ໃນໂອກາດທີ່ຈະບັນຈົບຄົບຮອບ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20/1/1949-20/1/2024) ບັນດາຄະນະພັກ-ຄະນະນໍາກະຊວງ/ອົງການຕ່າງໆ ຂອງທົ່ວພັກ-ທົ່ວລັດ ໄດ້ເຂົ້າອວຍພອນຄະນະພັກ-ຄະນະນໍາກະຊວງປ້ອງກັນປະເທດ ຊຶ່ງໃນນີ້ ຄະນະພັກ-ຄະນະນໍາຂອງ ຄະນະໂຄສະນາອົບຮົມສູນກາງພັກ (ຄອສພ) ກໍໄດ້ເຂົ້າອວຍພອນເນື່ອງໃນໂອກາດວັນສຳຄັນດັ່ງກ່າວ.
ໃນວັນທີ 18 ມັງກອນນີ້, ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າ ຄອສພ ປະທານສະພາທິດສະດີສູນກາງພັກ ພ້ອມດ້ວຍບັນດາສະຫາຍຄະນະພັກ-ຄະນະນໍາຂອງ ຄອສພ ໄດ້ເຂົ້າອວຍພອນ ກະຊວງປ້ອງກັນປະເທດ ໂດຍແມ່ນ ສະຫາຍ ພົນໂທ ທອງລອຍ ສິລິວົງ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ ພ້ອມດ້ວຍຄະນະພັກ-ຄະນະນໍາກະຊວງດັ່ງກ່າວ ຮັບການເຂົ້າອວຍພອນ.
ສະຫາຍ ຄໍາພັນ ເຜີຍຍະວົງ ໄດ້ກ່າວຊົມເຊີຍ ແລະ ອວຍພອນໄຊອັນປະເສີດ ມາຍັງຄະນະພັກ-ຄະນະນໍາ, ຄະນະກອງບັນຊາການກະຊວງປ້ອງກັນປະເທດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ; ຂໍອວຍພອນໃຫ້ບັນດາສະຫາຍ ຈົ່ງມີແຕ່ຄວາມສຸກ, ຄວາມຈະເລີນ, ມີຜົນສຳເລັດ ຍາດໄດ້ໄຊຊະນະອັນໃຫຍ່ຫຼວງກວ່າເກົ່າ. ສະຫາຍ ຍັງໄດ້ກ່າວວ່າ: ພວກຂ້າພະເຈົ້າຕີລາຄາສູງ ຕໍ່ຕະຫຼອດໄລຍະ 75 ປີຜ່ານມານີ້, ເຖິງຈະປະສົບຄວາມຫຍຸ້ງຍາກ ແລະ ສິ່ງທ້າທາຍຫຼາຍປະການ, ດ້ວຍຄວາມນໍາພາ-ຊີ້ນໍາ ໃກ້ຊິດຕິດແທດຢ່າງສະໜິດສະໜົມຂອງການນໍາຂອງກອງບັນຊາການ ກໍຄືທົ່ວກະຊວງປ້ອງກັນປະເທດ ໄດ້ເຮັດໃຫ້ທົ່ວປະເທດພວກເຮົາ ສາມາດຍາດໄດ້ຜົນສຳເລັດໃນຫຼາຍດ້ານ ເປັນຕົ້ນເຮັດໃຫ້ທົ່ວປະເທດ ສືບຕໍ່ມີຄວາມສະຫງົບ ຄວາມເປັນລະບຽບ ຢ່າງໜັກແໜ້ນ, ເສດຖະກິດສືບຕໍ່ໄດ້ມີການພັດທະນາຢ່າງຕໍ່ເນື່ອງ. ພິເສດ, ສຳລັບການກໍ່ສ້າງກຳລັງປ້ອງ ກໍມີການເຕີບໃຫຍ່ເຂັ້ມແຂງຂຶ້ນເລື້ອຍໆ ເປັນເສົາຄໍ້າອັນໜັກແໜ້ນໃນການປ້ອງກັນປະເທດ, ສ້າງປະເທດພວກເຮົາໃຫ້ໜັກແໜ້ນ ກ້າວຂຶ້ນສູ່ຈຸດໝາຍສັງຄົມນິຍົມ.
