ໂດຍ: ວັນໄຊ ຕະວິນຍານ
ດ້ວຍຄວາມພະຍາຍາມຢ່າງຕັ້ງໜ້າໃນການນໍາພາ-ຊີ້ນໍາຂອງຄະນະພັກ, ຄະນະນໍາເມືອງຊຽງຮອນ ແຂວງ ໄຊຍະບູລີ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2023 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ຈຶ່ງເຮັດໃຫ້ເສດຖະກິດຂອງເມືອງ ສືບຕໍ່ຂະຫຍາຍຕົວຢ່າງຕໍ່ເນື່ອງໃນລະດັບ 7,15%; ລວມຍອດມູນຄ່າຜົນຜະລິດພາຍໃນ ບັນລຸ 873,3 ຕື້ກີບ; ສະເລ່ຍຕໍ່ຫົວຄົນໜຶ່ງໄດ້ 24 ລ້ານກວ່າກີບຕໍ່ປີ.
ທ່ານ ກົງທອງ ສິດທິໄຊ ເຈົ້າເມືອງຊຽງຮອນ ແຂວງໄຊຍະບູລີກ່າວວ່າ: ເດັ່ນທີ່ສຸດແມ່ນຂະແໜງກະສິກໍາ ຂະຫຍາຍຕົວ 12,53% ກວມເອົາ 44,47 ຂອງລາຍຮັບທັງໝົດ, ຂະແໜງອຸດສາຫະກໍາຂະຫຍາຍຕົວ 4,75% ກວມເອົາ 26,07% ຂະແໜງການບໍລິການຂະຫຍາຍຕົວ 1,12% ກວມເອົາ 29,45% ຂອງລາຍຮັບທັງໝົດ. ເມືອງໄດ້ຫັນການຄຸ້ມຄອງຈັດເກັບລາຍຮັບດ້ວຍລະບົບທັນສະໄໝຈຶ່ງເຮັດໃຫ້ການຈັດເກັບລາຍຮັບງົບປະມານໃນໜຶ່ງປີຜ່ານມາ ປະຕິບັດໄດ້ 4.704,23 ລ້ານກວ່າກີບ ເທົ່າກັບ 135,60% ຂອງແຜນການປີ ແລະ ຄຸ້ມຄອງລາຍຈ່າຍ ປະຕິບັດໄດ້ 3.120,12 ລ້ານກີບ ເທົ່າກັບ 99,49% ຂອງແຜນການປີ. ກ່ຽວກັບແຫຼ່ງທຶນເພື່ອການພັດທະນາ ໃນປີ 2023 ຜ່ານມາ, ເມືອງໄດ້ດຶງດູດການລົງທຶນຈາກພາຍໃນ ແລະ ຕ່າງປະເທດ ເຂົ້າມາລົງທຶນຫຼາຍຮູບການຕ່າງຝ່າຍຕ່າງໄດ້ຮັບຜົນປະໂຫຍດ. ຊຶ່ງມີການລົງທຶນຂອງບໍລິສັດເອກະຊົນສ້າງສາງເກັບຊື້ຢາງພາລາ, ປູກໜາກໂມ, ໜາກຖົ່ວເຫຼືອງ ລວມມູນຄ່າ 43,55 ຕື້ກີບ. ຊຸກຍູ້ສົ່ງເສີມການຜະລິດກະສິກໍາຢ່າງຕັ້ງໜ້າ, ປັບປຸງພື້ນຖານໂຄງລ່າງອໍານວຍຄວາມສະດວກແກ່ການຜະລິດ, ສຸມໃສ່ຄໍ້າປະກັນສະບຽງອາຫານ ແລະ ຜະລິດເປັນສິນຄ້າ ໄປຄຽງຄູ່ກັບການເອົາໃຈໃສ່ເຝົ້າລະວັງການລະບາດພະຍາດສັດ, ສັດຕູພືດທໍາລາຍ ແລະ ແກ້ໄຂຜົນກະທົບຈາກໄພທໍາມະຊາດທີ່ເກີດຂຶ້ນໄດ້ຢ່າງທັນການ ເຮັດໃຫ້ການຜະລິດສິນຄ້າກະສິກໍາມີ ປະລິມານເພີ່ມຂຶ້ນ ສາມາດກຸ້ມຕົນເອງຢູ່ພາຍໃນເມືອງ ແລະ ສົ່ງອອກເຊັ່ນ: ສິນຄ້າສົ່ງອອກໄປຕ່າງເມືອງ, ຕ່າງແຂວງປະກອບມີ ຄື: ເຂົ້າເປືອກ, ງົວ, ຄວາຍ. ສິນຄ້າສົ່ງອອກໄປຕ່າງປະເທດມີ: ມັນຕົ້ນ, ເຂົ້າເປືອກ, ຢາງພາລາ, ໜາກເດືອຍ, ໜາກໂມ ແລະ ຖົ່ວເຫຼືອງມີມູນຄ່າເຖິງ 19.795.297 ໂດລາ, ນໍາເຂົ້າສິນຄ້າ ຈາກຕ່າງປະເທດ 132.200 ໂດລາ ແລະ ມີສິນຄ້າເຄື່ອນຍ້າຍພາຍໃນອອກຕ່າງເມືອງ-ຕ່າງແຂວງ 24,5 ຕື້ກີບ; ສິນຄ້ານໍາເຂົ້າຈາກຕ່າງເມືອງ-ຕ່າງແຂວງ 1.070.000 ໂດລາ. ສ່ວນດ້ານການຄົມມະນາຄົມ ເມືອງກໍໄດ້ເອົາໃຈໃສ່ຕິດຕາມຊຸກຍູ້ການຈັດຕັ້ງປະຕິບັດໂຄງການກໍ່ສ້າງສ້ອມແປງ ແລະ ປົກປັກຮັກສາເສັ້ນທາງພາຍໃນເມືອງ ໃຫ້ໄດ້ຮັບການປັບປຸງດີຂຶ້ນເປັນກ້າວໆ. ອັນພົ້ນເດັ່ນ ແລະ ກາຍເປັນຕົວແບບໃນການພັດທະນາພື້ນຖານໂຄງລ່າງຢູ່ພາຍໃນເມືອງແມ່ນມີການປະກອບສ່ວນຂອງປະຊາຊົນ ໂດຍສະເພາະແມ່ນທາງຊອຍ-ທາງຮ່ອມພາຍໃນບ້ານ. ປີນີ້, ມີມູນຄ່າ ເຖິງ 6.54 ຕື້ກີບ ເປັນທຶນປະຊາຊົນ 5.7 ຕື້ກີບ ແລະ ທຶນລັດສົມທົບ 0,7 ຕື້ກີບ. ເມືອງໄດ້ຄຸ້ມຄອງທີ່ດິນໃນດ້ວຍລະບົບທັນສະໄໝ ໂດຍສະເພາະແມ່ນໄດ້ສ້າງແຜນຈັດສັນທີ່ດິນ, ຄຸ້ມຄອງຊັບພະຍາກອນທໍາມະຊາດສິ່ງແວດລ້ອມແບບຮອບດ້ານຢູ່ຂັ້ນເມືອງ, ສໍາເລັດການສັງລວມມະໂນທີ່ດິນໃນທົ່ວເມືອງມີ 30.196 ຕອນ, ເນື້ອທີ່ 12.216 ເຮັກຕາ ແລະ ພົ້ນເດັ່ນອີກອັນນຶ່ງ ເມືອງໄດ້ຂະຫຍາຍຕາຂ່າຍໄຟຟ້າ ເຮັດໃຫ້ທຸກບ້ານໄດ້ນໍາໃຊ້ໄຟຟ້າ ກວມເອົາ 100%, ມີ ທັງໝົດ 6.627 ຄອບຄົວ.
