ທ່ານ ດາວວົງ ພອນແກ້ວ ເຈົ້າແຂວງສາລະວັນພ້ອມດ້ວຍພາກສ່ວນຕ່າງໆ ໄດ້ວາງພວງມາລາ ແລະ ກະຕ່າດອກໄມ້ຢູ່ອານຸສອນສະຖານປະທານໄກສອນ ພົມວິຫານ, ອານຸສາວະລີຮູບປັ້ນຫຼໍ່ເໝືອນອົງແກ້ວ,ອານຸສາວະລີນັກຮົບນິລະນາມ ແລະຈູດທູບຢູ່ສຸສານທະຫານແຂວງໃນວັນທີ 16 ມັງກອນນີ້, ເພື່ອຫວນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20ມັງກອນ 2024).
ການວາງພວງມາລາ ແລະ ກະຕ່າດອກໄມ້ໃນຄັ້ງນີ້, ເພື່ອເປັນການສະແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ຄຸນງາມຄວາມດີ, ນໍ້າໃຈຕໍ່ສູ້ຢ່າງພິລະອາດຫານ ແລະບໍ່ຍອມຈໍານົນຂອງບັນພະບູລຸດລາວ ກໍຄືບັນດານັກຮົບປະຕິວັດທີ່ໄດ້ເສຍສະຫຼະຊີວິດ, ເລືອດເນື້ອເພື່ອປະເທດຊາດ, ໃນພາລະກິດການປະຕິວັດຕໍ່ສູ້ກູ້ຊາດໃນປາງສົງຄາມ ຢ່າງອົງອາດກ້າຫານ ທີ່ໄດ້ນຳພາເຄື່ອນໄຫວຕໍ່ສູ້ໃນຮຸ່ນກ່ອນມີພັກນຳພາໃນທ້າຍສະຕະວັດທີ 19 ທີ່ໄດ້ອຸທິດຊີວິດເພື່ອປະເທດຊາດ ເພື່ອປະຊາຊົນລາວບັນດາເຜົ່າ. ເພື່ອສືບຕໍ່ພາລະກິດການປະຕິວັດ ແລະເຮັດສຳເລັດສອງໜ້າທີ່ຍຸດທະສາດຄື: ປົກປັກຮັກສາ ແລະສ້າງສ້າງພັດທະນາປະເທດຊາດ ຈະສືບຕໍ່ຫັນກໍາລັງລົງກໍ່ສ້າງຮາກຖານ, ສ້າງກຸ່ມບ້ານສູ້ຮົບຕິດລຽນຕິດພັນກັບການສ້າງບ້ານພັດທະນາປ້ອງກັນຂອບເຂດຮັບຜິດຊອບໃຫ້ມີຄວາມສະຫງົບ 100%, ກຽມພ້ອມສູ້ຮົບຕະຫຼອດ 24 ຊົ່ວໂມງຮັກສາໄດ້ທາງດ້ານຈໍານວນພົນ ແລະ ພາຫະນະ, ສືບຕໍ່ສຸມໃສ່ການສຶກສາອົບຮົມການເມືອງນໍາພາແນວຄິດເຊື່ອມຊຶມ-ກໍາແໜ້ນ ແລະ ຈັດຕັ້ງຜັນຂະຫຍາຍບັນດາມະຕິກອງປະຊຸມໃຫຍ່ຄັ້ງທີXI ຂອງສູນກາງພັກ ສ້າງໃຫ້ໄດ້ຈິດໃຈບຸກທະລຸໃຫ້ມີການຫັນປ່ຽນຢ່າງຈະແຈ້ງ ແລະ ມີຄວາມຈົງຮັກພັກດີຕໍ່ພັກ-ຕໍ່ປະເທດຊາດ, ກໍ່ສ້າງພັກ-ພະນັກງານໃຫ້ໜັກແໜ້ນເຂັ້ມແຂງຮອບດ້ານ, ສືບຕໍ່ສ້າງຂະບວນການແກ້ໄຂຊີວິດການເປັນຢູ່ກໍ່ສ້າງຄ້າຍຄູໃຫ້ໄດ້ມາດຖານກາຍເປັນກອງວັດທະນະທໍາ, ຄົ້ນຄວ້າຂຶ້ນແຜນສ້າງເສດຖະກິດທີ່ຕິດພັນກັບວຽກງານປ້ອງກັນຊາດ ແລະ ກໍ່ສ້າງແນວຫຼັງຍຸດທະສາດ ແລະເພີ່ມທະວີການຊີ້ນໍາ-ນໍາພາເດັດຂາດໂດຍກົງ ແລະ ຮອບດ້ານຂອງອໍານາດການປົກຄອງແຂວງຕໍ່ກໍາລັງປ້ອງກັນຊາດ-ປ້ອງກັນຄວາມສະຫງົບ, ສ້າງໃຫ້ມີກໍາລັງເຂັ້ມແຂງ-ໜັກແໜ້ນທາງດ້ານການເມືອງ-ແນວຄິດ-ການຈັດຕັ້ງ ແລະ ວິທີນໍາພາໃຫ້ກາຍເປັນກໍາລັງສັດຊື່ ແລະ ຈົງຮັກພັກດີຕໍ່ຊາດ ເປັນກໍາລັງແກ່ນສານໃນວຽກງານປ້ອງກັນຊາດ.
