ຕາມການໃຫ້ສໍາພາດຕໍ່ສື່ມວນຊົນໃນວັນທີ 16 ມັງກອນຜ່ານມາຂອງທ່ານ ບຸນທະນົງສັກ ເທບພາລັກ ຫົວໜ້າດ່ານພາສີສາກົນຂົວມິດຕະພາບ 3 ແຂວງຄໍາມ່ວນໃຫ້ຮູ້ວ່າ: ຕາມແຜນການທີ່ໄດ້ຮັບມອບໝາຍການຈັດເກັບລາຍຮັບເຂົ້າງົບປະມານໃນປີ 2024 ຈໍານວນທັງໝົດ 697 ຕື້ກີບເພີ່ມຂຶ້ນຈາກປີຜ່ານມາ 15,61% ແນໃສ່ເຮັດໃຫ້ການຈັດຕັ້ງປະຕິບັດແຜນໂຕເລກດັ່ງກ່າວໃຫ້ບັນລຸຕາມຄາດໝາຍຈະສືບຕໍ່ເຮັດວຽກການເມືອງແນວຄິດກັບອ້າຍນ້ອງກໍຄືພະນັກງານພາສີປະຈໍາດ່ານໃຫ້ມີຄວາມເຂົ້າໃຈ, ມີຄວາມເອກະພາບ, ມີຄວາມສາມັກຄີໃນໝູ່ຄະນະ, ມີຄວາມບຸກບືນຫ້າວຫັນເປັນເຈົ້າການຈັດຕັ້ງປະຕິບັດຕໍ່ໜ້າທີ່ການເມືອງຂອງຕົນຢ່າງເຂັ້ມງວດ. ໄດ້ນໍາເອົາໂຕເລກແຜນປີທີ່ໄດ້ຮັບມອບໝາຍຈາກພາສີແຂວງມາສ້າງເປັນແຜນດໍາເນີນງານຂອງດ່ານພວກເຮົາ ພ້ອມທັງຈະໄດ້ສ້າງຄວາມເຂົ້າໃຈ ແລະ ອະທິບາຍລະບຽບການໃຫ້ຜູ້ປະກອບການທຸລະກິດການນໍາເຂົ້າ-ສົ່ງອອກຫຼືຜູ້ທີ່ມາບໍລິການຜ່ານດ່ານໃຫ້ຮັບຮູ້-ເຂົ້າໃຈກ່ຽວກັບລະບົບການແຈ້ງພາສີເພື່ອຮັບປະກັນຄວາມວ່ອງໄວ ແລະ ຖືກຕ້ອງຕາມລະບຽບກົດໝາຍ.
ສໍາລັບການຈັດຕັ້ງປະຕິບັດການຈັດເກັບລາຍຮັບເຂົ້າງົບປະມານປີ 2023 ຜ່ານມາ, ປະຕິບັດໄດ້ 90,95% ເທົ່າກັບ 548 ຕື້ກີບ ທຽບໃສ່ປີຜ່ານມາເພີ່ມຂຶ້ນ 29,82%, ລາຍຮັບສ່ວນໃຫຍ່ໄດ້ຈາກສິນຄ້າປະເພດນໍ້າມັນເຊື້ອໄຟ ແລະ ສິນຄ້ານໍາເຂົ້າເພື່ອສົ່ງອອກຕໍ່ປະເພດເຄື່ອງດື່ມຊູກຳລັງ, ດ້ານຂໍ້ສະດວກໃນການຈັດຕັ້ງປະຕິບັດການເກັບລາຍຮັບຍ້ອນມີການນໍາພາ-ຊີ້ນໍາຢ່າງໃກ້ຊິດຈາກສາຍຕັ້ງຂັ້ນສູນກາງ ແລະ ທ້ອງຖິ່ນ, ມີກົດໝາຍວ່າດ້ວຍພາສີ, ນິຕິກຳຕ່າງໆຈາກຂະແໜງການກ່ຽວຂ້ອງທີ່ໄດ້ວາງອອກມາແຕ່ລະໄລຍະເປັນບ່ອນອີງໃນການຈັດຕັ້ງປະຕິບັດ ແລະ ມີລະບົບເຄື່ອງມືທັນສະໄໝເພື່ອຮັບໃຊ້ເຂົ້າໃນວຽກງານວິຊາສະເພາະໃຫ້ມີຄວາມວ່ອງໄວ, ສ່ວນດ້ານຂໍ້ຫຍຸ້ງຍາກລະບົບສາງຍັງບໍ່ໄດ້ມາດຖານພາໃຫ້ຫຍຸ້ງຍາກໃນການເກັບຮັກສາສິນຄ້າ, ການກວດກາໃນເວລາສະພາບອາກາດບໍ່ເອື້ອອໍານວຍເວລາມີຄວາມຂັດຂ້ອງດ້ານກະແສໄຟຟ້າ (ໄຟຟ້າດັບ) ເຮັດໃຫ້ລະບົບເຄື່ອງມືບໍ່ສາມາດຕອບສະໜອງໃນການປ້ອນຂໍ້ມູນຕ່າງໆລວມເຖິງລະບົບສັນຍານທາງອິນເຕີເນັດ ກໍມີຄວາມຂັດຂ້ອງສ້າງຄວາມຫຍຸ້ງຍາກໃຫ້ການບໍລິການຊັກຊ້າ ແຕ່ກໍເປັນພຽງໄລຍະໃດໜຶ່ງ.