ທ່ານ ກົງທອງ ສິດທິໄຊ ຍັງໄດ້ຍົກໃຫ້ເຫັນເຖິງຄຸນນະພາບການສຶກສາໃນທຸກລະດັບ, ເພື່ອພັດທະນາຊັບພະຍາກອນມະນຸດ ໃຫ້ມີຄວາມຮູ້-ຄວາມສາມາດ; ບັນຈຸ-ຊັບຊ້ອນຈັດວາງຄູ-ອາຈານໃນເຂດຊົນນະບົດຫ່າງໄກ ສອກຫຼີກຢູ່ພາຍໃນເມືອງໃຫ້ເໜາະສົມ, ສຸມໃສ່ປະຕິບັດເປົ້າໝາຍ (SDG) ດ້ານການສຶກສາ 15 ຄາດຫມາຍ ຊຶ່ງບັນລຸແລ້ວ 6 ຄາດໝາຍ, 2 ຄາດໝາຍໃກ້ຈະບັນລຸ ແລະ ຍັງບໍ່ບັນລຸ 7 ຄາດໝາຍ. ໄດ້ສຸມໃສ່ໂຄສະນາສຸຂະສຶກສາ, ປັບປຸງໂຮງໝໍຊຸມຊົນ, ໂຮງໝໍນ້ອຍ ທາງດ້ານການບໍລິການ ຍົກສູງຄວາມຮັບຜິດຊອບ, ຈັນຍາບັນ-ຈັນຍາທໍາຂອງແພດໝໍດີຂຶ້ນກວ່າເກົ່າ. ພ້ອມນັ້ນ,ຍັງໄດ້ເອົາໃຈໃສ່ປະຕິບັດ ບັນດາຄາດໝາຍ 11 ຕົວຊີ້ບອກ ບັນລຸແລ້ວ 8 ຕົວຊີ້ບອກ, ຍັງບໍ່ທັນບັນລຸ 3 ຕົວຊີ້ບອກ. ໄດ້ຕັ້ງໜ້າປັບປຸ່ງຍົກລະດັບວຽກງານສື່ມວນຊົນໃຫ້ເຄື່ອນໄຫວຕາມພາລະບົດບາດ ປັບປຸງອຸປະກອນເຕັກນິກໃຫ້ທັນຍຸກທັນສະໄໝກວ່າເກົ່າ. ໄດ້ຕັ້ງໜ້າສ້າງຄອບຄົວ, ບ້ານ ກົມກອງວັດທະນະທໍາໄດ້ 5.983 ຄອບຄົວ, ປັດຈຸບັນທົ່ວເມືອງມີບ້ານວັດທະນະທໍາ 32 ບ້ານ ກວມເອົາ 74,41% ແລະ ກົມກອງວັດທະນະທໍາ 26 ກົມກອງ ກວມເອົາ 76,47%. ກ່ຽວກັບການຄຸ້ມຄອງແຮງງານພາຍໃນ ແລະ ຕ່າງປະເທດ, ເມືອງໄດ້ຈັດຝຶກອົບຮົມ ແລະ ພັດທະນາສີມືແຮງງານໃຫ້ຜູ້ອອກແຮງງານໄດ້ 7 ຫົວໜ່ວຍ; ຂຶ້ນທະບຽນແຮງງານຈົບວິຊາຊີບຕ່າງໆສ້າງວຽກເຮັດງານທໍາຢູ່ພາຍໃນ ໄດ້ທັງຫມົດ 240 ຄົນ ຍິງ 108 ຄົນ.
ດ້ວຍຄວາມພະຍາຍາມຢ່າງຕັ້ງໜ້າໃນການນໍາພາ-ຊີ້ນໍາຂອງຄະນະພັກ, ຄະນະນໍາເມືອງຊຽງຮອນ ແຂວງ ໄຊຍະບູລີ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2023 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ຈຶ່ງເຮັດໃຫ້ເສດຖະກິດຂອງເມືອງ ສືບຕໍ່ຂະຫຍາຍຕົວຢ່າງຕໍ່ເນື່ອງໃນລະດັບ 7,15%; ລວມຍອດມູນຄ່າຜົນຜະລິດພາຍໃນ ບັນລຸ 873,3 ຕື້ກີບ; ສະເລ່ຍຕໍ່ຫົວຄົນໜຶ່ງໄດ້ 24 ລ້ານກວ່າກີບຕໍ່ປີ.
