ໃນໂອກາດທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນ, ທ່ານ ຄໍາພັນ ພົມມະທັດ ກຳມະການກົມການເມືອງສູນກາງພັກຄະນະເລຂາທິການສູນກາງພັກປະທານຄະນະກວດກາສູນກາງພັກປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ຫຼາດບັງຫຼວງຂັ້ນສູນກາງ ໄດ້ໂອ້ລົມພະນັກງານຫຼັກແຫຼ່ງຈາກບັນດາພະແນກການ, ຂະແໜງການຕ່າງໆຂັ້ນແຂວງ ແລະ ຂັ້ນເມືອງ ທີ່ຮັບຜິດຊອບວຽກງານກວດກາໃນທົ່ວແຂວງຄໍາມ່ວນ ໃນວັນທີ 17 ມັງກອນນີ້.
ທ່ານ ຄໍາສອນ ອ້ວນທະວີ ປະທານກວດກາພັກ-ປະທາອົງການກວດກາລັດ ແຂວງຄໍາມ່ວນ ໄດ້ລາຍງານວ່າ: ການເຄື່ອນໄຫວວຽກງານກວດກາ ໂດຍລວມແມ່ນຈັດຕັ້ງປະຕິບັດຕາມທິດທາງ ແລະ ຄາດໝາຍສູ້ຊົນທີ່ໄດ້ກຳນົດໄວ້ໃນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຄຳມ່ວນ ກ່ຽວກັບວຽກງານກວດກາ ຄື: ເພີ່ມທະວີວຽກງານຊຸກຍູ້, ຕິດຕາມ, ກວດກາ, ຕີລາຄາ ການນໍາພາ-ຊີ້ນຳ ຂອງຄະນະພັກແຕ່ລະຂັ້ນ ເປັນຕົ້ນການກວດກາສະມາຊິກພັກ ແລະ ການຈັດຕັ້ງພັກ ຕິດພັນກັບການຈັດຕັ້ງດຳເນີນຊີວິດການເມືອງພາຍໃນຄະນະພັກ, ຝຶກອົບຮົມຍົກລະດັບຜູ້ທີ່ເຮັດວຽກງານກວດກາ ເພື່ອເພີ່ມຂີດຄວາມສາມາດໃນການຕິດຕາມ-ກວດກາເຮັດໃຫ້ວຽກງານກວດກາມີຄຸນນະພາບສູງຂຶ້ນ, ຖືເອົາວຽກງານຕິດຕາມ-ກວດກາ ເປັນການປ້ອງກັນ ແລະ ສະກັດກັ້ນສິ່ງຫຍໍ້ທໍ້ຕ່າງໆ ໃນກົງຈັກການຈັດຕັ້ງ ແລະ ຖັນແຖວສະມາຊິກພັກ-ພະນັກງານ. ການຈັດຕັ້ງປະຕິບັດຕົວຈິງ ແມ່ນອີງໃສ່ກົດລະບຽບຂອງພັກ, ກົດໝາຍຂອງລັດ, ພາລະບົດບາດ, ສິດ, ໜ້າທີ່ ແລະ ນິຕິກຳຕ່າງໆ ກ່ຽວກັບວຽກງານກວດກາເປັນເຄື່ອງມື ເພື່ອເຄື່ອນໄຫວເຮັດໜ້າທີ່ຂອງຕົນຢ່າງຕັ້ງໜ້າ. ໃນປີ 2023 ມີຄະນະພັກ ແລະ ສະມາຊິກພັກ ຖືກປະຕິບັດວິໄນທັງໝົດຈຳນວນ 115 ສະຫາຍຍິງ 16 ສະຫາຍ, ໃນນີ້ ຕິຕຽນ 1 ສະຫາຍຍິງ 1 ສະຫາຍ, ກ່າວເຕືອນ 2 ສະຫາຍ, ປົດຕໍາແໜ່ງພັກ 6 ສະຫາຍຍິງ 1 ສະຫາຍ, ໂຈະການຮ່ວມຊີວິດພັກ 31 ສະຫາຍຍິງ 5 ສະຫາຍ, ເອົາອອກຈາກພັກ 75 ສະຫາຍຍິງ 9 ສະຫາຍ (ສະມາຊິກພັກສໍານັກງານ-ອົງການ 67 ສະຫາຍ ແລະ ສະມາຊິກພັກຢູ່ຂັ້ນບ້ານ 48 ສະຫາຍ), ໄດ້ກວດກາໂຄງການລົງທຶນຂອງລັດ ຕາມແຈ້ງການ 130/ຫສນຍ ຈໍານວນ 77 ໂຄງການ,ພົບເຫັນມູນຄ່າຕ້ອງຫັກລົບອອກຈາກສາລະບານການລົງທຶນຂອງລັດ ຈໍານວນໜຶ່ງ ແລະ ສົມທົບກັບຄະນະກວດກາຂັ້ນສູນກາງ ແລະ ອົງການກວດກາແຫ່ງລັດ ກວດກາ, ເກັບກໍາຂໍ້ມູນ ໃນບັນດາບໍລິສັດຕ່າງໆ ລວມເຖິງໂຄງການລົງທຶນຂອງລັດ ມີຜົນເສຍຫາຍທີ່ກວດກາພົບເຫັນເປັນຈຳນວນຫຼວງຫຼາຍ.
