ຄະນະທົບທວນການຈັດຕັ້ງປະຕິບັດໂຄງການ ຈາກທະນາຄານພັດທະນາອາຊີ (ADB) ໄດ້ລົງຊຸກຍູ້, ເກັບກໍາຂໍ້ມູນການຜະລິດພືດລະດູແລ້ງ 2024 ແລະ ການຄຸ້ມຄອງຊົນລະປະທານນໍ້າທາ-3 ໃນວັນທີ 16 ມັງກອນຜ່ານມາທີ່ບ້ານໃຈ້ໃຕ້ ເມືອງຫຼວງນ້ຳທາແຂວງຫຼວງນ້ຳທາໂດຍມີທ່ານ ວິນວິໄລ ໄຊຍະພອນ ຮອງຫົວໜ້າກົມຊົນລະປະທານກະຊວງກະສິກໍາ ແລະ ປ່າໄມ້, ທ່ານ ນາງ ຄໍາຕັນ ຈັນທີ ຫົວໜ້າທີມງານໂຄງການ ຈາກທະນາຄານພັດທະນາອາຊີ ( ADB ), ມີທ່ານ ສອນໄຊ ອຸດົມ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງຫຼວງນ້ຳທາ, ພ້ອມດ້ວຍພາກສ່ວນທີ່ກ່ຽວຂ້ອງ ແລະ ກຸ່ມຜູ້ນໍາໃຊ້ນໍ້າຊົນລະປະທານນໍ້າທາ-3 ເຂົ້າຮ່ວມ.
ຈຸດປະສົງ ການລົງຊຸກຍູ້ ແລະ ເກັບກໍາຂໍ້ມູນຂອງຄະນະທີມງານໂຄງການ ຈາກທະນາຄານພັດທະນາອາຊີໃນຄັ້ງນີ້ ເພື່ອທົບທວນຄືນການຈັດຕັ້ງປະຕິບັດໂຄງການຊົນລະປະທານນໍ້າທາ-3 ກ່ຽວກັບ ການຜະລິດພືດລະດູແລ້ງ 2024 ແລະ ການຄຸ້ມຄອງນໍາໃຊ້ນໍ້າຊົນລະປະທານນໍ້າທາ-3 ໃນໄລຍະຜ່ານມາ ໂດຍໄດ້ສໍາພາດກຸ່ມເປົ້າໝາຍຜູ້ປູກພືດລະດູແລ້ງ, ຜູ້ນໍາໃຊ້ນໍ້າ, ການຄຸ້ມຄອງປົກປັກຮັກສາຊົນລະປະທານ, ການຄຸ້ມຄອງກອງທຶນ, ການເກັບເງິນບູລະນະຮັກສາຊົນລະປະທານ ແລະ ອື່ນໆ.
