ເມື່ອບໍ່ດົນມານີ້, ທ່ານ ສີຄານ ແກ່ນມະນີ ຮອງເຈົ້າເມືອງແກ່ນທ້າວ ພ້ອມດ້ວຍຫົວໜ້າ, ຮອງຫົວໜ້າຫ້ອງການ, ພະນັກງານຫ້ອງການກະສິກໍາ ແລະ ປ່າໄມ້ເມືອງ, ນາຍບ້ານເທດສະບານ, ຫົວໜ້າກຸ່ມໄດສູບນໍ້ານາທົ່ມ ແລະ ຊາວກະສິກອນ ຈໍານວນໜຶ່ງໄດ້ໄປທັດສະນະສຶກສາເບິ່ງການປູກພືດລະແລ້ງຢູ່ 3 ເມືອງຂອງແຂວງໄຊຍະບູລີ ຄື: ເມືອງຄອບ, ເມືອງຊຽງຮ່ອນ ແລະ ເມືອງພຽງ.
    ໃນການໄປທັດສະນະສຶກສາຄັ້ງນີ້, ທາງທີມງານຮອງເຈົ້າເມືອງແກ່ນທ້າວ ໄດ້ຮັບຟັງການລາຍງານການປູກພືດລະດູແລ້ງຂອງແຕ່ລະເມືອງ, ໄດ້ມີການສົນທະນາແລກປ່ຽນບົດຮຽນຊຶ່ງ ແລະ ກັນ ເປັນຕົ້ນແມ່ນຂັ້ນຕອນການກະກຽມ, ການຊຸກຍູ້ສົ່ງເສີມ ແລະ ການຈັດຕັ້ງປະຕິບັດດ້ານຕ່າງໆ. ຈາກນັ້ນ, ໄດ້ໄປເບິ່ງການປູກຖົ່ວເຫຼືອງ, ປູກໝາກໂມ, ເບິ່ງໂຮງງານຄັດແຍກເມັດຖົ່ວເຫຼືອງ, ເບິ່ງຊົນລະປະທານ ແລະ ສະຖານທີ່ທ່ອງທ່ຽວຕື່ມອີກ. 
    ທັງນີ້, ເພື່ອຈະໄດ້ນໍາເອົາບົດຮຽນດັ່ງກ່າວມາເຜີຍແຜ່ໃຫ້ຊາວກະສິກອນເມືອງແກ່ນທ້າວ ໄດ້ຮັບຮູ້ ແລະ ນໍາໄປຈັດຕັ້ງປະຕິບັດໃນຕໍ່ໜ້າ.
ຂ່າວ-ພາບ: ແກ່ນທ້າວ