ກອງປະຊຸມ ສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2023 ຂອງເມືອງບໍ່ແຕນ ແຂວງໄຊຍະບູລີ ໄດ້ຈັດຂຶ້ນໃນເມື່ອບໍ່ ຢູ່ທີ່ຫ້ອງປະຊຸມຂອງເມືອງ ໂດຍການເຂົ້າຮ່ວມຂອງທ່ານ ບຸນທອງ ວັນນາ ຮອງເຈົ້າເມືອງບໍ່ແຕນ, ມີບັນດາຫົວໜ້າ, ຮອງຫົວໜ້າຫ້ອງການກ່ຽວຂ້ອງທົ່ວເມືອງເຂົ້າຮ່ວມ.

ໃນກອງປະຊຸມ, ທ່ານ ວັນໄຊຈັນທະມາດ ຮອງຫົວໜ້າຫ້ອງການ-ການເງິນ ໄດ້ຜ່ານ ບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2023 ແລະ ທິດທາງແຜນງົບປະມານ ປະຈໍາປີ 2024 ວ່າ: ຜ່ານມາຫ້ອງການ-​ການ​ເງິນ​ໄດ້​ເອົາ​ໃຈ​ໃສ່​ຊີ້​ນຳໆ​ພາໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຕາມ​ຄວາມ​ຮັບ​ຜິດ​ຊອບຢ່າງ​ໃກ້​​ຊິດ​ຕິດ​ແທດ ​ຢູ່​ແຕ່​ລ​ະ​ຂະ​ແໜງ​ການ​ຮັບ​ຜິດ​ຊອບ ນັບ​ທັງ​ຂັ້ນ​​ເມືອງ ແລະ ຂັ້ນບ້ານ ໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານຄຸ້ມ​ຄອງ​ລາຍ​ຮັບ​ງົບ​ປະ​ມານ​ ໂດຍຫັນ​ເປັນ​ທັນ​ສະ​ໄໝ ແລະ ປະ​ຕິ​ບັດ​ລາຍ​ຈ່າຍ​ຕາມ​ແຜນ​ທີ່​ສະ​ພາ​ຮັບ​ຮອງໃຫ້​​​ບັນ​ລຸ​ຕາມ​ຄາດ​ໝາຍ​ແຜນ​ການຄື: ດ້ານລາຍຮັບໃນປີ 2023 ປະ​ຕິ​ບັດໄດ້​ທັງ​ໜົດ 3,872 ລ້ານ​ກີບ ​ເທົ່າ​ກັບ 126,43 % ຂອງ​ແຜນການ​ປີ​,(ລື່ນແຜນການ 24,31% ເປັນເງິນລື່ນ 757 ລ້ານກີບ), ທຽບໃສ່ໄລຍະດຽວກັນຂອງປີຜ່ານມາເທົ່າກັບ 757 ລ້ານກີບ. ໃນນີ້; ລາຍຮັບພູດເມືອງຄຸ້ມຄອງ ປະຕິບັດ​ໄດ້​ທັງ​ໝົດ 2,817 ລ້ານກີບ ເທົ່າ​ກັບ150,08% ຂອງ​ແຜນການ​ປີ, ທຽບໃສ່ໄລຍະດຽວກັນຂອງປີຜ່ານມາ ເທົ່າກັບ 39,87%. ດ້ານລາຍຈ່າ ປະ​ຕິ​ບັດໄດ້ທັງໝົດ 2,496 ລ້ານກີບ ເທົ່າກັບ 99,95% ຂອງແຜນເບື້ອງ​ຕົ້ນ. ກອງປະຊຸມດັ່ງກ່າວຍັງໄດ້ເຊື່ອມຊຶມບັນດາເອກະສານ, ນິຕິກຳຕ່າງໆ, ພ້ອມກັນກຳນົດທິດທາງແຜນການ, ມາດຕະການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2024.

(ຂ່າວ-ພາບ: ສາຍຄຳ ບຸນບາວົງ)