ສະມາຄົມໂຮງແຮມ ແລະ ຮ້ານອາຫານບັນດາສະມາຊິກອາຊຽນ 10 ປະເທດແລກປ່ຽນບົດຮຽນຮ່ວມກັນໂດຍສະເພາະກ່ຽວກັບການບໍລິການຕ່າງໆ ໃນໂອກາດມາຮ່ວມກອງປະຊຸມສຸດຍອດທ່ອງທ່ຽວອາຊຽນ ແລະ ກອງປະຊຸມປິ່ນອ້ອມກ່ຽວຂ້ອງໃນວັນທີ 23 ມັງກອນ ນີ້ ທີ່ໂຮງແຮມແລກມາກ ແມ່ຂອງລີເວີໄຊ ນະຄອນຫຼວງວຽງຈັນ.
ທ່ານ ນາງ ສົມສະນຸກ ໄຊຊະນະວົງເພັດຄະນະບໍລິຫານງານທີ່ປຶກສາດ້ານເສດຖະກິດຊາວໜຸ່ມລາວ ທັງເປັນຮອງປະທານສະມາຄົມໂຮງແຮມ ແລະ ຮ້ານອາຫານລາວໄດ້ໃຫ້ສໍາພາດຕໍ່ສື່ມວນຊົນວ່າ: ກອງປະຊຸມຄັ້ງນີ້, ເປັນກອງປະຊຸມທີ່ຕິດພັນກັບວຽກໂຮງແຮມ, ຮ້ານອາຫານ ແລະ ການບໍລິການຕ່າງໆທັງເປັນເວທີສໍາຄັນທີ່ຈະເຮັດໃຫ້ບັນດາປະເທດອາຊຽນມີໂອກາດໄດ້ໂຄສະນາ ແລະ ນຳສະເໜີແຫຼ່ງທ່ອງທ່ຽວທີ່ສຳຄັນຂອງແຕ່ລະປະເທດຂອງຕົນ. ພ້ອມນັ້ນ, ກອງປະຊຸມຍັງໄດ້ມີການແລກປ່ຽນບົດຮຽນຊຶ່ງກັນ ແລະ ກັນບໍ່ວ່າຈະເປັນທາງດ້ານບັນຫາຄວາມຫຍຸ້ງຍາກ, ຈຸດດີ ແລະ ຈຸດອ່ອນ ແລະ ອື່ນໆ. ສຳລັບສະມາຄົມໂຮງແຮມ ແລະ ຮ້ານອາຫານ ລາວໄດ້ສະເໜີຕໍ່ສະມາຄົມບັນດາສະມາຊິກອາຊຽນຄື: ການທ່ອງທ່ຽວລາວ 2024 ໂດຍສະເພາະໄດ້ໂຄສະນາປະເທດລາວເຮົາມີວັດທະນະທຳທີ່ສວຍງາມ ແລະ ອຸດົມສົມບູນໄປດ້ວຍຊັບພະຍາກອນທຳມະຊາດ, ມີຄວາມເປັນເອກະລັກສະເພາະເປັນຕົ້ນມີອາຫານ, ມີວັດທະນະທຳ, ການນຸ່ງຖືຜ້າໄໝລາວຂອງແມ່ຍິງລາວທີ່ສວຍງາມ. ພ້ອມນັ້ນ, ການຂຶ້ນເໜືອລົງໃຕ້ກໍມີວັດທະນະທຳ, ມີສະຖານທີ່ທ່ອງທ່ຽວທາງດ້ານທຳມະຊາດ, ປະຫວັດສາດ ແລະ ວັດທະນະທຳຫຼາຍແຫ່ງສວຍງາມທີ່ແຕກຕ່າງກັນໄປ. ໃນນີ້, ທາງສະມາຄົມຍັງໄດ້ແລກປ່ຽນບົດຮຽນເພື່ອແກ້ໄຂດ້ານອ່ອນ, ຂໍ້ຫຍຸ້ງຍາກໃນການຕ້ອນຮັບແຂກເນື່ອງຈາກພະນັກງານ, ແຮງງານໃຫ້ບໍລິການຍັງບໍ່ພຽງພໍຕອບສະໜອງການຕ້ອນຮັບນັກທ່ອງທ່ຽວບໍ່ວ່າສະມາຄົມໂຮງແຮມ ແລະ ຮ້ານອາຫານຂອງລາວເຮົາກໍຄືຢູ່ປະເທດອື່ນໆປິ່ນອ້ອມປະເທດອາຊຽນກໍມີຄວາມຫຍຸ້ງຍາກເຊັ່ນດຽວກັນ. ສະນັ້ນ, ເຮັດແນວໃດຈະພັດທະນາເລື່ອງການທ່ອງທ່ຽວໃຫ້ກາຍເປັນຍຸດທະສາດຂອງແຕ່ລະປະເທດແຕ່ນີ້ຮອດປີ 2025.
