(ໂດຍ: ຕະວິນຍານ)
ຕາມຂໍ້ມູນມະຕິກອງປະຊຸມອົງການປົກຄອງແຂວງໄຊຍະບຸລີ ເປີດກວ້າງ ຄັ້ງທີ II ໃນທ້າຍ ປີ 2023 ຜ່ານມາ,ໄດ້ຕີລາຄາການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງ ປະຈໍາປີ 2023 ຊຶ່ງໄດ້ຍົກໃຫ້ເຫັນເຖິງຄວາມຫຍຸ້ງຍາກດ້ານເສດຖະກິດ-ການເງິນ,ການຜັນຜວນຂອງຕາເງິນຕ່າງປະເທດ,ອັດຕາແລກປ່ຽນເງິນຕາ-ເງິນກີບອ່ອນຄ່າ (ພວມປະເຊີນກັບໄພເງິນເຟີ້) ແຕ່ດ້ວຍຄວາມເປັນເຈົ້າການຂອງການນໍາແຂວງ ແລະ ຂອງແຕ່ລະພາກສ່ວນໄດ້ມີຄວາມພະຍາຍາມຈັດຕັ້ງປະຕິບັດຄາດໝາຍຕ່າງໆ ຈຶ່ງເຮັດໃຫ້ມີຜົນສໍາເລັດຫຼາຍດ້ານ,ສິ່ງສໍາຄັນແມ່ນແຂວງໄຊຍະບູລີຍັງຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ,ສັງຄົມມີຄວາມສະຫງົບເປັນລະບຽບຮຽບຮ້ອຍໂດຍພື້ນຖານ,ຮັກສາໄດ້ບັນຍາກາດທີ່ດີຢູ່ບໍລິເວນຊາຍແດນ, ບໍ່ມີເຫດການຮ້າຍແຮງໃດໆເກີດຂຶ້ນ.
ໃນມະຕິກອງປະຊຸມອົງການປົກຄອງແຂວງໄຊຍະບູລີ ເປີດກວ້າງ ຄັ້ງທີ II ໄດ້ຕີລາຄາຮັບຮອງເອົາການຂະຫຍາຍຕົວ ດ້ານເສດຖະກິດມະຫາພາກ ໃນປີ 2023 ເຕີບໂຕ 5% ລາຍຮັບສະເລ່ຍຕໍ່ຫົວຄົນ 35 ລ້ານກວ່າກີບ ຫຼື ເທົ່າກັບ 1.784 ໂດລາ, ຈັດເກັບລາຍຮັບໄດ້ທັງໝົດ 1.674 ຕື້ກີບ, ລື່ນແຜນ 8,7% ໃນນີ້: ພູດສູນກາງ ປະຕິບັດ 1.052 ຕື້ກີບ ລື່ນແຜນ 4,2%, ພູດທ້ອງຖິ່ນ ປະຕິບັດໄດ້ 595,02 ຕື້ກີບ, ລື່ນແຜນ 17,89%; ຄຸ້ມຄອງລາຍຈ່າຍ ໄດ້ທັງໝົດ 591,14 ຕື້ກີບ, ລື່ນແຜນ 18,40% ສາມາດເບີກຈ່າຍເງິນເດືອນສໍາເລັດຮອດເດືອນ 12, ອັນພົ້ນເດັ່ນແມ່ນໄດ້ນໍາໃຊ້ລະບົບແທັກລິດ ເຂົ້າໃນການຄຸ້ມຄອງຈັດເກັບລາຍຮັບແລ້ວ 11 ເມືອງ ຫົວໜ່ວຍປະເມີນໃນລະບົບ 76,80%, ການຜະລິດສະບຽງອາຫານ,ຜະລິດສິນຄ້າຂອງປະຊາຊົນ ໂດຍລວມແລ້ວຍັງສືບຕໍ່ເປັນຂະບວນການດີ, ສາມາດຄໍ້າປະກັນສະບຽງອາຫານໄດ້ຢ່າງພຽງພໍ ການຜະລິດສິນຄ້າກະສິກໍາສົ່ງອອກມີປະລິມານເພີ່ມຂຶ້ນຊຶ່ງສາມາດຜະລິດເຂົ້າໄດ້ທັງໝົດ 200.000 ກວ່າໂຕນ, ຜະລິດພືດສະບຽງອາຫານໃນເນື້ອທີ່ 21.000 ກວ່າເຮັກຕາ, ຜົນຜະລິດໄດ້ 187.000 