ຫ້ອງການສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ(ສວສສຊ)ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານປີ 2023 ແລະ ທິດທາງແຜນການປີ 2024ໃນວັນທີ 17 ມັງກອນນີ້ ທີ່ສວສສຊ, ໂດຍການເປັນປະທານ ຂອງທ່ານ ພອນ ວິພົນຮຽນ ວ່າການແທນຫົວໜ້າຫ້ອງກາ, ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ເຂົ້າຮ່ວມມີບັນດາພະນັກງານຫຼັກແຫຼ່ງ, ທ່ານຫົວໜ້າ, ຮອງຫົວໜ້າຫ້ອງການ, ກົມ, ສະຖາບັນ ຄົ້ນຄວ້າ ສູນ ແລະ ພະນັກງານ-ລັດຖະກອນ ພາຍໃນ.
ກອງປະຊຸມຄັ້ງນີ້, ເພື່ອເປັນການສະຫຼຸບຕີລາຄາໃນການຈັດຕັ້ງປະຕິບັດວຽກງານພົ້ນເດັ່ນໃນໄລຍະ 1 ປີ ຜ່ານມາ ແລະ ທິດທາງແຜນວຽກຈຸດສຸມໃນຊຸມປີຕໍ່ໜ້າ ທັງເປັນການຖອດຖອນບົນຮຽນບັນດາວຽກງານຕ່າງໆຂອງ ຫ້ອງການ ສວສສຊ ຊຶ່ງໃນນັ້ນໄດ້ຍົກໃຫ້ເຫັນບັນດາວຽກງານ ພົ້ນເດັ່ນບາງດ້ານຄື: ຫ້ອງການ ຊຶ່ງເປັນເສນາທິການໃຫ້ແກ່ ສວສສຊ ເປັນຕົ້ນແມ່ນການສະໜອງງົບປະມານການຄົ້ນຄວ້າ, ໂຄງການຕ່າງໆຂອງ ບັນດາສະຖາບັນຄົ້ນຄວ້າ, ຫ້ອງການ, ກົມ ແລະ ສູນ ໃຫ້ໄດ້ຕາມແຜນການໃນການຈັດຕັ້ງປະຕິບັດວຽກງານຕ່າງໆຢ່າງມີປະສິດທິພາບ ແລະ ປະສິດທິດຜົນ, ຮັບປະກັນບໍ່ໃຫ້ງົບປະມານຕົກຫຼົ່ນ; ເປັນສູນກາງໃນການປະສານງານວຽກງານເອກະສານຕ່າງໆ ທັງພາຍໃນ ແລະ ພາຍນອກ ໃນການຈັດຕັ້ງຜັນຂະຫຍາຍຄຳເຫັນທິດຊີ້ນໍາ ຂອງຄະນະນໍາຫ້ອງການ ສວສສຊ ໃຫ້ທັນຕາມ ກຳນົດເວລາ, ໄດ້ປັບປຸງພັດທະນາລະບົບການຈໍລະຈອນເອກະສານໃຫ້ທັນສະໄໝຂຶ້ນ ຫຼື ນຳໃຊ້ລະບົບ E-Office ເຂົ້າມາຊ່ວຍຍົກລະດັບລະບົບຫ້ອງການໃຫ້ມີຄວາມທັນສະໄໝຂຶ້ນ. ນອກຈາກນີ້, ຍັງເປັນໃຈກາງໃນການປະສານງານພົວພັນວຽກງານກັບຕ່າງປະເທດ ໂດຍສະເພາະແມ່ນຄູ່ຮ່ວມພັດທະນາ ຂອງ ສວສສຊ ທີ່ມີ MOU ຢູ່ແລ້ວ ແລະ ກຳລັງຈະສ້າງ MOU ຮ່ວມກັນ ເພື່ອເພີ່ມຄວາມຮ່ວມມືໃນການຄົ້ນຄວ້າວິທະຍາສາດເສດຖະກິດ-ສັງຄົມ ແລະ ຮ່ວມມືດ້ານການສຶກສາວິຊາສະເພາະຕ່າງໆ, ເປັນເຈົ້າການໃນການສ້າງແຜນການເຄື່ອນໄຫວ, ຕິດຕາມການນໍາ, ຮັບໃຊ້ການນໍາຢ່າງໃກ້ຊິດຕິດແທດ ແລະ ຊ່ວຍການນໍາໃນການກວດແກ້ເອກະສານ, ຄົ້ນຄວ້າພິຈາລະນາບັນດາເອກະສານຕ່າງໆ ແລະ ຮັກສາຄວາມລັບ, ຄວາມປອດໄພໃຫ້ແກ່ການນໍາ, ສ້ອມແປງ, ບຳລຸງຮັກສາພາຫະນະ, ອຸປະກອນເຄື່ອງໃຊ້ໄຟຟ້າ, ເຟີນີເຈີ, ພາຍໃນ ສວສສຊ ໃຫ້ສາມາດນໍາໃຊ້ໄດ້ເປັນປົກກະຕິຢູ່ຕະຫຼອດເວລາ.ເພື່ອເປັນການປຸກລະດົມສະມາຊິກພັກ, ພະນັກງານ-ລັດຖະກອນ, ນັກປັນຍາຊົນ ຂອງຫ້ອງການ ສວສສຊ ເຂົ້າສູ່ຂະບວນການແຂ່ງຂັນ - ຍ້ອງຍໍ ຮັກຊາດ ແລະ ພັດທະນາ ເປັນຂະບວນການຢ່າງຟົດຟື້ນ ປະກົດຜົນເປັນຈິງ, ເຊີດຊູນໍ້າໃຈຮັກຊາດ, ຍອມເສຍສະຫຼະສະຕິປັນຍາ, ເຫື່ອແຮງ, ຫົວຄິດປະດິດສ້າງ, ອົດທົນ, ຄວາມຈົ່ງຮັກພັກດີ, ເສີມຂະຫຍາຍສິດເປັນເຈົ້າ; ເພື່ອເປັນການຈັດຕັ້ງ ປະຕິບັດ 2 ໜ້າທີ່ຍຸດທະສາດ ຄື: ການປົກປັກຮັກສາ ແລະ ພັດທະນາປະເທດຊາດ, ເສີມຂະຫຍາຍ ມູນເຊື້ອປະຕິວັດຂອງຊາດ, ເຕົ້າໂຮມຄວາມສາມັກຄີ ຂອງປະຊາຊົນລາວບັນດາເຜົ່າ, ຍູ້ແຮງຂະບວນການ ຜັນຂະຫຍາຍເນື້ອໃນ ດຳລັດວ່າດ້ວຍການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ໃຫ້ປະກົດຜົນເປັນຈິງ ໂດຍສະເພາະແມ່ນສູ້ຊົນປະຕິບັດຄາດໝາຍ, ມະຕິຂອງກອງປະຊຸມໃຫຍ່ ສະມາຊິກພັກ ຄັ້ງທີ I ຂອງອົງຄະນະພັກ ສວສສຊ, ແຜນພັດທະນາ ວຽກງານຄົ້ນຄວ້າວິທະຍາສາດ 5 ປີ ຄັ້ງທີ 1 ຂອງສວສສຊ ແລະ ຄາດໝາຍກອງປະຊຸມໃຫຍ່ ສະມາຊິກພັກ ຄັ້ງທີ I ຂອງໜ່ວຍພັກ ຫ້ອງການ ສວສສຊ ໃຫ້ປະກົດຜົນເປັນຈິງ ແລະ ເຂົ້າສູ່ລວງເລີກ.
ຕອນທ້າຍ ທ່ານປະທານກອງປະຊຸມ, ໄດ້ເນັ້ນຄືນໃຫ້ບັນດາພະແນກ ພາຍໃນ ຫ້ອງການ ສວສສຊ ຕ້ອງເພີ່ມຄວາມຮັບຜິດຊອບສູງ, ເປັນເຈົ້າການໃນການປະຕິບັດໜ້າທີ່ຈົນສຸດຄວາມສາມາດ ສ້າງຜົນສຳເລັດອັນໃໝ່ໃຫ້ຍິ່ງໃຫຍ່ກວ່າເດີມ, ສ້າງໃບໜ້າອັນໃໝ່ໃຫ້ ແກ່ຫ້ອງການ ສວສສຊ ໃຫ້ສົມກັບທີ່ເປັນເສນາທິການຂອງ ສວສສຊ.
