ກອງບັນຊາການທະຫານແຂວງໄຊສົມບູນ ໄດ້ຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ (20 ມັງກອນ 1949-20 ມັງກອນ 2024) ແລະ ວັນສ້າງຕັ້ງກອງບັນຊາການທະຫານແຂວງໄຊສົມບູນ ຄົບຮອບ 10 ປີ (8 ພຶດສະພາ 2014-8 ພຶດສະພາ 2024) ຂຶ້ນໃນວັນທີ 15 ມັງກອນຜ່ານມາ,ໂດຍມີທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ, ມີທ່ານ ພົຈວ ຄຳອິ້ງ ກິ່ງແກ້ວ ຫົວໜ້າກອງບັນຊາການທະຫານແຂວງ, ມີການນຳແຂວງ, ວິລະຊົນແຫ່ງຊາດ, ນັກຮົບແຂ່ງຂັນ, ນາຍ ແລະ ພົນທະຫານທົ່ວກອງບັນຊາການທະຫານແຂວງເຂົ້າຮ່ວມ. ພ້ອມທັງໄດ້ມອບຫຼຽນໄຊພິລະອາດຫານຊັ້ນ I, II,IIIແລະໃບຍ້ອງຍໍຕ່າງໆໃຫ້ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານໃນໄລຍະຜ່ານມາ.
ໂອກາດນີ້, ທ່ານ ພົຈວ ຄຳອິ້ງ ກິ່ງແກ້ວ ໄດ້ຫວນຄືນມູນເຊື້ອແຫ່ງການກໍາເນີດເຕີບໃຫຍ່ຂະຫຍາຍຕົວ ລວມທັງຜົນງານ ແລະ ໄຊຊະນະທີ່ກອງທັບປະຊາຊົນລາວຍາດມາໄດ້ຕະຫຼອດໄລຍະ 75 ປີຜ່ານມາຊຶ່ງກອງທັບປະຊາຊົນລາວໄດ້ກຳເນີດຂຶ້ນໃນທ່າມກາງປະເທດຊາດຖືກຈັກກະພັດຕ່າງດ້າວຮຸກຮານ ແລະ ຄອບຄອງ ພາຍໃຕ້ການນຳພາຂອງພັກປະຊາຊົນລາວ, ປະຊາຊົນລາວບັນດາເຜົ່າຈຶ່ງໄດ້ລຸກຮືຂຶ້ນຕໍ່ສູ້ຕ້ານການຮຸກຮານຢ່າງເປັນຂະບວນໃນທົ່ວປະເທດ, ໃນວັນທີ 20 ມັງກອນ 1949 ກອງທັບລາວອິດສະຫຼະໄດ້ຮັບການປະກາດສ້າງຕັ້ງຂຶ້ນ (ຊຶ່ງເປັນຕົ້ນກຳເນີດຂອງກອງທັບປະຊາຊົນລາວໃນປັດຈຸບັນ) ໂດຍແມ່ນປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງ ແລະ ຊີ້ນຳບັນຊາໂດຍກົງ. ນັບແຕ່ກອງທັບໄດ້ຮັບການສ້າງຕັ້ງຂຶ້ນກໍໄດ້ຮັບພາລະກິດອັນໜັກໜ່ວງ ຕໍ່ສູ້ຕ້ານກັບຈັກກະພັດຜູ້ຮຸກຮານທັງແບບເກົ່າ ແລະ ໃໝ່ ເພື່ອປົກປັກຮັກສາປະເທດຊາດດ້ວຍນ້ຳໃຈຮັກຊາດອັນເດັດດ່ຽວໜຽວແໜ້ນຕໍ່ສູ້ບໍ່ຍອມຈໍານົນ, ກອງທັບໄດ້ຮ່ວມກັບປະຊາຊົນລາວບັນດາເຜົ່າສືບຕໍ່ດຳເນີນການຕໍ່ສູ້ຢ່າງອົງອາດກ້າຫານສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາເປັນສາທາລະນະລັດປະຊາທິປະໄຕ ປະຊາຊົນລາວໄດ້ຢ່າງສົມບູນໃນວັນທີ 2 ທັນວາ 1975. ພາຍຫຼັງປະເທດຊາດໄດ້ຮັບການປົດປ່ອຍ, ກອງທັບກໍໄດ້ປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ເປັນເຈົ້າການປະຕິບັດວຽກງານປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ)ທົ່ວປວງຊົນຮອບດ້ານ, ເຮັດໃຫ້ປະເທດຊາດມີຄວາມສະຫງົບໂດຍພື້ນຖານ. ພ້ອມກັນນັ້ນ, ໄດ້ສຸມໃສ່ປັບປຸງກໍ່ສ້າງກຳລັງເພື່ອເປັນຫຼັກແຫຼ່ງແກ່ນສານໃຫ້ແກ່ການປົກປັກຮັກສາເອກະລາດ ອຳນາດອະທິປະໄຕ ແລະ ຜືນແຜ່ນດິນຄົບຖ້ວນຂອງຊາດ, ເອົາໃຈໃສ່ປະກອບສ່ວນປັບປຸງກໍ່ສ້າງພື້ນຖານການເມືອງ, ກໍ່ສ້າງທ່າສະໜາມສົງຄາມປະຊາຊົນ 3 ຂັ້ນຕິດພັນກັບວຽກງານ 3 ສ້າງຢູ່ທ້ອງຖິ່ນຕາມ 4 ເນື້ອໃນ 4 ຄາດໝາຍຮັບປະກັນສະຖຽນລະພາບຂອງລະບອບການເມືອງ ຮັກສາຄວາມສະຫງົບປອດໄພຕາມຊາຍແດນ ແລະ ອື່ນໆ.