ໂຄງການຊົນລະປະທານນໍ້າທາ-3 ປະກອບມີ 3 ຫົວງານຍ່ອຍຄື: ຫົວງານນໍ້າທາ-3 ຕັ້ງຢູ່ບ້ານຫາດຍາວ, ຫົວງານນໍ້າດີ-1 ຕັ້ງຢູ່ບ້ານຫົວນາ, ຫົວງານນໍ້າດີ-2 ຕັ້ງຢູ່ບ້ານປ່າປົວະ ທັງ 3 ຫົວງານ ມີຄອງເໝືອງຍາວທັງໝົດ 20.181 ແມັດ, ກວມເນື້ອທີ່ນາ 580 ກວ່າເຮັກຕາ ປະກອບມີ 10 ບ້ານ, ມີ 916 ຄອບຄົວ ທີ່ໄດ້ຮັບຜົນປະໂຫຍດ ຊຶ່ງໄດ້ເລີ່ມລົງມືກໍ່ສ້າງມາແຕ່ວັນທີ 14 ກຸມພາ 2022 ແລະ ໄດ້ສໍາເລັດໃນວັນທີ 3 ມີນາ 2023 ໂດຍແມ່ນບໍລິສັດ ສີສະເກດ ກໍ່ສ້າງຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງ ມູນຄ່າທັງໝົດ 1.520.780 ໂດລາ ໂດຍແມ່ນທຶນຊ່ວຍເຫຼືອຂອງທະນະຄານພັດທະນາອາຊີ, ສໍາລັບຄອງເໝືອງເຂດທົ່ງນາຝັ່ງຊ້າຍຂອງແມ່ນໍ້າທາ ຮັບປະກັນໃນການສະໜອງນໍ້າໃຫ້ແກ່ການຜະລິດທັງລະດູແລ້ງ ແລະ ລະດູຝົນ, ການຜະລິດພືດລະດູແລ້ງ ປິ 2024 ຢູ່ເຂດທົ່ງນາຝັ່ງຊ້າຍຂອງແມ່ນໍ້າທາ ແມ່ນປູກໝາກຖົ່ວເຫຼືອງ ມີເນື້ອທີ່ທັງໝົດ 150 ເຮັກຕາ, ກວມເອົາ 4 ບ້ານ: ບ້ານທົ່ງໃຈ້ເໜືອ, ບ້ານທົ່ງໃຈ້ໃຕ້, ບ້ານປ່າປົວະ ແລະ ບ້ານນໍ້າທຸງ ໄດ້ເລີ່ມປູກໝາກຖົ່ວເຫຼືອງມາແຕ່ເດືອນທັນວາ 2023 ຄາດວ່າຈະປູກໃຫ້ສໍາເລັດໃນເດືອນກຸມພາ 2024, ສ່ວນຜົນຜະລິດຄາດວ່າຈະໃຫ້ໄດ້ 12 ໂຕນຕໍ່ເຮັກຕາ, ໂດຍແມ່ນບໍລິສັດເຖິງເຝີຍການຄ້າ ແລະ ສົ່ງເສີມກະສິກໍາ ຈໍາກັດຜູ້ດຽວ ເປັນຜູ້ລົງທຶນ ເພື່ອສົ່ງອອກໄປ ສປ ຈີນ. ສ່ວນປະຊາຊົນມີລາຍຮັບຈາກການເຊົ່າດິນນາ ແລະ ການອອກແຮງງານ ຈ້າງໄຖ,ຈ້າງປູກ,ການບົວລະບັດຮັກສາແລະອື່ນໆ ນໍາບໍລິສັດຜູ້ລົງທຶນ ເພື່ອມີລາຍຮັບເຂົ້າສູ່ຄອບຄົວ.
ຂ່າວ-ພາບ: ຫຼວງນ້ຳທາ
ຈຸດປະສົງ ການລົງຊຸກຍູ້ ແລະ ເກັບກໍາຂໍ້ມູນຂອງຄະນະທີມງານໂຄງການ ຈາກທະນາຄານພັດທະນາອາຊີໃນຄັ້ງນີ້ ເພື່ອທົບທວນຄືນການຈັດຕັ້ງປະຕິບັດໂຄງການຊົນລະປະທານນໍ້າທາ-3 ກ່ຽວກັບ ການຜະລິດພືດລະດູແລ້ງ 2024 ແລະ ການຄຸ້ມຄອງນໍາໃຊ້ນໍ້າຊົນລະປະທານນໍ້າທາ-3 ໃນໄລຍະຜ່ານມາ ໂດຍໄດ້ສໍາພາດກຸ່ມເປົ້າໝາຍຜູ້ປູກພືດລະດູແລ້ງ, ຜູ້ນໍາໃຊ້ນໍ້າ, ການຄຸ້ມຄອງປົກປັກຮັກສາຊົນລະປະທານ, ການຄຸ້ມຄອງກອງທຶນ, ການເກັບເງິນບູລະນະຮັກສາຊົນລະປະທານ ແລະ ອື່ນໆ.