ກວ່າໂຕນ; ຜະລິດພືດເປັນສິນຄ້າໄດ້ 2.600.000 ກວ່າໂຕນ, ພືດທີ່ພົ້ນເດັ່ນແມ່ນມັນຕົ້ນມີ ເນື້ອທີ່ 81.000 ກວ່າເຮັກຕາ; ພືດຕະກຸນຖົ່ວ, ສາລີ, ໝາກເດືອຍ ເຫັນວ່າເກີນແຜນເລັກນ້ອຍ; ພ້ອມນັ້ນ ຍັງໄດ້ຊຸກຍູ້ສົ່ງເສີມການຜະລິດກະສິກໍາ ຕິດພັນກັບການປຸງແຕ່ງ, ໂຮງງານແປ້ງມັນຕົ້ນເມືອງໄຊຍະບູລີ, ໂຮງງານປຸງແຕ່ງຢາງພາລາຢູ່ເມືອງຊຽງຮ່ອນ,ໂຮງງານປຸງແຕ່ງເສັ້ນໝີ່,ໂຮງງານຂ້າສັດທັນສະໄໝ,ໂຮງອົບແຫ້ງສາລີ, ການລ້ຽງສັດໃຫຍ່ປະເພດງົວ-ຄວາຍ ຍັງສືບຕໍ່ຂະຫຍາຍຕົວດີ, ອັດຕາການຂະຫຍາຍຕົວສະເລ່ຍ 6,5% ແລະ ຫັນມາລ້ຽງເປັນຟາມຂອງຄອບຄົວເພີ່ມຂຶ້ນ, ສາມາດຕອບສະໜອງການບໍລິໂພກຢູ່ພາຍໃນໄດ້ເພີ່ມຂຶ້ນ ແລະ ມີຄວາມຄ່ອງຕົວກວ່າເກົ່າ, ຫຼຸດຜ່ອນການນໍາເຂົ້າສິນຄ້າ ທີ່ບໍ່ຈໍາເປັນເທື່ອລະກ້າວ.
ພື້ນຖານໂຄງລ່າງທາງດ້ານເສດຖະກິດໄດ້ຮັບການພັດທະນາ ເປັນຕົ້ນ: ຖະໜົນຫົນທາງ, ໄຟຟ້າ ນໍ້າປະປາ, ນໍ້າກິນ, ນໍ້າໃຊ້ ໄດ້ຕອບສະໜອງ ກັບຄວາມຕ້ອງການຂອງປະຊາຊົນດີຂຶ້ນ, ການຈັດຫາອາຊີບຄົງທີ່ເຮັດໃຫ້ປະຊາຊົນມີລາຍໄດ້ເພີ່ມຂຶ້ນ ເຮັດໃຫ້ຊີວິດການເປັນຢູ່ໄດ້ຮັບການປັບປຸງ, ໃນໄລຍະເດືອນ ຕຸລາ 2023 ຜ່ານມານີ້ ແຂວງໄດ້ເປີດນໍາໃຊ້ເຂື່ອນໄຟຟ້ານໍ້າຮຸ່ງ 1 ເປັນເຂື່ອນຂະໜາດນ້ອຍ ມີກໍາລັງຕິດຕັ້ງ 15 ເມກາວັດ, ອັດຕາການຊົມໃຊ້ໄຟຟ້າໃນລະບົບ ກວມ 98,60% ຂອງຄອບຄົວທັງໝົດ ໃນນີ້ ມີຄອບຄົວຊົມໃຊ້ໄຟຟ້າແສງຕາເວັນ 0,42% (ບ້ານ ຫ້ວຍຊອງ, ໂພນສີດາ, ນາຂອນແກ່ນ, ນາງີມ, ວັງຜາ ໝອນ ແລະ ບ້ານປາກຕຸງ), ອັດຕາການຊົມໃຊ້ນໍ້າສະອາດ 97,61% ຂອງ ຄອບຄົວທັງໝົດ. ບັນດາເປົ້າ ໝາຍສະຫັດສະວັດດ້ານການພັດທະນາ ແລະ ການພັດທະນາແບບຍືນຍົງ ແລະ ຄາດໝາຍອື່ນໆ ສ່ວນໃຫຍ່ກໍບັນລຸຕາມຄາດໝາຍວາງໄວ້. ອັດຕາຄວາມທຸກຍາກ ຜ່ານການປະເມີນຕາມດໍາລັດ 348/ລບ ຄອບຄົວທຸກຍາກພາຍໃນແຂວງຍັງເຫຼືອ 32,28% ຂອງຈໍານວນຄອບຄົວທັງໝົດ, ບ້ານທຸກຍາກ ຍັງ 115 ບ້ານ ກວມ 26,74%, ແລະ ເມືອງທຸກຍາກ 3 ເມືອງ ຄື (ເມືອງໄຊຍະບູລີ, ເມືອງໄຊສະຖານ ແລະ ເມືອງຊຽງຮ່ອນ).
