ພິທີມອບ-ຮັບໂຄງການປ່ຽນຖ່າຍອຸປະກອນ ແລະ ຍົກລະດັບທາງດ້ານເຕັກນິກໃຫ້ແກ່ວິທະຍຸກະຈາຍສຽງແຫ່ງຊາດລາວ (ວສລ) ລະຫວ່າງ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຫ່ງ ສປປ ລາວ (ຖວທ) ແລະ ວິທະຍຸກະຈາຍສຽງ ແຫ່ງ ສສ ຫວຽດນາມ ຈັດຂຶ້ນໃນວັນທີ 30 ມັງກອນນີ້ທີ່ວິທະຍຸກະຈາຍສຽງແຫ່ງຊາດລາວ, ໂດຍມີ ທ່ານ ໂພສີ ແກ້ວມະນີວົງຮອງລັດຖະມົນຕີກະຊວງຖວທ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ, ທ່ານ ເຈີ່ນ ມິງ ຮຸ່ງ ຮອງຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ (VOV), ມີຕາງໜ້າສະຖານທູດຫວຽດນາມ ປະຈໍາລາວ ແລະ ພະນັກງານພາຍໃນ ວສລ ພ້ອມດ້ວຍແຂກຮັບເຊີນເຂົ້າຮ່ວມ.
ໃນໂອກາດນີ້, ທ່ານ ສຸວັນ ວິໄລແສງ ຜູ້ອຳນວຍການໃຫຍ່ ວສລ ໄດ້ລາຍງານວ່າ: ໂຄງການປ່ຽນຖ່າຍອຸປະກອນ ແລະ ຍົກລະດັບດ້ານເຕັກນິກໃຫ້ແກ່ ວສລ ທີ່ໄດ້ຮັບການຊ່ວຍເຫຼືອຈາກລັດຖະບານຫວຽດນາມໃນຄັ້ງນີ້ ມີມູນຄ່າທັງໝົດ 198.000.000.000 ດົງ (ສະກຸນເງິນຫວຽດນາມ), ເປັນໂຄງການໃຫຍ່ ແລະ ມີມູນຄ່າສູງສໍາລັບຂົງເຂດ ຖວທ, ໂດຍສະເພາະແມ່ນໃຫ້ ວສລ ຊຶ່ງເປັນການຍົກລະດັບອຸປະກອນເຕັກນິກ, ຄວາມອາດສາມາດໃນການກະຈາຍສຽງທັງຮູບແບບເກົ່າ ແລະ ຮູບແບບໃໝ່ທຽບທັນກັບບັນດາປະເທດໃນພາກພື້ນ ແລະ ສາກົນ, ເປັນການປະກອບສ່ວນສໍາຄັນໃຫ້ແກ່ການໂຄສະນາເຜີຍແຜ່ແນວທາງນະໂຍບາຍຂອງພັກ-ລັດ, ໃຫ້ກວ້າງຂວາງທົ່ວເຖິງທັງຢູ່ພາຍໃນ ແລະ ຕ່າງປະເທດ.ການລົງທຶນທັງໝົດ ເປັນຕົ້ນແມ່ນລົງທຶນໃໝ່ລະບົບເຄື່ອງສົ່ງ FM ເພື່ອຍົກສູງຄຸນນະພາບ ແລະ ເປີດກວ້າງຂອບເຂດການກະຈາຍສຽງໃຫ້ວິທະຍຸກະຈາຍສຽງແຫ່ງຊາດລາວ ທີ່ນະຄອນຫຼວງວຽງຈັນ ແລະ ເຂດໃກ້ຄຽງ, ລົງທຶນໃໝ່ລະບົບເຄື່ອງສົ່ງດ້ວຍການນໍາໃຊ້ລະບົບທັນສະໄໝໃນລະບົບອິນເຕີເນັດເພື່ອກະຈາຍສຽງອອກອາກາດລາຍການວິທະຍຸທັງພາຍໃນ ແລະ ຕ່າງປະເທດ, ລະບົບອຸປະກອນສໍາຮອງເພື່ອຮັບປະກັນໃຫ້ບັນດາເຄື່ອງຈັກ,ອຸປະກອນເຄື່ອນໄຫວຢ່າງມີປະສິດທິພາບ ແລະ ປອດໄພ, ຍົກລະດັບ,ປ່ຽນຖ່າຍດ້ານເຕັກໂນໂລຊີບັນດາລະບົບເຄື່ອງຈັກແລະ ອຸປະກອນທີ່ໄດ້ລົງທຶນ ແລະ ອື່ນໆ.
