ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມສະຫຼຸບວຽກງານອະໄພຍະໂທດ ປະຈຳປີ 2023ແລະ ທິດທາງວຽກງານຈຸດສຸມປະຈຳປີ 2024ຂຶ້ນໃນວັນທີ 16 ມັງກອນນີ້ ຢູ່ສະໂມສອນ ກະຊວງປ້ອງກັນຄວາມສະຫງົບ, ປກສ(ສະໜາມມ້າ), ໂດຍພາຍໃຕ້ການເປັນປະທານຂອງ ທ່ານ ພົນເອກ ວິໄລ ຫຼ້າຄໍາຟອງກໍາມະການກົມການເມືອງສູນກາງພັກ ຮອງນາຍົກລັດຖະມົນຕີລັດຖະມົນຕີກະຊວງປ້ອງກັນຄວາມສະຫງົບປະທານຄະນະກຳມະການອະໄພຍະໂທດ ລະດັບຊາດ, ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອອປສ,ມີຮອງປະທານຄະນະກໍາມະການອະໄພຍະໂທດລະດັບຊາດ (ຜູ້ປະຈຳການ), ທ່ານ ນາງເຂັມມະນີ ພົນເສນາ ກໍາມະການສູນກາງພັກລັດຖະມົນຕີຫົວໜ້າຫ້ອງວ່າການສຳນັກງານປະທານປະເທດ ຮອງຄະນະກໍາມະການອະໄພຍະໂທດລະດັບຊາດ, ມີບັນດາທ່ານຄະນະກຳມະການ ແລະ ຫົວໜ້າກອງເລຂາຄະນະກຳມະການອະໄພຍະໂທດລະດັບຊາດແລະພາກສ່ວນກ່ຽວຂ້ອງເຂົ້າຮ່ວມ.
ທ່ານ ໄຊຊະນະ ໂຄດພູທອນ ໄດ້ຂຶ້ນຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານອະໄພຍະໂທດປະຈໍາປີ 2023 ແລະ ທິດທາງວຽກງານຈຸດສຸມ ປີ 2024 ຊຶ່ງໄດ້ຍົກໃຫ້ເຫັນຜົນສໍາເລັດດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ໃນໜຶ່ງປີຜ່ານມາໄດ້ຍົກໃຫ້ເຫັນຈໍານວນ ນັກໂທດທີ່ໄດ້ຮັບການໃຫ້ອະໄພຍະໂທດ ປະຈໍາປີ 2023 ຕາມລັດຖະດໍາລັດ ຂອງປະທານປະເທດ ສະບັບເລກທີ 219/ປປທ, ລົງວັນທີ 21 ພະຈິກ 2023 ທັງໝົດ1.824 ຄົນ ຍິງ 238 ຄົນ, ຕ່າງປະເທດ 16 ຄົນ, ນັກໂທດຕະຫຼອດຊີວິດ 4 ຄົນ, ນັກໂທດປະຫານຊີວິດ 9 ຄົນ, ໃນນີ້ນັກໂທດທີ່ໄດ້ເງື່ອນໄຂຫຼຸດຜ່ອນໂທດທັງໝົດ 1.602 ຄົນ, ຕ່າງປະເທດ 13 ຄົນ, ນັກໂທດຕະຫຼອດຊີວິດ 4 ຄົນ, ຈໍານວນນັກໂທດທີ່ໄດ້ເງື່ອນໄຂປ່ອຍຕົວທັງໝົດ222ຄົນ, ຕ່າງປະເທດ 3 ຄົນ; ນັກໂທດທີ່ຖືກສານຕັດສິນປະຫານຊີວິດ ໄດ້ຮັບອະໄພຍະໂທດມາເປັນໂທດຕັດອິດສະລະພາບຕະຫຼອດຊີວິດ ຕາມລັດຖະດໍາລັດ ຂອງປະທານປະເທດ ສະບັບເລກທີ 220/ປປທ, ລົງວັນທີ 21 ພະຈິກ 2023 ມີຈໍານວນ 9 ຄົນ, ໃນກອງປະຊຸມຄະນະກໍາມະການອະໄພຍະໂທດຂັ້ນຕ່າງໆ ໄດ້ພ້ອມກັນປະກອບຄຳຄິດຄຳເຫັນຢ່າງກົງໄປກົງມາ ແລະ ເປັນເອກະພາບສູງຕໍ່ບົດສະຫຼຸບຕີລາຄາ ແລະ ໄດ້ສະເໜີວິທີແກ້ໄຂຂໍ້ຄົງຄ້າງ ແລະ ຖອດຖອນໄດ້ບົດຮຽນຈໍານວນໜຶ່ງ ເພື່ອນໍາໄປຈັດຕັ້ງປະຕິບັດ ເພື່ອແກ້ໄຂຈຸດອ່ອນໃນປີຕໍ່ໄປ.
