ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີຜູ້ຊີ້ນໍາວຽກງານຂົງເຂດປົກຄອງ ແລະວັດທະນະທໍາ-ສັງຄົມໄດ້ເຂົ້າຮ່ວມ ແລະ ໂອ້ລົມຕໍ່ກອງປະຊຸມສະຫຼຸບວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ປະຈໍາປີ 2023 ແລະ ທິດທາງແຜນການປີ 2024 ໃນວັນທີ 13 ກຸມພານີ້ ທີ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນໂດຍການເປັນປະທານຂອງທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ, ມີຫົວໜ້າກົມ-ຮອງກົມ; ຫົວໜ້າພະແນກ-ຮອງພະແນກຈາກສູນກາງ ແລະ ທ້ອງຖິ່ນເຂົ້າຮ່ວມ.
ໃນໂອກາດເຂົ້າຮ່ວມກອງປະຊຸມຄັ້ງນີ້, ທ່ານຮອງນາຍົກລັດຖະມົນຕີໄດ້ເນັ້ນໃຫ້ຂະແໜງ ຖວທ ເອົາໃຈໃສ່ບາງວຽກຕົ້ນຕໍເປັນຕົ້ນວຽກງານກໍ່ສ້າງພັກ, ວຽກງານການຈັດຕັ້ງ ແລະ ວຽກງານວິຊາສະເພາະ ຊຶ່ງໄດ້ສະເໜີໃຫ້ເອົາໃຈໃສ່ວຽກງານກໍ່ສ້າງພັກຖືສຳຄັນ ແລະ ເອົາໃຈໃສ່ການກໍ່ສ້າງພັກທາງດ້ານການເມືອງໂດຍນຳໃຊ້ຫຼາຍຮູບການ, ວິທີການທີ່ອຸດົມສົມບູນສອດຄ່ອງເໝາະສົມ ເພື່ອໂຄສະນາເຜີຍແຜ່, ສຶກສາອົບຮົມພະນັກງານ, ສະມາຊິກພັກໃຫ້ຮັບຮູ້, ເຂົ້າໃຈ, ກຳແໜ້ນເຊື່ອມຊຶມແນວທາງ, ແຜນນະໂຍບາຍ, ມະຕິຄຳສັ່ງຂອງພັກ, ລະບຽບກົດໝາຍຂອງລັດໃນແຕ່ລະໄລຍະ. ບົນພື້ນຖານເປັນເຈົ້າການຜັນຂະຫຍາຍ ແລະ ກຳນົດໜ້າທີ່ການເມືອງຂອງພັກແຕ່ລະຂັ້ນ) ແລະ ແຕ່ລະສະຫາຍຢ່າງຖືກຕ້ອງ ແລະ ຕັດສິນໃຈເດັດດ່ຽວປະຕິບັດໃຫ້ປະກົດຜົົນເປັນຈິງ; ເປັນເຈົ້າການກໍ່ສ້າງພັກທາງດ້ານແນວຄິດ, ສຳຄັນກວ່າໝູ່ແມ່ນໃຫ້ເອົາໃຈໃສ່ປັບປຸງຍົກລະດັບທິດສະດີການເມືອງ-ການປົກຄອງ, ໂດຍສະເພາະແມ່ນທິດສະດີມາກ-ເລນິນ, ທິດສະດີທີ່ກ້າວໜ້າອື່ນໆ, ທິດສະດີການເມືອງ ແລະ ມູນເຊື້ອຂອງພັກເຮົາ, ແນວຄິດໄກສອນ ພົມວິຫານ ແລະ ບົດຮຽນທີ່ດີຂອງປະເທດເພື່ອນມິດ ດ້ວຍຮູບການຈັດຕັ້ງຝຶກອົບຮົມ ຍົກລະດັບຢູ່ພາຍໃນ ແລະ ຕ່າງປະເທດ ທັງປັບປຸງຍົກສູງຄວາມເຊື່ອໝັ້ນຢ່າງຕາຍໃຈ ຄວາມເປັນເອກະພາບສູງກັບແນວທາງ, ທິດທາງທີ່ພັກ, ລັດວາງອອກ, ບົນພື້ນຖານສ້າງຄວາມຕັດສິນໃຈເດັດດ່ຽວຈັດຕັ້ງໃຫ້ເກີດເປັນຈິງ; ຍູ້ແຮງຄວາມຕື່ນຕົວເປັນເຈົ້າການຝຶກຝົນຫຼໍ່ຫຼອມຕົນເອງຂອງສະມາຊິກພັກດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຄວາມຮູ້-ຄວາມສາມາດ, ແບບແຜນວິທີນຳພາ ແລະ ແບບແຜນວິທີເຮັດວຽກ; ເອົາໃຈໃສ່ຈົດຈໍ່ຕໍ່ການກໍ່ສ້າງພັກທາງດ້ານການຈັດຕັ້ງ. ໃນນັ້ນ, ອັນເປັນກົກແມ່ນປະຕິບັດເຂັ້ມງວດ 5 ຫຼັກການ 3 ທິດນຳແຫ່ງການຈັດຕັ້ງຂອງພັກ(ໂດຍເລີ່ມຈາກຄະນະພັກ, ຄະນະປະຈຳເປັນກົກ); ຕັ້ງໜ້າປັບປຸງແບບແຜນນຳພາຂອງອົງຄະນະພັກ ເປັນຕົ້ນ ພັກນຳພາດ້ວຍແນວທາງ ແລະ ລະບຽບກົດໝາຍຕິດພັນກັບການຂະຫຍາຍຄວາມເປັນແບບຢ່າງນຳໜ້າຂອງພັກເປັນຕົ້ນປະຕິບັດແນວທາງ, ແບບຢ່າງໃນການປະຕິບັດລະບຽບກົດໝາຍ; ການປ່ຽນແປງແກ້ໄຂຂໍ້ຂາດຕົກບົກພ່ອງ ແລະ ການນຳພາແຫ່ງການຝຶກຝົນຫຼໍ່ຫຼອມຕົນເອງໃຫ້ດີຂຶ້ນ. ບັນຫາໜຶ່ງໃນວຽກງານພັກ ແມ່ນຕ້ອງເອົາໃຈໃສ່ວຽກພະນັກງານ, ອົງຄະນະພັກຕ້ອງປັບປຸງຢ່າງຈິງຈັງວຽກງານພະນັກງານ ເປັນປັດໄຈສ້າງການຫັນປ່ຽນຢ່າງແຂງແຮງ ເລິກເຊິ່ງ ໃນທຸກຂອດຂອງວຽກງານພະນັກງານ. ນັບແຕ່ການສ້າງ ແລະ ປະຕິບັດແຜນກຳນົດພະນັກງານ; ການເລືອກເຟັ້ນ ແລະ ສັບຊ້ອນພະນັກງານ; ການປະຕິບັດນະໂຍບາຍ ແລະ ສະຫວັດດີການຕໍ່ພະນັກງານ; ການເພີ່ມທະວີການຄຸ້ມຄອງຕິດຕາມກວດກາ ແລະ ປະຕິບັດວິໃນຕໍ່ພະນັກງານຢ່າງຖືກຕ້ອງເຂັ້ມງວດ....ເຮັດໄດ້ແນວນັ້ນ ພວກເຮົາຈຶ່ງຈະສາມາດຍົກສູງບົດບາດພະນັກງານທີ່ເປັນປັດໄຈຕັດສິນ ຫັນເຂົ້າສູ່ການຈັດຕັ້ງປະຕິບັດແນວທາງນະໂຍບາຍຂອງພັກ, ລັດ; ເປັນຂໍກຸນແຈແຫ່ງການປະຕິບັດບົດບາດນຳພາຂອງພັກ ແລະ ພາລະກິດຂອງພັກເຮົາຕໍ່ວຽກງານທັງໝົດຂອງ ຖວທ.
