ໂດຍຕອບສະໜອງຕາມການເຊື້ອເຊີນຂອງປະທານສະພາທີ່ປຶກສາການເມືອງ ທົ່ວປະເທດຈີນ ເພື່ອເປັນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຍຸດທະສາດຮອບດ້ານ ລະຫວ່າງສອງພັກ-ສອງລັດ ແລະ ປະຊາຊົນສອງຊາດ ລາວ-ຈີນ ກໍຄືການຮ່ວມມືລະຫວ່າງສູນກາງແນວລາວສ້າງຊາດ ກັບສະພາທີ່ປຶກສາການເມືອງທົ່ວປະເທດຈີນໃຫ້ໝັ້ນຄົງຍາວນານ ໃນລະຫວ່າງວັນທີ 21-28 ມັງກອນ 2024ຄະນະຜູ້ແທນຂັ້ນສູງ ຂອງ ສູນກາງແນວລາວສ້າງຊາດ ນໍາໂດຍ ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກປະທານສູນກາງແນວລາວສ້າງຊາດ ພ້ອມຄະນະໄດ້ເຄື່ອນໄຫວຢ້ຽມຢາມ ສປ ຈີນຢ່າງເປັນທາງການ.
ໄລຍະຢ້ຽມຢາມ ສປ ຈີນ, ຄະນະໄດ້ພົບປະເຮັດວຽກກັບບັນດາພາກສ່ວນກ່ຽວຂ້ອງຂອງ ສປ ຈີນ ທັງຢູ່ນະຄອນຫຼວງປັກກິ່ງ ແລະ ແຂວງກວາງຕຸງ ດັ່ງນີ້: ໄດ້ພົບປະກັບທ່ານ ຫວາງ ຫູໜິງ ຄະນະປະຈໍາກົມການເມືອງສູນກາງພັກກອມມູນິດຈີນ ປະທານສະພາທີ່ປຶກສາການເມືອງທົ່ວປະເທດຈີນ; ພົບປະກັບທ່ານ ຈ່າວເລິຈີ ຄະນະປະຈໍາກົມການເມືອງສູນກາງພັກກອມມູນິດຈີນ ປະທານສະພາປະຊາຊົນແຫ່ງ ສປ ຈີນ. ນອກຈາກນັ້ນ ໄດ້ໄປຢ້ຽມຢາມສະຖານທີ່ສໍາຄັນຕ່າງໆຂອງນະຄອນຫຼວງປັກກິ່ງຕື່ມອີກ.
ໃນການພົບປະດັ່ງກ່າວ, ທັງສອງຝ່າຍຕ່າງໄດ້ຕີລາຄາສູງມູນເຊື້ອອັນດີງາມແຫ່ງສາຍພົວພັນມິດຕະພາບ ແລະ ການພົວພັນແບບຄູ່ຮ່ວມມືຮອບດ້ານໝັ້ນຄົງຍາວນານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ກໍຄືການຮ່ວມມືລະຫວ່າງແນວລາວສ້າງຊາດ ກັບສະພາທີ່ປຶກສາການເມືອງທົ່ວປະເທດຈີນ ແລະ ພາກສ່ວນທີ່ກ່ຽວຂ້ອງ ນັບມື້ໄດ້ຮັບການຂະຫຍາຍຕົວຍິ່ງຂຶ້ນ; ພ້ອມກັນນັ້ນ, ທັງສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບແຫ່ງການພັດທະນາເສດຖະກິດ-ສັງຄົມຂອງປະເທດຕົນ ແລະ ຈະໄດ້ສືບຕໍ່ເພີ່ມທະວີການຮ່ວມມືໃນການພົວພັນ ໂດຍການແລກປ່ຽນບົດຮຽນນໍາກັນ ຫຼື ການຈັດຕັ້ງກອງປະຊຸມສໍາມະນາ, ການຝຶກອົບຮົມວຽກງານທີ່ທັງສອງຝ່າຍມີຄວາມສົນໃຈ ໂດຍສະເພາະວຽກງານແນວໂຮມ, ວຽກງານຊົນເຜົ່າ ແລະ ວຽກງານສາສະໜາດ້ວຍຫຼາຍຮູບການ ໃຫ້ເກີດດອກອອກຜົນ ແລະ ເປັນຮູບປະທໍາ; ສືບຕໍ່ສະໜັບສະໜູນ, ຊ່ວຍເຫຼືອຊຶ່ງກັນ ແລະ ກັນ ໃນການພັດທະນາເສດຖະກິດ-ສັງຄົມ, ການສຶກສາ, ພື້ນຖານໂຄງລ່າງ ແລະ ດ້ານອື່ນໆ ເພື່ອແກ້ໄຂຄວາມທຸກຍາກຂອງປະຊາຊົນ ຕາມທີ່ການນໍາຂັ້ນສູງຂອງສອງລັດຖະບານໄດ້ຕົກລົງກັນແລ້ວ, ສືບຕໍ່ແລກປ່ຽນຄະນະຜູ້ແທນຂັ້ນສູງ, ລະດັບວິຊາການທັງສູນກາງ ແລະ ທ້ອງຖິ່ນ; ຊຸກຍູ້ການແລກປ່ຽນບົດຮຽນວຽກງານຕ່າງໆນໍາກັນ ແລະ ຮ່ວມມືກັບອົງການຈັດຕັ້ງທ້ອງຖິ່ນ ໂດຍສະເພາະບັນດາແຂວງທີ່ມີຊາຍແດນຕິດຈອດກັນ ເພື່ອເປັນການເສີມຂະຫຍາຍສາຍພົວພັນມິດຕະພາບທີ່ມີມູນເຊື້ອອັນດີງາມນັ້ນໃຫ້ມີປະສິດທິຜົນຍິ່ງໆຂຶ້ນ. ພິເສດສອງຝ່າຍໄດ້ລົງນາມສັນຍາການຮ່ວມມືລະຫວ່າງຄະນະກໍາມະການສູນກາງແນວລາວສ້າງຊາດ ແລະ ຄະນະກໍາມະການສະພາທີ່ປຶກສາການເມືອງທົ່ວປະເທດຈີນ ເພື່ອເປັນການສືບຕໍ່ສັນຍາການຮ່ວມມືໄລຍະປີ 2024-2028.ນອກຈາກນີ້, ຄະນະຜູ້ແທນຂັ້ນສູງ ສນຊ ໄດ້ຢ້ຽມຢາມພົບປະທ່ານ ຊິ້ນສັງຊີ່ງ (xinchanging)ເລຂາພັກແຂວງ ປະທານສະພາປະຊາຊົນແຂວງຈ່ຽງຊູ; ພົບປະທ່ານ ຫຼິງເຄິຊິ້ງ ປະທານສະພາທີ່ປຶກສາການເມືອງ ແຂວງກວາງຕົງ ພົບປະກັບທ່ານປະທານສະພາທີ່ປຶກສາການເມືອງ ນະຄອນເຊິນເຈີນ ແລະ ຢ້ຽມຊົມສູນບໍລິການລັດຖະບານ ນະຄອນກວາງໂຈ, ບໍລິສັດ powerbox, ບໍລິສັດ CNG, ບໍລິສັດ BYD, ວັດຫົງຟ້າ, ຫຼັງຈາກນັ້ນ, ຄະນະໄດ້ໄປຢ້ຽມຊົມສວນໂຈເຈີງ, ທັດສະນະສຶກສາເຂດນິຄົມອຸດສາຫະກໍາຊູໂຈ,ຢ້ຽມຊົມບໍລິສັດ ພະລັງງານສະອາດ GCL, ໄປຢ້ຽມຊົມໝູ່ບ້ານຕົວແບບ ຫ່ວງຫຼົງຊ້ຽນ ທີ່ເປັນໝູ່ບ້ານວັດທະນະທໍາຊາ ແລະ ບັນຍາກາດທໍາມະຊາດນອກເມືອງ, ໄດ້ທັດສະນະສຶກສາຫໍພິພິທະພັນ ນະຄອນໜານຈິງ, ຫໍພິພິທະພັນປະຫວັດສາດຈີນຮ່ວມສະໄໝ, ອະດີດທໍານຽບປະທານປະເທດໃນສະໄໝກ່ອນ.
