ພິທີເປີດງານວາງສະແດງຜະລິດຕະພັນ-ສິນຄ້າ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໄດ້ຈັດຂຶ້ນໃນວັນທີ 12 ມັງກອນນີ້ ທີ່ເດີ່ນພະທາດຫຼວງ ໂດຍການເຂົ້າຮ່ວມຂອງທ່ານ ພົນຕີ ວົງຄໍາ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍແຂກຖືກເຊີນ,ນາຍ ແລະ ພົນທະຫານເຂົ້າຮ່ວມ.
ທ່ານ ພົຈວ ຈັນດີ ສຸລິວົງ ຮອງຫົວໜ້າກົມໃຫຍ່ພະລາທິການກອງທັບ ກ່າວວ່າ: ກະຊວງປ້ອງກັນປະເທດ ຮ່ວມກັບພາກສ່ວນທຸລະກິດເປີດງານວາງສະແດງສິນຄ້າ ແລະ ຜະລິດຕະພັນຂອງກອງທັບປະຊາຊົນລາວຄັ້ງນີ້ຂຶ້ນ ເພື່ອເປັນການປະກອບສ່ວນເຂົ້າໃນງານສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້ເຕັມໄປດ້ວຍເນື້ອໃນທີ່ອຸດົມສົມບູນ ແລະ ມີຄວາມໝາຍເລິກເຊິ່ງ. ຕະຫຼອດໄລຍະເວລາກວ່າເຄິ່ງສະຕະວັດ (ນັບແຕ່ວັນທີ 20 ມັງກອນ 1949 ເຖິງວັນທີ 20 ມັງກອນ 2024) ທີ່ກອງທັບປະຊາຊົນລາວໄດ້ກຳເນີດເຕີບໃຫຍ່ຂະຫຍາຍຕົວ ແລະ ສູ້ຮົບມີໄຊ ພາຍໃຕ້ການນຳພາຂອງພັກປະຊາຊົນປະຕິວັດລາວ ຊຶ່ງເຕັມໄປດ້ວຍນໍ້າໃຈເສຍສະຫຼະ, ພິລະອາດຫານ ກອງທັບປະຊາຊົນລາວຍາມໃດກໍປະຕິບັດ 3 ໜ້າທີ່ 4 ການພົວພັນໄດ້ເປັນຢ່າງດີຕະຫຼອດມາ ທັງເຄື່ອນໄຫວສູ້ຮົບ,ຝຶກແອບຮໍ່າຮຽນ, ປັບປຸງກຳລັງ, ເພີ່ມພູນການຜະລິດຜົນ, ຫາລ້ຽງກຸ້ມຕົນເອງດ້ວຍການສ້າງພະລາທິການກັບທີ່ເຊີດຊູຈິດໃຈຕາມທິດນໍາ “ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ” ໄດ້ກາຍເປັນທາດແທ້ມູນເຊື້ອອັນດີງາມຂອງກອງທັບປະຊາຊົນລາວນັບແຕ່ມື້ສ້າງຕັ້ງຈົນເຖີງປັດຈຸບັນ ນັບແຕ່ມື້ປະເທດຊາດໄດ້ຮັບການປົດປ່ອຍ ແລະ ສະຖາປະນາສາທາລະນະລັດປະຊາທິປະໄຕ ປະຊາຊົນລາວໃນວັນທີ 2 ທັນວາ 1975 ໂດຍສະເພາະຕໍ່ການເຕີບໃຫຍ່ຂະຫຍາຍຕົວຂອງກອງທັບ ວຽກງານຜະລິດສ້າງເສດຖະກິດຂອງກອງທັບຍິ່ງມີຄວາມຕ້ອງການສູງຂຶ້ນເລື້ອຍໆ.ພາຍໃຕ້ການຊີ້ນໍາ-ນໍາພາຂອງຄະນະນໍາກະຊວງປ້ອງກັນປະເທດແຕ່ລະໄລຍະໄດ້ເອົາໃຈໃສ່ຢ່າງຕັ້ງໜ້າເຂົ້າໃນການຊຸກຍູ້ຢ່າງແຂງແຮງໃນການຈັດຕັ້ງເພີ່ມພູນຜະລິດຜົນຕາມແຜນປູກຝັງ-ລ້ຽງສັດ ມູນເຊື້ອຂອງກົມກອງທະຫານທັງເພີ່ມທະວີຂະຫຍາຍຖານການຜະລິດທາງດ້ານກະສິກຳໄດ້ສ້າງສູນຜະລິດກະສິກຳຂຶ້ນຫຼາຍແຫ່ງຕັ້ງໜ້າຂະຫຍາຍອຸດສາຫະກຳປຸງແຕ່ງ ແລະ ພັດທະນາຂະແໜງອຸດສາຫະກໍາປ້ອງກັນຊາດ. ມາຮອດປັດຈຸບັນ, ທົ່ວກອງທັບໄດ້ມີຫຼາຍຫົວໜ່ວຍທຳການຜະລິດທຸລະກິດເປັນຂອງຕົນເອງ ຫົວໜ່ວຍທຸລະກິດຮ່ວມມືພາຍໃນ ແລະ ຮ່ວມມືກັບຕ່າງປະເທດເປັນລັດວິສາຫະກິດທີ່ຂຶ້ນກັບກະຊວງປ້ອງກັນປະເທດຄຸ້ມຄອງ.