ສຳລັບການປະກອບ ແລະ ຕິດຕັ້ງອຸປະກອນ ພາຍໃຕ້ໂຄງການດັ່ງກ່າວລວມມີ: ການປັບປຸງຫ້ອງອອກອາກາດ On Air 1 ຫ້ອງ, ຫ້ອງອັດສຽງ 5 ຫ້ອງ, ຫ້ອງຄວບຄຸມໃຫຍ່ (Main Control Room) 1 ຫ້ອງ, ຫ້ອງເຊີເວີ1 ຫ້ອງ, ຫ້ອງກະກຽມລາຍການສໍາລັບອອກອາກາດ 1 ຫ້ອງ, ຫ້ອງອັດໃຫຍ່ (Studio) 1 ຫ້ອງ, ຈັກໄຟຟ້າຂະໜາດ 350 KVA 1 ໜ່ວຍ, ເຄື່ອງສົ່ງ FM 20 KW 1 ຊຸດ, ອຸປະກອນສໍາລັບການສ້ອມແປງເຄື່ອງສົ່ງ FM ສະຖານີເຄືອຂ່າຍສົ່ງຕໍ່ ຢູ່ແຂວງຫຼວງພະບາງ ແລະ ແຂວງຈໍາປາສັກ 2 ຊຸດ ແລະ ໄດ້ສໍາເລັດການສ້ອມແປງ,ປ່ຽນຖ່າຍອຸປະກອນສະຖານີເຄືອຂ່າຍທີ່ແຂວງຫຼວງພະບາງ. ນອກຈາກນີ້, ວິທະຍຸກະຈາຍສຽງ ແຫ່ງ ສສ ຫວຽດນາມ ຍັງໄດ້ຊ່ວຍຝຶກອົົບຮົມດ້ານເຕັກນິກໃຫ້ແກ່ວິຊາການຂອງວິທະຍຸກະຈາຍສຽງແຫ່ງຊາດລາວຫຼາຍຄັ້ງ.
ທ່ານ ເຈິ່ນ ມິງ ຮຸ່ງໄດ້ມີຄໍາເຫັນວ່າ: ໂຄງການດັ່ງກ່າວນີ້ ຈະປະກອບສ່ວນສໍາຄັນເຮັດໃຫ້ວຽກງານສື່ສານຂອງກະຊວງຖວທລາວ ເວົ້າລວມ, ເວົ້າສະເພາະແມ່ນ ວສລໃນການໂຄສະນາແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານລາວ ແລະ ຂໍ້ມູນຂ່າວສານຕ່າງໆ ໃຫ້ນັບມື້ກ້າວສູ່ຄວາມທັນສະໄໝ, ວ່ອງໄວ, ກວ້າງຂວາງ ແລະ ມີປະສິດທິຜົນກວ່າເກົ່າ.
