ໃນລະຫວ່າງວັນທີ25-26 ມັງກອນ ຜ່ານມາ, ທ່ານໂພໄຊໄຂຄໍາພິທູນຮອງລັດຖະມົນຕີກະຊວງການຕ່າງປະເທດປະທານຄະນະອະນຸກໍາມະການເຕັກນິກຊາຍແດນຮ່ວມລາວ-ກໍາປູເຈຍພ້ອມດ້ວຍຕາງໜ້າຈາກພາກສ່ວນກ່ຽວຂ້ອງຈາກສູນກາງໄດ້ເຄື່ອນໄຫວເຮັດວຽກຮ່ວມກັບ ທ່ານ ໄອ ວຸທີ ຮອງລັດຖະມົນຕີປະຈໍາຄະນະກໍາມະການຊາຍແດນ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍຄະນະຈາກພາກສ່ວນທີ່ກ່ຽວຂ້ອງຂອງ ຝ່າຍກໍາປູເຈຍຢູ່ແຂວງຊຽງແຕງ ຣາຊະອານາຈັກກໍາປູເຈຍ.
ໃນໂອກາດການເຄື່ອນໄຫວໃນຄັ້ງນີ້ສອງຝ່າຍໄດ້ຮ່ວມກັນກວດກາຄວາມຖືກຕ້ອງຂອງຕົວຢ່າງຫຼັກໝາຍຊາຍແດນ ລາວ-ກໍາປູເຈຍ ທີ່ຜະລິດໂດຍຝ່າຍກໍາປູເຈຍກ່ອນທີ່ຈະເລີ່ມຕົ້ນຜະລິດເປັນຈໍານວນ 508 ຫຼັກໝາຍປັກໃສ່ເສັ້ນຊາຍແດນທີ່ສອງຝ່າຍເອກະພາບກັນແລ້ວຕາມສົນທິສັນຍາວ່າດ້ວຍການກຳນົດຊາຍແດນປະເທດລະຫວ່າງ ສປປ ລາວ ແລະ ຣາຊະອານະຈັກກຳປູເຈຍຕາມປັກຫຼັກໝາຍຊາຍແດນຢູ່ພື້ນທີ່ຕົວຈິງແມ່ນປັກໃສ່ຈຸດທີ່ສອງຝ່າຍໄດ້ປັກຫຼັກໝາຍຊົ່ວຄາວ ແລະ ບັນດາຈຸດທີ່ເຫັນວ່າມີຄວາມຈຳເປັນຕາມຂໍ້ກຳນົດດ້ານເຕັກນິກ. ການພົບປະກັນໃນຄັ້ງນີ້, ສອງຝ່າຍໄດ້ປຶກສາຫາລື ແລະ ຮັບຮອງຮູບແບບຫຼັກໝາຍຊາຍແດນທີ່ຜະລິດອອກມາຊຶ່ງຜ່ານການກວດກາເຫັນວ່າຖືກຕ້ອງສອດຄ່ອງຕາມແບບທີ່ສອງຝ່າຍຮັບຮອງຜ່ານມາຈຶ່ງໄດ້ເອກະພາບກັນຮັບຮອງເອົາ ແລະ ໃນໂອກາດນີ້ສອງຝ່າຍຍັງໄດ້ແລກປ່ຽນຄໍາຄິດເຫັນກ່ຽວກັບການປະຕິບັດວຽກງານຊາຍແດນຮ່ວມກັນໃນຕໍ່ໜ້າ ແລະ ໄດ້ລົງນາມບົດບັນທຶກຮ່ວມກັນ.
ການເຄື່ອນໄຫວວຽກງານຂອງຄະນະໃນຄັ້ງນີ້ເປັນການຊຸກຍູ້ທີ່ສໍາຄັນໃຫ້ແກ່ວຽກງານສໍາຫຼວດ ແລະ ປັກຫຼັກໝາຍຊາຍແດນຮ່ວມລະຫວ່າງສອງປະເທດ ລາວ ແລະ ກໍາປູເຈຍ ໂດຍສະເພາະກໍແມ່ນການປັກຫຼັກໝາຍຊາຍແດນແບບໃໝ່ທີ່ແໜ້ນໜາຖາວອນປ່ຽນແທນຫຼັກໝາຍໃນປັດຈຸບັນ ແລະ ປັກຫຼັກໝາຍຊາຍແດນເພີ່ມເຕີມ ເພື່ອເຮັດໃຫ້ເສັ້ນຊາຍແດນມີຄວາມຍືນຍົງ ແລະ ຈະແຈ້ງກວ່າເກົ່າ, ເປັນທີ່ເຂົ້າໃຈໄດ້ງ່າຍ ແລະ ສະດວກໃນການຄຸ້ມຄອງ.