ການຈັດງານວາງສະແດງໃນຄັ້ງນີ້, ມີຫົວໜ່ວຍທຸລະກິດເຂົ້າຮ່ວມ 50 ຫົວໜ່ວຍ, ແບ່ງອອກເປັນ 95 ຮ້ານ, ໃນນັ້ນມີຫົວໜ່ວຍການຜະລິດ, ໂຮງຈັກ, ໂຮງງານ, ບໍລິສັດ,ວິສາຫະກິດພາຍໃນກອງທັບ 34 ຫົວໜ່ວຍຈັດວາງເປັນ 36 ຮ້ານມີ: ປະເພດເຄື່ອງນຸ່ງຫົ່ມ, ເຄື່ອງຫັດຖະກຳ, ຢາປົວພະຍາດ-ບໍາລຸງສຸຂະພາບ, ຜະລິດຕະພັນກະສິກຳປະເພດພືດຜັກ, ຊີ້ນ, ປາ, ໄຂ່, ເບ້ຍໄມ້, ເຄື່ອງປະດັບຍົດ, ເຄື່ອງໃຊ້ຄົວເຮືອນ, ເຟີນີເຈີ, ໂທລະຄົມ, ການບິນ, ການກໍ່ສ້າງ, ສິ່ງປະດິດ ແລະ ອື່ນໆ ທັງເປັນວັດຖຸພັນ, ຮູບພາບ, ວິດີໂອ ແລະ ສິ່ງພິມຕ່າງໆທີ່ສ່ອງແສງໃຫ້ເຫັນຜົນງານ, ການເຄື່ອນໄຫວຂອງບັນດາຫົວໜ່ວຍ, ກົມກອງຕ່າງໆທີ່ເຄີຍມີມູນເຊື້ອຮັບໃຊ້ກອງທັບໃນໄລຍະປົກປັກຮັກສາ ແລະ ສ້າງສາປະເທດຊາດໃນປັດຈຸບັນ.ນອກຈາກນີ້,ຍັງມີກຸ່ມຜະລິດຕົວແບບຂອງອົງການຈັດຕັ້ງຕ່າງໆ 13 ຫົວໜ່ວຍ, ຫົວໜ່ວຍຂອງຄົນຕ່າງປະເທດທີ່ດຳເນີນທຸລະກິດຢູ່ລາວ 3 ຫົວໜ່ວຍ.ງານວາງສະແດງຄັ້ງນີ້ສ່ອງແສງໃຫ້ເຫັນການປະກອບສ່ວນຂອງກອງທັບເຂົ້າໃນການຈັດຕັ້ງປະຕິບັດສອງໜ້າທີ່ຍຸດທະສາດໃນການປົກປັກຮັກສາ ແລະ ສ້າງສາປະເທດຊາດ ປັບປຸງຂອງກອງທັບປະຊາຊົນໃຫ້ມີຄວາມເຂັ້ມແຂງ ແລະ ທັນສະໄໝ ພ້ອມທັງໂຄສະນາສຶກສາອົບຮົມໃຫ້ພະນັກງານ-ນັກຮົບປະຊາຊົນບັນດາເຜົ່າເຫັນໄດ້ຜົນງານມູນເຊື້ອອັນອົງອາດກ້າແກ່ນ ແລະ ວິລະກຳອັນລໍ້າເລີດຂອງກອງທັບປະຊາຊົນລາວ ພາຍໃຕ້ຮົ່ມທຸງຂອງພັກບັນດາຫຼັກການຜົນງານມູນເຊື້ອປະຕິວັດຜ່ານມາຂອງກອງທັບປະຊາຊົນລາວ ຍັງໄດ້ສະແດງໃຫ້ເຫັນເຖີງການເຕີບໃຫຍ່ເຂັ້ມແຂງຂອງກອງທັບປະຊາຊົນລາວຕະຫຼອດໄລຍະ 75 ປີ ຊຶ່ງໄດ້ຮັບການພັດທະນາກ້າວຂຶ້ນເປັນກອງທັບປະຕິວັດທີ່ເຂັ້ມແຂງ ແລະ ມີລະບຽບແບບແຜນ. ງານດັ່ງກ່າວຈະດຳເນີນໄປນັບແຕ່ວັນທີ 12-18 ມັງກອນນີ້.
