ເມື່ອບໍ່ດົນມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ໃຫ້ກຽດພົບປະໂອ້ລົມ ຕໍ່ການນຳຫຼັກແຫຼ່ງແຂວງບໍລິຄຳໄຊໂດຍການຕ້ອນຮັບ ຂອງທ່ານ ກອງແກ້ວ ໄຊສົງຄາມເຈົ້າແຂວງບໍລິຄຳໄຊພ້ອມດ້ວຍຄະນະນຳຂອງແຂວງ ແລະ ຂະແໜງການກ່ຽວຂ້ອງພາຍໃນແຂວງ
ໃນໂອກາດນີ້, ທ່ານເຈົ້າແຂວງບໍລິຄຳໄຊໄດ້ລາຍງານໃຫ້ຊາບ ກ່ຽວກັບຜົນສໍາເລັດໃນການຈັດຕັ້ງປະຕິບັດວຽກງານພົ້ນເດັ່ນ ປີ 2023 ແລະ ທິດທາງແຜນການທ້າຍປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ເຫັນວ່າແຂວງໄດ້ເອົາໃຈໃສ່ແກ້ໄຂບັນຫາທີ່ພົວພັນເຖິງຄວາມບໍ່ສະຫງົບ ໂດຍເນັ້ນໃສ່ແກ້ໄຂບັນຫາ4 ເຖື່ອນ (ຄົນເຖື່ອນ, ລົດເຖື່ອນ, ອາວຸດເຖື່ອນ ແລະ ສິນຄ້າເຖື່ອນ)ພ້ອມທັງ ຈັດຕັ້ງປະຕິບັດ 9 ຫົວຂໍ້ສໍາມະນາວິທະຍາສາດ (1. ວຽກງານ ປກຊ-ປກສ;2.ການປັບປຸງອໍານາດການປົກຄອງບ້ານໃຫ້ມີຄວາມເຂັ້ມແຂງ;3. ການແກ້ໄຂຄວາມທຸກຍາກ;4. ບັນຫາທີ່ດິນ;5. ບັນຫາຢາເສບຕິດ;6. ບັນຫາສາສະໜາ; 7. ອຸບັດເຫດຕາມທ້ອງຖະໜົນ;8. ການຕັ້ງສໍາມະນາ;9. ການຂັດຂວາງການປະຕິບັດງານຂອງເຈົ້າໜ້າທີ່ ຫຼືຊີງຕົວປະກັນ) ຊຶ່ງໄດ້ຈັດຕັ້ງຜັນຂະຫຍາຍເຂົ້າສູ່ລວງເລິກເທື່ອລະກ້າວ; ດ້ານເສດຖະກິດສືບຕໍ່ຂະຫຍາຍຕົວຢ່າງຕໍ່ເນື່ອງສະເລ່ຍໃນລະດັບ 5,27%(ແຜນການ 5,4%),ລວມຍອດຜະລິດຕະພັນພາຍໃນ ບັນລຸ 11.004ຕື້ກວ່າກີບ (ແຜນປີ 7.500,75ຕື້ກີບ),ລາຍໄດ້ສະເລ່ຍຕໍ່ຫົວຄົນ 33ລ້ານກວ່າກີບ/ຄົນ/ປີ; ປີ 2023 ສາມາດຈັດເກັບລາຍຮັບໄດ້ທັງໝົດ 1.258,49 ຕື້ກີບ, ດ້ານລາຍຈ່າຍສາມາດປະຕິບັດໄດ້ທັງໝົດ 547,81 ຕື້ກີບ. ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໄດ້ສຸມໃສ່ການຈັດຕັ້ງປະຕິບັດບັນດາຄາດ