ໂຄງການຊົນລະປະທານນໍ້າທາ-3 ປະກອບມີ 3 ຫົວງານຍ່ອຍຄື: ຫົວງານນໍ້າທາ-3 ຕັ້ງຢູ່ບ້ານຫາດຍາວ, ຫົວງານນໍ້າດີ-1 ຕັ້ງຢູ່ບ້ານຫົວນາ, ຫົວງານນໍ້າດີ-2 ຕັ້ງຢູ່ບ້ານປ່າປົວະ ທັງ 3 ຫົວງານ ມີຄອງເໝືອງຍາວທັງໝົດ 20.181 ແມັດ, ກວມເນື້ອທີ່ນາ 580 ກວ່າເຮັກຕາ ປະກອບມີ 10 ບ້ານ, ມີ 916 ຄອບຄົວ ທີ່ໄດ້ຮັບຜົນປະໂຫຍດ ຊຶ່ງໄດ້ເລີ່ມລົງມືກໍ່ສ້າງມາແຕ່ວັນທີ 14 ກຸມພາ 2022 ແລະ ໄດ້ສໍາເລັດໃນວັນທີ 3 ມີນາ 2023 ໂດຍແມ່ນບໍລິສັດ ສີສະເກດ ກໍ່ສ້າງຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງ ມູນຄ່າທັງໝົດ 1.520.780 ໂດລາ ໂດຍແມ່ນທຶນຊ່ວຍເຫຼືອຂອງທະນະຄານພັດທະນາອາຊີ, ສໍາລັບຄອງເໝືອງເຂດທົ່ງນາຝັ່ງຊ້າຍຂອງແມ່ນໍ້າທາ ຮັບປະກັນໃນການສະໜອງນໍ້າໃຫ້ແກ່ການຜະລິດທັງລະດູແລ້ງ ແລະ ລະດູຝົນ, ການຜະລິດພືດລະດູແລ້ງ ປິ 2024 ຢູ່ເຂດທົ່ງນາຝັ່ງຊ້າຍຂອງແມ່ນໍ້າທາ ແມ່ນປູກໝາກຖົ່ວເຫຼືອງ ມີເນື້ອທີ່ທັງໝົດ 150 ເຮັກຕາ, ກວມເອົາ 4 ບ້ານ: ບ້ານທົ່ງໃຈ້ເໜືອ, ບ້ານທົ່ງໃຈ້ໃຕ້, ບ້ານປ່າປົວະ ແລະ ບ້ານນໍ້າທຸງ ໄດ້ເລີ່ມປູກໝາກຖົ່ວເຫຼືອງມາແຕ່ເດືອນທັນວາ 2023 ຄາດວ່າຈະປູກໃຫ້ສໍາເລັດໃນເດືອນກຸມພາ 2024, ສ່ວນຜົນຜະລິດຄາດວ່າຈະໃຫ້ໄດ້ 12 ໂຕນຕໍ່ເຮັກຕາ, ໂດຍແມ່ນບໍລິສັດເຖິງເຝີຍການຄ້າ ແລະ ສົ່ງເສີມກະສິກໍາ ຈໍາກັດຜູ້ດຽວ ເປັນຜູ້ລົງທຶນ ເພື່ອສົ່ງອອກໄປ ສປ ຈີນ. ສ່ວນປະຊາຊົນມີລາຍຮັບຈາກການເຊົ່າດິນນາ ແລະ ການອອກແຮງງານ ຈ້າງໄຖ,ຈ້າງປູກ,ການບົວລະບັດຮັກສາແລະອື່ນໆ ນໍາບໍລິສັດຜູ້ລົງທຶນ ເພື່ອມີລາຍຮັບເຂົ້າສູ່ຄອບຄົວ.
ຂ່າວ-ພາບ: ຫຼວງນ້ຳທາ
