ໂດຍ: ພູວັນ
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 29 ປີທີ່ຈະໝູນວຽນມາເຖິງນີ້, ທ່ານນາງ ພຸດດາລົມ ເພັງນາມມະຈັກ ຜູ້ອຳນວຍການໂຮງຮຽນປັນຍາມະນີ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 2 ຕຸລານີ້ວ່າ: ອາຊີບຄູ ຫຼືຄຳວ່າ: ຄູ ເປັນອາຊີບໜຶ່ງທີ່ຄວນຍົກສູງ, ຄູເປັນຜູ້ທີ່ເສຍສະຫຼະເອົາຄວາມຮູ້ທີ່ຕົນເອງມີຖ່າຍທອດໃຫ້ແກ່ນັກຮຽນຈົນປະສົບຜົນສຳເລັດ, ຄູປຽບເໝືອນເຮືອຈ້າງລຳໜຶ່ງທີ່ລຳລຽງຂົນສົ່ງນັກຮຽນໃຫ້ເຖິງຝັ່ງຢ່າງປອດໄພ ແລະ ມີຄຸນນະພາບ, ຄູຍັງປຽບສະເໝືອນພໍ່ແມ່ຜູ້ທີ່ສອງເປັນພໍ່ພິມແມ່ພິມຂອງຊາດທີ່ບົ່ມສອນນັກຮຽນໃຫ້ມີຄວາມຮູ້-ຄວາມສາມາດກ້າສະແດງອອກ ແລະ ມີອະນາຄົດທີ່ດີ. ບາງຄົນກໍປຽບຄູສະເໝືອນກັບນັກວິຈິດສິນທີ່ແຕ້ມສີລົງໄປໃນເຈ້ຍຂາວເຮັດໃຫ້ເຈ້ຍຂາວແຜ່ນນັ້ນມີຄວາມສວຍສົດງົດງາມດ້ວຍນໍ້າສີທີ່ມີຄຸນນະພາບ ກໍຄືການເບິ່ງແຍງເອົາໃຈໃສ່ຂອງຄູທີ່ມີຕໍ່ນັກຮຽນ.
ທ່ານນາງ ພຸດດາລົມ ເພັງນາມມະຈັກ ກ່າວໃຫ້ຮູ້ອີກວ່າ: ປັດຈຸບັນໂຮງຮຽນມີພະນັກງານ-ຄູທັງໝົດ 20 ຄົນຊຶ່ງຄູທັງໝົດລ້ວນແຕ່ມີບົດບາດສຳຄັນ ປະກອບສ່ວນເຂົ້າໃນການສິດສອນ ເປົ້າໝາຍເພື່ອສ້າງນັກຮຽນໃຫ້ກາຍເປັນໜໍ່ແໜງທີ່ສຳຄັນຂອງຊາດ ຊຶ່ງລ້ວນແລ້ວແຕ່ມີຈຸດໂດດເດັ່ນທີ່ແຕກຕ່າງກັນ, ທາງໂຮງຮຽນໄດ້ມີນະໂຍບາຍຊົມເຊີຍຄູດີເດັ່ນທຸກໆໄຕມາດຊຶ່ງ 1 ປີຈະມີ3 ໄຕມາດ ໂດຍອີງໃສ່ຜົນງານຂອງການເຮັດວຽກ, ຜົນງານຂອງຄວາມຄິດສ້າງສັນໃນການຜະລິດສື່ການສອນ, ຜົນງານຂອງຄວາມດຸໝັ່ນໃນການປະຕິບັດລະບຽບໃນການໄປມາ ແລະ ຜົນງານຂອງຄວາມສະອາດປອດໄພ. ຊຶ່ງໄຕມາດທຳອິດທີ່ຈະມາເຖິງນີ້ມີຄູຈຳນວນ 3 