ໃນກອງປະຊຸມທີ່ມີຄວາມໝາຍຄວາມສຳຄັນນີ້ ໄດ້ຮັບຟັງການໂອ້ລົມຈາກ ທ່ານ ພົນເອກ ວິໄລ ຫຼ້າຄຳຟອງ ຊຶ່ງທ່ານໄດ້ແນະນໍາໃຫ້ບັນດາຄະນະກໍາມະການອະໄພຍະໂທດຂັ້ນຕ່າງໆ,ເອົາໃຈໃສ່ບາງບັນຫາທີ່ສຳຄັນຄື:ເພີ່ມທະວີຄວາມຮັບຜິດຊອບໃນການປະຕິບັດໜ້າທີ່ວຽກງານຂອງຕົນໃຫ້ທັນຕາມກໍານົດເວລາ, ເຫັນໄດ້ເຖິງຄວາມສໍາຄັນຂອງການປະຕິບັດນະໂຍບາຍອະໄພຍະໂທດໃຫ້ແກ່ນັກໂທດ. ໃນນັ້ນ, ໃຫ້ເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງ ເພື່ອໃຫ້ມີຂໍ້ມູນທີ່ຊັດເຈນຮັບໃຊ້ເຂົ້າໃນການຄົ້ນຄວ້າ; ເອົາໃຈໃສ່ຄົ້ນຄວ້າກໍາແໜ້ນເນື້ອໃນຂອງກົດໝາຍ, ລັດຖະບັນຍັດ ວ່າດ້ວຍການໃຫ້ອະໄພຍະໂທດ ແລະ ນິຕິກໍາຕ່າງໆທີ່ກ່ຽວຂ້ອງກັບວຽກງານອະໄພຍະໂທດໃຫ້ເລິກເຊິ່ງ. ຈັດຕັ້ງປະຕິບັດໃຫ້ຖືກຕ້ອງ ແລະ ຄົບຖ້ວນ ໂດຍສະເພາະບັນດາເງື່ອນໄຂ, ຂັ້ນຕອນ ແລະ ລະບຽບການພິຈາລະນາ; ຍົກສູງຄວາມຮັບຜິດຊອບໃນການຄົ້ນຄວ້າພິຈາລະນານັກໂທດຜູ້ທີ່ມີເງື່ອນໄຂສະເໜີໃຫ້ອະໄພຍະໂທດ ຕ້ອງຮັບປະກັນຄວາມຖືກຕ້ອງ, ໂປ່ງໃສ, ຍຸຕິທໍາ, ຄັດເລືອກເອົານັກໂທດຜູ້ທີ່ປະພຶດຕົນດີ ແລະ ຮູ້ສຶກກິນແໜງແຄງໃຈຕໍ່ການກະທໍາຜິດຂອງຕົນແທ້ ເພື່ອສະເໜີຂໍອະໄພຍະໂທດຈາກປະທານປະເທດແລະປັບປຸງແກ້ໄຂບັນຫາທີ່ຍັງຄົງຄ້າງຈຳນວນໜຶ່ງທີ່ຄະນະຮັບຜິດຊອບແຕ່ລະຂັ້ນໄດ້ປະສົບພົບພໍ້ໃນເວລາຈັດຕັ້ງປະຕິບັດຕົວຈິງແລະຕາມການຕີລາຄາຂອງກອງປະຊຸມ ເຮັດໃຫ້ບັນຫາທີ່ຫຍຸ້ງຍາກຕ່າງໆໄດ້ຮັບການແກ້ໄຂຢ່າງຖືກຕ້ອງຕາມຈິດໃຈບຸກທະລຸແລະການຫັນປ່ຽນທີ່ດີຂຶ້ນກວ່າເກົ່າ.
ຂ່າວ - ພາບ: ບຸນອູ້ມ
ທ່ານ ໄຊຊະນະ ໂຄດພູທອນ ໄດ້ຂຶ້ນຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານອະໄພຍະໂທດປະຈໍາປີ 2023 ແລະ ທິດທາງວຽກງານຈຸດສຸມ ປີ 2024 ຊຶ່ງໄດ້ຍົກໃຫ້ເຫັນຜົນສໍາເລັດດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ໃນໜຶ່ງປີຜ່ານມາໄດ້ຍົກໃຫ້ເຫັນຈໍານວນ ນັກໂທດທີ່ໄດ້ຮັບການໃຫ້ອະໄພຍະໂທດ ປະຈໍາປີ 2023 ຕາມລັດຖະດໍາລັດ ຂອງປະທານປະເທດ ສະບັບເລກທີ 219/ປປທ, ລົງວັນທີ 21 ພະຈິກ 2023 ທັງໝົດ1.824 ຄົນ ຍິງ 238 ຄົນ, ຕ່າງປະເທດ 16 ຄົນ, ນັກໂທດຕະຫຼອດຊີວິດ 4 ຄົນ, ນັກໂທດປະຫານຊີວິດ 9 ຄົນ, ໃນນີ້ນັກໂທດທີ່ໄດ້ເງື່ອນໄຂຫຼຸດຜ່ອນໂທດທັງໝົດ 1.602 ຄົນ, ຕ່າງປະເທດ 13 ຄົນ, ນັກໂທດຕະຫຼອດຊີວິດ 4 ຄົນ, ຈໍານວນນັກໂທດທີ່ໄດ້ເງື່ອນໄຂປ່ອຍຕົວທັງໝົດ222ຄົນ, ຕ່າງປະເທດ 3 ຄົນ; ນັກໂທດທີ່ຖືກສານຕັດສິນປະຫານຊີວິດ ໄດ້ຮັບອະໄພຍະໂທດມາເປັນໂທດຕັດອິດສະລະພາບຕະຫຼອດຊີວິດ ຕາມລັດຖະດໍາລັດ ຂອງປະທານປະເທດ ສະບັບເລກທີ 220/ປປທ, ລົງວັນທີ 21 ພະຈິກ 2023 ມີຈໍານວນ 9 ຄົນ, ໃນກອງປະຊຸມຄະນະກໍາມະການອະໄພຍະໂທດຂັ້ນຕ່າງໆ ໄດ້ພ້ອມກັນປະກອບຄຳຄິດຄຳເຫັນຢ່າງກົງໄປກົງມາ ແລະ ເປັນເອກະພາບສູງຕໍ່ບົດສະຫຼຸບຕີລາຄາ ແລະ ໄດ້ສະເໜີວິທີແກ້ໄຂຂໍ້ຄົງຄ້າງ ແລະ ຖອດຖອນໄດ້ບົດຮຽນຈໍານວນໜຶ່ງ ເພື່ອນໍາໄປຈັດຕັ້ງປະຕິບັດ ເພື່ອແກ້ໄຂຈຸດອ່ອນໃນປີຕໍ່ໄປ.