ໝາຍໃຫ່ຍຄື: ຄາດໝາຍອັດຕາການຂະຫຍາຍຕົວຂອງເສດຖະກິດ, ການຄຸ້ມຄອງມະຫາພາກແລະ ຫຼຸດຜ່ອນຄວາມບອບບາງຕ່າງໆດ້ານເສດຖະກິດຊຶ່ງສາມາດແກ້ໄຂບັນຫາຄວາມຫຍຸ້ງຍາກດ້ານງົບປະມານລັດໄດ້ໂດຍພື້ນຖານ ແລະ ເລີ່ມເຂົ້າສູ່ການສ້າງຄວາມເຂັ້ມແຂງ; ໄດ້ເອົາໃຈໃສ່ຍົກສູງປະສິດຕິພາບໃນການຄຸ້ມຄອງລັດ, ເສດຖະກິດ-ສັງຄົມ ແລະ ສູ້ຊົນຫຼຸດຜ່ອນແກ້ໄຂພັນທະໜີ້ສິນພາຍໃນ ທີ່ຕິດພັນກັບງົບປະມານໃຫ້ຫຼຸດລົງເທື່ອລະກ້າວ; ໄດ້ເອົາໃຈໃສ່ສ້າງຄວາມເຂັ້ມແຂງໃຫ້ລະບົບສະຖາບັນການເງິນ ແລະ ສົ່ງເສີມການເຂົ້າເຖິງການບໍລິການດ້ານການເງິນໃຫ້ມີປະສິດທິຜົນສູງຂຶ້ນ; ໄດ້ປະຕິບັດ 4 ວຽກງານຈຸດສຸມ ຄື:1). ສົ່ງເສີມການຜະລິດເພື່ອທົດແທນການນໍາເຂົ້າ ແລະ ເປັນສິນຄ້າສົ່ງອອກ ເພື່ອສ້າງຖານລາຍຮັບ ທີ່ເຂັ້ມແຂງ-ຍືນຍົງ; 2). ສ້າງຄວາມເຂັ້ມແຂງດ້ານການເກັບລາຍຮັບເຂົ້າງົບປະມານ;3). ສົ່ງເສີມການປະຢັດ, ຕ້ານການຟຸມເຟືອຍ, ຍົກສູງປະສິດທິຜົນການລົງທຶນ, ຄຸ້ມຄອງລາຍຈ່າຍງົບປະມານພາຍໃນ-ຕ່າງປະເທດ ແລະ ການແກ້ໄຂໜີ້ສິນ; 4). ຍົກສູງປະສິດທິພາບການຄຸ້ມຄອງລັດດ້ວຍກົດໝາຍ.
ໂອກາດດຽວກັນ,ທ່ານ ນາຍົກລັດຖະມົນຕີ ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດທີ່ຍາດມາໄດ້ ໃນໄລຍະຜ່ານມາ ເພື່ອເປັນທິດທາງໃຫ້ແກ່ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມຂອງແຂວງໃນຕໍ່ໜ້າ ທ່ານນາຍົກລັດຖະມົນຕີ ຍັງໄດ້ເນັ້ນໜັກໃຫ້ຜູ້ເຂົ້າຮ່ວມປະຊຸມ ສືບຕໍ່ເອົາໃຈໃສ່ຕື່ມບາງດ້ານ ເປັນຕົ້ນ:ໃຫ້ສືບຕໍ່ເອົາໃຈໃສ່ຊີ້ນໍາ-ນໍາພາຈັດຕັ້ງປະຕິບັດວຽກງານປ້ອງກັນຊາດ,ປ້ອງກັນຄວາມສະຫງົບ, ຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍຂອງສັງຄົມ ໃຫ້ມີຄວາມສະຫງົບປອດໄພ, ເພີ່ມທະວີແກ້ໄຂປະກົດການຫຍໍ້ທໍ້ຕ່າງໆ ໃນສັງຄົມໃຫ້ຫຼຸດໜ້ອຍຖອຍລົງ; ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດ ມະຕິ, ຄຳສັ່ງ, ແນວທາງປ່ຽນແປງໃໝ່ຂອງພັກ-ລັດເຂົ້າສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ; ສືບຕໍ່ພົວພັນຮ່ວມມືກັບຕ່າງປະເທດ ໂດຍສະເພາະບັນດາປະເທດເພື່ອນມິດຍຸດທະສາດ ແລະ ຄູ່ຮ່ວມພັດທະນາ; ຄົ້ນຄວ້ານຳໃຊ້ແລະເສີມຂະຫຍາຍທ່າແຮງບົ່ມຊ້ອນຂອງແຂວງ ເຂົ້າໃນການສ້າງສາພັດທະນາ ຢ່າງປະສິດທິຜົນສູງສຸດ; ສືບຕໍ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດປີ 2024ກໍຄືແຜນພັດທະນາເສດຖະກິດ-ສັງຄົມ ຂອງແຂວງ ຕັ້ງແຕ່ຫົວທີ ພ້ອມທັງສືບຕໍ່ຈັດຕັ້ງປະຕິບັດ2ວາລະແຫ່ງຊາດໃຫ້ບັນລຸຕາມແຜນທີ່ກໍານົດໄວ້; ໃຫ້ຂະແໜງການທີ່ກ່ຽວຂ້ອງສູນກາງ ປະສານສົມທົບກັບຂະແໜງການກ່ຽວຂ້ອງ ຢູ່ທ້ອງຖິ່ນ ຄົ້ນຄ້ວາ ແລະ ແນະນຳວິທີການນຳໃຊ້ ແລະ ປັບປຸງຄຸນນະພາບຂອງດິນໃຫ້ແກ່ຊາວກະສິກອນ ເພື່ອເຮັດໃຫ້ການປູກ-ການລ້ຽງ ມີປະສິດທິພາບ ແລະ ປະສິດທິຜົນສູງຂຶ້ນ, ທັງສາມາດແຂ່ງຂັນໃນທ້ອງຕະຫຼາດ; ເພີ່ມທະວີຊຸກຍູ້ການເກັບລາຍຮັບຢູ່ບັນດາດ່ານຊາຍແດນ, ປັບປຸງການຄຸ້ມຄອງດ່ານ ໃຫ້ມີຄວາມເປັນເອກະພາບ ຕາມທິດຫັນເປັນທັນສະໄໝ, ໂປ່ງໃສ, ມີຄວາມສະດວກ, ວ່ອງໄວ; ເອົາໃຈໃສ່ຄຸ້ມຄອງ ບັນ ດາບໍລິສັດທີ່ນໍາເຂົ້າ-ສົ່ງອອກສິນຄ້າ, ກວດກາຄືນບັນດາວິສາຫະກິດທີ່ໄດ້ຮັບສິດໃນການນຳເຂົ້າ-ສົ່ງອອກ, ທັງມີມາດຕະການຕໍ່ຜູ້ລະເມີດຫຼົບຫຼີກການເສຍພາສີ ຢ່າງເຂັ້ມງວດ ໂດຍບໍ່ມີຂໍ້ຍົກເວັ້ນ;ຄົ້ນຄວ້າການຈັດຕັ້ງປະຕິບັດນະໂຍບາຍສິນເຊື່ອ ເພື່ອກະຕຸ້ນເສດຖະກິດ, ກະຈາຍແຫຼ່ງທຶນສູ່ທ້ອງຖິ່ນໂດຍກໍານົດເຂດຈຸດສຸມ ຢ່າງລະອຽດ, ຈະແຈ້ງ ແລະ ທົ່ວເຖິງ.
ໃນໂອກາດຕິດຕາມທ່ານ ນາຍົກລັດຖະມົນຕີ ລົງເຄື່ອນໄຫວເຮັດວຽກຢູ່ແຂວງ ບໍລິຄຳໄຊ ໃນຄັ້ງນີ້, ທ່ານ ອາລຸນໄຊ ສູນນະລາດ ລັດຖະມົນຕີ ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ຍັງໄດ້ມອບຄອມພີວເຕີ ຈຳນວນໜຶ່ງໃຫ້ກອງບັນຊາການທະຫານແຂວງບໍລິຄຳໄຊເພື່ອນໍາໃຊ້ເຂົ້າໃນການປະຕິບັດໜ້າທີ່ວຽກງານ ຕື່ມອີກ.