ຄົນທີ່ຈະໄດ້ຮັບລາງວັນນີ້. ໃນໄລຍະເສດຖະກິດເງິນເຟີ້ທາງໂຮງຮຽນໄດ້ມີການເພີ່ມອັດຕາ ແລະ ນະໂຍບາຍຕ່າງໆ ເປັນຕົ້ນເງິນເດືອນຄູແຕ່ລະຄົນໃຫ້ເໝາະສົມ, ເພີ່ມອັດຕາເງິນນໍ້າມັນປະຈຳເດືອນ, ເພີ່ມອັດຕາຄ່າອາຫານທ່ຽງ ແລະ ຍັງມີທຶນການສຶກສາສຳລັບພະນັກງານທີ່ຕ້ອງການຢາກຮຽນຕໍ່ໃນອາຊີບຄູເພື່ອຍົກລະດັບຄວາມຮູ້ເປັນການສົ່ງເສີມໃຫ້ມີບຸກຄະລາກອນທີ່ມີຄຸນນະພາບເຂົ້າໃນໂຮງຮຽນຂອງພວກເຮົາ. ສຳລັບພະນັກງານທີ່ມີປະສົບການໃນການລ້ຽງເດັກແຕ່ບໍ່ມີໃບວິຊາຊີບຄູ, ທາງໂຮງຮຽນກໍມີນະໂຍບາຍໃຫ້ເຂົ້າຮ່ວມຝຶກອົບຮົມວິຊາຊີບຄູ 120ຊົ່ວໂມງ ພ້ອມທັງອັດຕາອາຫານ ແລະ ຄ່ານໍ້າມັນໃຫ້ພ້ອມ.
ໃນສົກຮຽນ 2023-2024 ມີນັກຮຽນທັງໝົດ 117 ຄົນຍິງ 49 ຄົນ. ການເສັງປະຈຳໄຕມາດມີນັກຮຽນເກັ່ງ 1 ໃນ 5 ຄົນ (TOP 5)ຈາກນັກຮຽນທັງໝົດ 33 ຄົນ. ເພື່ອສະເຫຼີມສະຫຼອງວັນຄູແຫ່ງຊາດທີ່ຈະມາເຖິງນີ້, ທາງໂຮງຮຽນຈະໄດ້ຈັດກິດຈະກຳພາຍໃນທີ່ສອດແຊກເອົາປະເພນີຂອງຊາດລາວເຮົາໃຫ້ນັກຮຽນໄດ້ຮຽນຮູ້ເຊັ່ນ: ການອ່ານກາບກອນອວຍພອນວັນຄູ, ການສົມມາຄູ ແລະ ຮູ້ບຸນຄຸນຄູ, ການສະແດງຟ້ອນ ແລະ ເຕັ້ນຂອງຄູ-ນັກຮຽນ ແລະ ກິດຈະກຳຮ່ວມກັນລະຫວ່າງຄູ ແລະ ນັກຮຽນ“ ເກມຍາດຕັ່ງ, ຕີປຸມເປົ້າໃຫ້ແຕກ ແລະ ອື່ນໆ”.
ສຳລັບທິດທາງຕໍ່ໜ້າ, ທາງໂຮງຮຽນມີແຜນທີ່ຈະປຸກສ້າງອາຄານຮຽນຕື່ມອີກ 1 ຫຼັງ ເພື່ອຮອງຮັບນັກຮຽນໃຫ້ພຽງພໍກັບຄວາມຮຽກຮ້ອງຕ້ອງການຂອງພໍ່ແມ່ຜູ້ປົກຄອງ, ໃນສົກຮຽນນີ້ພວກເຮົາຈະເນັ້ນໜັກໃຫ້ນັກຮຽນໄດ້ມີການພັດທະນາທັກສະທີ່ເໝາະສົມຕາມໄວ, ມີໂພຊະນາການທີ່ດີ, ມີສຸຂະພາບທີ່ແຂງແຮງ. ພ້ອມດຽວກັນກັບການຮຽນຮູ້ນອກ ແລະ ໃນໂຮງຮຽນໃຫ້ທັນຕໍ່ສະພາບການປັດຈຸບັນ.
