(ໂດຍ: ຕະວິນຍານ) 

  ໃນໄລຍະ 3 ປີທີ່ຜ່ານມາ,ພະແນກກະສິກໍາ ແລະ ປ່າໄມ້ ແຂວງບໍລິຄໍາໄຊໄດ້ຈັດຕັ້ງຜັນຂະຫຍາຍວາລະແຫ່ງຊາດ ໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ, ດ້ວຍການຄົ້ນຄວ້າ, ກໍານົດວຽກງານຈຸດສຸມ ເພື່ອຄໍ້າປະກັນດ້ານສະບຽງອາຫານ, ທົດແທນການນໍາເຂົ້າ ແລະ ເປັນສິນຄ້າສົ່ງອອກ,ໂດຍໄດ້ເອົາໃຈໃສ່ສົ່ງເສີມການຜະລິດຕິດພັນກັບການປຸງແຕ່ງຜົນຜະລິດກະສິກໍາ, ຜະລິດແນວພັນພືດ ແລະ ແນວພັນສັດ ແລະ ການຝຶກອົບຮົມຄວາມຮູ້ດ້ານວິຊາການໃຫ້ແກ້ຜູ້ຜະລິດ ເພື່ອຮັບປະກັນຄວາມໝັ້ນຄົງດ້ານສະບຽງອາຫານ ແລະ ຜະລິດເປັນສິນຄ້າໃຫ້ນັບມື້ຫຼາຍຂຶ້ນເທື່ອລະກ້າວ; ເວົ້າສະເພາະການສົ່ງເສີມ ການລ້ຽງສັດເປັນກຸ່ມ,ເປັນຟາມ; ການຜະລິດລູກໝູ,ເປັດ-ໄກ່,ປາ,ກົບ ແລະ ໂຮງງານລູກຊີ້ນໃນປີ 2023 ຜ່ານມາ,ແມ່ນມີການຂະຫຍາຍຕົວດີພໍສົມຄວນ; ທ່ານ ພັດທະຈອນ ແກ້ວພຸດທະວົງ ຫົວໜ້າພະແນກກະສິກໍາ ແລະ ປ່າໄມ້ ແຂວງບໍລິຄໍາໄຊ ໄດ້ກ່າວລາຍງານຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງບໍລິຄໍາໄຊຊຸດທີ IIໃນທ້າຍເດືອນທັນວາປີກາຍນີ້ວ່າ: ປີ 2023ໄດ້ສົ່ງເສີມກຸ່ມລ້ຽງງົວ ມີ 2 ກຸ່ມ ມີງົວ 1.557 ໂຕ ຄິດເປັນມູນຄ່າ 7,8 ຕື້ກີບ, ກຸ່ມລ້ຽງໝູມີ 2 ກຸ່ມ ຜະລິດໝູຊີ້ນໄດ້ 4.912 ໂຕ/ປີ ຄິດເປັນມູນຄ່າ 19,6 ຕື້ກີບ ກຸ່ມລ້ຽງແບ້ ມີ 5 ກຸ່ມ ມີແບ້ 576 ໂຕ ຄິດເປັນມູນຄ່າ 5 ຕື້ກີບ, ກຸ່ມລ້ຽງປາມີ 3 ກຸ່ມ ຜະລິດປາຊີ້ນໄດ້ 3.559 ໂຕນ/ປີ ຄິດເປັນມູນຄ່າ 113 ຕື້ກີບ. ການລ້ຽງງົວ-ຄວາຍ ນອກຈາກການລ້ຽງແບບຄອບຄົວແລ້ວ ພາຍໃນແຂວງບໍລິຄໍາໄຊ ຍັງມີຟາມ ລ້ຽງງົວ-ຄວາຍ ຂະໜາດນ້ອຍ ຈໍານວນ 48 ຟາມ ແລະ 1 ກຸ່ມ ມີງົວທັງໝົດ 2.848 ໂຕ, ໂຕແມ່ 1.399 ໂຕ, ໃນນີ້ ຟາມລ້ຽງງົວລູກພັນປະສົມ (ພັນພື້ນເມືອງ+ພັນບາຣາມັນ) ຈໍານວນ 22 ຟາມ, ມີພໍ່ພັນ 92 ໂຕ, ແມ່ພັນ 1.449 ໂຕຜະລິດລູກງົວພັນປະສົມໄດ້ 1.225 ໂຕ (ປັດຈຸບັນ ກໍາລັງປັບປຸງຟາມ ແລະ ແນວພັນ ໃຫ້ໄດ້ຕາມ ມາດຖານ ແລະ ເງື່ອນໄຂຂອງຕ່າງປະເທດຮັບຊື້ ເຊັ່ນ: ຜະລິດລູກງົວປະສົມ ພັນບາຣາມັນແດງ+ພັນພື້ນເມືອງ ແລະ ບັນຊາໂລເລ ໃຫ້ໄດ້ສາຍເລືອດປະສົມ 75% ມີນ້ໍາໜັກ ໃຫ້ໄດ້ 350 ກິໂລ/ໂຕ ຈຶ່ງສາມາດສົ່ງອອກໄປຂາຍປະເທດ ສປ ຈີນໄດ້).