ພ້ອມນີ້, ທ່ານໄດ້ຍົກໃຫ້ເຫັນການກຳເນີດ ແລະ ເຕີບໃຫຍ່ຂະຫຍາຍຕົວຂອງກໍາລັງປະກອບອາວຸດທ້ອງຖິ່ນແຂວງໄຊສົມບູນໄລຍະ 10 ປີຜ່ານມາ ພາຍໃຕ້ການນໍາພາຂອງຄະນະບໍລິຫານງານພັກແຂວງ ຊຶ່ງແມ່ນປະຫວັດສາດແຫ່ງການທົດສອບອັນໃຫຍ່ຫຼວງໃນການປົກປັກຮັກສາ ແລະ ສ້າງສາພັດທະນາປະເທດຊາດບົນເສັ້ນທາງລະອິດລະອ້ຽວ, ຫຍຸ້ງຍາກ, ລໍາບາກທີ່ສຸດ, ບັນດາກຳລັງປະກອບອາວຸດທ້ອງຖິ່ນທັງເຄື່ອນໄຫວແກ້ໄຂສະພາບເຂດເກາະຫ້ອຍທັງກໍ່ສ້າງປັບປຸງກຳລັງ ແລະ ຂົນຂວາຍກໍ່ສ້າງຮາກຖານການເມືອງທັງເພີ່ມພູນຜະລິດຜົນເພື່ອສ້າງພະລາທິການກັບທີ່ສາມາດເປັນກຳລັງຫຼັກແຫຼ່ງ ແລະ ເປັນບ່ອນອີງທີ່ໄວ້ວາງໃຈ ໃນພາລະກິດປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ປົກປັກຮັກສາເອກະລາດ ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດກໍຄືຂອງທ້ອງຖິ່ນແຂວງໄຊສົມບູນໄວ້ໄດ້ຢ່າງໝັ້ນຄົງຮັບປະກັນສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍຢ່າງໜັກແໜ້ນ.ແຫຼ່ງຂ່າວ: ຂປລ
ໂອກາດນີ້, ທ່ານ ພົຈວ ຄຳອິ້ງ ກິ່ງແກ້ວ ໄດ້ຫວນຄືນມູນເຊື້ອແຫ່ງການກໍາເນີດເຕີບໃຫຍ່ຂະຫຍາຍຕົວ ລວມທັງຜົນງານ ແລະ ໄຊຊະນະທີ່ກອງທັບປະຊາຊົນລາວຍາດມາໄດ້ຕະຫຼອດໄລຍະ 75 ປີຜ່ານມາຊຶ່ງກອງທັບປະຊາຊົນລາວໄດ້ກຳເນີດຂຶ້ນໃນທ່າມກາງປະເທດຊາດຖືກຈັກກະພັດຕ່າງດ້າວຮຸກຮານ ແລະ ຄອບຄອງ ພາຍໃຕ້ການນຳພາຂອງພັກປະຊາຊົນລາວ, ປະຊາຊົນລາວບັນດາເຜົ່າຈຶ່ງໄດ້ລຸກຮືຂຶ້ນຕໍ່ສູ້ຕ້ານການຮຸກຮານຢ່າງເປັນຂະບວນໃນທົ່ວປະເທດ, ໃນວັນທີ 20 ມັງກອນ 1949 ກອງທັບລາວອິດສະຫຼະໄດ້ຮັບການປະກາດສ້າງຕັ້ງຂຶ້ນ (ຊຶ່ງເປັນຕົ້ນກຳເນີດຂອງກອງທັບປະຊາຊົນລາວໃນປັດຈຸບັນ) ໂດຍແມ່ນປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງ ແລະ ຊີ້ນຳບັນຊາໂດຍກົງ. ນັບແຕ່ກອງທັບໄດ້ຮັບການສ້າງຕັ້ງຂຶ້ນກໍໄດ້ຮັບພາລະກິດອັນໜັກໜ່ວງ ຕໍ່ສູ້ຕ້ານກັບຈັກກະພັດຜູ້ຮຸກຮານທັງແບບເກົ່າ ແລະ ໃໝ່ ເພື່ອປົກປັກຮັກສາປະເທດຊາດດ້ວຍນ້ຳໃຈຮັກຊາດອັນເດັດດ່ຽວໜຽວແໜ້ນຕໍ່ສູ້ບໍ່ຍອມຈໍານົນ, ກອງທັບໄດ້ຮ່ວມກັບປະຊາຊົນລາວບັນດາເຜົ່າສືບຕໍ່ດຳເນີນການຕໍ່ສູ້ຢ່າງອົງອາດກ້າຫານສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາເປັນສາທາລະນະລັດປະຊາທິປະໄຕ ປະຊາຊົນລາວໄດ້ຢ່າງສົມບູນໃນວັນທີ 2 ທັນວາ 1975. ພາຍຫຼັງປະເທດຊາດໄດ້ຮັບການປົດປ່ອຍ, ກອງທັບກໍໄດ້ປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ເປັນເຈົ້າການປະຕິບັດວຽກງານປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ)ທົ່ວປວງຊົນຮອບດ້ານ, ເຮັດໃຫ້ປະເທດຊາດມີຄວາມສະຫງົບໂດຍພື້ນຖານ. ພ້ອມກັນນັ້ນ, ໄດ້ສຸມໃສ່ປັບປຸງກໍ່ສ້າງກຳລັງເພື່ອເປັນຫຼັກແຫຼ່ງແກ່ນສານໃຫ້ແກ່ການປົກປັກຮັກສາເອກະລາດ ອຳນາດອະທິປະໄຕ ແລະ ຜືນແຜ່ນດິນຄົບຖ້ວນຂອງຊາດ, ເອົາໃຈໃສ່ປະກອບສ່ວນປັບປຸງກໍ່ສ້າງພື້ນຖານການເມືອງ, ກໍ່ສ້າງທ່າສະໜາມສົງຄາມປະຊາຊົນ 3 ຂັ້ນຕິດພັນກັບວຽກງານ 3 ສ້າງຢູ່ທ້ອງຖິ່ນຕາມ 4 ເນື້ອໃນ 4 ຄາດໝາຍຮັບປະກັນສະຖຽນລະພາບຂອງລະບອບການເມືອງ ຮັກສາຄວາມສະຫງົບປອດໄພຕາມຊາຍແດນ ແລະ ອື່ນໆ.
ພ້ອມນີ້, ທ່ານໄດ້ຍົກໃຫ້ເຫັນການກຳເນີດ ແລະ ເຕີບໃຫຍ່ຂະຫຍາຍຕົວຂອງກໍາລັງປະກອບອາວຸດທ້ອງຖິ່ນແຂວງໄຊສົມບູນໄລຍະ 10 ປີຜ່ານມາ ພາຍໃຕ້ການນໍາພາຂອງຄະນະບໍລິຫານງານພັກແຂວງ ຊຶ່ງແມ່ນປະຫວັດສາດແຫ່ງການທົດສອບອັນໃຫຍ່ຫຼວງໃນການປົກປັກຮັກສາ ແລະ ສ້າງສາພັດທະນາປະເທດຊາດບົນເສັ້ນທາງລະອິດລະອ້ຽວ, ຫຍຸ້ງຍາກ, ລໍາບາກທີ່ສຸດ, ບັນດາກຳລັງປະກອບອາວຸດທ້ອງຖິ່ນທັງເຄື່ອນໄຫວແກ້ໄຂສະພາບເຂດເກາະຫ້ອຍທັງກໍ່ສ້າງປັບປຸງກຳລັງ ແລະ ຂົນຂວາຍກໍ່ສ້າງຮາກຖານການເມືອງທັງເພີ່ມພູນຜະລິດຜົນເພື່ອສ້າງພະລາທິການກັບທີ່ສາມາດເປັນກຳລັງຫຼັກແຫຼ່ງ ແລະ ເປັນບ່ອນອີງທີ່ໄວ້ວາງໃຈ ໃນພາລະກິດປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ປົກປັກຮັກສາເອກະລາດ ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດກໍຄືຂອງທ້ອງຖິ່ນແຂວງໄຊສົມບູນໄວ້ໄດ້ຢ່າງໝັ້ນຄົງຮັບປະກັນສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍຢ່າງໜັກແໜ້ນ.ແຫຼ່ງຂ່າວ: ຂປລ