ທ່ານ ບຸນທະນົງສັກ ເທບພາລັກ ກ່າວຕື່ມອີກວ່າ: ດ່ານສາກົນຂົວມິດຕະພາບ 3 ແຂວງຄໍາມ່ວນທີ່ເປັນດ່ານໜ້າໃນການບໍລິການຜ່ານດ່ານຂອງແຂກທັງພາຍໃນ ແລະ ຕ່າງປະເທດ ເພື່ອຮອງຮັບໃຫ້ແກ່ການເປີດປີທ່ອງທ່ຽວລາວ 2024 ແມ່ນໄດ້ມີແຜນປະຕິບັດຄື: ໄດ້ຄົ້ນຄວ້າປຶກສາຫາລືກັນໃນໝູ່ຄະນະ ເພື່ອປັບປຸງຄືນດ້ານພື້ນຖານໂຄງລ່າງ ເປັນຕົ້ນແມ່ນປ່ອງບໍລິການ, ໄຟເຍືອງທາງບໍລິເວນດ່ານໃຫ້ມີຄວາມສະຫວ່າງໃນເວລາກາງຄືນ ແລະ ສ້າງສິ່ງອໍານວຍຄວາມສະດວກດ້ານສະຖານທີ່ບໍລິການສາທາລະນະອື່ນໆ. ສ່ວນວຽກບໍລິການຂອງຂະແໜງພາສີແມ່ນມີຄວາມພ້ອມມາດົນແລ້ວໂດຍສະເພາະແມ່ນການນໍາໃຊ້ເຄື່ອງມືທີ່ທັນສະໄໝ, ດ້ານບຸກຄະລາກອນສາມາດຮອງຮັບແຂກທີ່ເຂົ້າມາບໍລິການໂດຍມີຫຼາຍຊ່ອງທາງໃນການລະບາຍ. ພ້ອມນັ້ນ, ໄດ້ເອົາໃຈໃສ່ປະສານສົມທົບກັບຂະແໜງການກ່ຽວຂ້ອງເພື່ອເຮັດໃຫ້ການບໍລິການໄດ້ຮັບຄວາມສະດວກວ່ອງໄວ.