ຂ່າວ-ພາບ: ຍຸພິນທອງ+ບຸນອູ້ມ
ທ່ານ ພົຈວ ຈັນດີ ສຸລິວົງ ຮອງຫົວໜ້າກົມໃຫຍ່ພະລາທິການກອງທັບ ກ່າວວ່າ: ກະຊວງປ້ອງກັນປະເທດ ຮ່ວມກັບພາກສ່ວນທຸລະກິດເປີດງານວາງສະແດງສິນຄ້າ ແລະ ຜະລິດຕະພັນຂອງກອງທັບປະຊາຊົນລາວຄັ້ງນີ້ຂຶ້ນ ເພື່ອເປັນການປະກອບສ່ວນເຂົ້າໃນງານສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້ເຕັມໄປດ້ວຍເນື້ອໃນທີ່ອຸດົມສົມບູນ ແລະ ມີຄວາມໝາຍເລິກເຊິ່ງ. ຕະຫຼອດໄລຍະເວລາກວ່າເຄິ່ງສະຕະວັດ (ນັບແຕ່ວັນທີ 20 ມັງກອນ 1949 ເຖິງວັນທີ 20 ມັງກອນ 2024) ທີ່ກອງທັບປະຊາຊົນລາວໄດ້ກຳເນີດເຕີບໃຫຍ່ຂະຫຍາຍຕົວ ແລະ ສູ້ຮົບມີໄຊ ພາຍໃຕ້ການນຳພາຂອງພັກປະຊາຊົນປະຕິວັດລາວ ຊຶ່ງເຕັມໄປດ້ວຍນໍ້າໃຈເສຍສະຫຼະ, ພິລະອາດຫານ ກອງທັບປະຊາຊົນລາວຍາມໃດກໍປະຕິບັດ 3 ໜ້າທີ່ 4 ການພົວພັນໄດ້ເປັນຢ່າງດີຕະຫຼອດມາ ທັງເຄື່ອນໄຫວສູ້ຮົບ,ຝຶກແອບຮໍ່າຮຽນ, ປັບປຸງກຳລັງ, ເພີ່ມພູນການຜະລິດຜົນ, ຫາລ້ຽງກຸ້ມຕົນເອງດ້ວຍການສ້າງພະລາທິການກັບທີ່ເຊີດຊູຈິດໃຈຕາມທິດນໍາ “ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ” ໄດ້ກາຍເປັນທາດແທ້ມູນເຊື້ອອັນດີງາມຂອງກອງທັບປະຊາຊົນລາວນັບແຕ່ມື້ສ້າງຕັ້ງຈົນເຖີງປັດຈຸບັນ ນັບແຕ່ມື້ປະເທດຊາດໄດ້ຮັບການປົດປ່ອຍ ແລະ ສະຖາປະນາສາທາລະນະລັດປະຊາທິປະໄຕ ປະຊາຊົນລາວໃນວັນທີ 2 ທັນວາ 1975 ໂດຍສະເພາະຕໍ່ການເຕີບໃຫຍ່ຂະຫຍາຍຕົວຂອງກອງທັບ ວຽກງານຜະລິດສ້າງເສດຖະກິດຂອງກອງທັບຍິ່ງມີຄວາມຕ້ອງການສູງຂຶ້ນເລື້ອຍໆ.ພາຍໃຕ້ການຊີ້ນໍາ-ນໍາພາຂອງຄະນະນໍາກະຊວງປ້ອງກັນປະເທດແຕ່ລະໄລຍະໄດ້ເອົາໃຈໃສ່ຢ່າງຕັ້ງໜ້າເຂົ້າໃນການຊຸກຍູ້ຢ່າງແຂງແຮງໃນການຈັດຕັ້ງເພີ່ມພູນຜະລິດຜົນຕາມແຜນປູກຝັງ-ລ້ຽງສັດ ມູນເຊື້ອຂອງກົມກອງທະຫານທັງເພີ່ມທະວີຂະຫຍາຍຖານການຜະລິດທາງດ້ານກະສິກຳໄດ້ສ້າງສູນຜະລິດກະສິກຳຂຶ້ນຫຼາຍແຫ່ງຕັ້ງໜ້າຂະຫຍາຍອຸດສາຫະກຳປຸງແຕ່ງ ແລະ ພັດທະນາຂະແໜງອຸດສາຫະກໍາປ້ອງກັນຊາດ. ມາຮອດປັດຈຸບັນ, ທົ່ວກອງທັບໄດ້ມີຫຼາຍຫົວໜ່ວຍທຳການຜະລິດທຸລະກິດເປັນຂອງຕົນເອງ ຫົວໜ່ວຍທຸລະກິດຮ່ວມມືພາຍໃນ ແລະ ຮ່ວມມືກັບຕ່າງປະເທດເປັນລັດວິສາຫະກິດທີ່ຂຶ້ນກັບກະຊວງປ້ອງກັນປະເທດຄຸ້ມຄອງ.
