ອົງການໄອຍະການປະຊາຊົນສູງສຸດ(ອອປສ)ຮ່ວມກັບສະຖາບັນຊ່ວຍເຫຼືອທາງດ້ານກົດໝາຍແລະວິຊາການແຫ່ງຣາຊະອານາຈັກລຸກຊໍາບວກໄດ້ຈັດກອງປະຊຸມທາບທາມຮ່າງປຶ້ມຄູ່ມືວ່າດ້ວຍການຮ່ວມມືລະຫວ່າງປະເທດທາງອາຍາຂຶ້ນໃນລະຫວ່າງວັນທີ 6-7 ກຸມພາຜ່ານມາ ທີ່ໂຮງແຮມເມືອງແທັງ ນະຄອນຫຼວງວຽງຈັນໂດຍພາຍໃຕ້ການເປັນປະທານຮ່ວມຂອງທ່ານ ຄຳເພັດ ສົມວໍລະຈິດ ຄະນະປະຈໍາພັກ ຮອງຫົວໜ້າອົງການໄອຍະການປະຊາຊົນສູງສຸດ,ມີຜູ້ຊ່ຽວຊານຈາກໂຄງການ, ຄະນະຄົ້ນຄວ້າທີ່ມາຈາກອົງການໄອຍະການປະຊາຊົນ, ອົງການໄອຍະການທະຫານ, ກະຊວງຍຸຕິທຳ, ກະຊວງການຕ່າງປະເທດ, ສານປະຊາຊົນສູງສຸດ, ກະຊວງປ້ອງກັນຄວາມສະຫງົບ, ກະຊວງການເງິນ, ອົງການກວດກາລັດຖະບານ ແລະ ກະຊວງກະສິກຳເຂົ້າຮ່ວມ.
ທ່ານ ຄຳເພັດ ສົມວໍລະຈິດ ໄດ້ກ່າວວ່າ:ປຶ້ມຄູ່ມືດັ່ງກ່າວສຸດທີ່ມີຄວາມສໍາຄັນ, ເປັນເຄື່ອງມືໃນການດຳເນີນຄະດີອາຍາຂອງອົງການດຳເນີນຄະດີອາຍາ, ການປະກອບຫຼັກຖານໃນຄະດີອາຍາ, ຕ້ານ ແລະ ສະກັດກັ້ນອາຊະຍາກໍາຂ້າມຊາດຢ່າງມີປະສິິດທິຜົນ, ເປັນການຈັດຕັ້ງຜັນຂະຫຍາຍສົນທິສັນຍາສາກົນໃນຂົງເຂດອາຊະຍາກຳຂ້າມຊາດ,ການສໍ້ລາດບັງຫຼວງ,ການກໍ່ການຮ້າຍ,ສິດທິມະນຸດ,ຢາເສບຕິດ ກໍຄືສົນທິສັນຍາອື່ນຂອງສະຫະປະຊາຊາດ, ສົນທິສັນຍາອາຊຽນກ່ຽວກັບການຮ່ວມມືລະຫວ່າງປະເທດທາງອາຍາ, ກົດໝາຍວ່າດ້ວຍການຮ່ວມມືທາງອາຍາຂອງສປປ ລາວ ເຂົ້າສູ່ຊີວິດຕົວຈິງຢ່າງມີຊີວິດຊີວາໂດຍປະກອບດ້ວຍ 3 ພາກຄື: ພາກທີ I ຄວາມຮູ້ພື້ນຖານກ່ຽວກັບການຮ່ວມມືທາງອາຍາ, ພາກທີ II ການພິຈາລະນາການຮ່ວມມືທາງອາຍາຂອງຕ່າງປະເທດ ແລະ ພາກທີ III ການຮ້ອງຂໍໃຫ້ຕ່າງປະເທດຮ່ວມມືທາງອາຍາເມື່ອສ້າງສຳເລັດແລ້ວຈະເປັນພື້ນຖານສຳຄັນໃຫ້ການພິຈາລະນາການຮ່ວມມືທາງອາຍາກັບຕ່າງປະເທດຂອງອົງການສືບສວນ-ສອບສວນ, ອົງການໄອຍະການປະຊາຊົນ, ສານປະຊາຊົນແລະອົງການອື່ນທີ່ກ່ຽວຂ້ອງ, ຮັບປະກັນການດໍາເນີນຄະດີອາຍາຢູ່ປະເທດເຮົາຢ່າງຖືກຕ້ອງ, ຍຸຕິທຳ; ຜູ້ກະທໍາຜິດຖືກລົງໂທດຕາມກົດໝາຍ, ຜູ້ບໍ່ໄດ້ກະທຳຜິດບໍ່ຖືກລົງໂທດ, ຕ້ານແລະສະກັດກັ້ນການກະທຳຜິດ, ອາຊະຍາກໍາຂ້າມຊາດປົກປ້ອງຜົນປະໂຫຍດຂອງລັດລວມໝູ່,ສິດແລະຜົນປະໂຫຍດອັນຊອບທຳຂອງພົນລະເມືອງພ້ອມທັງສຶກສາອົບຮົມພົນລະເມືອງໃຫ້ເຄົາລົບແລະປະຕິບັດກົດໝາຍແນໃສ່ເຮັດໃຫ້ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ສ້າງເງື່ອນໄຂໃຫ້ປະຊາຊົນລາວບັນດາເຜົ່າປະກອບສ່ວນເຂົ້າໃນການປົກປັກຮັກສາແລະພັດທະນາປະເທດຊາດຢ່າງເຕັມສ່ວນ.