ທ່ານ ໂພສີ ແກ້ວມະນີວົງ ໄດ້ມີຄໍາເຫັນວ່າ: ໂຄງການປ່ຽນຖ່າຍອຸປະກອນ ແລະ ຍົກລະດັບທາງດ້ານເຕັກນິກໃຫ້ແກ່ວິທະຍຸກະຈາຍສຽງແຫ່ງຊາດລາວ ເພື່ອຜັນຂະຫຍາຍແນວທາງຂອງພັກ ແລະ ລັດຖະບານທີ່ຍາມໃດກໍໄດ້ເອົາໃຈໃສ່ວຽກງານການໂຄສະນາ, ການໃຫ້ຂໍ້ມູນຂ່າວສານຕໍ່ສັງຄົມຜ່ານສື່ມວນຊົນ ໂດຍແນໃສ່ປັບປຸງວຽກຖະແຫຼງຂ່າວສື່ມວນຊົນໄປສູ່ລະບົບໃໝ່ທີ່ທັນສະໄໝຊຶ່ງມັນໄດ້ສອດຄ່ອງກັບແຜນພັດທະນາວຽກງານຖະແຫຼງຂ່າວ, ວັດທະນະທໍາ ແລະ ທ່ອງທ່ອງໄລຍະປີ 2021-2025 ໂດຍສະເພາະແມ່ນຍຸດທະສາດການພັດທະນາວຽກງານຖະແຫຼງຂ່າວສື່ມວນຊົນ ຮອດປີ 2025 ຄື:ພັດທະນາສື່ມວນຊົນລາວໃຫ້ມີຄຸນນະພາບໃໝ່ ແລະ ທັນໄປສູ່ລະບົບດີຈີຕອນຢ່າງເປັນລະບົບຄົບຊຸດ ເພື່ອເຮັດໃຫ້ການກະຈາຍຂໍ້ມູນຂ່າວສານຕ່າງໆ ສາມາດເຂົ້າເຖິງໄດ້ທຸກພື້ນທີ່ທົ່ວປະເທດ. ພ້ອມນີ້ ທ່ານຍັງໄດ້ຕາງໜ້າໃຫ້ລັດຖະບານ ກໍຄື ຖວທແລະ ສະແດງຄວາມຍ້ອງຍໍຊົມເຊີຍມາຍັງທຸກພາກສ່ວນທີ່ມີສ່ວນຮ່ວມໃນການຈັດຕັ້ງປະຕິບັດວຽກງານດັ່ງກ່າວຈົນປະສົບຜົນສຳເລັດໃນຄັ້ງນີ້, ພ້ອມທັງກ່າວມອບ ອຸປະກອນເຕັກນິກ,ເຄື່ອງມືຕ່າງໆທີ່ນອນຢູ່ໃນໂຄງການນີ້ ໃຫ້ແກ່ວສລ, ເປັນຜູ້ນໍາໃຊ້ແລະປົກປັກຮັກສາໃຫ້ເກີດປະໂຫຍດສູງສຸດ ແລະນໍາໃຊ້ພ້ອມກັບການປົກປັກຮັກສາໃຫ້ມີຄວາມຍືນຍົງ.
ຈາກນັ້ນ, ທ່ານ ໂພສີ ແກ້ວມະນີວົງໄດ້ມີຄໍາເຫັນຕື່ມວ່າ: ໂຄງການກໍ່ສ້້າງສະຖານີວິທະຍຸ-ໂທລະພາບ ແຂວງໄຊສົມບູນ ກໍເພື່ອຜັນຂະຫຍາຍໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານ ກໍຄືຂອງແຂວງ ໃນການສ້າງສາພັດທະນາປະເທດຊາດ ແລະ ຂໍ້ມູນຂ່າວສານຕ່າງໆ ທີ່ເປັນປະໂຫຍດລົງສູ່ປະຊາຊົນພາຍໃນແຂວງໃຫ້ຮັບຮູ້ຢ່າງກວ້າງຂວາງ ແລະ ທົ່ວເຖິງ ເພື່ອນຳເອົາປະຊາຊົນຫຼຸດພົ້ນອອກຈາກຄວາມທຸກຍາກ ແລະ ນຳພາປະເທດຊາດ ຫຼຸດພົ້ນອອກຈາກສະຖານະພາບປະເທດດ້ອຍພັດທະນາເທື່ອລະກ້າວ ນອກຈາກນີ້ ກໍເພື່ອພັດທະນາສື່ມວນຊົນລາວໃຫ້ມີຄຸນນະພາບ, ເປັນລະບົບທັນສະໄໝ, ວ່ອງໄວ, ຊັດເຈນ ແລະ ທັນເຫດການ; ສືບຕໍ່ສ້າງໃຫ້ສື່ມວນຊົນລາວ ເປັນກະບອກສຽງອັນແຫຼມຄົມຂອງ ພັກ-ລັດ ທັງລວງເລິກ ແລະ ລວງກວ້າງ ມີຄວາມຫຼາກຫຼາຍທັງຄົບຖ້ວນດ້ານເນື້ອໃນ, ເປັນແຫຼ່ງສະໜອງຂໍ້ມູນຂ່າວສານ ແລະ ໃຫ້ສາລະຄວາມຮູ້ຢ່າງຮອບດ້ານ.