(ຂ່າວ-ພາບ: ແສງຈັນ)
ກອງປະຊຸມຄັ້ງນີ້, ເພື່ອເປັນການສະຫຼຸບຕີລາຄາໃນການຈັດຕັ້ງປະຕິບັດວຽກງານພົ້ນເດັ່ນໃນໄລຍະ 1 ປີ ຜ່ານມາ ແລະ ທິດທາງແຜນວຽກຈຸດສຸມໃນຊຸມປີຕໍ່ໜ້າ ທັງເປັນການຖອດຖອນບົນຮຽນບັນດາວຽກງານຕ່າງໆຂອງ ຫ້ອງການ ສວສສຊ ຊຶ່ງໃນນັ້ນໄດ້ຍົກໃຫ້ເຫັນບັນດາວຽກງານ ພົ້ນເດັ່ນບາງດ້ານຄື: ຫ້ອງການ ຊຶ່ງເປັນເສນາທິການໃຫ້ແກ່ ສວສສຊ ເປັນຕົ້ນແມ່ນການສະໜອງງົບປະມານການຄົ້ນຄວ້າ, ໂຄງການຕ່າງໆຂອງ ບັນດາສະຖາບັນຄົ້ນຄວ້າ, ຫ້ອງການ, ກົມ ແລະ ສູນ ໃຫ້ໄດ້ຕາມແຜນການໃນການຈັດຕັ້ງປະຕິບັດວຽກງານຕ່າງໆຢ່າງມີປະສິດທິພາບ ແລະ ປະສິດທິດຜົນ, ຮັບປະກັນບໍ່ໃຫ້ງົບປະມານຕົກຫຼົ່ນ; ເປັນສູນກາງໃນການປະສານງານວຽກງານເອກະສານຕ່າງໆ ທັງພາຍໃນ ແລະ ພາຍນອກ ໃນການຈັດຕັ້ງຜັນຂະຫຍາຍຄຳເຫັນທິດຊີ້ນໍາ ຂອງຄະນະນໍາຫ້ອງການ ສວສສຊ ໃຫ້ທັນຕາມ ກຳນົດເວລາ, ໄດ້ປັບປຸງພັດທະນາລະບົບການຈໍລະຈອນເອກະສານໃຫ້ທັນສະໄໝຂຶ້ນ ຫຼື ນຳໃຊ້ລະບົບ E-Office ເຂົ້າມາຊ່ວຍຍົກລະດັບລະບົບຫ້ອງການໃຫ້ມີຄວາມທັນສະໄໝຂຶ້ນ. ນອກຈາກນີ້, ຍັງເປັນໃຈກາງໃນການປະສານງານພົວພັນວຽກງານກັບຕ່າງປະເທດ ໂດຍສະເພາະແມ່ນຄູ່ຮ່ວມພັດທະນາ ຂອງ ສວສສຊ ທີ່ມີ MOU ຢູ່ແລ້ວ ແລະ ກຳລັງຈະສ້າງ MOU ຮ່ວມກັນ ເພື່ອເພີ່ມຄວາມຮ່ວມມືໃນການຄົ້ນຄວ້າວິທະຍາສາດເສດຖະກິດ-ສັງຄົມ ແລະ ຮ່ວມມືດ້ານການສຶກສາວິຊາສະເພາະຕ່າງໆ, ເປັນເຈົ້າການໃນການສ້າງແຜນການເຄື່ອນໄຫວ, ຕິດຕາມການນໍາ, ຮັບໃຊ້ການນໍາຢ່າງໃກ້ຊິດຕິດແທດ ແລະ ຊ່ວຍການນໍາໃນການກວດແກ້ເອກະສານ, ຄົ້ນຄວ້າພິຈາລະນາບັນດາເອກະສານຕ່າງໆ ແລະ ຮັກສາຄວາມລັບ, ຄວາມປອດໄພໃຫ້ແກ່ການນໍາ, ສ້ອມແປງ, ບຳລຸງຮັກສາພາຫະນະ, ອຸປະກອນເຄື່ອງໃຊ້ໄຟຟ້າ, ເຟີນີເຈີ, ພາຍໃນ ສວສສຊ ໃຫ້ສາມາດນໍາໃຊ້ໄດ້ເປັນປົກກະຕິຢູ່ຕະຫຼອດເວລາ.ເພື່ອເປັນການປຸກລະດົມສະມາຊິກພັກ, ພະນັກງານ-ລັດຖະກອນ, ນັກປັນຍາຊົນ ຂອງຫ້ອງການ ສວສສຊ ເຂົ້າສູ່ຂະບວນການແຂ່ງຂັນ - ຍ້ອງຍໍ ຮັກຊາດ ແລະ ພັດທະນາ ເປັນຂະບວນການຢ່າງຟົດຟື້ນ ປະກົດຜົນເປັນຈິງ, ເຊີດຊູນໍ້າໃຈຮັກຊາດ, ຍອມເສຍສະຫຼະສະຕິປັນຍາ, ເຫື່ອແຮງ, ຫົວຄິດປະດິດສ້າງ, ອົດທົນ, ຄວາມຈົ່ງຮັກພັກດີ, ເສີມຂະຫຍາຍສິດເປັນເຈົ້າ; ເພື່ອເປັນການຈັດຕັ້ງ ປະຕິບັດ 2 ໜ້າທີ່ຍຸດທະສາດ ຄື: ການປົກປັກຮັກສາ ແລະ ພັດທະນາປະເທດຊາດ, ເສີມຂະຫຍາຍ ມູນເຊື້ອປະຕິວັດຂອງຊາດ, ເຕົ້າໂຮມຄວາມສາມັກຄີ ຂອງປະຊາຊົນລາວບັນດາເຜົ່າ, ຍູ້ແຮງຂະບວນການ ຜັນຂະຫຍາຍເນື້ອໃນ ດຳລັດວ່າດ້ວຍການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ໃຫ້ປະກົດຜົນເປັນຈິງ ໂດຍສະເພາະແມ່ນສູ້ຊົນປະຕິບັດຄາດໝາຍ, ມະຕິຂອງກອງປະຊຸມໃຫຍ່ ສະມາຊິກພັກ ຄັ້ງທີ I ຂອງອົງຄະນະພັກ ສວສສຊ, ແຜນພັດທະນາ ວຽກງານຄົ້ນຄວ້າວິທະຍາສາດ 5 ປີ ຄັ້ງທີ 1 ຂອງສວສສຊ ແລະ ຄາດໝາຍກອງປະຊຸມໃຫຍ່ ສະມາຊິກພັກ ຄັ້ງທີ I ຂອງໜ່ວຍພັກ ຫ້ອງການ ສວສສຊ ໃຫ້ປະກົດຜົນເປັນຈິງ ແລະ ເຂົ້າສູ່ລວງເລີກ.
ຕອນທ້າຍ ທ່ານປະທານກອງປະຊຸມ, ໄດ້ເນັ້ນຄືນໃຫ້ບັນດາພະແນກ ພາຍໃນ ຫ້ອງການ ສວສສຊ ຕ້ອງເພີ່ມຄວາມຮັບຜິດຊອບສູງ, ເປັນເຈົ້າການໃນການປະຕິບັດໜ້າທີ່ຈົນສຸດຄວາມສາມາດ ສ້າງຜົນສຳເລັດອັນໃໝ່ໃຫ້ຍິ່ງໃຫຍ່ກວ່າເດີມ, ສ້າງໃບໜ້າອັນໃໝ່ໃຫ້ ແກ່ຫ້ອງການ ສວສສຊ ໃຫ້ສົມກັບທີ່ເປັນເສນາທິການຂອງ ສວສສຊ.
(ຂ່າວ-ພາບ: ແສງຈັນ)