ໃນໂອກາດການເຄື່ອນໄຫວວຽກງານໃນຄັ້ງນີ້ ທ່ານຮອງລັດຖະມົນຕີ ແລະ ຄະນະ ຍັງໄດ້ຍາດໂອກາດໄປຢ້ຽມຢາມ ແລະ ເຮັດວຽກ ຢູ່ ສະຖານກົງສູນໃຫຍ່ ແຫ່ງ ສປປ ລາວ ທີ່ແຂວງຊຽງແຕງ ນໍາອີກດ້ວຍ.
ຂ່າວ-ພາບ:ກະຊວງການຕ່າງປະເທດ
ໃນໂອກາດການເຄື່ອນໄຫວໃນຄັ້ງນີ້ສອງຝ່າຍໄດ້ຮ່ວມກັນກວດກາຄວາມຖືກຕ້ອງຂອງຕົວຢ່າງຫຼັກໝາຍຊາຍແດນ ລາວ-ກໍາປູເຈຍ ທີ່ຜະລິດໂດຍຝ່າຍກໍາປູເຈຍກ່ອນທີ່ຈະເລີ່ມຕົ້ນຜະລິດເປັນຈໍານວນ 508 ຫຼັກໝາຍປັກໃສ່ເສັ້ນຊາຍແດນທີ່ສອງຝ່າຍເອກະພາບກັນແລ້ວຕາມສົນທິສັນຍາວ່າດ້ວຍການກຳນົດຊາຍແດນປະເທດລະຫວ່າງ ສປປ ລາວ ແລະ ຣາຊະອານະຈັກກຳປູເຈຍຕາມປັກຫຼັກໝາຍຊາຍແດນຢູ່ພື້ນທີ່ຕົວຈິງແມ່ນປັກໃສ່ຈຸດທີ່ສອງຝ່າຍໄດ້ປັກຫຼັກໝາຍຊົ່ວຄາວ ແລະ ບັນດາຈຸດທີ່ເຫັນວ່າມີຄວາມຈຳເປັນຕາມຂໍ້ກຳນົດດ້ານເຕັກນິກ. ການພົບປະກັນໃນຄັ້ງນີ້, ສອງຝ່າຍໄດ້ປຶກສາຫາລື ແລະ ຮັບຮອງຮູບແບບຫຼັກໝາຍຊາຍແດນທີ່ຜະລິດອອກມາຊຶ່ງຜ່ານການກວດກາເຫັນວ່າຖືກຕ້ອງສອດຄ່ອງຕາມແບບທີ່ສອງຝ່າຍຮັບຮອງຜ່ານມາຈຶ່ງໄດ້ເອກະພາບກັນຮັບຮອງເອົາ ແລະ ໃນໂອກາດນີ້ສອງຝ່າຍຍັງໄດ້ແລກປ່ຽນຄໍາຄິດເຫັນກ່ຽວກັບການປະຕິບັດວຽກງານຊາຍແດນຮ່ວມກັນໃນຕໍ່ໜ້າ ແລະ ໄດ້ລົງນາມບົດບັນທຶກຮ່ວມກັນ.
ການເຄື່ອນໄຫວວຽກງານຂອງຄະນະໃນຄັ້ງນີ້ເປັນການຊຸກຍູ້ທີ່ສໍາຄັນໃຫ້ແກ່ວຽກງານສໍາຫຼວດ ແລະ ປັກຫຼັກໝາຍຊາຍແດນຮ່ວມລະຫວ່າງສອງປະເທດ ລາວ ແລະ ກໍາປູເຈຍ ໂດຍສະເພາະກໍແມ່ນການປັກຫຼັກໝາຍຊາຍແດນແບບໃໝ່ທີ່ແໜ້ນໜາຖາວອນປ່ຽນແທນຫຼັກໝາຍໃນປັດຈຸບັນ ແລະ ປັກຫຼັກໝາຍຊາຍແດນເພີ່ມເຕີມ ເພື່ອເຮັດໃຫ້ເສັ້ນຊາຍແດນມີຄວາມຍືນຍົງ ແລະ ຈະແຈ້ງກວ່າເກົ່າ, ເປັນທີ່ເຂົ້າໃຈໄດ້ງ່າຍ ແລະ ສະດວກໃນການຄຸ້ມຄອງ.
ໃນໂອກາດການເຄື່ອນໄຫວວຽກງານໃນຄັ້ງນີ້ ທ່ານຮອງລັດຖະມົນຕີ ແລະ ຄະນະ ຍັງໄດ້ຍາດໂອກາດໄປຢ້ຽມຢາມ ແລະ ເຮັດວຽກ ຢູ່ ສະຖານກົງສູນໃຫຍ່ ແຫ່ງ ສປປ ລາວ ທີ່ແຂວງຊຽງແຕງ ນໍາອີກດ້ວຍ.
ຂ່າວ-ພາບ:ກະຊວງການຕ່າງປະເທດ