ພ້ອມນີ້, ໃຫ້ເອົາໃຈໃສ່ປັບປຸງດ້ານກົງຈັກການຈັດຕັ້ງ ແລະ ການກໍ່ສ້າງບຸກຄາລະກອນຢ່າງຈະແຈ້ງ, ຮັດກຸມ ແລະ ສອດຄ່ອງກັບໜ້າວຽກຕົວຈິງ, ຍົກລະດັບຄວາມຮູ້-ຄວາມສາມາດຂອງພະນັກງານ-ລັດຖະກອນທາງດ້ານທິດສະດີ ແລະ ວິຊາສະເພາະ ເພື່ອຮັບໃຊ້ໜ້າທີ່ການເມືອງໄປຕາມທິດພະນັກງານສືບທອດປ່ຽນແທນແຕ່ລະໄລຍະ, ກວດກາເບິ່ງຄືນບ່ອນໃດພະນັກງານເຫຼືອບໍ່ພໍ, ພະນັກງານບໍ່ມີຄຸນນະພາບກໍຕ້ອງແກ້ໄຂໃຫ້ໄວຄຽງຄູ່ກັບການສັບຊ້ອນຈັດວາງ, ຍົກຍ້າຍພະນັກງານຕາມຄວາມຮຽກຮ້ອງຕ້ອງການຂອງວຽກງານຕົວຈິງ ແລະ ແທດເໝາະກັບຄວາມຮູ້, ຄວາມສາມາດວິຊາສະເພາະ ຜູ້ໜຶ່ງຕ້ອງເຮັດໄດ້ຫຼາຍວຽກ ຍ້ອນປັດຈຸບັນໂກຕ້າພະນັກງານ-ລັດຖະກອນມີຈຳກັດຫຼາຍ; ເອົາໃຈໃສ່ຄົ້ນຄວ້າ, ສ້າງ ແລະ ປັບປຸງນິຕິກຳ ເພື່ອເປັນເຄື່ອງມືຄຸ້ມຄອງລັດ-ຄຸ້ມຄອງສັງຄົມ ຖືວ່າເປັນວຽກງານຈຸດສຸມອັນໜຶ່ງທີ່ກະຊວງ ຖວທ ຈະຕ້ອງໄດ້ສືບຕໍ່ຄົ້ນຄວ້າ ເບິ່ງຄືນວ່າ ມາຮອດປັດຈຸບັນພວກເຮົາມີກົດໝາຍຈັກສະບັບ ແລະ ລະບຽບການອັນໃດແດ່ແລ້ວ ທີ່ນຳໃຊ້ເຂົ້າໃນວຽກງານຕົວຈິງ ແລະ ມີຄວາມແທດເໝາະແລ້ວບໍ ຫຼື ມີຄວາມຈຳເປັນຕ້ອງໄດ້ປັບປຸງ, ອັນໃດບໍ່ທັນມີຈະຕ້ອງໄດ້ສ້າງຂຶ້ນໃໝ່ ເພື່ອນຳສະເໜີໄປຫາລັດຖະບານພິຈາລະນາ; ສືບຕໍ່ເອົາໃຈໃສ່ວຽກງານເສນາທິການຮັບໃຊ້ໃນລະບົບກົງຈັກພາຍໃນກະຊວງ, ທ້ອງຖິ່ນໃຫ້ປະສານກົມກຽວກັນຫຼາຍຂຶ້ນ ທັງຮັບປະກັບຄວາມປອດໄພ, ວ່ອງໄວ ແລະ ຖືກຕ້ອງຕາມທິດ(ແນວທາງນະໂຍບາຍ) ແລະ ລະບຽບກົດໝາຍຂອງບ້ານເມືອງ.
ໂອກາດນີ້, ທ່ານ ກິແກ້ວ ໄຂຄຳພິທູນ ຍັງໄດ້ເນັ້ນຕື່ມອີກວ່າ: ໃຫ້ເອົາໃຈໃສ່ປັບປຸງຍົກລະດັບວຽກງານສື່ມວນຊົນໃຫ້ທັນສະໄໝ ດ້ວຍການຫັນປ່ຽນຈາກລະບົບອານາລັອກໄປສູ່ລະບົບດີຈີຕອນ, ການຂະຫຍາຍຕາໜ່າງໂທລະໂຄ່ງໄປສູ່ຊຸມຊົນທ້ອງຖິ່ນເຂດຫ່າງໄກສອກຫຼີກໃຫ້ໄດ້ເຂົ້າເຖິງຂໍ້ມູນຂ່າວສານ, ນໍາໃຊ້ສື່ແບບໃໝ່ໃຫ້ຫຼາຍຂຶ້ນ ເພື່ອໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ກົດໝາຍຂອງລັດ, ຕອບຕ້ານການໂຄສະນາສິ່ງທີ່ບິດເບືອນຂໍ້ມູນຕົວຈິງຕໍ່ແນວທາງນະໂຍບາຍຂອງພັກ-ລັດ, ປັບປຸງເນື້ອຫາສາລະຂອງບົດຂ່າວ, ບົດຄວາມ, ບົດສາລະຄະດີ ແລະ ລາຍການບັນເທີງຕ່າງໆຕ້ອງໃຫ້ມີເນື້ອໃນໂນມນ້າວ, ດຶງດູດ, ຈູງໃຈຜູ້ອ່ານ, ຜູ້ຊົມ ແລະ ຜູ້ຟັງ; ຄົ້ນຄວ້າປະຕິບັດນະໂຍບາຍຍ້ອງຍໍສັນລະເສີນບຸກຄົນ, ສັງຄົມ ແລະ ໜ່ວຍງານທີ່ມີຜົນງານດີເດັ່ນຕາມຄວາມເປັນຈິງ; ບໍາລຸງສ້າງພະນັກງານໃນຖັນແຖວສື່ມວນຊົນທາງດ້ານເຕັກນິກວິຊາການ ແລະ ຈັນຍາບັນຂອງສື່ໃຫ້ມີຄວາມໜັກແໜ້ນເຂັ້ມແຂງ ພ້ອມທັງຍາດແຍ່ງເອົາການຮ່ວມມື, ການຊ່ວຍເຫຼືອຈາກພາຍໃນ ແລະ ຕ່າງປະເທດ. ເອົາໃຈໃສ່ຊຸກຍູ້ສົ່ງເສີມຂະບວນການສ້າງຄອບຄົວ ແລະ ບ້ານວັດທະນະທໍາຕ້ອງມີຄຸນນະພາບຢ່າງແທ້ຈິງ, ເສີມຂະຫຍາຍຄຸນຄ່າວັດທະນະທໍາທີ່ເປັນເອກະລັກຂອງຊາດ ແລະ ພັດທະນາຄວາມສີວິໄລດ້ານຈິດໃຈຂອງສັງຄົມ ບົນພື້ນຖານການອະນຸລັກຟື້ນຟູວັດທະນະທໍາ, ຮີດຄອງປະເພນີອັນດີງາມຂອງຊາດ ແລະ ຂອງເຜົ່າໄປພ້ອມກັບການແກ້ໄຂ-ຕີຖອຍສິ່ງຫຼ້າຫຼັງງົມງວາຍ; ສົ່ງເສີມເອກະລັກດ້ານສິລະປະວັນນະຄະດີ, ພູມປັນຍາເຂົ້າໃນການສ້າງຜະລິດຕະພັນວັດທະນະທໍາໃຫ້ມີຫຼາກຫຼາຍສີສັນ-ຫຼາຍຮູບແບບ; ເສີມຂະຫຍາຍ, ປົກປັກຮັກສາ, ຄຸ້ມຄອງມໍລະດົກວັດທະນະທໍາຂອງຊາດ ໂດຍສະເພາະສຸມໃສ່ການນໍາສະເໜີເອົາພູຫີນໜາມໜໍ່, ຟ້ອນລໍາວົງລາວ ແລະ ສິ້ນລາຍນາກລາວເຂົ້າເປັນມໍລະດົກໂລກ; ນອກຈາກນີ້, ຕ້ອງໄດ້ກໍ່ສ້າງພະນັກງານຜູ້ທີ່ມີພອນສະຫວັນທາງດ້ານວັດທະນະທໍາໃຫ້ມີການພັດທະນາດີຂຶ້ນໄປຄຽງຄູ່ກັບການປະຕິບັດນະໂຍບາຍຕໍ່ຜູ້ທີ່ມີຜົນງານຢ່າງສົມເຫດສົມຜົນ ແລະ ຖືກຕ້ອງຕາມຄວາມເປັນຈິງ. ເອົາໃຈໃສ່ໂຄສະນາ, ພັດທະນາ, ຄຸ້ມຄອງແຫຼ່ງທ່ອງທ່ຽວທາງດ້ານວັດທະນະທຳ, ປະຫວັດສາດ, ທຳມະຊາດ, ທ່ອງທ່ຽວກະສິກໍາ ແລະ ການທ່ອງທ່ຽວແບບຍືນຍົງປະຊາຊົນມີສ່ວນຮ່ວມ; ປະສານສົມທົບກັບພາກສ່ວນທີ່ກ່ຽວຂ້ອງທັງພາກລັດ ແລະ ບັນດາຫົວໜ່ວຍທຸລະກິດຈັດຕັ້ງປະຕິບັດແຜນຟື້ນຟູການທ່ອງທ່ຽວພາຍຫຼັງທີ່ໄດ້ເປີດປະເທດ, ຊຸກຍູ້ແນະນໍາບັນດາຫົວໜ່ວຍທຸລະກິດການທ່ອງທ່ຽວ ປັບປຸງສະຖານທີ່ທ່ອງທ່ຽວ ແລະ ການບໍລິການສະຖານທີ່ພັກແຮມ, ຮ້ານອາຫານໃຫ້ມີຄຸນນະພາບ, ສ້າງກິດຈະກຳ ແລະ ຜະລິດຕະພັນການທ່ອງທ່ຽວໃຫ້ມີຄວາມຫຼາກຫຼາຍຕິດພັນກັບການທ່ອງທ່ຽວວັດທະນະທຳຂອງບັນດາເຜົ່າ ແລະ ກະສິກຳເພື່ອສົ່ງເສີມການທ່ອງທ່ຽວ “ລາວທ່ຽວລາວ ຊົມໃຊ້ຜະລິດຕະພັນລາວ” ແລະ ຄຸ້ມຄອງບັນດາຫົວໜ່ວຍທຸລະກິດຕ່າງໆ ໃຫ້ເຂົ້າສູ່ລະບຽບການ.