ທ່ານນາງ ສົມສະນຸກ ໄຊຊະນະວົງເພັດຍັງໃຫ້ຮູ້ອີກວ່າ: ສຳລັບບັນດາຜູ້ປະກອບການດ້ານຮ້ານອາຫານ ແລະໂຮງແຮມ10 ປະເທດອາຊຽນ ແມ່ນມີຄວາມສົນໃຈຫຼາຍຕໍ່ສະຖານທີ່ທ່ອງທ່ຽວຂອງ ສປປ ລາວ ແລະ ສະຖານທີທ່ອງທ່ຽວທີ່ເປັນມໍລະດົກໂລກເຊັ່ນ:ແຂວງຫຼວງພະບາງ,ຜາສາດຫີນວັດພູຈໍາປາສັກ, ທົ່ງໄຫຫີນ ແລະ ສະຖານທີ່ທ່ອງທ່ຽວທາງປະຫວັດສາດ,ວັດທະນະທໍາແລະ ທໍາມະຊາດອື່ນໆ.ເມື່ອໄດ້ໄປສຳຜັດແລ້ວເຂົາເຈົ້າເຊື່ອແນ່ວ່າກັບປະເທດໄປຈະເປັນສິ່ງທີ່ໜ້າຈົດຈຳອັນດີງາມ, ບອກເລົ່າຕໍ່ໆກັນໄປ ແລະ ຢາກກັບມາຢ້ຽມຢາມທ່ອງທ່ຽວ ສປປ ລາວ.
(ຂ່າວ: ວັນເພັງ, ພາບ: ສໍານານ)
ທ່ານ ນາງ ສົມສະນຸກ ໄຊຊະນະວົງເພັດຄະນະບໍລິຫານງານທີ່ປຶກສາດ້ານເສດຖະກິດຊາວໜຸ່ມລາວ ທັງເປັນຮອງປະທານສະມາຄົມໂຮງແຮມ ແລະ ຮ້ານອາຫານລາວໄດ້ໃຫ້ສໍາພາດຕໍ່ສື່ມວນຊົນວ່າ: ກອງປະຊຸມຄັ້ງນີ້, ເປັນກອງປະຊຸມທີ່ຕິດພັນກັບວຽກໂຮງແຮມ, ຮ້ານອາຫານ ແລະ ການບໍລິການຕ່າງໆທັງເປັນເວທີສໍາຄັນທີ່ຈະເຮັດໃຫ້ບັນດາປະເທດອາຊຽນມີໂອກາດໄດ້ໂຄສະນາ ແລະ ນຳສະເໜີແຫຼ່ງທ່ອງທ່ຽວທີ່ສຳຄັນຂອງແຕ່ລະປະເທດຂອງຕົນ. ພ້ອມນັ້ນ, ກອງປະຊຸມຍັງໄດ້ມີການແລກປ່ຽນບົດຮຽນຊຶ່ງກັນ ແລະ ກັນບໍ່ວ່າຈະເປັນທາງດ້ານບັນຫາຄວາມຫຍຸ້ງຍາກ, ຈຸດດີ ແລະ ຈຸດອ່ອນ ແລະ ອື່ນໆ. ສຳລັບສະມາຄົມໂຮງແຮມ ແລະ ຮ້ານອາຫານ ລາວໄດ້ສະເໜີຕໍ່ສະມາຄົມບັນດາສະມາຊິກອາຊຽນຄື: ການທ່ອງທ່ຽວລາວ 2024 ໂດຍສະເພາະໄດ້ໂຄສະນາປະເທດລາວເຮົາມີວັດທະນະທຳທີ່ສວຍງາມ ແລະ ອຸດົມສົມບູນໄປດ້ວຍຊັບພະຍາກອນທຳມະຊາດ, ມີຄວາມເປັນເອກະລັກສະເພາະເປັນຕົ້ນມີອາຫານ, ມີວັດທະນະທຳ, ການນຸ່ງຖືຜ້າໄໝລາວຂອງແມ່ຍິງລາວທີ່ສວຍງາມ. ພ້ອມນັ້ນ, ການຂຶ້ນເໜືອລົງໃຕ້ກໍມີວັດທະນະທຳ, ມີສະຖານທີ່ທ່ອງທ່ຽວທາງດ້ານທຳມະຊາດ, ປະຫວັດສາດ ແລະ ວັດທະນະທຳຫຼາຍແຫ່ງສວຍງາມທີ່ແຕກຕ່າງກັນໄປ. ໃນນີ້, ທາງສະມາຄົມຍັງໄດ້ແລກປ່ຽນບົດຮຽນເພື່ອແກ້ໄຂດ້ານອ່ອນ, ຂໍ້ຫຍຸ້ງຍາກໃນການຕ້ອນຮັບແຂກເນື່ອງຈາກພະນັກງານ, ແຮງງານໃຫ້ບໍລິການຍັງບໍ່ພຽງພໍຕອບສະໜອງການຕ້ອນຮັບນັກທ່ອງທ່ຽວບໍ່ວ່າສະມາຄົມໂຮງແຮມ ແລະ ຮ້ານອາຫານຂອງລາວເຮົາກໍຄືຢູ່ປະເທດອື່ນໆປິ່ນອ້ອມປະເທດອາຊຽນກໍມີຄວາມຫຍຸ້ງຍາກເຊັ່ນດຽວກັນ. ສະນັ້ນ, ເຮັດແນວໃດຈະພັດທະນາເລື່ອງການທ່ອງທ່ຽວໃຫ້ກາຍເປັນຍຸດທະສາດຂອງແຕ່ລະປະເທດແຕ່ນີ້ຮອດປີ 2025.
ທ່ານນາງ ສົມສະນຸກ ໄຊຊະນະວົງເພັດຍັງໃຫ້ຮູ້ອີກວ່າ: ສຳລັບບັນດາຜູ້ປະກອບການດ້ານຮ້ານອາຫານ ແລະໂຮງແຮມ10 ປະເທດອາຊຽນ ແມ່ນມີຄວາມສົນໃຈຫຼາຍຕໍ່ສະຖານທີ່ທ່ອງທ່ຽວຂອງ ສປປ ລາວ ແລະ ສະຖານທີທ່ອງທ່ຽວທີ່ເປັນມໍລະດົກໂລກເຊັ່ນ:ແຂວງຫຼວງພະບາງ,ຜາສາດຫີນວັດພູຈໍາປາສັກ, ທົ່ງໄຫຫີນ ແລະ ສະຖານທີ່ທ່ອງທ່ຽວທາງປະຫວັດສາດ,ວັດທະນະທໍາແລະ ທໍາມະຊາດອື່ນໆ.ເມື່ອໄດ້ໄປສຳຜັດແລ້ວເຂົາເຈົ້າເຊື່ອແນ່ວ່າກັບປະເທດໄປຈະເປັນສິ່ງທີ່ໜ້າຈົດຈຳອັນດີງາມ, ບອກເລົ່າຕໍ່ໆກັນໄປ ແລະ ຢາກກັບມາຢ້ຽມຢາມທ່ອງທ່ຽວ ສປປ ລາວ.
(ຂ່າວ: ວັນເພັງ, ພາບ: ສໍານານ)