ສໍາລັບວຽກງານການຄຸ້ມຄອງລັດ-ຄຸ້ມຄອງສັງຄົມດ້ວຍລະບຽບກົດໝາຍ ປີ 2023 ໄດ້ສ້າງນິຕິກໍາໃຕ້ກົດໝາຍ ກໍຄືຂໍ້ຕົກລົງຂອງທ່ານເຈົ້າແຂວງ ເພື່ອສະເໜີສະພາປະຊາຊົນແຂວງຮັບຮອງ ແລະ ໄດ້ປະກາດນໍາໃຊ້ແລ້ວ ຈໍານວນ 2 ສະບັບ, ພ້ອມກັນນັ້ນ ໄດ້ຮ່ວມກັບສະພາປະຊາຊົນແຂວງຄົ້ນຄວ້າແກ້ໄຂຄໍາສະເໜີ ຂອງປະຊາຊົນຜ່ານສະມາຊິກສະພາ ມີ 248 ຄໍາສະເໜີ, ແກ້ໄຂແລ້ວ 223 ຄໍາສະເໜີ, ຍັງຄ້າງ 17 ຄໍາສະເໜີ.
ສ່ວນວຽກງານກວດກາ ໄດ້ຕິດຕາມຜົນກວດສອບ, ກວດກາ ຕາມມະຕິສະພາ ເຫັນວ່າໄດ້ກວດສອບ ບັນດາໂຄງການລົງທຶນຂອງລັດ ຕາມແຈ້ງການຂອງຂັ້ນເທິງ ມູນຄ່າ 10 ຕື້ລົງມາ ຈໍານວນ 233 ໂຄງການ,ກວດສໍາເລັດແລ້ວ ຈໍານວນ 135 ໂຄງການ; ຜ່ານການກວດກາການຈັດຕັ້ງປະຕິບັດ ບໍ່ສອດຄ່ອງກັບລະບຽບກົດໝາຍການລົງທຶນຂອງລັດ ຈໍານວນ 22 ໂຄງການ.
ຕາມຂໍ້ມູນມະຕິກອງປະຊຸມອົງການປົກຄອງແຂວງໄຊຍະບຸລີ ເປີດກວ້າງ ຄັ້ງທີ II ໃນທ້າຍ ປີ 2023 ຜ່ານມາ,ໄດ້ຕີລາຄາການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງ ປະຈໍາປີ 2023 ຊຶ່ງໄດ້ຍົກໃຫ້ເຫັນເຖິງຄວາມຫຍຸ້ງຍາກດ້ານເສດຖະກິດ-ການເງິນ,ການຜັນຜວນຂອງຕາເງິນຕ່າງປະເທດ,ອັດຕາແລກປ່ຽນເງິນຕາ-ເງິນກີບອ່ອນຄ່າ (ພວມປະເຊີນກັບໄພເງິນເຟີ້) ແຕ່ດ້ວຍຄວາມເປັນເຈົ້າການຂອງການນໍາແຂວງ ແລະ ຂອງແຕ່ລະພາກສ່ວນໄດ້ມີຄວາມພະຍາຍາມຈັດຕັ້ງປະຕິບັດຄາດໝາຍຕ່າງໆ ຈຶ່ງເຮັດໃຫ້ມີຜົນສໍາເລັດຫຼາຍດ້ານ,ສິ່ງສໍາຄັນແມ່ນແຂວງໄຊຍະບູລີຍັງຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ,ສັງຄົມມີຄວາມສະຫງົບເປັນລະບຽບຮຽບຮ້ອຍໂດຍພື້ນຖານ,ຮັກສາໄດ້ບັນຍາກາດທີ່ດີຢູ່ບໍລິເວນຊາຍແດນ, ບໍ່ມີເຫດການຮ້າຍແຮງໃດໆເກີດຂຶ້ນ.
ໃນມະຕິກອງປະຊຸມອົງການປົກຄອງແຂວງໄຊຍະບູລີ ເປີດກວ້າງ ຄັ້ງທີ II ໄດ້ຕີລາຄາຮັບຮອງເອົາການຂະຫຍາຍຕົວ ດ້ານເສດຖະກິດມະຫາພາກ ໃນປີ 2023 ເຕີບໂຕ 5% ລາຍຮັບສະເລ່ຍຕໍ່ຫົວຄົນ 35 ລ້ານກວ່າກີບ ຫຼື ເທົ່າກັບ 1.784 ໂດລາ, ຈັດເກັບລາຍຮັບໄດ້ທັງໝົດ 1.674 ຕື້ກີບ, ລື່ນແຜນ 8,7% ໃນນີ້: ພູດສູນກາງ ປະຕິບັດ 1.052 ຕື້ກີບ ລື່ນແຜນ 4,2%, ພູດທ້ອງຖິ່ນ ປະຕິບັດໄດ້ 595,02 ຕື້ກີບ, ລື່ນແຜນ 17,89%; ຄຸ້ມຄອງລາຍຈ່າຍ ໄດ້ທັງໝົດ 591,14 ຕື້ກີບ, ລື່ນແຜນ 18,40% ສາມາດເບີກຈ່າຍເງິນເດືອນສໍາເລັດຮອດເດືອນ 12, ອັນພົ້ນເດັ່ນແມ່ນໄດ້ນໍາໃຊ້ລະບົບແທັກລິດ ເຂົ້າໃນການຄຸ້ມຄອງຈັດເກັບລາຍຮັບແລ້ວ 11 ເມືອງ ຫົວໜ່ວຍປະເມີນໃນລະບົບ 76,80%, ການຜະລິດສະບຽງອາຫານ,ຜະລິດສິນຄ້າຂອງປະຊາຊົນ ໂດຍລວມແລ້ວຍັງສືບຕໍ່ເປັນຂະບວນການດີ, ສາມາດຄໍ້າປະກັນສະບຽງອາຫານໄດ້ຢ່າງພຽງພໍ ການຜະລິດສິນຄ້າກະສິກໍາສົ່ງອອກມີປະລິມານເພີ່ມຂຶ້ນຊຶ່ງສາມາດຜະລິດເຂົ້າໄດ້ທັງໝົດ 200.000 ກວ່າໂຕນ, ຜະລິດພືດສະບຽງອາຫານໃນເນື້ອທີ່ 21.000 ກວ່າເຮັກຕາ, ຜົນຜະລິດໄດ້ 187.000 ກວ່າໂຕນ; ຜະລິດພືດເປັນສິນຄ້າໄດ້ 2.600.000 ກວ່າໂຕນ, ພືດທີ່ພົ້ນເດັ່ນແມ່ນມັນຕົ້ນມີ ເນື້ອທີ່ 81.000 ກວ່າເຮັກຕາ; ພືດຕະກຸນຖົ່ວ, ສາລີ, ໝາກເດືອຍ ເຫັນວ່າເກີນແຜນເລັກນ້ອຍ; ພ້ອມນັ້ນ ຍັງໄດ້ຊຸກຍູ້ສົ່ງເສີມການຜະລິດກະສິກໍາ ຕິດພັນກັບການປຸງແຕ່ງ, ໂຮງງານແປ້ງມັນຕົ້ນເມືອງໄຊຍະບູລີ, ໂຮງງານປຸງແຕ່ງຢາງພາລາຢູ່ເມືອງຊຽງຮ່ອນ,ໂຮງງານປຸງແຕ່ງເສັ້ນໝີ່,ໂຮງງານຂ້າສັດທັນສະໄໝ,ໂຮງອົບແຫ້ງສາລີ, ການລ້ຽງສັດໃຫຍ່ປະເພດງົວ-ຄວາຍ ຍັງສືບຕໍ່ຂະຫຍາຍຕົວດີ, ອັດຕາການຂະຫຍາຍຕົວສະເລ່ຍ 6,5% ແລະ ຫັນມາລ້ຽງເປັນຟາມຂອງຄອບຄົວເພີ່ມຂຶ້ນ, ສາມາດຕອບສະໜອງການບໍລິໂພກຢູ່ພາຍໃນໄດ້ເພີ່ມຂຶ້ນ ແລະ ມີຄວາມຄ່ອງຕົວກວ່າເກົ່າ, ຫຼຸດຜ່ອນການນໍາເຂົ້າສິນຄ້າ ທີ່ບໍ່ຈໍາເປັນເທື່ອລະກ້າວ.