ຂ່າວ-ພາບ: ຍຸພິນທອງ
ໃນໂອກາດເຂົ້າຮ່ວມກອງປະຊຸມຄັ້ງນີ້, ທ່ານຮອງນາຍົກລັດຖະມົນຕີໄດ້ເນັ້ນໃຫ້ຂະແໜງ ຖວທ ເອົາໃຈໃສ່ບາງວຽກຕົ້ນຕໍເປັນຕົ້ນວຽກງານກໍ່ສ້າງພັກ, ວຽກງານການຈັດຕັ້ງ ແລະ ວຽກງານວິຊາສະເພາະ ຊຶ່ງໄດ້ສະເໜີໃຫ້ເອົາໃຈໃສ່ວຽກງານກໍ່ສ້າງພັກຖືສຳຄັນ ແລະ ເອົາໃຈໃສ່ການກໍ່ສ້າງພັກທາງດ້ານການເມືອງໂດຍນຳໃຊ້ຫຼາຍຮູບການ, ວິທີການທີ່ອຸດົມສົມບູນສອດຄ່ອງເໝາະສົມ ເພື່ອໂຄສະນາເຜີຍແຜ່, ສຶກສາອົບຮົມພະນັກງານ, ສະມາຊິກພັກໃຫ້ຮັບຮູ້, ເຂົ້າໃຈ, ກຳແໜ້ນເຊື່ອມຊຶມແນວທາງ, ແຜນນະໂຍບາຍ, ມະຕິຄຳສັ່ງຂອງພັກ, ລະບຽບກົດໝາຍຂອງລັດໃນແຕ່ລະໄລຍະ. ບົນພື້ນຖານເປັນເຈົ້າການຜັນຂະຫຍາຍ ແລະ ກຳນົດໜ້າທີ່ການເມືອງຂອງພັກແຕ່ລະຂັ້ນ) ແລະ ແຕ່ລະສະຫາຍຢ່າງຖືກຕ້ອງ ແລະ ຕັດສິນໃຈເດັດດ່ຽວປະຕິບັດໃຫ້ປະກົດຜົົນເປັນຈິງ; ເປັນເຈົ້າການກໍ່ສ້າງພັກທາງດ້ານແນວຄິດ, ສຳຄັນກວ່າໝູ່ແມ່ນໃຫ້ເອົາໃຈໃສ່ປັບປຸງຍົກລະດັບທິດສະດີການເມືອງ-ການປົກຄອງ, ໂດຍສະເພາະແມ່ນທິດສະດີມາກ-ເລນິນ, ທິດສະດີທີ່ກ້າວໜ້າອື່ນໆ, ທິດສະດີການເມືອງ ແລະ ມູນເຊື້ອຂອງພັກເຮົາ, ແນວຄິດໄກສອນ ພົມວິຫານ ແລະ ບົດຮຽນທີ່ດີຂອງປະເທດເພື່ອນມິດ ດ້ວຍຮູບການຈັດຕັ້ງຝຶກອົບຮົມ ຍົກລະດັບຢູ່ພາຍໃນ ແລະ ຕ່າງປະເທດ ທັງປັບປຸງຍົກສູງຄວາມເຊື່ອໝັ້ນຢ່າງຕາຍໃຈ ຄວາມເປັນເອກະພາບສູງກັບແນວທາງ, ທິດທາງທີ່ພັກ, ລັດວາງອອກ, ບົນພື້ນຖານສ້າງຄວາມຕັດສິນໃຈເດັດດ່ຽວຈັດຕັ້ງໃຫ້ເກີດເປັນຈິງ; ຍູ້ແຮງຄວາມຕື່ນຕົວເປັນເຈົ້າການຝຶກຝົນຫຼໍ່ຫຼອມຕົນເອງຂອງສະມາຊິກພັກດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຄວາມຮູ້-ຄວາມສາມາດ, ແບບແຜນວິທີນຳພາ ແລະ ແບບແຜນວິທີເຮັດວຽກ; ເອົາໃຈໃສ່ຈົດຈໍ່ຕໍ່ການກໍ່ສ້າງພັກທາງດ້ານການຈັດຕັ້ງ. ໃນນັ້ນ, ອັນເປັນກົກແມ່ນປະຕິບັດເຂັ້ມງວດ 5 ຫຼັກການ 3 