ກະຊວງຍຸຕິທຳໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຍຸຕິທຳປະຈຳປີ 2023 ແລະ ວາງທິດທາງແຜນການປີ 2024 ຂຶ້ນໃນວັນທີ 17 ມັງກອນນີ້ທີ່ກະຊວງດັ່ງກ່າວ ພາຍໃຕ້ການເປັນປະທານຂອງທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທຳ, ມີບັນດາທ່ານຮອງລັດຖະມົນຕີ, ຫົວໜ້າ, ຮອງຫົວໜ້າຫ້ອງການ, ກົມ,
ພ້ອມດ້ວຍພະນັກງານຫຼັກແຫຼ່ງກ່ຽວຂ້ອງຈາກສູນກາງ-ທ້ອງຖິ່ນເຂົ້າຮ່ວມ.
ທ່ານ ໄພວີ ສີບົວລິພາ ກ່າວວ່າ: ກອງປະຊຸມຄັ້ງນີ້, ຈະໄດ້ພ້ອມກັນສະຫຼຸບຕີລາຄາການນຳພາ ແລະ ຈັດຕັ້ງປະຕິບັດໜ້າທີ່ການເມືອງຂອງຂະແໜງການຍຸຕິທຳປະຈຳປີ 2023ທີ່ຜ່ານມາໂດຍຍົກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງ ເພື່ອພ້ອມກັນປຶກສາຫາລືກໍານົດທິດທາງ, ໜ້າທີ່ວຽກງານຈຸດສຸມສຳລັບປີ2024. ພ້ອມກັນນັ້ນ, ກອງປະຊຸມຈະໄດ້ລົງເລິກຕີລາຄາວຽກງານໂຄສະນາ ແລະ ເຜີຍແຜ່ກົດໝາຍ, ວຽກງານຍຸຕິທໍາຮາກຖານແນໃສ່ຖອດຖອນບົດຮຽນໃນການຈັດຕັ້ງປະຕິບັດຜ່ານມາ, ກຳນົດທິດທາງ ແລະກົນໄກການຈັດຕັ້ງປະຕິບັດໃນຊຸມປີຕໍ່ໜ້າຢ່າງພາວະວິໄສ ແລະ ສອດຄ່ອງກັບສະພາບເງື່ອນໄຂຕົວຈິງ.
ເພື່ອເຮັດໃຫ້ກອງປະຊຸມພວກເຮົາດຳເນີນໄປດ້ວຍບັນຍາກາດຟົດຟື້ນ, ມີລັກສະນະສ້າງສັນແລະມີຜົນສຳເລັດຕາມຈຸດປະສົງລະດັບຄາດໝາຍນັ້ນ, ສະເໜີໃຫ້ບັນດາທ່ານຜູ້ແທນກອງປະຊຸມຈົ່ງໄດ້ເອົາໃຈໃສ່ຕັ້ງໜ້າຄົ້ນຄວ້າປະກອບຄຳເຫັນໃຫ້ກວ້າງຂວາງ, ເລິກເຊິ່ງ, ຊອກໃຫ້ເຫັນດ້ານດີຜົນສຳເລັດແລະຈຸດອ່ອນຂໍ້ຄົງຄ້າງຂອງຂະແໜງຍຸຕິທຳພ້ອມທັງບັນດາສາເຫດທີ່ພາໃຫ້ມີດ້ານດີ, ດ້ານອ່ອນຂໍ້ຄົງຄ້າງເພື່ອພ້ອມກັນປຶກສາຫາລືຊອກວິທີແກ້ໄຂໃຫ້ທັນການເຮັດໃຫ້ການຈັດຕັ້ງແລະການເຄື່ອນໄຫວວຽກງານຂອງຂະແໜງການຍຸຕິທຳພວກເຮົາໃນປີ2024 ກໍຄືປີຕໍ່ໆໄປມີການຫັນປ່ຽນໃໝ່ຢ່າງຕັ້ງໜ້າແລະມີຄຸນນະພາບສູງຂຶ້ນກວ່າເກົ່າ.
ກອງປະຊຸມໄດ້ຮັບຟັງການປະກອບຄໍາຄິດເຫັນຈາກບັນດາທ່ານຜູ້ແທນທ້ອງຖິ່ນ ແລະ ກົມກອງຢ່າງກົງໄປກົງມາດ້ວຍຄວາມຮັບຜິດຊອບສູງ ຕໍ່ການເຄື່ອນໄຫວວຽກງານຮອບດ້ານຂອງຂະແໜງຍຸຕິທຳ ແຕ່ສູນກາງຮອດທ້ອງຖິ່ນຊຶ່ງເຮັດໃຫ້ກອງປະຊຸມດຳເນີນໄປດ້ວຍບັນຍາກາດອັນຟົດຟື້ນ, ມີເນື້ອໃນ ແລະ ເປັນທິດທາງໃນການສືບຕໍ່ປັບປຸງວຽກງານຂອງຂະແໜງຍຸຕິທຳໃນຊຸມປີຕໍ່ໜ້າ. ກອງປະຊຸມໃນຄັ້ງນີ້ຈະດຳເນີນໄປເປັນເວລາພຽງໜຶ່ງມື້ເຄິ່ງເທົ່ານັ້ນ.