ຂ່າວ-ພາບ: ທິດລານີ ໂຄດໂຍທາ
ການວາງພວງມາລາ ແລະ ກະຕ່າດອກໄມ້ໃນຄັ້ງນີ້, ເພື່ອເປັນການສະແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ຄຸນງາມຄວາມດີ, ນໍ້າໃຈຕໍ່ສູ້ຢ່າງພິລະອາດຫານ ແລະບໍ່ຍອມຈໍານົນຂອງບັນພະບູລຸດລາວ ກໍຄືບັນດານັກຮົບປະຕິວັດທີ່ໄດ້ເສຍສະຫຼະຊີວິດ, ເລືອດເນື້ອເພື່ອປະເທດຊາດ, ໃນພາລະກິດການປະຕິວັດຕໍ່ສູ້ກູ້ຊາດໃນປາງສົງຄາມ ຢ່າງອົງອາດກ້າຫານ ທີ່ໄດ້ນຳພາເຄື່ອນໄຫວຕໍ່ສູ້ໃນຮຸ່ນກ່ອນມີພັກນຳພາໃນທ້າຍສະຕະວັດທີ 19 ທີ່ໄດ້ອຸທິດຊີວິດເພື່ອປະເທດຊາດ ເພື່ອປະຊາຊົນລາວບັນດາເຜົ່າ. ເພື່ອສືບຕໍ່ພາລະກິດການປະຕິວັດ ແລະເຮັດສຳເລັດສອງໜ້າທີ່ຍຸດທະສາດຄື: ປົກປັກຮັກສາ ແລະສ້າງສ້າງພັດທະນາປະເທດຊາດ ຈະສືບຕໍ່ຫັນກໍາລັງລົງກໍ່ສ້າງຮາກຖານ, ສ້າງກຸ່ມບ້ານສູ້ຮົບຕິດລຽນຕິດພັນກັບການສ້າງບ້ານພັດທະນາປ້ອງກັນຂອບເຂດຮັບຜິດຊອບໃຫ້ມີຄວາມສະຫງົບ 100%, ກຽມພ້ອມສູ້ຮົບຕະຫຼອດ 24 ຊົ່ວໂມງຮັກສາໄດ້ທາງດ້ານຈໍານວນພົນ ແລະ ພາຫະນະ, ສືບຕໍ່ສຸມໃສ່ການສຶກສາອົບຮົມການເມືອງນໍາພາແນວຄິດເຊື່ອມຊຶມ-ກໍາແໜ້ນ ແລະ ຈັດຕັ້ງຜັນຂະຫຍາຍບັນດາມະຕິກອງປະຊຸມໃຫຍ່ຄັ້ງທີXI ຂອງສູນກາງພັກ ສ້າງໃຫ້ໄດ້ຈິດໃຈບຸກທະລຸໃຫ້ມີການຫັນປ່ຽນຢ່າງຈະແຈ້ງ ແລະ ມີຄວາມຈົງຮັກພັກດີຕໍ່ພັກ-ຕໍ່ປະເທດຊາດ, ກໍ່ສ້າງພັກ-ພະນັກງານໃຫ້ໜັກແໜ້ນເຂັ້ມແຂງຮອບດ້ານ, ສືບຕໍ່ສ້າງຂະບວນການແກ້ໄຂຊີວິດການເປັນຢູ່ກໍ່ສ້າງຄ້າຍຄູໃຫ້ໄດ້ມາດຖານກາຍເປັນກອງວັດທະນະທໍາ, ຄົ້ນຄວ້າຂຶ້ນແຜນສ້າງເສດຖະກິດທີ່ຕິດພັນກັບວຽກງານປ້ອງກັນຊາດ ແລະ ກໍ່ສ້າງແນວຫຼັງຍຸດທະສາດ ແລະເພີ່ມທະວີການຊີ້ນໍາ-ນໍາພາເດັດຂາດໂດຍກົງ ແລະ ຮອບດ້ານຂອງອໍານາດການປົກຄອງແຂວງຕໍ່ກໍາລັງປ້ອງກັນຊາດ-ປ້ອງກັນຄວາມສະຫງົບ, ສ້າງໃຫ້ມີກໍາລັງເຂັ້ມແຂງ-ໜັກແໜ້ນທາງດ້ານການເມືອງ-ແນວຄິດ-ການຈັດຕັ້ງ ແລະ ວິທີນໍາພາໃຫ້ກາຍເປັນກໍາລັງສັດຊື່ ແລະ ຈົງຮັກພັກດີຕໍ່ຊາດ ເປັນກໍາລັງແກ່ນສານໃນວຽກງານປ້ອງກັນຊາດ.
ຂ່າວ-ພາບ: ທິດລານີ ໂຄດໂຍທາ