ສຳລັບ ຄອສພ, ກໍໄດ້ປະກອບສ່ວນສຳຄັນຕະຫຼອດໄລຍະຜ່ານມາ ໄດ້ເຜີຍແຜ່ແນວທາງນະໂຍບາຍ ຊຶ່ງໂດຍສະເພາະວຽກງານປ້ອງກັນຊາດ-ປ້ອງກັນຄວາມສະຫງົບ ແກ່ປະຊາຊົນຊັ້ນຄົນຕ່າງໆ ໄດ້ຮັບຮູ້ ແລະ ເຂົ້າໃຈ, ໄດ້ເຊື່ອມຊຶມ ແລະ ໄດ້ເປັນເຈົ້າການປະກອບສ່ວນເຂົ້າຮ່ວມ ໂດຍສະເພາະແມ່ນການຈັດຕັ້ງປະຕິບັດ 2 ວາລະແຫ່ງຊາດ; ຄອສພ ຍັງໄດ້ປະກອບສ່ວນໃນການໂຄສະນາ ເນື່ອງໃນໂອກາດ 75 ປີ ວັນສ້າງຕັ້ງກອງທັບປະຊາຊົນລາວ ໂດຍໄດ້ໂຄສະນາເຜີຍແຜ່ຜ່ານສື່ຕ່າງໆ ໂດຍສະເພາະແມ່ນໜັງສືພິມປະຊາຊົນ ທີ່ໄດ້ມີຫຼາຍຮູບຫຼາຍສີ ແລະ ອຸດົມສົມບູນຂຶ້ນ ໂດຍສະເພາະມີບົດສຳພາດ ບັນດາພະນັກງານ-ການນໍາອາວຸໂສ, ພະນັກງານຫຼັກແຫຼ່ງຢູ່ໃນບັນດາກົມກອງ ຫຼື ການນໍາຂັ້ນຕ່າງໆ ອອກໃນເກືອບທຸກສະບັບ ແລະ ອອກໃນພາຫະນະສື່ຂອງໜັງສືພິມທຸກມື້.
ສະຫາຍ ພົນໂທ ທອງລອຍ ສິລິວົງ ກໍໄດ້ຕາງໜ້າຄະນະພັກ-ຄະນະນໍາກະຊວງປ້ອງກັນປະເທດ, ຕາງໜ້ານາຍ ແລະ ພົນທະຫານທົ່ວກອງທັບປະຊາຊົນລາວ ກ່າວສະແດງຄວາມຍິນດີຕ້ອນຮັບ ແລະ ຂອບອົກຂອບໃຈຢ່າງສູງ ຕໍ່ການນໍາເອົາກະຕ່າດອກໄມ້, ວັດຖຸປັດໄຈ ແລະ ຄວາມເວົ້າອັນຈົບງາມຕໍ່ກອງທັບ ມາອວຍພອນໃນໂອກາດວັນປະຫວັດສາດກອງທັບ ຄົບຮອບ 75 ປີໃນຄັ້ງນີ້. ພ້ອມນີ້, ກໍໄດ້ກ່າວວ່າ: ກອງທັບພວກເຮົາສຸດທີ່ມີຄວາມພາກພູມໃຈ ທີ່ໄດ້ມີອົງການຈັດຕັ້ງຂອງພັກ, ຂອງລັດ ແລະ ພາກສ່ວນຕ່າງໆ ຕະຫຼອດພໍ່ແມ່ປະຊາຊົນ ໃນການສະໜັບສະໜູນຊ່ວຍເຫຼືອກອງທັບຕະຫຼອດໄລຍະ 75 ປີຜ່ານມາ, ເຮັດໃຫ້ກອງທັບໄດ້ມີການຈະເລີນເຕີບໂຕຂຶ້ນ ສາມາດຈັດຕັ້ງປະຕິບັດໜ້າທີ່ຂອງກອງທັບ ໂດຍສະເພາະຢ່າງຍິ່ງແມ່ນການຮັກສາສັນຕິພາບ, ເອກະລາດ, ອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດໄວ້ຢ່າງໝັ້ນຄົງ ຊຶ່ງນີ້ແມ່ນເປັນການຊີ້ນໍາ-ນໍາພາຂອງພັກປະຊາຊົນປະຕິວັດລາວ ແລະ ການຄຸ້ມຄອງຂອງລັດ, ມີການສະໜັບສະໜູນຂອງກະຊວງ/ອົງການຕ່າງໆ. ຄອສພ ກໍເປັນອົງການທີ່ສຳຄັນ ທີ່ນໍາເອົາແນວທາງນະໂຍບາຍຂອງພັກ, ຂອງລັດ, ນິຕິກຳ ແລະ ກົດໝາຍ ໃນຂົງເຂດປ້ອງກັນຊາດ ເຜີຍແຜ່ສູ່ມວນຊົນ, ປະຊາຊົນບັນດາເຜົ່າ, ບັນດາຮຸ່ນສືບທອດຕ່າງໆ ເຂົ້າໃຈເຖິງປະຫວັດສາດຂອງກອງທັບ, ເຂົ້າໃຈເຖິງໜ້າທີ່ປ້ອງກັນຊາດ-ປ້ອງກັນຄວາມສະຫງົບ. ພ້ອມດຽວກັນນີ້, ສະຫາຍ ພົນໂທ ທອງລອຍ ສິລິວົງ ຍັງໄດ້ກ່າວຂອບໃຈທີ່ ຄອສພ ໄດ້ເອົາການເອົາງານຊ່ວຍສະໜັບສະໜູນກອງທັບພວກເຮົາ ໂດຍສະເພາະໃນໄລຍະປະຫວັດສາດແຕ່ລະໄລຍະ ເປັນຕົ້ນ ເອກະສານປາຖະກະຖາມູນເຊື້ອ 75 ປີ ກໍໄດ້ຊ່ວຍໃນການກວດກາປັບປຸງ ແລະ ພ້ອມດຽວກັນກໍໄດ້ຈັດຕັ້ງເຜີຍແຜ່ປະຫວັດສາດກອງທັບຜ່ານວາລະສານ, ໜັງສືພິມມາແຕ່ເລີ່ມຕົ້ນກ່ອນແຕ່ຫົວທີ ມາຮອດປັດຈຸບັນ ແລະ ກໍເຫັນວ່າຍັງສືບຕໍ່ຊ່ວຍໂຄສະນາ.
ຕອນທ້າຍ, ສະຫາຍ ພົນໂທ ທອງລອຍ ສິລິວົງ ຍັງໄດ້ກ່າວອວຍພອນ ສະຫາຍ ຄໍາພັນ ເຜີຍຍະວົງ ພ້ອມດ້ວຍບັນດາສະຫາຍ ຄະນະພັກ-ຄະນະນໍາ ແລະ ພະນັງານ ຄອສພ ອີກດ້ວຍ.
(ຂ່າວ-ພາບ: ສຸກສະຫວັນ)
ໃນວັນທີ 18 ມັງກອນນີ້, ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າ ຄອສພ ປະທານສະພາທິດສະດີສູນກາງພັກ ພ້ອມດ້ວຍບັນດາສະຫາຍຄະນະພັກ-ຄະນະນໍາຂອງ ຄອສພ ໄດ້ເຂົ້າອວຍພອນ ກະຊວງປ້ອງກັນປະເທດ ໂດຍແມ່ນ ສະຫາຍ ພົນໂທ ທອງລອຍ ສິລິວົງ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ ພ້ອມດ້ວຍຄະນະພັກ-ຄະນະນໍາກະຊວງດັ່ງກ່າວ ຮັບການເຂົ້າອວຍພອນ.
