ທ່ານ ສົມສີ ເພັດແພງລາສີ ຫົວໜ້າສະຫະກອນຮ່ວມໃຈ ໜອງໃສ-ນາໂພເລີນ ໄດ້ລາຍງານວ່າ: ສະຫະກອນຮ່ວມໃຈໜອງໃສ-ນາໂພເລີນໄດ້ສ້າງຕັ້ງຂຶ້ນໃນວັນທີ 22 ພຶດສະພາ 2023 ມີສະມາຊິກທັງໝົດ 50 ຄົນ, ມີເນື້ອທີ່ທັງໝົດ 108,74 ເຮັກຕາ ຊຶ່ງກວມເອົາ 2 ບ້ານ ຄື: ບ້ານໜອງໃສ ແລະບ້ານນາໂພເລີນ, ສະຫະກອນດັ່ງກ່າວນີ້ ສ້າງຕັ້ງຂຶ້ນດ້ວຍຄວາມສະໝັກໃຈຂອງສະມາຊິກກຸ່ມການຜະລິດເຂົ້າເປັນສິນຄ້າ ຊຶ່ງທັງສອງກຸ່ມຜະລິດມີຄວາມເຂັ້ມແຂງທາງດ້ານການຄຸ້ມຄອງບໍລິຫານກຸ່ມ, ທາງດ້ານເຕັກນິກ ແລະສະມາຊິກທັງສອງກຸ່ມມີໜໍ່ແໜງໃນການເຮັດທຸລະກິດຊື້-ຂາຍເຂົ້າແລະ ປັດໄຈການຜະລິດ ມີ (ຝຸ່ນ, ປຸ໋ຍ ແລະກະສອບ) ມາບໍລິການໃຫ້ແກ່ສາມະຊິກ. ສະນັ້ນ, ທັງ 2 ກຸ່ມການຜະລິດຈຶ່ງເຫັນໄດ້ຄວາມໝາຍຄວາມສໍາຄັນຂອງສະຫະກອນ ຈຶ່ງໄດ້ພ້ອມກັນສະໝັກໃຈພັດທະນາຈາກກຸ່ມມາເປັນສະຫະກອນ ປັດຈຸບັນສະຫະກອນ ມີເງິນຫຸ້ນທັງໝົດ 10.000.000 ກີບ.
ສຳລັບຂໍ້ສະດວກຂອງສະຫະກອນແມ່ນມີເນື້ອທີ່ເຮັດການຜະລິດຊຶ່ງສາມາດເຮັດການຜະລິດໄດ້ສອງລະດູ (ນາປີ ແລະນາແຊງ) ສະມາຊິກໃນສະຫະກອນແມ່ນມີມູນເຊື້ອ ແລະຄວາມຮູ້ທາງດ້ານເຕັກນິກການຜະລິດເຂົ້າໃນລະດັບໜຶ່ງ; ສະຫະກອນໄດ້ຮັບການຊ່ວຍເຫຼືອຈາກຄະນະນຳແຕ່ລະຂັ້ນກໍຄື ຂັ້ນບ້ານ, ຂັ້ນເມືອງ ໄດ້ສະໜອງດິນລວມຂອງບ້ານ ເພື່ອສ້າງຕັ້ງຫ້ອງການສະຫະກອນ. ປັດຈຸບັນກຳລັງກຽມທຸກເງື່ອນໄຂ ໂດຍສະເພາະພື້ນຖານໂຄງລ່າງເປັນຕົ້ນ ຫ້ອງການ, ສະມາຊິກສະຫະກອນ, ຄູ່ສັນຍາຊື້-ຂາຍ, ຝຸ່ນວິທະຍາສາດ, ເຕັກນິກ ແລະອື່ນໆ.
ສ່ວນຂໍ້ຫຍຸ້ງຍາກ ສະຫະກອນບໍ່ມີສາງເກັບມ້ຽນຜົນຜະລິດ, ບໍ່ມີຮ້ານຄ້າ ແລະຫ້ອງການສະຫະກອນ; ຂາດອຸປະກອນໃນການປຸງແຕ່ງຜົນຜະລິດ ເພື່ອໃຫ້ກາຍເປັນຜະລິດຕະພັນຂອງສະຫະກອນ ເຊັ່ນ: ໂຮງສີຂະໜາດນ້ອຍ, ເຄື່ອງອົບເຂົ້າແລະອຸປະກອນທີ່ຈຳເປັນຈຳນວນໜຶ່ງ.