ຂ່າວ-ພາບ: ສຸກ ອອປສ
ທ່ານ ຄຳເພັດ ສົມວໍລະຈິດ ໄດ້ກ່າວວ່າ:ປຶ້ມຄູ່ມືດັ່ງກ່າວສຸດທີ່ມີຄວາມສໍາຄັນ, ເປັນເຄື່ອງມືໃນການດຳເນີນຄະດີອາຍາຂອງອົງການດຳເນີນຄະດີອາຍາ, ການປະກອບຫຼັກຖານໃນຄະດີອາຍາ, ຕ້ານ ແລະ ສະກັດກັ້ນອາຊະຍາກໍາຂ້າມຊາດຢ່າງມີປະສິິດທິຜົນ, ເປັນການຈັດຕັ້ງຜັນຂະຫຍາຍສົນທິສັນຍາສາກົນໃນຂົງເຂດອາຊະຍາກຳຂ້າມຊາດ,ການສໍ້ລາດບັງຫຼວງ,ການກໍ່ການຮ້າຍ,ສິດທິມະນຸດ,ຢາເສບຕິດ ກໍຄືສົນທິສັນຍາອື່ນຂອງສະຫະປະຊາຊາດ, ສົນທິສັນຍາອາຊຽນກ່ຽວກັບການຮ່ວມມືລະຫວ່າງປະເທດທາງອາຍາ, ກົດໝາຍວ່າດ້ວຍການຮ່ວມມືທາງອາຍາຂອງສປປ ລາວ ເຂົ້າສູ່ຊີວິດຕົວຈິງຢ່າງມີຊີວິດຊີວາໂດຍປະກອບດ້ວຍ 3 ພາກຄື: ພາກທີ I ຄວາມຮູ້ພື້ນຖານກ່ຽວກັບການຮ່ວມມືທາງອາຍາ, ພາກທີ II ການພິຈາລະນາການຮ່ວມມືທາງອາຍາຂອງຕ່າງປະເທດ ແລະ ພາກທີ III ການຮ້ອງຂໍໃຫ້ຕ່າງປະເທດຮ່ວມມືທາງອາຍາເມື່ອສ້າງສຳເລັດແລ້ວຈະເປັນພື້ນຖານສຳຄັນໃຫ້ການພິຈາລະນາການຮ່ວມມືທາງອາຍາກັບຕ່າງປະເທດຂອງອົງການສືບສວນ-ສອບສວນ, ອົງການໄອຍະການປະຊາຊົນ, ສານປະຊາຊົນແລະອົງການອື່ນທີ່ກ່ຽວຂ້ອງ, ຮັບປະກັນການດໍາເນີນຄະດີອາຍາຢູ່ປະເທດເຮົາຢ່າງຖືກຕ້ອງ, ຍຸຕິທຳ; ຜູ້ກະທໍາຜິດຖືກລົງໂທດຕາມກົດໝາຍ, ຜູ້ບໍ່ໄດ້ກະທຳຜິດບໍ່ຖືກລົງໂທດ, ຕ້ານແລະສະກັດກັ້ນການກະທຳຜິດ, ອາຊະຍາກໍາຂ້າມຊາດປົກປ້ອງຜົນປະໂຫຍດຂອງລັດລວມໝູ່,ສິດແລະຜົນປະໂຫຍດອັນຊອບທຳຂອງພົນລະເມືອງພ້ອມທັງສຶກສາອົບຮົມພົນລະເມືອງໃຫ້ເຄົາລົບແລະປະຕິບັດກົດໝາຍແນໃສ່ເຮັດໃຫ້ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ສ້າງເງື່ອນໄຂໃຫ້ປະຊາຊົນລາວບັນດາເຜົ່າປະກອບສ່ວນເຂົ້າໃນການປົກປັກຮັກສາແລະພັດທະນາປະເທດຊາດຢ່າງເຕັມສ່ວນ.
ຂ່າວ-ພາບ: ສຸກ ອອປສ
