ຫວ່າງບໍ່ດົນມານີ້, ທ່ານ ງາມປະສົງ ເມືອງມະນີລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຕ້ອນຮັບການເຂົ້າຢ້ຽມພົບປະຂອງທ່ານ ນາງ Armida Salsiah ALISIJABANA ເລຂາທິການບໍລິຫານງານຄະນະກຳມາທິການເສດຖະກິດ-ສັງຄົມ ສປຊ ປະຈຳພາກພື້ນອາຊີ-ປາຊີຟິກ (UNESCAP) ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ສປປ ລາວ ໃນລະຫວ່າງວັນທີ 29-30 ມັງກອນ 2024.
ໃນໂອກາດນີ້, ທ່ານ ງາມປະສົງ ເມືອງມະນີ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ນາງ Armida Salsiah ALISIJABANA ແລະ ຄະນະ ທີ່ໄດ້ເດີນທາງມາຢ້ຽມຢາມ ສປປ ລາວ ໃນຄັ້ງນີ້ ຊຶ່ງຈະເປັນຂີດໝາຍສຳຄັນຂອງການຮ່ວມມື ລະຫວ່າງ ກະຊວງໂຍທາທິການ ແລະ ຂົນສົ່ງ ແລະ UNESCAP ໂດຍສະເພາະໃນຂົງເຂດທາງລົດໄຟ, ການພັດທະນາສິ່ງອໍານວຍຄວາມສະດວກດ້ານໂລຈີສຕິກ, ການພັດທະນາຕົວເມືອງອັດສະລິຍະ ແລະ ຄວາມປອດໄພຕາມທ້ອງຖະໜົນ.
ທ່ານລັດຖະມົນຕີ ໄດ້ຖືໂອກາດດັ່ງກ່າວສະແດງຄວາມຂອບໃຈຕໍ່ UNESCAP ທີ່ໄດ້ໃຫ້ການຊ່ວຍເຫຼືອ ສຳລັບໂຄງການປັບປຸງລະບົບການຂັບຂີ່ໃນ ສປປ ລາວ(Improving Driving License in Lao PDR), ໃຫ້ການຊ່ວຍເຫຼືອຈັດສຳມະນາສ້າງຂີດຄວາມສາມາດ ກ່ຽວກັບການຂົນສົ່ງທາງລົດໄຟລະຫວ່າງປະເທດ ສຳລັບ ສປປ ລາວ (Capacity Building Workshop on Strengthening International Railway Transport in Lao PDR) ແລະ ໃຫ້ການສະໜັບສະໜູນ ສປປ ລາວ ໄດ້ເຂົ້າເປັນສະມາຊິກຂອງອົງການເພື່ອການຮ່ວມມືທາງລົດໄຟ (OSJD).
ສຳລັບການຮ່ວມມືໃນຕໍ່ໜ້າ ທັງສອງຝ່າຍເຫັນດີເປັນເອກະພາບໃຫ້ຊ່ຽວຊານຂອງ UNESCAP ຊ່ວຍທົບທວນບັນດານິຕິກຳ ກ່ຽວກັບທ່າບົກ, ເຂດໂລຈີສຕິກ ແລະ ເຂດເສດຖະກິດປິ່ນອ້ອມ ເນື່ອງຈາກ UNESCAP ເປັນຜູ້ລິເລີ່ມ ແລະ ມີປະສົບການກ່ຽວກັບ ສັນຍາລະຫວ່າງປະເທດວ່າດ້ວຍທ່າບົກ (Intergovernmental Agreement on Dry Ports). ພ້ອມດຽວກັນນີ້, ທ່ານ ລັດຖະມົນຕີ ຍັງໄດ້ສະເໜີຂໍການຊ່ວຍເຫຼືອເພີ່ມຕື່ມໃນວຽກງານຄວາມປອດໄພຕາມທ້ອງຖະໜົນເພື່ອເຮັດໃຫ້ ສປປ ລາວ ສາມາດບັນລຸໄດ້ເປົ້າໝາຍ 2030 ໃນການຫຼຸດຜ່ອນອັດຕາການເສຍຊີວິດຈາກອຸບັດເຫດລົງໃຫ້ໄດ້ 50%.