ຂ່າວ-ພາບ: ພູວັນ
ພ້ອມດ້ວຍພະນັກງານຫຼັກແຫຼ່ງກ່ຽວຂ້ອງຈາກສູນກາງ-ທ້ອງຖິ່ນເຂົ້າຮ່ວມ.
ທ່ານ ໄພວີ ສີບົວລິພາ ກ່າວວ່າ: ກອງປະຊຸມຄັ້ງນີ້, ຈະໄດ້ພ້ອມກັນສະຫຼຸບຕີລາຄາການນຳພາ ແລະ ຈັດຕັ້ງປະຕິບັດໜ້າທີ່ການເມືອງຂອງຂະແໜງການຍຸຕິທຳປະຈຳປີ 2023ທີ່ຜ່ານມາໂດຍຍົກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງ ເພື່ອພ້ອມກັນປຶກສາຫາລືກໍານົດທິດທາງ, ໜ້າທີ່ວຽກງານຈຸດສຸມສຳລັບປີ2024. ພ້ອມກັນນັ້ນ, ກອງປະຊຸມຈະໄດ້ລົງເລິກຕີລາຄາວຽກງານໂຄສະນາ ແລະ ເຜີຍແຜ່ກົດໝາຍ, ວຽກງານຍຸຕິທໍາຮາກຖານແນໃສ່ຖອດຖອນບົດຮຽນໃນການຈັດຕັ້ງປະຕິບັດຜ່ານມາ, ກຳນົດທິດທາງ ແລະກົນໄກການຈັດຕັ້ງປະຕິບັດໃນຊຸມປີຕໍ່ໜ້າຢ່າງພາວະວິໄສ ແລະ ສອດຄ່ອງກັບສະພາບເງື່ອນໄຂຕົວຈິງ.
ເພື່ອເຮັດໃຫ້ກອງປະຊຸມພວກເຮົາດຳເນີນໄປດ້ວຍບັນຍາກາດຟົດຟື້ນ, ມີລັກສະນະສ້າງສັນແລະມີຜົນສຳເລັດຕາມຈຸດປະສົງລະດັບຄາດໝາຍນັ້ນ, ສະເໜີໃຫ້ບັນດາທ່ານຜູ້ແທນກອງປະຊຸມຈົ່ງໄດ້ເອົາໃຈໃສ່ຕັ້ງໜ້າຄົ້ນຄວ້າປະກອບຄຳເຫັນໃຫ້ກວ້າງຂວາງ, ເລິກເຊິ່ງ, ຊອກໃຫ້ເຫັນດ້ານດີຜົນສຳເລັດແລະຈຸດອ່ອນຂໍ້ຄົງຄ້າງຂອງຂະແໜງຍຸຕິທຳພ້ອມທັງບັນດາສາເຫດທີ່ພາໃຫ້ມີດ້ານດີ, ດ້ານອ່ອນຂໍ້ຄົງຄ້າງເພື່ອພ້ອມກັນປຶກສາຫາລືຊອກວິທີແກ້ໄຂໃຫ້ທັນການເຮັດໃຫ້ການຈັດຕັ້ງແລະການເຄື່ອນໄຫວວຽກງານຂອງຂະແໜງການຍຸຕິທຳພວກເຮົາໃນປີ2024 ກໍຄືປີຕໍ່ໆໄປມີການຫັນປ່ຽນໃໝ່ຢ່າງຕັ້ງໜ້າແລະມີຄຸນນະພາບສູງຂຶ້ນກວ່າເກົ່າ.
ກອງປະຊຸມໄດ້ຮັບຟັງການປະກອບຄໍາຄິດເຫັນຈາກບັນດາທ່ານຜູ້ແທນທ້ອງຖິ່ນ ແລະ ກົມກອງຢ່າງກົງໄປກົງມາດ້ວຍຄວາມຮັບຜິດຊອບສູງ ຕໍ່ການເຄື່ອນໄຫວວຽກງານຮອບດ້ານຂອງຂະແໜງຍຸຕິທຳ ແຕ່ສູນກາງຮອດທ້ອງຖິ່ນຊຶ່ງເຮັດໃຫ້ກອງປະຊຸມດຳເນີນໄປດ້ວຍບັນຍາກາດອັນຟົດຟື້ນ, ມີເນື້ອໃນ ແລະ ເປັນທິດທາງໃນການສືບຕໍ່ປັບປຸງວຽກງານຂອງຂະແໜງຍຸຕິທຳໃນຊຸມປີຕໍ່ໜ້າ. ກອງປະຊຸມໃນຄັ້ງນີ້ຈະດຳເນີນໄປເປັນເວລາພຽງໜຶ່ງມື້ເຄິ່ງເທົ່ານັ້ນ.
ຂ່າວ-ພາບ: ພູວັນ