ໂອກາດນີ້, ທ່ານ ຄໍາພັນ ພົມມະທັດ ໄດ້ເນັ້ນໜັກໃຫ້ ຄະນະພັກ ແລະ ຄະນະກວດກາທຸກຂັ້ນ ຕ້ອງພ້ອມກັນເປັນເຈົ້າການໃນການແກ້ໄຂບັນຫາໃນດ້ານຕ່າງໆ ຕາມຂອບເຂດຄວາມຮັບຜິດຊອບຂອງຕົນ ດ້ວຍຄວາມຮັບຜິດຊອບສູງ, ຍົກສູງບົດບາດ ແລະ ເພີ່ມທະວີໃນວຽກງານກວດກາໃຫ້ເຂັ້ມແຂງ, ມີປະສິດທິພາບ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ໃນວຽກງານກວດກາ, ເພີ່ມທະວີການກວດກາທາງດ້ານການເມືອງ, ລະບຽບວິໄນ ຄຽງຄູ່ກັບການສຶກສາອົບຮົມດ້ານການເມືອງແນວຄິດ ຕິດພັນກັບການແກ້ໄຂຜົນຂອງການກວດກາ, ສຸມໃສ່ແກ້ໄຂ ແລະ ຕີຖອຍບັນຫາການສໍ້ລາດບັງຫຼວງ ທີ່ເປັນວຽກງານຮີບດ່ວນ ແລະ ມີຄວາມທ້າທາຍຕໍ່ການຈັດຕັ້ງຂອງ ພັກ-ລັດເຮົາໃນປັດຈຸບັນ.
ຂ່າວ-ພາບ: ກອງຄຳ
ທ່ານ ຄໍາສອນ ອ້ວນທະວີ ປະທານກວດກາພັກ-ປະທາອົງການກວດກາລັດ ແຂວງຄໍາມ່ວນ ໄດ້ລາຍງານວ່າ: ການເຄື່ອນໄຫວວຽກງານກວດກາ ໂດຍລວມແມ່ນຈັດຕັ້ງປະຕິບັດຕາມທິດທາງ ແລະ ຄາດໝາຍສູ້ຊົນທີ່ໄດ້ກຳນົດໄວ້ໃນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຄຳມ່ວນ ກ່ຽວກັບວຽກງານກວດກາ ຄື: ເພີ່ມທະວີວຽກງານຊຸກຍູ້, ຕິດຕາມ, ກວດກາ, ຕີລາຄາ ການນໍາພາ-ຊີ້ນຳ ຂອງຄະນະພັກແຕ່ລະຂັ້ນ ເປັນຕົ້ນການກວດກາສະມາຊິກພັກ ແລະ ການຈັດຕັ້ງພັກ ຕິດພັນກັບການຈັດຕັ້ງດຳເນີນຊີວິດການເມືອງພາຍໃນຄະນະພັກ, ຝຶກອົບຮົມຍົກລະດັບຜູ້ທີ່ເຮັດວຽກງານກວດກາ ເພື່ອເພີ່ມຂີດຄວາມສາມາດໃນການຕິດຕາມ-ກວດກາເຮັດໃຫ້ວຽກງານກວດກາມີຄຸນນະພາບສູງຂຶ້ນ, ຖືເອົາວຽກງານຕິດຕາມ-ກວດກາ ເປັນການປ້ອງກັນ ແລະ ສະກັດກັ້ນສິ່ງຫຍໍ້ທໍ້ຕ່າງໆ ໃນກົງຈັກການຈັດຕັ້ງ ແລະ ຖັນແຖວສະມາຊິກພັກ-ພະນັກງານ. ການຈັດຕັ້ງປະຕິບັດຕົວຈິງ ແມ່ນອີງໃສ່ກົດລະບຽບຂອງພັກ, ກົດໝາຍຂອງລັດ, ພາລະບົດບາດ, ສິດ, ໜ້າທີ່ ແລະ ນິຕິກຳຕ່າງໆ ກ່ຽວກັບວຽກງານກວດກາເປັນເຄື່ອງມື ເພື່ອເຄື່ອນໄຫວເຮັດໜ້າທີ່ຂອງຕົນຢ່າງຕັ້ງໜ້າ. ໃນປີ 2023 ມີຄະນະພັກ ແລະ ສະມາຊິກພັກ ຖືກປະຕິບັດວິໄນທັງໝົດຈຳນວນ 115 ສະຫາຍຍິງ 16 ສະຫາຍ, ໃນນີ້ ຕິຕຽນ 1 ສະຫາຍຍິງ 1 ສະຫາຍ, ກ່າວເຕືອນ 2 ສະຫາຍ, ປົດຕໍາແໜ່ງພັກ 6 ສະຫາຍຍິງ 1 ສະຫາຍ, ໂຈະການຮ່ວມຊີວິດພັກ 31 ສະຫາຍຍິງ 5 ສະຫາຍ, ເອົາອອກຈາກພັກ 75 ສະຫາຍຍິງ 9 ສະຫາຍ (ສະມາຊິກພັກສໍານັກງານ-ອົງການ 67 ສະຫາຍ ແລະ ສະມາຊິກພັກຢູ່ຂັ້ນບ້ານ 48 ສະຫາຍ), ໄດ້ກວດກາໂຄງການລົງທຶນຂອງລັດ ຕາມແຈ້ງການ 130/ຫສນຍ ຈໍານວນ 77 ໂຄງການ,ພົບເຫັນມູນຄ່າຕ້ອງຫັກລົບອອກຈາກສາລະບານການລົງທຶນຂອງລັດ ຈໍານວນໜຶ່ງ ແລະ ສົມທົບກັບຄະນະກວດກາຂັ້ນສູນກາງ ແລະ ອົງການກວດກາແຫ່ງລັດ ກວດກາ, ເກັບກໍາຂໍ້ມູນ ໃນບັນດາບໍລິສັດຕ່າງໆ ລວມເຖິງໂຄງການລົງທຶນຂອງລັດ ມີຜົນເສຍຫາຍທີ່ກວດກາພົບເຫັນເປັນຈຳນວນຫຼວງຫຼາຍ.
ໂອກາດນີ້, ທ່ານ ຄໍາພັນ ພົມມະທັດ ໄດ້ເນັ້ນໜັກໃຫ້ ຄະນະພັກ ແລະ ຄະນະກວດກາທຸກຂັ້ນ ຕ້ອງພ້ອມກັນເປັນເຈົ້າການໃນການແກ້ໄຂບັນຫາໃນດ້ານຕ່າງໆ ຕາມຂອບເຂດຄວາມຮັບຜິດຊອບຂອງຕົນ ດ້ວຍຄວາມຮັບຜິດຊອບສູງ, ຍົກສູງບົດບາດ ແລະ ເພີ່ມທະວີໃນວຽກງານກວດກາໃຫ້ເຂັ້ມແຂງ, ມີປະສິດທິພາບ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ໃນວຽກງານກວດກາ, ເພີ່ມທະວີການກວດກາທາງດ້ານການເມືອງ, ລະບຽບວິໄນ ຄຽງຄູ່ກັບການສຶກສາອົບຮົມດ້ານການເມືອງແນວຄິດ ຕິດພັນກັບການແກ້ໄຂຜົນຂອງການກວດກາ, ສຸມໃສ່ແກ້ໄຂ ແລະ ຕີຖອຍບັນຫາການສໍ້ລາດບັງຫຼວງ ທີ່ເປັນວຽກງານຮີບດ່ວນ ແລະ ມີຄວາມທ້າທາຍຕໍ່ການຈັດຕັ້ງຂອງ ພັກ-ລັດເຮົາໃນປັດຈຸບັນ.
ຂ່າວ-ພາບ: ກອງຄຳ