ສະຫາຍ ຄໍາພັນ ເຜີຍຍະວົງ ໄດ້ກ່າວຊົມເຊີຍ ແລະ ອວຍພອນໄຊອັນປະເສີດ ມາຍັງຄະນະພັກ-ຄະນະນໍາ, ຄະນະກອງບັນຊາການກະຊວງປ້ອງກັນປະເທດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ; ຂໍອວຍພອນໃຫ້ບັນດາສະຫາຍ ຈົ່ງມີແຕ່ຄວາມສຸກ, ຄວາມຈະເລີນ, ມີຜົນສຳເລັດ ຍາດໄດ້ໄຊຊະນະອັນໃຫຍ່ຫຼວງກວ່າເກົ່າ. ສະຫາຍ ຍັງໄດ້ກ່າວວ່າ: ພວກຂ້າພະເຈົ້າຕີລາຄາສູງ ຕໍ່ຕະຫຼອດໄລຍະ 75 ປີຜ່ານມານີ້, ເຖິງຈະປະສົບຄວາມຫຍຸ້ງຍາກ ແລະ ສິ່ງທ້າທາຍຫຼາຍປະການ, ດ້ວຍຄວາມນໍາພາ-ຊີ້ນໍາ ໃກ້ຊິດຕິດແທດຢ່າງສະໜິດສະໜົມຂອງການນໍາຂອງກອງບັນຊາການ ກໍຄືທົ່ວກະຊວງປ້ອງກັນປະເທດ ໄດ້ເຮັດໃຫ້ທົ່ວປະເທດພວກເຮົາ ສາມາດຍາດໄດ້ຜົນສຳເລັດໃນຫຼາຍດ້ານ ເປັນຕົ້ນເຮັດໃຫ້ທົ່ວປະເທດ ສືບຕໍ່ມີຄວາມສະຫງົບ ຄວາມເປັນລະບຽບ ຢ່າງໜັກແໜ້ນ, ເສດຖະກິດສືບຕໍ່ໄດ້ມີການພັດທະນາຢ່າງຕໍ່ເນື່ອງ. ພິເສດ, ສຳລັບການກໍ່ສ້າງກຳລັງປ້ອງ ກໍມີການເຕີບໃຫຍ່ເຂັ້ມແຂງຂຶ້ນເລື້ອຍໆ ເປັນເສົາຄໍ້າອັນໜັກແໜ້ນໃນການປ້ອງກັນປະເທດ, ສ້າງປະເທດພວກເຮົາໃຫ້ໜັກແໜ້ນ ກ້າວຂຶ້ນສູ່ຈຸດໝາຍສັງຄົມນິຍົມ.
ສຳລັບ ຄອສພ, ກໍໄດ້ປະກອບສ່ວນສຳຄັນຕະຫຼອດໄລຍະຜ່ານມາ ໄດ້ເຜີຍແຜ່ແນວທາງນະໂຍບາຍ ຊຶ່ງໂດຍສະເພາະວຽກງານປ້ອງກັນຊາດ-ປ້ອງກັນຄວາມສະຫງົບ ແກ່ປະຊາຊົນຊັ້ນຄົນຕ່າງໆ ໄດ້ຮັບຮູ້ ແລະ ເຂົ້າໃຈ, ໄດ້ເຊື່ອມຊຶມ ແລະ ໄດ້ເປັນເຈົ້າການປະກອບສ່ວນເຂົ້າຮ່ວມ ໂດຍສະເພາະແມ່ນການຈັດຕັ້ງປະຕິບັດ 2 ວາລະແຫ່ງຊາດ; ຄອສພ ຍັງໄດ້ປະກອບສ່ວນໃນການໂຄສະນາ ເນື່ອງໃນໂອກາດ 75 ປີ ວັນສ້າງຕັ້ງກອງທັບປະຊາຊົນລາວ ໂດຍໄດ້ໂຄສະນາເຜີຍແຜ່ຜ່ານສື່ຕ່າງໆ ໂດຍສະເພາະແມ່ນໜັງສືພິມປະຊາຊົນ ທີ່ໄດ້ມີຫຼາຍຮູບຫຼາຍສີ ແລະ ອຸດົມສົມບູນຂຶ້ນ ໂດຍສະເພາະມີບົດສຳພາດ ບັນດາພະນັກງານ-ການນໍາອາວຸໂສ, ພະນັກງານຫຼັກແຫຼ່ງຢູ່ໃນບັນດາກົມກອງ ຫຼື ການນໍາຂັ້ນຕ່າງໆ ອອກໃນເກືອບທຸກສະບັບ ແລະ ອອກໃນພາຫະນະສື່ຂອງໜັງສືພິມທຸກມື້.