ຂ່າວ+ພາບ: ສຸວັນລີ
ໄລຍະຢ້ຽມຢາມ ສປ ຈີນ, ຄະນະໄດ້ພົບປະເຮັດວຽກກັບບັນດາພາກສ່ວນກ່ຽວຂ້ອງຂອງ ສປ ຈີນ ທັງຢູ່ນະຄອນຫຼວງປັກກິ່ງ ແລະ ແຂວງກວາງຕຸງ ດັ່ງນີ້: ໄດ້ພົບປະກັບທ່ານ ຫວາງ ຫູໜິງ ຄະນະປະຈໍາກົມການເມືອງສູນກາງພັກກອມມູນິດຈີນ ປະທານສະພາທີ່ປຶກສາການເມືອງທົ່ວປະເທດຈີນ; ພົບປະກັບທ່ານ ຈ່າວເລິຈີ ຄະນະປະຈໍາກົມການເມືອງສູນກາງພັກກອມມູນິດຈີນ ປະທານສະພາປະຊາຊົນແຫ່ງ ສປ ຈີນ. ນອກຈາກນັ້ນ ໄດ້ໄປຢ້ຽມຢາມສະຖານທີ່ສໍາຄັນຕ່າງໆຂອງນະຄອນຫຼວງປັກກິ່ງຕື່ມອີກ.
ໃນການພົບປະດັ່ງກ່າວ, ທັງສອງຝ່າຍຕ່າງໄດ້ຕີລາຄາສູງມູນເຊື້ອອັນດີງາມແຫ່ງສາຍພົວພັນມິດຕະພາບ ແລະ ການພົວພັນແບບຄູ່ຮ່ວມມືຮອບດ້ານໝັ້ນຄົງຍາວນານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ກໍຄືການຮ່ວມມືລະຫວ່າງແນວລາວສ້າງຊາດ ກັບສະພາທີ່ປຶກສາການເມືອງທົ່ວປະເທດຈີນ ແລະ ພາກສ່ວນທີ່ກ່ຽວຂ້ອງ ນັບມື້ໄດ້ຮັບການຂະຫຍາຍຕົວຍິ່ງຂຶ້ນ; ພ້ອມກັນນັ້ນ, ທັງສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບແຫ່ງການພັດທະນາເສດຖະກິດ-ສັງຄົມຂອງປະເທດຕົນ ແລະ ຈະໄດ້ສືບຕໍ່ເພີ່ມທະວີການຮ່ວມມືໃນການພົວພັນ ໂດຍການແລກປ່ຽນບົດຮຽນນໍາກັນ ຫຼື ການຈັດຕັ້ງກອງປະຊຸມສໍາມະນາ, ການຝຶກອົບຮົມວຽກງານທີ່ທັງສອງຝ່າຍມີຄວາມສົນໃຈ ໂດຍສະເພາະວຽກງານແນວໂຮມ, ວຽກງານຊົນເຜົ່າ ແລະ ວຽກງານສາສະໜາດ້ວຍຫຼາຍຮູບການ ໃຫ້ເກີດດອກອອກຜົນ ແລະ ເປັນຮູບປະທໍາ; ສືບຕໍ່ສະໜັບສະໜູນ, ຊ່ວຍເຫຼືອຊຶ່ງກັນ ແລະ ກັນ ໃນການພັດທະນາເສດຖະກິດ-ສັງຄົມ, ການສຶກສາ, ພື້ນຖານໂຄງລ່າງ ແລະ ດ້ານອື່ນໆ ເພື່ອແກ້ໄຂຄວາມທຸກຍາກຂອງປະຊາຊົນ ຕາມທີ່ການນໍາຂັ້ນສູງຂອງສອງລັດຖະບານໄດ້ຕົກລົງກັນແລ້ວ, ສືບຕໍ່ແລກປ່ຽນຄະນະຜູ້ແທນຂັ້ນສູງ, ລະດັບວິຊາການທັງສູນກາງ ແລະ ທ້ອງຖິ່ນ; ຊຸກຍູ້ການແລກປ່ຽນບົດຮຽນວຽກງານຕ່າງໆນໍາກັນ ແລະ ຮ່ວມມືກັບອົງການຈັດຕັ້ງທ້ອງຖິ່ນ ໂດຍສະເພາະບັນດາແຂວງທີ່ມີຊາຍແດນຕິດຈອດກັນ ເພື່ອເປັນການເສີມຂະຫຍາຍສາຍພົວພັນມິດຕະພາບທີ່ມີມູນເຊື້ອອັນດີງາມນັ້ນໃຫ້ມີປະສິດທິຜົນຍິ່ງໆຂຶ້ນ. ພິເສດສອງຝ່າຍໄດ້ລົງນາມສັນຍາການຮ່ວມມືລະຫວ່າງຄະນະກໍາມະການສູນກາງແນວລາວສ້າງຊາດ ແລະ ຄະນະກໍາມະການສະພາທີ່ປຶກສາການເມືອງທົ່ວປະເທດຈີນ ເພື່ອເປັນການສືບຕໍ່ສັນຍາການຮ່ວມມືໄລຍະປີ 2024-2028.ນອກຈາກນີ້, ຄະນະຜູ້ແທນຂັ້ນສູງ ສນຊ ໄດ້ຢ້ຽມຢາມພົບປະທ່ານ ຊິ້ນສັງຊີ່ງ (xinchanging)ເລຂາພັກແຂວງ ປະທານສະພາປະຊາຊົນແຂວງຈ່ຽງຊູ; ພົບປະທ່ານ ຫຼິງເຄິຊິ້ງ ປະທານສະພາທີ່ປຶກສາການເມືອງ ແຂວງກວາງຕົງ ພົບປະກັບທ່ານປະທານສະພາທີ່ປຶກສາການເມືອງ ນະຄອນເຊິນເຈີນ ແລະ ຢ້ຽມຊົມສູນບໍລິການລັດຖະບານ ນະຄອນກວາງໂຈ, ບໍລິສັດ powerbox, ບໍລິສັດ CNG, ບໍລິສັດ BYD, ວັດຫົງຟ້າ, ຫຼັງຈາກນັ້ນ, ຄະນະໄດ້ໄປຢ້ຽມຊົມສວນໂຈເຈີງ, ທັດສະນະສຶກສາເຂດນິຄົມອຸດສາຫະກໍາຊູໂຈ,ຢ້ຽມຊົມບໍລິສັດ ພະລັງງານສະອາດ GCL, ໄປຢ້ຽມຊົມໝູ່ບ້ານຕົວແບບ ຫ່ວງຫຼົງຊ້ຽນ ທີ່ເປັນໝູ່ບ້ານວັດທະນະທໍາຊາ ແລະ ບັນຍາກາດທໍາມະຊາດນອກເມືອງ, ໄດ້ທັດສະນະສຶກສາຫໍພິພິທະພັນ ນະຄອນໜານຈິງ, ຫໍພິພິທະພັນປະຫວັດສາດຈີນຮ່ວມສະໄໝ, ອະດີດທໍານຽບປະທານປະເທດໃນສະໄໝກ່ອນ.
ຂ່າວ+ພາບ: ສຸວັນລີ