ການຈັດງານວາງສະແດງໃນຄັ້ງນີ້, ມີຫົວໜ່ວຍທຸລະກິດເຂົ້າຮ່ວມ 50 ຫົວໜ່ວຍ, ແບ່ງອອກເປັນ 95 ຮ້ານ, ໃນນັ້ນມີຫົວໜ່ວຍການຜະລິດ, ໂຮງຈັກ, ໂຮງງານ, ບໍລິສັດ,ວິສາຫະກິດພາຍໃນກອງທັບ 34 ຫົວໜ່ວຍຈັດວາງເປັນ 36 ຮ້ານມີ: ປະເພດເຄື່ອງນຸ່ງຫົ່ມ, ເຄື່ອງຫັດຖະກຳ, ຢາປົວພະຍາດ-ບໍາລຸງສຸຂະພາບ, ຜະລິດຕະພັນກະສິກຳປະເພດພືດຜັກ, ຊີ້ນ, ປາ, ໄຂ່, ເບ້ຍໄມ້, ເຄື່ອງປະດັບຍົດ, ເຄື່ອງໃຊ້ຄົວເຮືອນ, ເຟີນີເຈີ, ໂທລະຄົມ, ການບິນ, ການກໍ່ສ້າງ, ສິ່ງປະດິດ ແລະ ອື່ນໆ ທັງເປັນວັດຖຸພັນ, ຮູບພາບ, ວິດີໂອ ແລະ ສິ່ງພິມຕ່າງໆທີ່ສ່ອງແສງໃຫ້ເຫັນຜົນງານ, ການເຄື່ອນໄຫວຂອງບັນດາຫົວໜ່ວຍ, ກົມກອງຕ່າງໆທີ່ເຄີຍມີມູນເຊື້ອຮັບໃຊ້ກອງທັບໃນໄລຍະປົກປັກຮັກສາ ແລະ ສ້າງສາປະເທດຊາດໃນປັດຈຸບັນ.ນອກຈາກນີ້,ຍັງມີກຸ່ມຜະລິດຕົວແບບຂອງອົງການຈັດຕັ້ງຕ່າງໆ 13 ຫົວໜ່ວຍ, ຫົວໜ່ວຍຂອງຄົນຕ່າງປະເທດທີ່ດຳເນີນທຸລະກິດຢູ່ລາວ 3 ຫົວໜ່ວຍ.ງານວາງສະແດງຄັ້ງນີ້ສ່ອງແສງໃຫ້ເຫັນການປະກອບສ່ວນຂອງກອງທັບເຂົ້າໃນການຈັດຕັ້ງປະຕິບັດສອງໜ້າທີ່ຍຸດທະສາດໃນການປົກປັກຮັກສາ ແລະ ສ້າງສາປະເທດຊາດ ປັບປຸງຂອງກອງທັບປະຊາຊົນໃຫ້ມີຄວາມເຂັ້ມແຂງ ແລະ ທັນສະໄໝ ພ້ອມທັງໂຄສະນາສຶກສາອົບຮົມໃຫ້ພະນັກງານ-ນັກຮົບປະຊາຊົນບັນດາເຜົ່າເຫັນໄດ້ຜົນງານມູນເຊື້ອອັນອົງອາດກ້າແກ່ນ ແລະ ວິລະກຳອັນລໍ້າເລີດຂອງກອງທັບປະຊາຊົນລາວ ພາຍໃຕ້ຮົ່ມທຸງຂອງພັກບັນດາຫຼັກການຜົນງານມູນເຊື້ອປະຕິວັດຜ່ານມາຂອງກອງທັບປະຊາຊົນລາວ ຍັງໄດ້ສະແດງໃຫ້ເຫັນເຖີງການເຕີບໃຫຍ່ເຂັ້ມແຂງຂອງກອງທັບປະຊາຊົນລາວຕະຫຼອດໄລຍະ 75 ປີ ຊຶ່ງໄດ້ຮັບການພັດທະນາກ້າວຂຶ້ນເປັນກອງທັບປະຕິວັດທີ່ເຂັ້ມແຂງ ແລະ ມີລະບຽບແບບແຜນ. ງານດັ່ງກ່າວຈະດຳເນີນໄປນັບແຕ່ວັນທີ 12-18 ມັງກອນນີ້.
ຂ່າວ-ພາບ: ຍຸພິນທອງ+ບຸນອູ້ມ