ໃນກອງປະຊຸມທີ່ມີຄວາມໝາຍຄວາມສຳຄັນນີ້ ໄດ້ຮັບຟັງການໂອ້ລົມຈາກ ທ່ານ ພົນເອກ ວິໄລ ຫຼ້າຄຳຟອງ ຊຶ່ງທ່ານໄດ້ແນະນໍາໃຫ້ບັນດາຄະນະກໍາມະການອະໄພຍະໂທດຂັ້ນຕ່າງໆ,ເອົາໃຈໃສ່ບາງບັນຫາທີ່ສຳຄັນຄື:ເພີ່ມທະວີຄວາມຮັບຜິດຊອບໃນການປະຕິບັດໜ້າທີ່ວຽກງານຂອງຕົນໃຫ້ທັນຕາມກໍານົດເວລາ, ເຫັນໄດ້ເຖິງຄວາມສໍາຄັນຂອງການປະຕິບັດນະໂຍບາຍອະໄພຍະໂທດໃຫ້ແກ່ນັກໂທດ. ໃນນັ້ນ, ໃຫ້ເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງ ເພື່ອໃຫ້ມີຂໍ້ມູນທີ່ຊັດເຈນຮັບໃຊ້ເຂົ້າໃນການຄົ້ນຄວ້າ; ເອົາໃຈໃສ່ຄົ້ນຄວ້າກໍາແໜ້ນເນື້ອໃນຂອງກົດໝາຍ, ລັດຖະບັນຍັດ ວ່າດ້ວຍການໃຫ້ອະໄພຍະໂທດ ແລະ ນິຕິກໍາຕ່າງໆທີ່ກ່ຽວຂ້ອງກັບວຽກງານອະໄພຍະໂທດໃຫ້ເລິກເຊິ່ງ. ຈັດຕັ້ງປະຕິບັດໃຫ້ຖືກຕ້ອງ ແລະ ຄົບຖ້ວນ ໂດຍສະເພາະບັນດາເງື່ອນໄຂ, ຂັ້ນຕອນ ແລະ ລະບຽບການພິຈາລະນາ; ຍົກສູງຄວາມຮັບຜິດຊອບໃນການຄົ້ນຄວ້າພິຈາລະນານັກໂທດຜູ້ທີ່ມີເງື່ອນໄຂສະເໜີໃຫ້ອະໄພຍະໂທດ ຕ້ອງຮັບປະກັນຄວາມຖືກຕ້ອງ, ໂປ່ງໃສ, ຍຸຕິທໍາ, ຄັດເລືອກເອົານັກໂທດຜູ້ທີ່ປະພຶດຕົນດີ ແລະ ຮູ້ສຶກກິນແໜງແຄງໃຈຕໍ່ການກະທໍາຜິດຂອງຕົນແທ້ ເພື່ອສະເໜີຂໍອະໄພຍະໂທດຈາກປະທານປະເທດແລະປັບປຸງແກ້ໄຂບັນຫາທີ່ຍັງຄົງຄ້າງຈຳນວນໜຶ່ງທີ່ຄະນະຮັບຜິດຊອບແຕ່ລະຂັ້ນໄດ້ປະສົບພົບພໍ້ໃນເວລາຈັດຕັ້ງປະຕິບັດຕົວຈິງແລະຕາມການຕີລາຄາຂອງກອງປະຊຸມ ເຮັດໃຫ້ບັນຫາທີ່ຫຍຸ້ງຍາກຕ່າງໆໄດ້ຮັບການແກ້ໄຂຢ່າງຖືກຕ້ອງຕາມຈິດໃຈບຸກທະລຸແລະການຫັນປ່ຽນທີ່ດີຂຶ້ນກວ່າເກົ່າ.
ຂ່າວ - ພາບ: ບຸນອູ້ມ