ຂ່າວ ແລະ ພາບໂດຍ: ກົມປະຊາສໍາພັນ, ຫສນຍ
ໃນໂອກາດນີ້, ທ່ານເຈົ້າແຂວງບໍລິຄຳໄຊໄດ້ລາຍງານໃຫ້ຊາບ ກ່ຽວກັບຜົນສໍາເລັດໃນການຈັດຕັ້ງປະຕິບັດວຽກງານພົ້ນເດັ່ນ ປີ 2023 ແລະ ທິດທາງແຜນການທ້າຍປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ເຫັນວ່າແຂວງໄດ້ເອົາໃຈໃສ່ແກ້ໄຂບັນຫາທີ່ພົວພັນເຖິງຄວາມບໍ່ສະຫງົບ ໂດຍເນັ້ນໃສ່ແກ້ໄຂບັນຫາ4 ເຖື່ອນ (ຄົນເຖື່ອນ, ລົດເຖື່ອນ, ອາວຸດເຖື່ອນ ແລະ ສິນຄ້າເຖື່ອນ)ພ້ອມທັງ ຈັດຕັ້ງປະຕິບັດ 9 ຫົວຂໍ້ສໍາມະນາວິທະຍາສາດ (1. ວຽກງານ ປກຊ-ປກສ;2.ການປັບປຸງອໍານາດການປົກຄອງບ້ານໃຫ້ມີຄວາມເຂັ້ມແຂງ;3. ການແກ້ໄຂຄວາມທຸກຍາກ;4. ບັນຫາທີ່ດິນ;5. ບັນຫາຢາເສບຕິດ;6. ບັນຫາສາສະໜາ; 7. ອຸບັດເຫດຕາມທ້ອງຖະໜົນ;8. ການຕັ້ງສໍາມະນາ;9. ການຂັດຂວາງການປະຕິບັດງານຂອງເຈົ້າໜ້າທີ່ ຫຼືຊີງຕົວປະກັນ) ຊຶ່ງໄດ້ຈັດຕັ້ງຜັນຂະຫຍາຍເຂົ້າສູ່ລວງເລິກເທື່ອລະກ້າວ; ດ້ານເສດຖະກິດສືບຕໍ່ຂະຫຍາຍຕົວຢ່າງຕໍ່ເນື່ອງສະເລ່ຍໃນລະດັບ 5,27%(ແຜນການ 5,4%),ລວມຍອດຜະລິດຕະພັນພາຍໃນ ບັນລຸ 11.004ຕື້ກວ່າກີບ (ແຜນປີ 7.500,75ຕື້ກີບ),ລາຍໄດ້ສະເລ່ຍຕໍ່ຫົວຄົນ 33ລ້ານກວ່າກີບ/ຄົນ/ປີ; ປີ 2023 ສາມາດຈັດເກັບລາຍຮັບໄດ້ທັງໝົດ 1.258,49 ຕື້ກີບ, ດ້ານລາຍຈ່າຍສາມາດປະຕິບັດໄດ້ທັງໝົດ 547,81 ຕື້ກີບ. ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໄດ້ສຸມໃສ່ການຈັດຕັ້ງປະຕິບັດບັນດາຄາດ
ໝາຍໃຫ່ຍຄື: ຄາດໝາຍອັດຕາການຂະຫຍາຍຕົວຂອງເສດຖະກິດ, ການຄຸ້ມຄອງມະຫາພາກແລະ ຫຼຸດຜ່ອນຄວາມບອບບາງຕ່າງໆດ້ານເສດຖະກິດຊຶ່ງສາມາດແກ້ໄຂບັນຫາຄວາມຫຍຸ້ງຍາກດ້ານງົບປະມານລັດໄດ້ໂດຍພື້ນຖານ ແລະ ເລີ່ມເຂົ້າສູ່ການສ້າງຄວາມເຂັ້ມແຂງ; ໄດ້ເອົາໃຈໃສ່ຍົກສູງປະສິດຕິພາບໃນການຄຸ້ມຄອງລັດ, ເສດຖະກິດ-ສັງຄົມ ແລະ ສູ້ຊົນຫຼຸດຜ່ອນແກ້ໄຂພັນທະໜີ້ສິນພາຍໃນ ທີ່ຕິດພັນກັບງົບປະມານໃຫ້ຫຼຸດລົງເທື່ອລະກ້າວ; ໄດ້ເອົາໃຈໃສ່ສ້າງຄວາມເຂັ້ມແຂງໃຫ້ລະບົບສະຖາບັນການເງິນ ແລະ ສົ່ງເສີມການເຂົ້າເຖິງການບໍລິການດ້ານການເງິນໃຫ້ມີປະສິດທິຜົນສູງຂຶ້ນ; ໄດ້ປະຕິບັດ 4 ວຽກງານຈຸດສຸມ ຄື:1). ສົ່ງເສີມການຜະລິດເພື່ອທົດແທນການນໍາເຂົ້າ ແລະ ເປັນສິນຄ້າສົ່ງອອກ ເພື່ອສ້າງຖານລາຍຮັບ ທີ່ເຂັ້ມແຂງ-ຍືນຍົງ; 2). ສ້າງຄວາມເຂັ້ມແຂງດ້ານການເກັບລາຍຮັບເຂົ້າງົບປະມານ;3). ສົ່ງເສີມການປະຢັດ, ຕ້ານການຟຸມເຟືອຍ, ຍົກສູງປະສິດທິຜົນການລົງທຶນ, ຄຸ້ມຄອງລາຍຈ່າຍງົບປະມານພາຍໃນ-ຕ່າງປະເທດ ແລະ ການແກ້ໄຂໜີ້ສິນ; 4). ຍົກສູງປະສິດທິພາບການຄຸ້ມຄອງລັດດ້ວຍກົດໝາຍ.
ໂອກາດດຽວກັນ,ທ່ານ ນາຍົກລັດຖະມົນຕີ ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດທີ່ຍາດມາໄດ້ ໃນໄລຍະຜ່ານມາ ເພື່ອເປັນທິດທາງໃຫ້ແກ່ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມຂອງແຂວງໃນຕໍ່ໜ້າ ທ່ານນາຍົກລັດຖະມົນຕີ ຍັງໄດ້ເນັ້ນໜັກໃຫ້ຜູ້ເຂົ້າຮ່ວມປະຊຸມ ສືບຕໍ່ເອົາໃຈໃສ່ຕື່ມບາງດ້ານ ເປັນຕົ້ນ:ໃຫ້ສືບຕໍ່ເອົາໃຈໃສ່ຊີ້ນໍາ-ນໍາພາຈັດຕັ້ງປະຕິບັດວຽກງານປ້ອງກັນຊາດ,ປ້ອງກັນຄວາມສະຫງົບ, ຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍຂອງສັງຄົມ ໃຫ້ມີຄວາມສະຫງົບປອດໄພ, ເພີ່ມທະວີແກ້ໄຂປະກົດການຫຍໍ້ທໍ້ຕ່າງໆ ໃນສັງຄົມໃຫ້ຫຼຸດໜ້ອຍຖອຍລົງ; ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດ ມະຕິ, ຄຳສັ່ງ, ແນວທາງປ່ຽນແປງໃໝ່ຂອງພັກ-ລັດເຂົ້າສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ; ສືບຕໍ່ພົວພັນຮ່ວມມືກັບຕ່າງປະເທດ ໂດຍສະເພາະບັນດາປະເທດເພື່ອນມິດຍຸດທະສາດ ແລະ ຄູ່ຮ່ວມພັດທະນາ; ຄົ້ນຄວ້ານຳໃຊ້ແລະເສີມຂະຫຍາຍທ່າແຮງບົ່ມຊ້ອນຂອງແຂວງ ເຂົ້າໃນການສ້າງສາພັດທະນາ ຢ່າງປະສິດທິຜົນສູງສຸດ; ສືບຕໍ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດປີ 2024ກໍຄືແຜນພັດທະນາເສດຖະກິດ-ສັງຄົມ ຂອງແຂວງ ຕັ້ງແຕ່ຫົວທີ ພ້ອມທັງສືບຕໍ່ຈັດຕັ້ງປະຕິບັດ2ວາລະແຫ່ງຊາດໃຫ້ບັນລຸຕາມແຜນທີ່ກໍານົດໄວ້; ໃຫ້ຂະແໜງການທີ່ກ່ຽວຂ້ອງສູນກາງ ປະສານສົມທົບກັບຂະແໜງການກ່ຽວຂ້ອງ ຢູ່ທ້ອງຖິ່ນ ຄົ້ນຄ້ວາ ແລະ ແນະນຳວິທີການນຳໃຊ້ ແລະ ປັບປຸງຄຸນນະພາບຂອງດິນໃຫ້ແກ່ຊາວກະສິກອນ ເພື່ອເຮັດໃຫ້ການປູກ-ການລ້ຽງ ມີປະສິດທິພາບ ແລະ ປະສິດທິຜົນສູງຂຶ້ນ, ທັງສາມາດແຂ່ງຂັນໃນທ້ອງຕະຫຼາດ; ເພີ່ມທະວີຊຸກຍູ້ການເກັບລາຍຮັບຢູ່ບັນດາດ່ານຊາຍແດນ, ປັບປຸງການຄຸ້ມຄອງດ່ານ ໃຫ້ມີຄວາມເປັນເອກະພາບ ຕາມທິດຫັນເປັນທັນສະໄໝ, ໂປ່ງໃສ, ມີຄວາມສະດວກ, ວ່ອງໄວ; ເອົາໃຈໃສ່ຄຸ້ມຄອງ ບັນ ດາບໍລິສັດທີ່ນໍາເຂົ້າ-ສົ່ງອອກສິນຄ້າ, ກວດກາຄືນບັນດາວິສາຫະກິດທີ່ໄດ້ຮັບສິດໃນການນຳເຂົ້າ-ສົ່ງອອກ, ທັງມີມາດຕະການຕໍ່ຜູ້ລະເມີດຫຼົບຫຼີກການເສຍພາສີ ຢ່າງເຂັ້ມງວດ ໂດຍບໍ່ມີຂໍ້ຍົກເວັ້ນ;ຄົ້ນຄວ້າການຈັດຕັ້ງປະຕິບັດນະໂຍບາຍສິນເຊື່ອ ເພື່ອກະຕຸ້ນເສດຖະກິດ, ກະຈາຍແຫຼ່ງທຶນສູ່ທ້ອງຖິ່ນໂດຍກໍານົດເຂດຈຸດສຸມ ຢ່າງລະອຽດ, ຈະແຈ້ງ ແລະ ທົ່ວເຖິງ.
ໃນໂອກາດຕິດຕາມທ່ານ ນາຍົກລັດຖະມົນຕີ ລົງເຄື່ອນໄຫວເຮັດວຽກຢູ່ແຂວງ ບໍລິຄຳໄຊ ໃນຄັ້ງນີ້, ທ່ານ ອາລຸນໄຊ ສູນນະລາດ ລັດຖະມົນຕີ ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ຍັງໄດ້ມອບຄອມພີວເຕີ ຈຳນວນໜຶ່ງໃຫ້ກອງບັນຊາການທະຫານແຂວງບໍລິຄຳໄຊເພື່ອນໍາໃຊ້ເຂົ້າໃນການປະຕິບັດໜ້າທີ່ວຽກງານ ຕື່ມອີກ.
ຂ່າວ ແລະ ພາບໂດຍ: ກົມປະຊາສໍາພັນ, ຫສນຍ
