ ແລະ ຮຽກຮ້ອງມາຍັງຄະນະບໍລິຫານງານສະຫະພັນແມ່ຍິງຈົ່ງເອກະພາບນຳການຕົກລົງຄັ້ງນີ້ ຄຽງຄູ່ກັນນັ້ນໃຫ້ສືບຕໍ່ເອົາໃຈໃສ່ສຶກສາອົບຮົມການເມືອງ-ແນວຄິດ ຕໍ່ແມ່ຍິງ ໃຫ້ຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ-ລັດ, ສືບຕໍ່ເສີມຂະຫຍາຍມູນເຊື້ອດ້ານຕັ້ງໜ້າອັນໃດທີ່ຍັງເຫັນວ່າເປັນຈຸດອ່ອນຂໍ້ຄົງຄ້າງກໍ່ຕ້ອງພ້ອມກັນຄົ້ນຄວ້າຊອກຫາວິທີການແກ້ໄຂ, ສືບຕໍ່ເອົາໃຈໃສ່ປັບປຸງ ແລະ ສ້າງພະນັກງານເພດຍິງໃຫ້ມີບົດບາດສັງກັດຢູ່ການຈັດຕັ້ງ ແລະ ກາຍເປັນພະນັກງານການນໍາໃຫ້ຫຼາຍຂຶ້ນ, ສົ່ງເສີມຊຸກຍູ້ພູມປັນຍາຂອງເອື້ອຍນ້ອງແມ່ຍິງໂດຍສະເພາະແມ່ນຜູ້ທີ່ມີຄວາມຮູ້ຄວາມສາມາດ ດ້ານການຜະລິດ, ການຕໍ່າແຜ່ນ, ຫັດຖະກຳຕ່າງໆ ໃຫ້ເຂັ້ມແຂງ ສາມາດສ້າງລາຍຮັບທີ່ໝັ້ນຄົງ ເພື່ອແກ້ໄຂຊີວິດການເປັນຢູ່ໃຫ້ມີຄວາມເຂັ້ມແຂງ, ທັງນີ້ເພື່ອຮັບປະກັນໃຫ້ວຽກງານແມ່ຍິງມີການເຕີບໃຫຍ່ຂະຫຍາຍຕົວ, ມີໃບໜ້າໃໝ່ ແລະ ເປັນກໍາລັງແຮງສໍາຄັນຍູ້ການພັດທະນາແຂວງຄໍາມ່ວນກ້າວຂຶ້ນຢ່າງບໍ່ຢຸດຢັ້ງ.
ຂ່າວ-ພາບ: ມະນີວັນ
ຄະນະຮັບຜິດຊອບພິທີ ໄດ້ຜ່ານມະຕິຕົກລົງຂອງຄະນະປະຈໍາພັກແຂວງຄໍາມ່ວນ ສະບັບເລກທີ 498/ຄປຈ ແລະ ສະບັບເລກທີ 43/ຄປຈ ລົງວັນທີ 21 ພະຈິກ 2023 ວ່າດ້ວຍການຍົກຍ້າຍ ແລະ ແຕ່ງຕັ້ງປະທານສະຫະພັນແມ່ຍິງແຂວງ ເຫັນດີ ຍົກຍ້າຍ ທ່ານ ນາງ ກຽນຕາ ວັນມະນາ ປະທານສະຫະພັນແມ່ຍິງແຂວງ ໄປຮັບຜິດຊອບໜ້າທີ່ໃໝ່ຢູ່ພະແນກການຕ່າງປະເທດແຂວງ ແລະ ແຕ່ງຕັ້ງ ນາງ ສຸກຂະເສີມ ສິດທິເດດ ຮອງປະທານສະຫະພັນແມ່ຍິງແຂວງ ເປັນປະທານສະຫະພັນແມ່ຍິງແຂວງຜູ້ໃໝ່ ແລະ ຂໍ້ຕົກລົງ ສະບັບເລກທີ 44/ຄປຈ.ຄມ ວ່າດ້ວຍການແຕ່ງຕັ້ງຮອງປະທານສະຫະພັນແມ່ຍິງແຂວງ ໂດຍເຫັນດີແຕ່ງຕັ້ງ ທ່ານ ນາງ ສຸດທິລົມ ສຸລິວົງ ຫົວໜ້າຂະແໜງໂຄສະນາຂໍ້ມູນ-ຂ່າວສານ ເປັນຮອງປະທານສະຫະພັນແມ່ຍິງແຂວງ.
ໂອກາດທີ່ມີຄວາມໝາຍຄວາມສໍາຄັນນີ້, ທ່ານ ວັນໄຊ ພອງສະຫວັນ ໄດ້ມີຄໍາເຫັນ ແລະ ຮຽກຮ້ອງມາຍັງຄະນະບໍລິຫານງານສະຫະພັນແມ່ຍິງຈົ່ງເອກະພາບນຳການຕົກລົງຄັ້ງນີ້ ຄຽງຄູ່ກັນນັ້ນໃຫ້ສືບຕໍ່ເອົາໃຈໃສ່ສຶກສາອົບຮົມການເມືອງ-ແນວຄິດ ຕໍ່ແມ່ຍິງ ໃຫ້ຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ-ລັດ, ສືບຕໍ່ເສີມຂະຫຍາຍມູນເຊື້ອດ້ານຕັ້ງໜ້າອັນໃດທີ່ຍັງເຫັນວ່າເປັນຈຸດອ່ອນຂໍ້ຄົງຄ້າງກໍ່ຕ້ອງພ້ອມກັນຄົ້ນຄວ້າຊອກຫາວິທີການແກ້ໄຂ, ສືບຕໍ່ເອົາໃຈໃສ່ປັບປຸງ ແລະ ສ້າງພະນັກງານເພດຍິງໃຫ້ມີບົດບາດສັງກັດຢູ່ການຈັດຕັ້ງ ແລະ ກາຍເປັນພະນັກງານການນໍາໃຫ້ຫຼາຍຂຶ້ນ, ສົ່ງເສີມຊຸກຍູ້ພູມປັນຍາຂອງເອື້ອຍນ້ອງແມ່ຍິງໂດຍສະເພາະແມ່ນຜູ້ທີ່ມີຄວາມຮູ້ຄວາມສາມາດ ດ້ານການຜະລິດ, ການຕໍ່າແຜ່ນ, ຫັດຖະກຳຕ່າງໆ ໃຫ້ເຂັ້ມແຂງ ສາມາດສ້າງລາຍຮັບທີ່ໝັ້ນຄົງ ເພື່ອແກ້ໄຂຊີວິດການເປັນຢູ່ໃຫ້ມີຄວາມເຂັ້ມແຂງ, ທັງນີ້ເພື່ອຮັບປະກັນໃຫ້ວຽກງານແມ່ຍິງມີການເຕີບໃຫຍ່ຂະຫຍາຍຕົວ, ມີໃບໜ້າໃໝ່ ແລະ ເປັນກໍາລັງແຮງສໍາຄັນຍູ້ການພັດທະນາແຂວງຄໍາມ່ວນກ້າວຂຶ້ນຢ່າງບໍ່ຢຸດຢັ້ງ.
ຂ່າວ-ພາບ: ມະນີວັນ