(ຂ່າວ-ພາບ:ຍທຂ)
ໃນໂອກາດນີ້, ທ່ານ ງາມປະສົງ ເມືອງມະນີ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ນາງ Armida Salsiah ALISIJABANA ແລະ ຄະນະ ທີ່ໄດ້ເດີນທາງມາຢ້ຽມຢາມ ສປປ ລາວ ໃນຄັ້ງນີ້ ຊຶ່ງຈະເປັນຂີດໝາຍສຳຄັນຂອງການຮ່ວມມື ລະຫວ່າງ ກະຊວງໂຍທາທິການ ແລະ ຂົນສົ່ງ ແລະ UNESCAP ໂດຍສະເພາະໃນຂົງເຂດທາງລົດໄຟ, ການພັດທະນາສິ່ງອໍານວຍຄວາມສະດວກດ້ານໂລຈີສຕິກ, ການພັດທະນາຕົວເມືອງອັດສະລິຍະ ແລະ ຄວາມປອດໄພຕາມທ້ອງຖະໜົນ.
ທ່ານລັດຖະມົນຕີ ໄດ້ຖືໂອກາດດັ່ງກ່າວສະແດງຄວາມຂອບໃຈຕໍ່ UNESCAP ທີ່ໄດ້ໃຫ້ການຊ່ວຍເຫຼືອ ສຳລັບໂຄງການປັບປຸງລະບົບການຂັບຂີ່ໃນ ສປປ ລາວ(Improving Driving License in Lao PDR), ໃຫ້ການຊ່ວຍເຫຼືອຈັດສຳມະນາສ້າງຂີດຄວາມສາມາດ ກ່ຽວກັບການຂົນສົ່ງທາງລົດໄຟລະຫວ່າງປະເທດ ສຳລັບ ສປປ ລາວ (Capacity Building Workshop on Strengthening International Railway Transport in Lao PDR) ແລະ ໃຫ້ການສະໜັບສະໜູນ ສປປ ລາວ ໄດ້ເຂົ້າເປັນສະມາຊິກຂອງອົງການເພື່ອການຮ່ວມມືທາງລົດໄຟ (OSJD).
ສຳລັບການຮ່ວມມືໃນຕໍ່ໜ້າ ທັງສອງຝ່າຍເຫັນດີເປັນເອກະພາບໃຫ້ຊ່ຽວຊານຂອງ UNESCAP ຊ່ວຍທົບທວນບັນດານິຕິກຳ ກ່ຽວກັບທ່າບົກ, ເຂດໂລຈີສຕິກ ແລະ ເຂດເສດຖະກິດປິ່ນອ້ອມ ເນື່ອງຈາກ UNESCAP ເປັນຜູ້ລິເລີ່ມ ແລະ ມີປະສົບການກ່ຽວກັບ ສັນຍາລະຫວ່າງປະເທດວ່າດ້ວຍທ່າບົກ (Intergovernmental Agreement on Dry Ports). ພ້ອມດຽວກັນນີ້, ທ່ານ ລັດຖະມົນຕີ ຍັງໄດ້ສະເໜີຂໍການຊ່ວຍເຫຼືອເພີ່ມຕື່ມໃນວຽກງານຄວາມປອດໄພຕາມທ້ອງຖະໜົນເພື່ອເຮັດໃຫ້ ສປປ ລາວ ສາມາດບັນລຸໄດ້ເປົ້າໝາຍ 2030 ໃນການຫຼຸດຜ່ອນອັດຕາການເສຍຊີວິດຈາກອຸບັດເຫດລົງໃຫ້ໄດ້ 50%.
(ຂ່າວ-ພາບ:ຍທຂ)