ທິດນຳແຫ່ງການຈັດຕັ້ງຂອງພັກ(ໂດຍເລີ່ມຈາກຄະນະພັກ, ຄະນະປະຈຳເປັນກົກ); ຕັ້ງໜ້າປັບປຸງແບບແຜນນຳພາຂອງອົງຄະນະພັກ ເປັນຕົ້ນ ພັກນຳພາດ້ວຍແນວທາງ ແລະ ລະບຽບກົດໝາຍຕິດພັນກັບການຂະຫຍາຍຄວາມເປັນແບບຢ່າງນຳໜ້າຂອງພັກເປັນຕົ້ນປະຕິບັດແນວທາງ, ແບບຢ່າງໃນການປະຕິບັດລະບຽບກົດໝາຍ; ການປ່ຽນແປງແກ້ໄຂຂໍ້ຂາດຕົກບົກພ່ອງ ແລະ ການນຳພາແຫ່ງການຝຶກຝົນຫຼໍ່ຫຼອມຕົນເອງໃຫ້ດີຂຶ້ນ. ບັນຫາໜຶ່ງໃນວຽກງານພັກ ແມ່ນຕ້ອງເອົາໃຈໃສ່ວຽກພະນັກງານ, ອົງຄະນະພັກຕ້ອງປັບປຸງຢ່າງຈິງຈັງວຽກງານພະນັກງານ ເປັນປັດໄຈສ້າງການຫັນປ່ຽນຢ່າງແຂງແຮງ ເລິກເຊິ່ງ ໃນທຸກຂອດຂອງວຽກງານພະນັກງານ. ນັບແຕ່ການສ້າງ ແລະ ປະຕິບັດແຜນກຳນົດພະນັກງານ; ການເລືອກເຟັ້ນ ແລະ ສັບຊ້ອນພະນັກງານ; ການປະຕິບັດນະໂຍບາຍ ແລະ ສະຫວັດດີການຕໍ່ພະນັກງານ; ການເພີ່ມທະວີການຄຸ້ມຄອງຕິດຕາມກວດກາ ແລະ ປະຕິບັດວິໃນຕໍ່ພະນັກງານຢ່າງຖືກຕ້ອງເຂັ້ມງວດ....ເຮັດໄດ້ແນວນັ້ນ ພວກເຮົາຈຶ່ງຈະສາມາດຍົກສູງບົດບາດພະນັກງານທີ່ເປັນປັດໄຈຕັດສິນ ຫັນເຂົ້າສູ່ການຈັດຕັ້ງປະຕິບັດແນວທາງນະໂຍບາຍຂອງພັກ, ລັດ; ເປັນຂໍກຸນແຈແຫ່ງການປະຕິບັດບົດບາດນຳພາຂອງພັກ ແລະ ພາລະກິດຂອງພັກເຮົາຕໍ່ວຽກງານທັງໝົດຂອງ ຖວທ.
ພ້ອມນີ້, ໃຫ້ເອົາໃຈໃສ່ປັບປຸງດ້ານກົງຈັກການຈັດຕັ້ງ ແລະ ການກໍ່ສ້າງບຸກຄາລະກອນຢ່າງຈະແຈ້ງ, ຮັດກຸມ ແລະ ສອດຄ່ອງກັບໜ້າວຽກຕົວຈິງ, ຍົກລະດັບຄວາມຮູ້-ຄວາມສາມາດຂອງພະນັກງານ-ລັດຖະກອນທາງດ້ານທິດສະດີ ແລະ ວິຊາສະເພາະ ເພື່ອຮັບໃຊ້ໜ້າທີ່ການເມືອງໄປຕາມທິດພະນັກງານສືບທອດປ່ຽນແທນແຕ່ລະໄລຍະ, ກວດກາເບິ່ງຄືນບ່ອນໃດພະນັກງານເຫຼືອບໍ່ພໍ, ພະນັກງານບໍ່ມີຄຸນນະພາບກໍຕ້ອງແກ້ໄຂໃຫ້ໄວຄຽງຄູ່ກັບການສັບຊ້ອນຈັດວາງ, ຍົກຍ້າຍພະນັກງານຕາມຄວາມຮຽກຮ້ອງຕ້ອງການຂອງວຽກງານຕົວຈິງ ແລະ ແທດເໝາະກັບຄວາມຮູ້, ຄວາມສາມາດວິຊາສະເພາະ ຜູ້ໜຶ່ງຕ້ອງເຮັດໄດ້ຫຼາຍວຽກ ຍ້ອນປັດຈຸບັນໂກຕ້າພະນັກງານ-ລັດຖະກອນມີຈຳກັດຫຼາຍ; ເອົາໃຈໃສ່ຄົ້ນຄວ້າ, ສ້າງ ແລະ ປັບປຸງນິຕິກຳ ເພື່ອເປັນເຄື່ອງມືຄຸ້ມຄອງລັດ-ຄຸ້ມຄອງສັງຄົມ ຖືວ່າເປັນວຽກງານຈຸດສຸມອັນໜຶ່ງທີ່ກະຊວງ ຖວທ ຈະຕ້ອງໄດ້ສືບຕໍ່ຄົ້ນຄວ້າ ເບິ່ງຄືນວ່າ ມາຮອດປັດຈຸບັນພວກເຮົາມີກົດໝາຍຈັກສະບັບ ແລະ ລະບຽບການອັນໃດແດ່ແລ້ວ ທີ່ນຳໃຊ້ເຂົ້າໃນວຽກງານຕົວຈິງ ແລະ ມີຄວາມແທດເໝາະແລ້ວບໍ ຫຼື ມີຄວາມຈຳເປັນຕ້ອງໄດ້ປັບປຸງ, ອັນໃດບໍ່ທັນມີຈະຕ້ອງໄດ້ສ້າງຂຶ້ນໃໝ່ ເພື່ອນຳສະເໜີໄປຫາລັດຖະບານພິຈາລະນາ; ສືບຕໍ່ເອົາໃຈໃສ່ວຽກງານເສນາທິການຮັບໃຊ້ໃນລະບົບກົງຈັກພາຍໃນກະຊວງ, ທ້ອງຖິ່ນໃຫ້ປະສານກົມກຽວກັນຫຼາຍຂຶ້ນ ທັງຮັບປະກັບຄວາມປອດໄພ, ວ່ອງໄວ ແລະ ຖືກຕ້ອງຕາມທິດ(ແນວທາງນະໂຍບາຍ) ແລະ ລະບຽບກົດໝາຍຂອງບ້ານເມືອງ.
ໂອກາດນີ້, ທ່ານ ກິແກ້ວ ໄຂຄຳພິທູນ ຍັງໄດ້ເນັ້ນຕື່ມອີກວ່າ: ໃຫ້ເອົາໃຈໃສ່ປັບປຸງຍົກລະດັບວຽກງານສື່ມວນຊົນໃຫ້ທັນສະໄໝ ດ້ວຍການຫັນປ່ຽນຈາກລະບົບອານາລັອກໄປສູ່ລະບົບດີຈີຕອນ, ການຂະຫຍາຍຕາໜ່າງໂທລະໂຄ່ງໄປສູ່ຊຸມຊົນທ້ອງຖິ່ນເຂດຫ່າງໄກສອກຫຼີກໃຫ້ໄດ້ເຂົ້າເຖິງຂໍ້ມູນຂ່າວສານ, ນໍາໃຊ້ສື່ແບບໃໝ່ໃຫ້ຫຼາຍຂຶ້ນ ເພື່ອໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ກົດໝາຍຂອງລັດ, ຕອບຕ້ານການໂຄສະນາສິ່ງທີ່ບິດເບືອນຂໍ້ມູນຕົວຈິງຕໍ່ແນວທາງນະໂຍບາຍຂອງພັກ-ລັດ, ປັບປຸງເນື້ອຫາສາລະຂອງບົດຂ່າວ, ບົດຄວາມ, ບົດສາລະຄະດີ ແລະ ລາຍການບັນເທີງຕ່າງໆຕ້ອງໃຫ້ມີເນື້ອໃນໂນມນ້າວ, ດຶງດູດ, ຈູງໃຈຜູ້ອ່ານ, ຜູ້ຊົມ ແລະ ຜູ້ຟັງ; ຄົ້ນຄວ້າປະຕິບັດນະໂຍບາຍຍ້ອງຍໍສັນລະເສີນບຸກຄົນ, ສັງຄົມ ແລະ ໜ່ວຍງານທີ່ມີຜົນງານດີເດັ່ນຕາມຄວາມເປັນຈິງ; ບໍາລຸງສ້າງພະນັກງານໃນຖັນແຖວສື່ມວນຊົນທາງດ້ານເຕັກນິກວິຊາການ ແລະ ຈັນຍາບັນຂອງສື່ໃຫ້ມີຄວາມໜັກແໜ້ນເຂັ້ມແຂງ ພ້ອມທັງຍາດແຍ່ງເອົາການຮ່ວມມື, ການຊ່ວຍເຫຼືອຈາກພາຍໃນ ແລະ ຕ່າງປະເທດ. ເອົາໃຈໃສ່ຊຸກຍູ້ສົ່ງເສີມຂະບວນການສ້າງຄອບຄົວ ແລະ ບ້ານວັດທະນະທໍາຕ້ອງມີຄຸນນະພາບຢ່າງແທ້ຈິງ, ເສີມຂະຫຍາຍຄຸນຄ່າວັດທະນະທໍາທີ່ເປັນເອກະລັກຂອງຊາດ ແລະ ພັດທະນາຄວາມສີວິໄລດ້ານຈິດໃຈຂອງສັງຄົມ ບົນພື້ນຖານການອະນຸລັກຟື້ນຟູວັດທະນະທໍາ, ຮີດຄອງປະເພນີອັນດີງາມຂອງຊາດ ແລະ ຂອງເຜົ່າໄປພ້ອມກັບການແກ້ໄຂ-ຕີຖອຍສິ່ງຫຼ້າຫຼັງງົມງວາຍ; ສົ່ງເສີມເອກະລັກດ້ານສິລະປະວັນນະຄະດີ, ພູມປັນຍາເຂົ້າໃນການສ້າງຜະລິດຕະພັນວັດທະນະທໍາໃຫ້ມີຫຼາກຫຼາຍສີສັນ-ຫຼາຍຮູບແບບ; ເສີມຂະຫຍາຍ, ປົກປັກຮັກສາ, ຄຸ້ມຄອງມໍລະດົກວັດທະນະທໍາຂອງຊາດ ໂດຍສະເພາະສຸມໃສ່ການນໍາສະເໜີເອົາພູຫີນໜາມໜໍ່, ຟ້ອນລໍາວົງລາວ ແລະ ສິ້ນລາຍນາກລາວເຂົ້າເປັນມໍລະດົກໂລກ; ນອກຈາກນີ້, ຕ້ອງໄດ້ກໍ່ສ້າງພະນັກງານຜູ້ທີ່ມີພອນສະຫວັນທາງດ້ານວັດທະນະທໍາໃຫ້ມີການພັດທະນາດີຂຶ້ນໄປຄຽງຄູ່ກັບການປະຕິບັດນະໂຍບາຍຕໍ່ຜູ້ທີ່ມີຜົນງານຢ່າງສົມເຫດສົມຜົນ ແລະ ຖືກຕ້ອງຕາມຄວາມເປັນຈິງ. ເອົາໃຈໃສ່ໂຄສະນາ, ພັດທະນາ, ຄຸ້ມຄອງແຫຼ່ງທ່ອງທ່ຽວທາງດ້ານວັດທະນະທຳ, ປະຫວັດສາດ, ທຳມະຊາດ, ທ່ອງທ່ຽວກະສິກໍາ ແລະ ການທ່ອງທ່ຽວແບບຍືນຍົງປະຊາຊົນມີສ່ວນຮ່ວມ; ປະສານສົມທົບກັບພາກສ່ວນທີ່ກ່ຽວຂ້ອງທັງພາກລັດ ແລະ ບັນດາຫົວໜ່ວຍທຸລະກິດຈັດຕັ້ງປະຕິບັດແຜນຟື້ນຟູການທ່ອງທ່ຽວພາຍຫຼັງທີ່ໄດ້ເປີດປະເທດ, ຊຸກຍູ້ແນະນໍາບັນດາຫົວໜ່ວຍທຸລະກິດການທ່ອງທ່ຽວ ປັບປຸງສະຖານທີ່ທ່ອງທ່ຽວ ແລະ ການບໍລິການສະຖານທີ່ພັກແຮມ, ຮ້ານອາຫານໃຫ້ມີຄຸນນະພາບ, ສ້າງກິດຈະກຳ ແລະ ຜະລິດຕະພັນການທ່ອງທ່ຽວໃຫ້ມີຄວາມຫຼາກຫຼາຍຕິດພັນກັບການທ່ອງທ່ຽວວັດທະນະທຳຂອງບັນດາເຜົ່າ ແລະ ກະສິກຳເພື່ອສົ່ງເສີມການທ່ອງທ່ຽວ “ລາວທ່ຽວລາວ ຊົມໃຊ້ຜະລິດຕະພັນລາວ” ແລະ ຄຸ້ມຄອງບັນດາຫົວໜ່ວຍທຸລະກິດຕ່າງໆ ໃຫ້ເຂົ້າສູ່ລະບຽບການ.
ຂ່າວ-ພາບ: ຍຸພິນທອງ