ທ່ານ ກົງທອງ ສິດທິໄຊ ເຈົ້າເມືອງຊຽງຮອນ ແຂວງໄຊຍະບູລີກ່າວວ່າ: ເດັ່ນທີ່ສຸດແມ່ນຂະແໜງກະສິກໍາ ຂະຫຍາຍຕົວ 12,53% ກວມເອົາ 44,47 ຂອງລາຍຮັບທັງໝົດ, ຂະແໜງອຸດສາຫະກໍາຂະຫຍາຍຕົວ 4,75% ກວມເອົາ 26,07% ຂະແໜງການບໍລິການຂະຫຍາຍຕົວ 1,12% ກວມເອົາ 29,45% ຂອງລາຍຮັບທັງໝົດ. ເມືອງໄດ້ຫັນການຄຸ້ມຄອງຈັດເກັບລາຍຮັບດ້ວຍລະບົບທັນສະໄໝຈຶ່ງເຮັດໃຫ້ການຈັດເກັບລາຍຮັບງົບປະມານໃນໜຶ່ງປີຜ່ານມາ ປະຕິບັດໄດ້ 4.704,23 ລ້ານກວ່າກີບ ເທົ່າກັບ 135,60% ຂອງແຜນການປີ ແລະ ຄຸ້ມຄອງລາຍຈ່າຍ ປະຕິບັດໄດ້ 3.120,12 ລ້ານກີບ ເທົ່າກັບ 99,49% ຂອງແຜນການປີ. ກ່ຽວກັບແຫຼ່ງທຶນເພື່ອການພັດທະນາ ໃນປີ 2023 ຜ່ານມາ, ເມືອງໄດ້ດຶງດູດການລົງທຶນຈາກພາຍໃນ ແລະ ຕ່າງປະເທດ ເຂົ້າມາລົງທຶນຫຼາຍຮູບການຕ່າງຝ່າຍຕ່າງໄດ້ຮັບຜົນປະໂຫຍດ. ຊຶ່ງມີການລົງທຶນຂອງບໍລິສັດເອກະຊົນສ້າງສາງເກັບຊື້ຢາງພາລາ, ປູກໜາກໂມ, ໜາກຖົ່ວເຫຼືອງ ລວມມູນຄ່າ 43,55 ຕື້ກີບ. ຊຸກຍູ້ສົ່ງເສີມການຜະລິດກະສິກໍາຢ່າງຕັ້ງໜ້າ, ປັບປຸງພື້ນຖານໂຄງລ່າງອໍານວຍຄວາມສະດວກແກ່ການຜະລິດ, ສຸມໃສ່ຄໍ້າປະກັນສະບຽງອາຫານ ແລະ ຜະລິດເປັນສິນຄ້າ ໄປຄຽງຄູ່ກັບການເອົາໃຈໃສ່ເຝົ້າລະວັງການລະບາດພະຍາດສັດ, ສັດຕູພືດທໍາລາຍ ແລະ ແກ້ໄຂຜົນກະທົບຈາກໄພທໍາມະຊາດທີ່ເກີດຂຶ້ນໄດ້ຢ່າງທັນການ ເຮັດໃຫ້ການຜະລິດສິນຄ້າກະສິກໍາມີ ປະລິມານເພີ່ມຂຶ້ນ ສາມາດກຸ້ມຕົນເອງຢູ່ພາຍໃນເມືອງ ແລະ ສົ່ງອອກເຊັ່ນ: ສິນຄ້າສົ່ງອອກໄປຕ່າງເມືອງ, ຕ່າງແຂວງປະກອບມີ ຄື: ເຂົ້າເປືອກ, ງົວ, ຄວາຍ. ສິນຄ້າສົ່ງອອກໄປຕ່າງປະເທດມີ: ມັນຕົ້ນ, ເຂົ້າເປືອກ, ຢາງພາລາ, ໜາກເດືອຍ, ໜາກໂມ ແລະ ຖົ່ວເຫຼືອງມີມູນຄ່າເຖິງ 19.795.297 ໂດລາ, ນໍາເຂົ້າສິນຄ້າ ຈາກຕ່າງປະເທດ 132.200 ໂດລາ ແລະ ມີສິນຄ້າເຄື່ອນຍ້າຍພາຍໃນອອກຕ່າງເມືອງ-ຕ່າງແຂວງ 24,5 ຕື້ກີບ; ສິນຄ້ານໍາເຂົ້າຈາກຕ່າງເມືອງ-ຕ່າງແຂວງ 1.070.000 ໂດລາ. ສ່ວນດ້ານການຄົມມະນາຄົມ ເມືອງກໍໄດ້ເອົາໃຈໃສ່ຕິດຕາມຊຸກຍູ້ການຈັດຕັ້ງປະຕິບັດໂຄງການກໍ່ສ້າງສ້ອມແປງ ແລະ ປົກປັກຮັກສາເສັ້ນທາງພາຍໃນເມືອງ ໃຫ້ໄດ້ຮັບການປັບປຸງດີຂຶ້ນເປັນກ້າວໆ. ອັນພົ້ນເດັ່ນ ແລະ ກາຍເປັນຕົວແບບໃນການພັດທະນາພື້ນຖານໂຄງລ່າງຢູ່ພາຍໃນເມືອງແມ່ນມີການປະກອບສ່ວນຂອງປະຊາຊົນ ໂດຍສະເພາະແມ່ນທາງຊອຍ-ທາງຮ່ອມພາຍໃນບ້ານ. ປີນີ້, ມີມູນຄ່າ ເຖິງ 6.54 ຕື້ກີບ ເປັນທຶນປະຊາຊົນ 5.7 ຕື້ກີບ ແລະ ທຶນລັດສົມທົບ 0,7 ຕື້ກີບ. ເມືອງໄດ້ຄຸ້ມຄອງທີ່ດິນໃນດ້ວຍລະບົບທັນສະໄໝ ໂດຍສະເພາະແມ່ນໄດ້ສ້າງແຜນຈັດສັນທີ່ດິນ, ຄຸ້ມຄອງຊັບພະຍາກອນທໍາມະຊາດສິ່ງແວດລ້ອມແບບຮອບດ້ານຢູ່ຂັ້ນເມືອງ, ສໍາເລັດການສັງລວມມະໂນທີ່ດິນໃນທົ່ວເມືອງມີ 30.196 ຕອນ, ເນື້ອທີ່ 12.216 ເຮັກຕາ ແລະ ພົ້ນເດັ່ນອີກອັນນຶ່ງ ເມືອງໄດ້ຂະຫຍາຍຕາຂ່າຍໄຟຟ້າ ເຮັດໃຫ້ທຸກບ້ານໄດ້ນໍາໃຊ້ໄຟຟ້າ ກວມເອົາ 100%, ມີ ທັງໝົດ 6.627 ຄອບຄົວ.