ຂ່າວ-ພາບ: ມະນີວັນ
ສໍາລັບການຈັດຕັ້ງປະຕິບັດການຈັດເກັບລາຍຮັບເຂົ້າງົບປະມານປີ 2023 ຜ່ານມາ, ປະຕິບັດໄດ້ 90,95% ເທົ່າກັບ 548 ຕື້ກີບ ທຽບໃສ່ປີຜ່ານມາເພີ່ມຂຶ້ນ 29,82%, ລາຍຮັບສ່ວນໃຫຍ່ໄດ້ຈາກສິນຄ້າປະເພດນໍ້າມັນເຊື້ອໄຟ ແລະ ສິນຄ້ານໍາເຂົ້າເພື່ອສົ່ງອອກຕໍ່ປະເພດເຄື່ອງດື່ມຊູກຳລັງ, ດ້ານຂໍ້ສະດວກໃນການຈັດຕັ້ງປະຕິບັດການເກັບລາຍຮັບຍ້ອນມີການນໍາພາ-ຊີ້ນໍາຢ່າງໃກ້ຊິດຈາກສາຍຕັ້ງຂັ້ນສູນກາງ ແລະ ທ້ອງຖິ່ນ, ມີກົດໝາຍວ່າດ້ວຍພາສີ, ນິຕິກຳຕ່າງໆຈາກຂະແໜງການກ່ຽວຂ້ອງທີ່ໄດ້ວາງອອກມາແຕ່ລະໄລຍະເປັນບ່ອນອີງໃນການຈັດຕັ້ງປະຕິບັດ ແລະ ມີລະບົບເຄື່ອງມືທັນສະໄໝເພື່ອຮັບໃຊ້ເຂົ້າໃນວຽກງານວິຊາສະເພາະໃຫ້ມີຄວາມວ່ອງໄວ, ສ່ວນດ້ານຂໍ້ຫຍຸ້ງຍາກລະບົບສາງຍັງບໍ່ໄດ້ມາດຖານພາໃຫ້ຫຍຸ້ງຍາກໃນການເກັບຮັກສາສິນຄ້າ, ການກວດກາໃນເວລາສະພາບອາກາດບໍ່ເອື້ອອໍານວຍເວລາມີຄວາມຂັດຂ້ອງດ້ານກະແສໄຟຟ້າ (ໄຟຟ້າດັບ) ເຮັດໃຫ້ລະບົບເຄື່ອງມືບໍ່ສາມາດຕອບສະໜອງໃນການປ້ອນຂໍ້ມູນຕ່າງໆລວມເຖິງລະບົບສັນຍານທາງອິນເຕີເນັດ ກໍມີຄວາມຂັດຂ້ອງສ້າງຄວາມຫຍຸ້ງຍາກໃຫ້ການບໍລິການຊັກຊ້າ ແຕ່ກໍເປັນພຽງໄລຍະໃດໜຶ່ງ.
ທ່ານ ບຸນທະນົງສັກ ເທບພາລັກ ກ່າວຕື່ມອີກວ່າ: ດ່ານສາກົນຂົວມິດຕະພາບ 3 ແຂວງຄໍາມ່ວນທີ່ເປັນດ່ານໜ້າໃນການບໍລິການຜ່ານດ່ານຂອງແຂກທັງພາຍໃນ ແລະ ຕ່າງປະເທດ ເພື່ອຮອງຮັບໃຫ້ແກ່ການເປີດປີທ່ອງທ່ຽວລາວ 2024 ແມ່ນໄດ້ມີແຜນປະຕິບັດຄື: ໄດ້ຄົ້ນຄວ້າປຶກສາຫາລືກັນໃນໝູ່ຄະນະ ເພື່ອປັບປຸງຄືນດ້ານພື້ນຖານໂຄງລ່າງ ເປັນຕົ້ນແມ່ນປ່ອງບໍລິການ, ໄຟເຍືອງທາງບໍລິເວນດ່ານໃຫ້ມີຄວາມສະຫວ່າງໃນເວລາກາງຄືນ ແລະ ສ້າງສິ່ງອໍານວຍຄວາມສະດວກດ້ານສະຖານທີ່ບໍລິການສາທາລະນະອື່ນໆ. ສ່ວນວຽກບໍລິການຂອງຂະແໜງພາສີແມ່ນມີຄວາມພ້ອມມາດົນແລ້ວໂດຍສະເພາະແມ່ນການນໍາໃຊ້ເຄື່ອງມືທີ່ທັນສະໄໝ, ດ້ານບຸກຄະລາກອນສາມາດຮອງຮັບແຂກທີ່ເຂົ້າມາບໍລິການໂດຍມີຫຼາຍຊ່ອງທາງໃນການລະບາຍ. ພ້ອມນັ້ນ, ໄດ້ເອົາໃຈໃສ່ປະສານສົມທົບກັບຂະແໜງການກ່ຽວຂ້ອງເພື່ອເຮັດໃຫ້ການບໍລິການໄດ້ຮັບຄວາມສະດວກວ່ອງໄວ.
ຂ່າວ-ພາບ: ມະນີວັນ