ຂ່າວ-ພາບ: ບຸນອູ້ມ
ໃນໂອກາດນີ້, ທ່ານ ສຸວັນ ວິໄລແສງ ຜູ້ອຳນວຍການໃຫຍ່ ວສລ ໄດ້ລາຍງານວ່າ: ໂຄງການປ່ຽນຖ່າຍອຸປະກອນ ແລະ ຍົກລະດັບດ້ານເຕັກນິກໃຫ້ແກ່ ວສລ ທີ່ໄດ້ຮັບການຊ່ວຍເຫຼືອຈາກລັດຖະບານຫວຽດນາມໃນຄັ້ງນີ້ ມີມູນຄ່າທັງໝົດ 198.000.000.000 ດົງ (ສະກຸນເງິນຫວຽດນາມ), ເປັນໂຄງການໃຫຍ່ ແລະ ມີມູນຄ່າສູງສໍາລັບຂົງເຂດ ຖວທ, ໂດຍສະເພາະແມ່ນໃຫ້ ວສລ ຊຶ່ງເປັນການຍົກລະດັບອຸປະກອນເຕັກນິກ, ຄວາມອາດສາມາດໃນການກະຈາຍສຽງທັງຮູບແບບເກົ່າ ແລະ ຮູບແບບໃໝ່ທຽບທັນກັບບັນດາປະເທດໃນພາກພື້ນ ແລະ ສາກົນ, ເປັນການປະກອບສ່ວນສໍາຄັນໃຫ້ແກ່ການໂຄສະນາເຜີຍແຜ່ແນວທາງນະໂຍບາຍຂອງພັກ-ລັດ, ໃຫ້ກວ້າງຂວາງທົ່ວເຖິງທັງຢູ່ພາຍໃນ ແລະ ຕ່າງປະເທດ.ການລົງທຶນທັງໝົດ ເປັນຕົ້ນແມ່ນລົງທຶນໃໝ່ລະບົບເຄື່ອງສົ່ງ FM ເພື່ອຍົກສູງຄຸນນະພາບ ແລະ ເປີດກວ້າງຂອບເຂດການກະຈາຍສຽງໃຫ້ວິທະຍຸກະຈາຍສຽງແຫ່ງຊາດລາວ ທີ່ນະຄອນຫຼວງວຽງຈັນ ແລະ ເຂດໃກ້ຄຽງ, ລົງທຶນໃໝ່ລະບົບເຄື່ອງສົ່ງດ້ວຍການນໍາໃຊ້ລະບົບທັນສະໄໝໃນລະບົບອິນເຕີເນັດເພື່ອກະຈາຍສຽງອອກອາກາດລາຍການວິທະຍຸທັງພາຍໃນ ແລະ ຕ່າງປະເທດ, ລະບົບອຸປະກອນສໍາຮອງເພື່ອຮັບປະກັນໃຫ້ບັນດາເຄື່ອງຈັກ,ອຸປະກອນເຄື່ອນໄຫວຢ່າງມີປະສິດທິພາບ ແລະ ປອດໄພ, ຍົກລະດັບ,ປ່ຽນຖ່າຍດ້ານເຕັກໂນໂລຊີບັນດາລະບົບເຄື່ອງຈັກແລະ ອຸປະກອນທີ່ໄດ້ລົງທຶນ ແລະ ອື່ນໆ.