ທ່ານ ກົງທອງ ສິດທິໄຊ ຍັງໄດ້ຍົກໃຫ້ເຫັນເຖິງຄຸນນະພາບການສຶກສາໃນທຸກລະດັບ, ເພື່ອພັດທະນາຊັບພະຍາກອນມະນຸດ ໃຫ້ມີຄວາມຮູ້-ຄວາມສາມາດ; ບັນຈຸ-ຊັບຊ້ອນຈັດວາງຄູ-ອາຈານໃນເຂດຊົນນະບົດຫ່າງໄກ ສອກຫຼີກຢູ່ພາຍໃນເມືອງໃຫ້ເໜາະສົມ, ສຸມໃສ່ປະຕິບັດເປົ້າໝາຍ (SDG) ດ້ານການສຶກສາ 15 ຄາດຫມາຍ ຊຶ່ງບັນລຸແລ້ວ 6 ຄາດໝາຍ, 2 ຄາດໝາຍໃກ້ຈະບັນລຸ ແລະ ຍັງບໍ່ບັນລຸ 7 ຄາດໝາຍ. ໄດ້ສຸມໃສ່ໂຄສະນາສຸຂະສຶກສາ, ປັບປຸງໂຮງໝໍຊຸມຊົນ, ໂຮງໝໍນ້ອຍ ທາງດ້ານການບໍລິການ ຍົກສູງຄວາມຮັບຜິດຊອບ, ຈັນຍາບັນ-ຈັນຍາທໍາຂອງແພດໝໍດີຂຶ້ນກວ່າເກົ່າ. ພ້ອມນັ້ນ,ຍັງໄດ້ເອົາໃຈໃສ່ປະຕິບັດ ບັນດາຄາດໝາຍ 11 ຕົວຊີ້ບອກ ບັນລຸແລ້ວ 8 ຕົວຊີ້ບອກ, ຍັງບໍ່ທັນບັນລຸ 3 ຕົວຊີ້ບອກ. ໄດ້ຕັ້ງໜ້າປັບປຸ່ງຍົກລະດັບວຽກງານສື່ມວນຊົນໃຫ້ເຄື່ອນໄຫວຕາມພາລະບົດບາດ ປັບປຸງອຸປະກອນເຕັກນິກໃຫ້ທັນຍຸກທັນສະໄໝກວ່າເກົ່າ. ໄດ້ຕັ້ງໜ້າສ້າງຄອບຄົວ, ບ້ານ ກົມກອງວັດທະນະທໍາໄດ້ 5.983 ຄອບຄົວ, ປັດຈຸບັນທົ່ວເມືອງມີບ້ານວັດທະນະທໍາ 32 ບ້ານ ກວມເອົາ 74,41% ແລະ ກົມກອງວັດທະນະທໍາ 26 ກົມກອງ ກວມເອົາ 76,47%. ກ່ຽວກັບການຄຸ້ມຄອງແຮງງານພາຍໃນ ແລະ ຕ່າງປະເທດ, ເມືອງໄດ້ຈັດຝຶກອົບຮົມ ແລະ ພັດທະນາສີມືແຮງງານໃຫ້ຜູ້ອອກແຮງງານໄດ້ 7 ຫົວໜ່ວຍ; ຂຶ້ນທະບຽນແຮງງານຈົບວິຊາຊີບຕ່າງໆສ້າງວຽກເຮັດງານທໍາຢູ່ພາຍໃນ ໄດ້ທັງຫມົດ 240 ຄົນ ຍິງ 108 ຄົນ.