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 29 ປີທີ່ຈະໝູນວຽນມາເຖິງນີ້, ທ່ານນາງ ພຸດດາລົມ ເພັງນາມມະຈັກ ຜູ້ອຳນວຍການໂຮງຮຽນປັນຍາມະນີ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 2 ຕຸລານີ້ວ່າ: ອາຊີບຄູ ຫຼືຄຳວ່າ: ຄູ ເປັນອາຊີບໜຶ່ງທີ່ຄວນຍົກສູງ, ຄູເປັນຜູ້ທີ່ເສຍສະຫຼະເອົາຄວາມຮູ້ທີ່ຕົນເອງມີຖ່າຍທອດໃຫ້ແກ່ນັກຮຽນຈົນປະສົບຜົນສຳເລັດ, ຄູປຽບເໝືອນເຮືອຈ້າງລຳໜຶ່ງທີ່ລຳລຽງຂົນສົ່ງນັກຮຽນໃຫ້ເຖິງຝັ່ງຢ່າງປອດໄພ ແລະ ມີຄຸນນະພາບ, ຄູຍັງປຽບສະເໝືອນພໍ່ແມ່ຜູ້ທີ່ສອງເປັນພໍ່ພິມແມ່ພິມຂອງຊາດທີ່ບົ່ມສອນນັກຮຽນໃຫ້ມີຄວາມຮູ້-ຄວາມສາມາດກ້າສະແດງອອກ ແລະ ມີອະນາຄົດທີ່ດີ. ບາງຄົນກໍປຽບຄູສະເໝືອນກັບນັກວິຈິດສິນທີ່ແຕ້ມສີລົງໄປໃນເຈ້ຍຂາວເຮັດໃຫ້ເຈ້ຍຂາວແຜ່ນນັ້ນມີຄວາມສວຍສົດງົດງາມດ້ວຍນໍ້າສີທີ່ມີຄຸນນະພາບ ກໍຄືການເບິ່ງແຍງເອົາໃຈໃສ່ຂອງຄູທີ່ມີຕໍ່ນັກຮຽນ.
ທ່ານນາງ ພຸດດາລົມ ເພັງນາມມະຈັກ ກ່າວໃຫ້ຮູ້ອີກວ່າ: ປັດຈຸບັນໂຮງຮຽນມີພະນັກງານ-ຄູທັງໝົດ 20 ຄົນຊຶ່ງຄູທັງໝົດລ້ວນແຕ່ມີບົດບາດສຳຄັນ ປະກອບສ່ວນເຂົ້າໃນການສິດສອນ ເປົ້າໝາຍເພື່ອສ້າງນັກຮຽນໃຫ້ກາຍເປັນໜໍ່ແໜງທີ່ສຳຄັນຂອງຊາດ ຊຶ່ງລ້ວນແລ້ວແຕ່ມີຈຸດໂດດເດັ່ນທີ່ແຕກຕ່າງກັນ, ທາງໂຮງຮຽນໄດ້ມີນະໂຍບາຍຊົມເຊີຍຄູດີເດັ່ນທຸກໆໄຕມາດຊຶ່ງ 1 ປີຈະມີ3 ໄຕມາດ ໂດຍອີງໃສ່ຜົນງານຂອງການເຮັດວຽກ, ຜົນງານຂອງຄວາມຄິດສ້າງສັນໃນການຜະລິດສື່ການສອນ, ຜົນງານຂອງຄວາມດຸໝັ່ນໃນການປະຕິບັດລະບຽບໃນການໄປມາ ແລະ ຜົນງານຂອງຄວາມສະອາດປອດໄພ. ຊຶ່ງໄຕມາດທຳອິດທີ່ຈະມາເຖິງນີ້ມີຄູຈຳນວນ 3 ຄົນທີ່ຈະໄດ້ຮັບລາງວັນນີ້. ໃນໄລຍະເສດຖະກິດເງິນເຟີ້ທາງໂຮງຮຽນໄດ້ມີການເພີ່ມອັດຕາ ແລະ ນະໂຍບາຍຕ່າງໆ ເປັນຕົ້ນເງິນເດືອນຄູແຕ່ລະຄົນໃຫ້ເໝາະສົມ, ເພີ່ມອັດຕາເງິນນໍ້າມັນປະຈຳເດືອນ, ເພີ່ມອັດຕາຄ່າອາຫານທ່ຽງ ແລະ ຍັງມີທຶນການສຶກສາສຳລັບພະນັກງານທີ່ຕ້ອງການຢາກຮຽນຕໍ່ໃນອາຊີບຄູເພື່ອຍົກລະດັບຄວາມຮູ້ເປັນການສົ່ງເສີມໃຫ້ມີບຸກຄະລາກອນທີ່ມີຄຸນນະພາບເຂົ້າໃນໂຮງຮຽນຂອງພວກເຮົາ. ສຳລັບພະນັກງານທີ່ມີປະສົບການໃນການລ້ຽງເດັກແຕ່ບໍ່ມີໃບວິຊາຊີບຄູ, ທາງໂຮງຮຽນກໍມີນະໂຍບາຍໃຫ້ເຂົ້າຮ່ວມຝຶກອົບຮົມວິຊາຊີບຄູ 120ຊົ່ວໂມງ ພ້ອມທັງອັດຕາອາຫານ ແລະ ຄ່ານໍ້າມັນໃຫ້ພ້ອມ.
