ສະຖານກົງສູນໃຫຍ່ຫວຽດນາມ,ໄທ,ມາເລເຊຍ,ມຽນມາ,ບັງກະລາເທດ,ລາວ,ກຳປູເຈຍແລະບັນດາປະເທດອາຊີໃຕ້ ແລະອາຊີຕາເວັນອອກສ່ຽງໃຕ້ ປະຈຳນະຄອນຄຸນມິງ, ພ້ອມດ້ວຍບັນດາການນຳຂອງຫ້ອງການພົວພັນຕ່າງປະເທດແຂວງຢຸນນານ,ພະແນກວັດທະນະທໍາແລະທ່ອງທ່ຽວແຂວງຢຸນນານ,ສູນຮ່ວມມືຄວາມປອດໄພການປະຕິບັດກົດໝາຍສັງລວມແມ່ນໍ້າລ້ານຊ້າງ-ແມ່ນໍ້າຂອງແລະ ພາກສ່ວນຕ່າງໆຂອງລັດເຂົ້າຮ່ວມກິດຈະກໍາ.ໃນໂອກາດນີ້,ຍັງໄດ້ເຊີນແຂກທັງພາຍໃນຈີນແລະຕ່າງປະເທດ 200 ກວ່າຄົນແລະຜູ້ຕາງໜ້າອົງການທ່ອງທ່ຽວເຂົ້າຮ່ວມເປັນສັກຂີພິຍານເຖິງສະເໜ່ຂອງການທ່ອງທ່ຽວແລະວັດທະນະທຳຂອງກິ່ງແຂວງດີຊິງ.
ໃນກອງປະຊຸມແນະນໍາ,ທ່ານນາງຮືຈືເສຍຜູ້ແນະນໍາຂອງກິ່ງແຂວງດີຊິງ ໄດ້ແນະນໍາເປັນພາສາອັງກິດກ່ຽວກັບສະຖານທີ່ທ່ອງທ່ຽວທີ່ມີຊື່ສຽງຂອງກິ່ງແຂວງ ດີຊິງເຊັ່ນ:ສວນສາທາລະນະແຫ່ງຊາດພູດາທອກ,ພູຫິມະເມລີ,ເຂດທັດສະນີຍະພາບປາລາກືຈອງ,ເຂດທັດສະນີຍະພາບສົງຈາກລີມ,ເມືອງບູຮານດູຄືຈອງແລະອື່ນໆ,ສະແດງໃຫ້ເຫັນແຫຼ່ງຊັບພະຍາກອນທໍາມະຊາດ-ນິເວດທໍາມະຊາດ,ປະຫວັດສາດ-ວັດທະນະທໍາທີ່ເປັນເອກະລັກສະເພາະແລະອຸດົມສົມບູນຂອງກິ່ງແຂວງດີຊິງເຖິງເພື່ອນມິດສາກົນທີ່ມາຈາກພາກພື້ນອາຊີໃຕ້, ອາຊີຕາເວັນອອກສ່ຽງໃຕ້.
ໃນອະນາຄົດ,ຄຽງຄູ່ກັບການແລກປ່ຽນແລະການຮ່ວມມືດ້ານວັດທະນະທຳ-ທ່ອງທ່ຽວລະຫວ່າງກີ່ງແຂວງດີຊິງກັບບັນດາປະເທດອາຊີໃຕ້ ແລະອາຊີຕາເວັນອອກສ່ຽງໃຕ້ນັບມື້ນັບເຂົ້າສູ່ລວງເລິກ,ຮູບພາບຍີ່ຫໍ້ການທ່ອງທ່ຽວວັດທະນະທໍາ"ແຊນກຣີ-ລາ"ຂອງໂລກຈະມີສີສັນສວຍງາມກວ່າເກົ່າຢູ່ອາຊີໃຕ້ແລະອາຊີຕາເວັນອອກສຽງໃຕ້.ກີ່ງແຂວງດີຊິງຈະສືບຕໍ່ເພີ່ມທະວີການແລກປ່ຽນແລະການຮ່ວມມືດ້ານການທ່ອງທ່ຽວວັດທະນະທຳກັບບັນດາປະເທດອາຊີໃຕ້ ແລະອາຊີຕາເວັນອອກສ່ຽງໃຕ້ ເພື່ອຮ່ວມກັນຊຸກຍູ້ຄວາມຈະເລີນຮຸ່ງເຮືອງແລະພັດທະນາການທ່ອງທ່ຽວວັດທະນະທຳ.