ຂໍ້ມູນດັ່ງກ່າວໄດ້ລາຍງານຕໍ່ຄະນະຕິດຕາມຊຸກຍູ້ຂັ້ນແຂວງແລະເມືອງນຳໂດຍທ່ານ ຈັນສະໝອນ ພົມມະແສງ ຫົວໜ້າໂຄສະນາອົບຮົມແຂວງ, ທ່ານ ຈັນສີລອນ ສີສົມບູນ ເຈົ້າເມືອງສາລະວັນ, ທ່ານ ນາງ ວິລະວອນ ພັນທະວົງຮອງຫົວໜ້າຄະນະໂຄສະນາອົບຮົມສູນກາງພັກ, ພ້ອມດ້ວຍຄະນະທີ່ໄດ້ໄປຢ້ຽມຢາມສະຫະກອນດັ່ງກ່າວເມື່ອບໍ່ດົນມານີ້.
ຂ່າວ-ພາບ: ລັດຕະນາ ແສງສຸວັນ
ສຳລັບຂໍ້ສະດວກຂອງສະຫະກອນແມ່ນມີເນື້ອທີ່ເຮັດການຜະລິດຊຶ່ງສາມາດເຮັດການຜະລິດໄດ້ສອງລະດູ (ນາປີ ແລະນາແຊງ) ສະມາຊິກໃນສະຫະກອນແມ່ນມີມູນເຊື້ອ ແລະຄວາມຮູ້ທາງດ້ານເຕັກນິກການຜະລິດເຂົ້າໃນລະດັບໜຶ່ງ; ສະຫະກອນໄດ້ຮັບການຊ່ວຍເຫຼືອຈາກຄະນະນຳແຕ່ລະຂັ້ນກໍຄື ຂັ້ນບ້ານ, ຂັ້ນເມືອງ ໄດ້ສະໜອງດິນລວມຂອງບ້ານ ເພື່ອສ້າງຕັ້ງຫ້ອງການສະຫະກອນ. ປັດຈຸບັນກຳລັງກຽມທຸກເງື່ອນໄຂ ໂດຍສະເພາະພື້ນຖານໂຄງລ່າງເປັນຕົ້ນ ຫ້ອງການ, ສະມາຊິກສະຫະກອນ, ຄູ່ສັນຍາຊື້-ຂາຍ, ຝຸ່ນວິທະຍາສາດ, ເຕັກນິກ ແລະອື່ນໆ.
ສ່ວນຂໍ້ຫຍຸ້ງຍາກ ສະຫະກອນບໍ່ມີສາງເກັບມ້ຽນຜົນຜະລິດ, ບໍ່ມີຮ້ານຄ້າ ແລະຫ້ອງການສະຫະກອນ; ຂາດອຸປະກອນໃນການປຸງແຕ່ງຜົນຜະລິດ ເພື່ອໃຫ້ກາຍເປັນຜະລິດຕະພັນຂອງສະຫະກອນ ເຊັ່ນ: ໂຮງສີຂະໜາດນ້ອຍ, ເຄື່ອງອົບເຂົ້າແລະອຸປະກອນທີ່ຈຳເປັນຈຳນວນໜຶ່ງ.
ຂໍ້ມູນດັ່ງກ່າວໄດ້ລາຍງານຕໍ່ຄະນະຕິດຕາມຊຸກຍູ້ຂັ້ນແຂວງແລະເມືອງນຳໂດຍທ່ານ ຈັນສະໝອນ ພົມມະແສງ ຫົວໜ້າໂຄສະນາອົບຮົມແຂວງ, ທ່ານ ຈັນສີລອນ ສີສົມບູນ ເຈົ້າເມືອງສາລະວັນ, ທ່ານ ນາງ ວິລະວອນ ພັນທະວົງຮອງຫົວໜ້າຄະນະໂຄສະນາອົບຮົມສູນກາງພັກ, ພ້ອມດ້ວຍຄະນະທີ່ໄດ້ໄປຢ້ຽມຢາມສະຫະກອນດັ່ງກ່າວເມື່ອບໍ່ດົນມານີ້.
ຂ່າວ-ພາບ: ລັດຕະນາ ແສງສຸວັນ