ສຳລັບການປະກອບ ແລະ ຕິດຕັ້ງອຸປະກອນ ພາຍໃຕ້ໂຄງການດັ່ງກ່າວລວມມີ: ການປັບປຸງຫ້ອງອອກອາກາດ On Air 1 ຫ້ອງ, ຫ້ອງອັດສຽງ 5 ຫ້ອງ, ຫ້ອງຄວບຄຸມໃຫຍ່ (Main Control Room) 1 ຫ້ອງ, ຫ້ອງເຊີເວີ1 ຫ້ອງ, ຫ້ອງກະກຽມລາຍການສໍາລັບອອກອາກາດ 1 ຫ້ອງ, ຫ້ອງອັດໃຫຍ່ (Studio) 1 ຫ້ອງ, ຈັກໄຟຟ້າຂະໜາດ 350 KVA 1 ໜ່ວຍ, ເຄື່ອງສົ່ງ FM 20 KW 1 ຊຸດ, ອຸປະກອນສໍາລັບການສ້ອມແປງເຄື່ອງສົ່ງ FM ສະຖານີເຄືອຂ່າຍສົ່ງຕໍ່ ຢູ່ແຂວງຫຼວງພະບາງ ແລະ ແຂວງຈໍາປາສັກ 2 ຊຸດ ແລະ ໄດ້ສໍາເລັດການສ້ອມແປງ,ປ່ຽນຖ່າຍອຸປະກອນສະຖານີເຄືອຂ່າຍທີ່ແຂວງຫຼວງພະບາງ. ນອກຈາກນີ້, ວິທະຍຸກະຈາຍສຽງ ແຫ່ງ ສສ ຫວຽດນາມ ຍັງໄດ້ຊ່ວຍຝຶກອົົບຮົມດ້ານເຕັກນິກໃຫ້ແກ່ວິຊາການຂອງວິທະຍຸກະຈາຍສຽງແຫ່ງຊາດລາວຫຼາຍຄັ້ງ.
ທ່ານ ເຈິ່ນ ມິງ ຮຸ່ງໄດ້ມີຄໍາເຫັນວ່າ: ໂຄງການດັ່ງກ່າວນີ້ ຈະປະກອບສ່ວນສໍາຄັນເຮັດໃຫ້ວຽກງານສື່ສານຂອງກະຊວງຖວທລາວ ເວົ້າລວມ, ເວົ້າສະເພາະແມ່ນ ວສລໃນການໂຄສະນາແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານລາວ ແລະ ຂໍ້ມູນຂ່າວສານຕ່າງໆ ໃຫ້ນັບມື້ກ້າວສູ່ຄວາມທັນສະໄໝ, ວ່ອງໄວ, ກວ້າງຂວາງ ແລະ ມີປະສິດທິຜົນກວ່າເກົ່າ.
ທ່ານ ໂພສີ ແກ້ວມະນີວົງ ໄດ້ມີຄໍາເຫັນວ່າ: ໂຄງການປ່ຽນຖ່າຍອຸປະກອນ ແລະ ຍົກລະດັບທາງດ້ານເຕັກນິກໃຫ້ແກ່ວິທະຍຸກະຈາຍສຽງແຫ່ງຊາດລາວ ເພື່ອຜັນຂະຫຍາຍແນວທາງຂອງພັກ ແລະ ລັດຖະບານທີ່ຍາມໃດກໍໄດ້ເອົາໃຈໃສ່ວຽກງານການໂຄສະນາ, ການໃຫ້ຂໍ້ມູນຂ່າວສານຕໍ່ສັງຄົມຜ່ານສື່ມວນຊົນ ໂດຍແນໃສ່ປັບປຸງວຽກຖະແຫຼງຂ່າວສື່ມວນຊົນໄປສູ່ລະບົບໃໝ່ທີ່ທັນສະໄໝຊຶ່ງມັນໄດ້ສອດຄ່ອງກັບແຜນພັດທະນາວຽກງານຖະແຫຼງຂ່າວ, ວັດທະນະທໍາ ແລະ ທ່ອງທ່ອງໄລຍະປີ 2021-2025 ໂດຍສະເພາະແມ່ນຍຸດທະສາດການພັດທະນາວຽກງານຖະແຫຼງຂ່າວສື່ມວນຊົນ ຮອດປີ 2025 ຄື:ພັດທະນາສື່ມວນຊົນລາວໃຫ້ມີຄຸນນະພາບໃໝ່ ແລະ ທັນໄປສູ່ລະບົບດີຈີຕອນຢ່າງເປັນລະບົບຄົບຊຸດ ເພື່ອເຮັດໃຫ້ການກະຈາຍຂໍ້ມູນຂ່າວສານຕ່າງໆ ສາມາດເຂົ້າເຖິງໄດ້ທຸກພື້ນທີ່ທົ່ວປະເທດ. ພ້ອມນີ້ ທ່ານຍັງໄດ້ຕາງໜ້າໃຫ້ລັດຖະບານ ກໍຄື ຖວທແລະ ສະແດງຄວາມຍ້ອງຍໍຊົມເຊີຍມາຍັງທຸກພາກສ່ວນທີ່ມີສ່ວນຮ່ວມໃນການຈັດຕັ້ງປະຕິບັດວຽກງານດັ່ງກ່າວຈົນປະສົບຜົນສຳເລັດໃນຄັ້ງນີ້, ພ້ອມທັງກ່າວມອບ ອຸປະກອນເຕັກນິກ,ເຄື່ອງມືຕ່າງໆທີ່ນອນຢູ່ໃນໂຄງການນີ້ ໃຫ້ແກ່ວສລ, ເປັນຜູ້ນໍາໃຊ້ແລະປົກປັກຮັກສາໃຫ້ເກີດປະໂຫຍດສູງສຸດ ແລະນໍາໃຊ້ພ້ອມກັບການປົກປັກຮັກສາໃຫ້ມີຄວາມຍືນຍົງ.
ຈາກນັ້ນ, ທ່ານ ໂພສີ ແກ້ວມະນີວົງໄດ້ມີຄໍາເຫັນຕື່ມວ່າ: ໂຄງການກໍ່ສ້້າງສະຖານີວິທະຍຸ-ໂທລະພາບ ແຂວງໄຊສົມບູນ ກໍເພື່ອຜັນຂະຫຍາຍໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານ ກໍຄືຂອງແຂວງ ໃນການສ້າງສາພັດທະນາປະເທດຊາດ ແລະ ຂໍ້ມູນຂ່າວສານຕ່າງໆ ທີ່ເປັນປະໂຫຍດລົງສູ່ປະຊາຊົນພາຍໃນແຂວງໃຫ້ຮັບຮູ້ຢ່າງກວ້າງຂວາງ ແລະ ທົ່ວເຖິງ ເພື່ອນຳເອົາປະຊາຊົນຫຼຸດພົ້ນອອກຈາກຄວາມທຸກຍາກ ແລະ ນຳພາປະເທດຊາດ ຫຼຸດພົ້ນອອກຈາກສະຖານະພາບປະເທດດ້ອຍພັດທະນາເທື່ອລະກ້າວ ນອກຈາກນີ້ ກໍເພື່ອພັດທະນາສື່ມວນຊົນລາວໃຫ້ມີຄຸນນະພາບ, ເປັນລະບົບທັນສະໄໝ, ວ່ອງໄວ, ຊັດເຈນ ແລະ ທັນເຫດການ; ສືບຕໍ່ສ້າງໃຫ້ສື່ມວນຊົນລາວ ເປັນກະບອກສຽງອັນແຫຼມຄົມຂອງ ພັກ-ລັດ ທັງລວງເລິກ ແລະ ລວງກວ້າງ ມີຄວາມຫຼາກຫຼາຍທັງຄົບຖ້ວນດ້ານເນື້ອໃນ, ເປັນແຫຼ່ງສະໜອງຂໍ້ມູນຂ່າວສານ ແລະ ໃຫ້ສາລະຄວາມຮູ້ຢ່າງຮອບດ້ານ.
ຂ່າວ-ພາບ: ບຸນອູ້ມ