ໃນສົກຮຽນ 2023-2024 ມີນັກຮຽນທັງໝົດ 117 ຄົນຍິງ 49 ຄົນ. ການເສັງປະຈຳໄຕມາດມີນັກຮຽນເກັ່ງ 1 ໃນ 5 ຄົນ (TOP 5)ຈາກນັກຮຽນທັງໝົດ 33 ຄົນ. ເພື່ອສະເຫຼີມສະຫຼອງວັນຄູແຫ່ງຊາດທີ່ຈະມາເຖິງນີ້, ທາງໂຮງຮຽນຈະໄດ້ຈັດກິດຈະກຳພາຍໃນທີ່ສອດແຊກເອົາປະເພນີຂອງຊາດລາວເຮົາໃຫ້ນັກຮຽນໄດ້ຮຽນຮູ້ເຊັ່ນ: ການອ່ານກາບກອນອວຍພອນວັນຄູ, ການສົມມາຄູ ແລະ ຮູ້ບຸນຄຸນຄູ, ການສະແດງຟ້ອນ ແລະ ເຕັ້ນຂອງຄູ-ນັກຮຽນ ແລະ ກິດຈະກຳຮ່ວມກັນລະຫວ່າງຄູ ແລະ ນັກຮຽນ“ ເກມຍາດຕັ່ງ, ຕີປຸມເປົ້າໃຫ້ແຕກ ແລະ ອື່ນໆ”.
ສຳລັບທິດທາງຕໍ່ໜ້າ, ທາງໂຮງຮຽນມີແຜນທີ່ຈະປຸກສ້າງອາຄານຮຽນຕື່ມອີກ 1 ຫຼັງ ເພື່ອຮອງຮັບນັກຮຽນໃຫ້ພຽງພໍກັບຄວາມຮຽກຮ້ອງຕ້ອງການຂອງພໍ່ແມ່ຜູ້ປົກຄອງ, ໃນສົກຮຽນນີ້ພວກເຮົາຈະເນັ້ນໜັກໃຫ້ນັກຮຽນໄດ້ມີການພັດທະນາທັກສະທີ່ເໝາະສົມຕາມໄວ, ມີໂພຊະນາການທີ່ດີ, ມີສຸຂະພາບທີ່ແຂງແຮງ. ພ້ອມດຽວກັນກັບການຮຽນຮູ້ນອກ ແລະ ໃນໂຮງຮຽນໃຫ້ທັນຕໍ່ສະພາບການປັດຈຸບັນ.
ເນື່ອງໃນໂອກາດວັນຄູແຫ່ງຊາດຂ້າພະເຈົ້າຂໍອວຍໄຊໃຫ້ພອນແດ່ຄູໃນທົ່ວປະເທດຈົ່ງມີພະລານາໄມທີ່ສົມບູນແຂງແຮງ, ມີຄວາມສຸກປະສົບຜົນສຳເລັດໃນໜ້າທີ່ວຽກງານ, ສືບຕໍ່ເປັນພໍ່ພິມແມ່ພິມຂອງຊາດເພື່ອສ້າງນັກຮຽນລາວຂອງພວກເຮົາໃຫ້ເປັນຜູ້ສືບທອດທີ່ດີ ພັດທະນາສ້າງສາປະເທດຊາດຕໍ່ໄປ.