ມີກຸ່ມລ້ຽງແບ້ ມີ 5 ຟາມ 4 ກຸ່ມ ມີສັດທັງໝົດ 826 ໂຕ; ຟາມລ້ຽງໝູ ໃນທົ່ວແຂວງມີ 12 ຟາມ ແລະ 2 ກຸ່ມ ມີໝູ 15.339 ໂຕ ໃນນັ້ນ ມີ ແມ່ພັນ 1.990 ໂຕ, ພໍ່ພັນ 55 ໂຕ,ໝູນ້ອຍ 34.029 ໂຕ, ກໍາລັງລ້ຽງເປັນໝູຊີ້ນໄດ້ 14.796 ໂຕ; ຟາມລ້ຽງສັດປີກ (ໄກ່ ແລະ ເປັດໄຂ່) ທົ່ວແຂວງ ມີ 9 ຟາມ ມີສັດປີກທັງໝົດ 41.500 ໂຕ, ມີເປັດ 1.000 ໂຕ, ໃຫ້ຜົນຜະລິດໄຂ່ໄດ້ 793,7 ໂຕນ/ປີ,ມີກຸ່ມລ້ຽງປາດຸກພັນເປັນສິນຄ້າ ມີ 32 ຄອບຄົວ ມີຈໍານວນ 184 ໜອງ, ມີເນື້ອທີ່ 119.400 ຕາແມັດ ຜະລິດໄດ້ 3.223,80 ໂຕນ/ປີ. ລ້ຽງປານິນໃສ່ກະຊັງ ມີ 3 ກຸ່ມ ມີຈໍານວນ334 ກະຊັງ,ມີເນື້ອທີ່ 3.024 ຕາແມັດ ສະເລ່ຍນໍ້າໜັກປາ ຂາຍອອກ 0,8 ກິໂລ/1 ໂຕ ຜົນຜະລິດໄດ້ 2.434,86 ໂຕນ/ປີ  ຜະລິດລູກປາ ເພື່ອສະໜອງໃຫ້ປະຊາຊົນລ້ຽງ ມີທັງໝົດ 8 ຟາມ; ປີ 2023 ຜະລິດລູກປາໄດ້ 4.754.640 ໂຕ, ມູນຄ່າ 3,8 ຕື້ກີບ. ສາມາດຕອບສະໜອງໃຫ້ແກ່ການລ້ຽງປາພາຍໃນແຂວງໄດ້ 90,2% ຂອງຄວາມຕ້ອງການລ້ຽງລູກປາຂອງປະຊາຊົນພາຍໃນແຂວງ. (ຄວາມຕ້ອງການທັງໝົດ 5.266.440 ໂຕ/ປີ) ແລະ ຍັງຕ້ອງການນໍາເຂົ້າເພີ່ມ 511.800 ໂຕ, ມູນຄ່າ 409 ລ້ານກີບ ເທົ່າກັບ 9%/ປີ. ຜະລິດລູກກົບ ເພື່ອສະໜອງໃຫ້ປະຊາຊົນລ້ຽງ ມີທັງໝົດ 6 ຟາມ, ຜະລິດລູກກົບໄດ້ 590.000 ໂຕ, ມູນຄ່າ 472 ລ້ານກີບ; ສາມາດຕອບສະໜອງໃຫ້ແກ່ການລ້ຽງກົບພາຍໃນແຂວງ ໄດ້ 65,6% ຂອງຄວາມຕ້ອງການລ້ຽງລູກກົບ. (ຄວາມຕ້ອງການທັງໝົດ 900.000 ໂຕ/ປີ) ແລະ ຍັງຕ້ອງການນໍາເຂົ້າເພີ່ມ 310.000 ໂຕ, ມູນຄ່າ 248 ລ້ານກີບ ເທົ່າກັບ 34,4%/ປີ. ສໍາລັບການຜະລິດລູກຊີ້ນຂອງ ໂຮງງານຜະລິດລູກຊີ້ນ ບ້ານໂພນງາມ ເມືອງປາກຊັນ ປີ 2023 ສາມາດຜະລິດລູກຊີ້ນ ໄດ້ 261 ໂຕນ/ປີ ມູນຄ່າ 6,26 ຕື້ກີບ ໂຮງງານຜະລິດລູກຊີ້ນ ບ້ານນາໄຊ ເມືອງທ່າພະບາດ ປີ 2023 ສາມາດຜະລິດລູກຊີ້ນ ໄດ້ 134,4 ໂຕນ/ປີ ມູນຄ່າ 3,22 ຕື້ກີບ.