ສະຫາຍ ພົນໂທ ທອງລອຍ ສິລິວົງ ກໍໄດ້ຕາງໜ້າຄະນະພັກ-ຄະນະນໍາກະຊວງປ້ອງກັນປະເທດ, ຕາງໜ້ານາຍ ແລະ ພົນທະຫານທົ່ວກອງທັບປະຊາຊົນລາວ ກ່າວສະແດງຄວາມຍິນດີຕ້ອນຮັບ ແລະ ຂອບອົກຂອບໃຈຢ່າງສູງ ຕໍ່ການນໍາເອົາກະຕ່າດອກໄມ້, ວັດຖຸປັດໄຈ ແລະ ຄວາມເວົ້າອັນຈົບງາມຕໍ່ກອງທັບ ມາອວຍພອນໃນໂອກາດວັນປະຫວັດສາດກອງທັບ ຄົບຮອບ 75 ປີໃນຄັ້ງນີ້. ພ້ອມນີ້, ກໍໄດ້ກ່າວວ່າ: ກອງທັບພວກເຮົາສຸດທີ່ມີຄວາມພາກພູມໃຈ ທີ່ໄດ້ມີອົງການຈັດຕັ້ງຂອງພັກ, ຂອງລັດ ແລະ ພາກສ່ວນຕ່າງໆ ຕະຫຼອດພໍ່ແມ່ປະຊາຊົນ ໃນການສະໜັບສະໜູນຊ່ວຍເຫຼືອກອງທັບຕະຫຼອດໄລຍະ 75 ປີຜ່ານມາ, ເຮັດໃຫ້ກອງທັບໄດ້ມີການຈະເລີນເຕີບໂຕຂຶ້ນ ສາມາດຈັດຕັ້ງປະຕິບັດໜ້າທີ່ຂອງກອງທັບ ໂດຍສະເພາະຢ່າງຍິ່ງແມ່ນການຮັກສາສັນຕິພາບ, ເອກະລາດ, ອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດໄວ້ຢ່າງໝັ້ນຄົງ ຊຶ່ງນີ້ແມ່ນເປັນການຊີ້ນໍາ-ນໍາພາຂອງພັກປະຊາຊົນປະຕິວັດລາວ ແລະ ການຄຸ້ມຄອງຂອງລັດ, ມີການສະໜັບສະໜູນຂອງກະຊວງ/ອົງການຕ່າງໆ. ຄອສພ ກໍເປັນອົງການທີ່ສຳຄັນ ທີ່ນໍາເອົາແນວທາງນະໂຍບາຍຂອງພັກ, ຂອງລັດ, ນິຕິກຳ ແລະ ກົດໝາຍ ໃນຂົງເຂດປ້ອງກັນຊາດ ເຜີຍແຜ່ສູ່ມວນຊົນ, ປະຊາຊົນບັນດາເຜົ່າ, ບັນດາຮຸ່ນສືບທອດຕ່າງໆ ເຂົ້າໃຈເຖິງປະຫວັດສາດຂອງກອງທັບ, ເຂົ້າໃຈເຖິງໜ້າທີ່ປ້ອງກັນຊາດ-ປ້ອງກັນຄວາມສະຫງົບ. ພ້ອມດຽວກັນນີ້, ສະຫາຍ ພົນໂທ ທອງລອຍ ສິລິວົງ ຍັງໄດ້ກ່າວຂອບໃຈທີ່ ຄອສພ ໄດ້ເອົາການເອົາງານຊ່ວຍສະໜັບສະໜູນກອງທັບພວກເຮົາ ໂດຍສະເພາະໃນໄລຍະປະຫວັດສາດແຕ່ລະໄລຍະ ເປັນຕົ້ນ ເອກະສານປາຖະກະຖາມູນເຊື້ອ 75 ປີ ກໍໄດ້ຊ່ວຍໃນການກວດກາປັບປຸງ ແລະ ພ້ອມດຽວກັນກໍໄດ້ຈັດຕັ້ງເຜີຍແຜ່ປະຫວັດສາດກອງທັບຜ່ານວາລະສານ, ໜັງສືພິມມາແຕ່ເລີ່ມຕົ້ນກ່ອນແຕ່ຫົວທີ ມາຮອດປັດຈຸບັນ ແລະ ກໍເຫັນວ່າຍັງສືບຕໍ່ຊ່ວຍໂຄສະນາ.
ຕອນທ້າຍ, ສະຫາຍ ພົນໂທ ທອງລອຍ ສິລິວົງ ຍັງໄດ້ກ່າວອວຍພອນ ສະຫາຍ ຄໍາພັນ ເຜີຍຍະວົງ ພ້ອມດ້ວຍບັນດາສະຫາຍ ຄະນະພັກ-ຄະນະນໍາ ແລະ ພະນັງານ ຄອສພ ອີກດ້ວຍ.
(ຂ່າວ-ພາບ: ສຸກສະຫວັນ)