ພື້ນຖານໂຄງລ່າງທາງດ້ານເສດຖະກິດໄດ້ຮັບການພັດທະນາ ເປັນຕົ້ນ: ຖະໜົນຫົນທາງ, ໄຟຟ້າ ນໍ້າປະປາ, ນໍ້າກິນ, ນໍ້າໃຊ້ ໄດ້ຕອບສະໜອງ ກັບຄວາມຕ້ອງການຂອງປະຊາຊົນດີຂຶ້ນ, ການຈັດຫາອາຊີບຄົງທີ່ເຮັດໃຫ້ປະຊາຊົນມີລາຍໄດ້ເພີ່ມຂຶ້ນ ເຮັດໃຫ້ຊີວິດການເປັນຢູ່ໄດ້ຮັບການປັບປຸງ, ໃນໄລຍະເດືອນ ຕຸລາ 2023 ຜ່ານມານີ້ ແຂວງໄດ້ເປີດນໍາໃຊ້ເຂື່ອນໄຟຟ້ານໍ້າຮຸ່ງ 1 ເປັນເຂື່ອນຂະໜາດນ້ອຍ ມີກໍາລັງຕິດຕັ້ງ 15 ເມກາວັດ, ອັດຕາການຊົມໃຊ້ໄຟຟ້າໃນລະບົບ ກວມ 98,60% ຂອງຄອບຄົວທັງໝົດ ໃນນີ້ ມີຄອບຄົວຊົມໃຊ້ໄຟຟ້າແສງຕາເວັນ 0,42% (ບ້ານ ຫ້ວຍຊອງ, ໂພນສີດາ, ນາຂອນແກ່ນ, ນາງີມ, ວັງຜາ ໝອນ ແລະ ບ້ານປາກຕຸງ), ອັດຕາການຊົມໃຊ້ນໍ້າສະອາດ 97,61% ຂອງ ຄອບຄົວທັງໝົດ. ບັນດາເປົ້າ ໝາຍສະຫັດສະວັດດ້ານການພັດທະນາ ແລະ ການພັດທະນາແບບຍືນຍົງ ແລະ ຄາດໝາຍອື່ນໆ ສ່ວນໃຫຍ່ກໍບັນລຸຕາມຄາດໝາຍວາງໄວ້. ອັດຕາຄວາມທຸກຍາກ ຜ່ານການປະເມີນຕາມດໍາລັດ 348/ລບ ຄອບຄົວທຸກຍາກພາຍໃນແຂວງຍັງເຫຼືອ 32,28% ຂອງຈໍານວນຄອບຄົວທັງໝົດ, ບ້ານທຸກຍາກ ຍັງ 115 ບ້ານ ກວມ 26,74%, ແລະ ເມືອງທຸກຍາກ 3 ເມືອງ ຄື (ເມືອງໄຊຍະບູລີ, ເມືອງໄຊສະຖານ ແລະ ເມືອງຊຽງຮ່ອນ).
ສໍາລັບວຽກງານການຄຸ້ມຄອງລັດ-ຄຸ້ມຄອງສັງຄົມດ້ວຍລະບຽບກົດໝາຍ ປີ 2023 ໄດ້ສ້າງນິຕິກໍາໃຕ້ກົດໝາຍ ກໍຄືຂໍ້ຕົກລົງຂອງທ່ານເຈົ້າແຂວງ ເພື່ອສະເໜີສະພາປະຊາຊົນແຂວງຮັບຮອງ ແລະ ໄດ້ປະກາດນໍາໃຊ້ແລ້ວ ຈໍານວນ 2 ສະບັບ, ພ້ອມກັນນັ້ນ ໄດ້ຮ່ວມກັບສະພາປະຊາຊົນແຂວງຄົ້ນຄວ້າແກ້ໄຂຄໍາສະເໜີ ຂອງປະຊາຊົນຜ່ານສະມາຊິກສະພາ ມີ 248 ຄໍາສະເໜີ, ແກ້ໄຂແລ້ວ 223 ຄໍາສະເໜີ, ຍັງຄ້າງ 17 ຄໍາສະເໜີ.
ສ່ວນວຽກງານກວດກາ ໄດ້ຕິດຕາມຜົນກວດສອບ, ກວດກາ ຕາມມະຕິສະພາ ເຫັນວ່າໄດ້ກວດສອບ ບັນດາໂຄງການລົງທຶນຂອງລັດ ຕາມແຈ້ງການຂອງຂັ້ນເທິງ ມູນຄ່າ 10 ຕື້ລົງມາ ຈໍານວນ 233 ໂຄງການ,ກວດສໍາເລັດແລ້ວ ຈໍານວນ 135 ໂຄງການ; ຜ່ານການກວດກາການຈັດຕັ້ງປະຕິບັດ ບໍ່ສອດຄ່ອງກັບລະບຽບກົດໝາຍການລົງທຶນຂອງລັດ ຈໍານວນ 22 ໂຄງການ.
