ຄະນະສາທາລະນະສຸກສາດ ມະຫາວິທະຍາໄລ ວິທະຍາສາດສຸຂະພາບ (ມວສ) ກະຊວງສາທາລະ ນະສຸກ ພ້ອມດ້ວຍພະນັກ ງານຄູ-ອາຈານ, ນັກສຶກສາ ໄດ້ນໍາເອົາເຄື່ອງອຸປະກອນການຮຽນ-ການສອນ ແລະ ເຄື່ອງກິລາໃນມູນຄ່າ 18.800.000 ກີບ ມອບໃຫ້ແກ່ໂຮງຮຽນປະຖົມສົມບູນບ້ານໃໝ່ນາຈະ ເລີນ ເມືອງສັງທອງ ນະ ຄອນຫຼວງວຽງຈັນ ພິທີດັ່ງກ່າວໄດ້ຈັດຂຶ້ນໃນວັນທີ 10 ກຸມພາຜ່ານມາ ໃຫ້ກຽດກ່າວມອບໂດຍທ່ານ ນາງ ວັນພະນອມ ສີຈະ ເລີນ ຄະນະບໍດີ ຄະນະສາທາລະນະສຸກສາດ ມວສ ກະຊວງສາທາລະ ນະສຸກ, ໃຫ້ກຽດກ່າວຮັບໂດຍທ່ານ ບຸນແຍງ ໄຊຍະວົງ ຜູ້ອໍານວຍການໂຮງ ຮຽນປະຖົມສຶກສາສົມບູນ ບ້ານໃໝ່ນາຈະເລີນ ມີພະນັກງານຄູ-ອາຈານ, ນັກສຶກສາ ແລະ ນັກຮຽນເຂົ້າຮ່ວມ. ເພື່ອເປັນການປະກອບສ່ວນຊຸກຍູ້ເຂົ້າໃນການຮໍ່າຮຽນ ແລະ ການ ເຄື່ອນໄຫວກິດຈະກໍາກິລາຂອງໂຮງຮຽນດັ່ງກ່າວ.

ເຄື່ອງທີ່ນໍາມາມອບໃນຄັ້ງນີ້ ປະກອບມີປື້ມແບບ ຮຽນວິຊາພາສາລາວປໍ1 ຫາ ປໍ 5 ຈໍານວນ 120 ຫົວ; ປື້ມແບບຮຽນວິຊາຄະນິດສາປໍ 1 ຫາປໍ 5 ຈໍານວນ 75 ຫົວ; ປື້ມແບບ ຮຽນວິຊາຄຸນສົມບັດປໍ 1 ຫາ ປໍ 5 ຈໍານວນ 95 ຫົວ; ປຶ້ມແບບຮຽນວິຊາສິ່ງແວດ ລ້ອມ ປໍ1 ຫາ ປໍ 5 ຈໍານວນ 75 ຫົວ; ປຶ້ມແບບ ຮຽນວິຊາພາສາອັງກິດ ປໍ4 ຫາ ປໍ5ຈໍານວນ 40 ຫົວ. ປື້ມແບບຮຽນວິຊາສັງຄົມສຶກສາ ປໍ4 ຫາ ປໍ 5 ຈໍານວນ 40 ຫົວ; ບິກ-ສໍດໍາ ພ້ອມດ້ວຍຊຸດກິລາເດັກ ນ້ອຍ, ບານເຕະ, ບານສົ່ງ, ກະຕໍ້ ແລະ ອື່ນໆ.

ຂ່າວ: ຍຸພິນທອງ (ຂໍ້ມູນ ຄະນະສາທາລະນະສຸກສາດ ມວສ)