ເມື່ອບໍ່ດົນມານີ້, ທີ່ສະໂມສອນຫ້ອງວ່າການປົກຄອງ ແຂວງສະຫວັນນະເຂດ, ໄດ້ຈັດພິທີປາຖະກະຖາວັນເກີດປະທານຄໍາໄຕສີພັນດອນຄົບຮອບ100 ປີ (8/2/1924-8/2/2024), ໂດຍໃຫ້ກຽດຂຶ້ນເຜີຍແຜ່ເຊື່ອມຊຶມຂອງທ່ານ ບົວສອນ ບຸບຜາວັນ ອະດີດກຳມະການກົມການເມືອງສູນກາງພັກ ອະດີດນາຍົກລັດຖະມົນຕີ, ໂດຍມີທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ພ້ອມຄະນະພັກ-ຄະນະນຳຂັ້ນສູງຂອງແຂວງ ແລະ ພາກສ່ວນກ່ຽວຂ້ອງພາຍໃນແຂວງເຂົ້າຮ່ວມຮັບຟັງ.
ໂອກາດນີ້, ທ່ານ ບຸນໂຈມ ອຸບົນປະເສີດ ໄດ້ໃຫ້ຮູ້ວ່າ: ໂດຍຈັດຕັ້ງຜັນຂະຫຍາຍຄໍາສັ່ງຂອງຄະນະເລຂາທິການສູນກາງພັກໃຫ້ປະກົດຜົນເປັນຈິງ ມື້ນີ້ການນຳຂອງແຂວງໄດ້ຈັດຕັ້ງພິທີປາຖະກະຖາຫວນຄືນວັນເກີດປະທານ ຄຳໄຕ ສີພັນດອນ ທີ່ມີຄຸນງາມຄວາມດີຕໍ່ປະເທດຊາດ, ປະທານຄຳໄຕສີພັນດອນແມ່ນຜູ້ໜຶ່ງໃນບັນດາຜູ້ນຳຮຸ່ນທຳອິດຂອງພັກເຮົາທີ່ມີຄວາມປີຊາສາມາດ, ອົງອາດກ້າແກ່ນ, ມີຄວາມສຸຂຸມຮອບຄອບ ແລະ ໜັກແໜ້ນໃນທຸກສະຖານະການ, ເພິ່ນທັງແມ່ນນັກຍຸດທະສາດ-ນັກຍຸດໂທບາຍທີ່ເຫັນການໄກ, ຄ່ອງແຄ້ວ, ວ່ອງໄວ ແລະ ມີຄວາມປະດິດສ້າງສູງ, ແມ່ນຜູ້ນຳທີ່ມີແບບແຜນຊີ້ນຳ-ບັນຊາແທດກັບຕົວຈິງ.
ການປາຖະກະຖາຄັ້ງນີ້, ເພື່ອລະນຶກເຖິງຄຸນງາມຄວາມດີຂອງປະທານຄຳໄຕ ສີພັນດອນ ທີ່ມີຕໍ່ປະເທດຊາດແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງເພີ່ນມາໝູນໃຊ້ເຂົ້າໃນການຈັດຕັ້ງເຄື່ອນໄຫວ ແລະ ການດຳລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆເພື່ອສືບຕໍ່ພັດທະນາປະເທດກ້າວຂຶ້ນຕາມອຸດົມການຂອງພັກຢ່າງມີໄຊ.
ທ່ານ ບົວສອນ ບຸບຜາວັນ ກໍໄດ້ຍົກໃຫ້ເຫັນເຖິງຊີວິດເຍົາໄວ ແລະ ຈຸດເລີ່ມຕົ້ນປະຫວັດການເຄື່ອນໄຫວຂອງປະທານ ຄຳໄຕ ສີພັນດອນ ໃນແຕ່ລະໄລຍະນັບຕັ້ງແຕ່ປີ 1931 ເຖິງ 2006 ປີຈົນເຖິງປັດຈຸບັນ. ປະທານ ຄຳໄຕ ສີພັນດອນ ແມ່ນຜູ້ໜຶ່ງໃນບັນດາຜູ້ນຳຮຸ່ນກໍຕັ້ງຂະບວນການ ແລະ ບຸກເບີກເສັ້ນທາງປະຕິວັດຢູ່ປະເທດເຮົາຊຶ່ງເວລາໃດກໍໜັກແໜ້ນທາງດ້ານການເມືອງ, ມີສະຕິຕໍ່ການຈັດຕັ້ງ, ມີຄວາມຮັບຜິດຊອບສູງຕໍ່ໜ້າທີ່ໆໄດ້ຮັບມອບໝາຍເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດຄຽງບ່າຄຽງໄຫຼ່ກັບປະທານໄກສອນພົມວິຫານ, ປະທານສຸພານຸວົງແລະຜູ້ນໍາຄົນອື່ນໆຂອງແນວລາວຮັກຊາດ ໄດ້ຮັບໄຊຊະນະ ແລະ ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975 ປະກອບສ່ວນຄົ້ນຄວ້າ ແລະ ກໍານົດທິດທາງຍຸດທະສາດປົກປັກຮັກສາ ແລະ ສ້າງສາພັດທະນາປະເທດຊາດລວມທັງວາງແນວທາງປ່ຽນແປງໃໝ່ອອກຢ່າງຖືກຕ້ອງສອດຄ່ອງ ທັງໄດ້ນຳພາ-ຊີ້ນຳການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.
(ຂ່າວ: ສະຫວັນ)
ໂອກາດນີ້, ທ່ານ ບຸນໂຈມ ອຸບົນປະເສີດ ໄດ້ໃຫ້ຮູ້ວ່າ: ໂດຍຈັດຕັ້ງຜັນຂະຫຍາຍຄໍາສັ່ງຂອງຄະນະເລຂາທິການສູນກາງພັກໃຫ້ປະກົດຜົນເປັນຈິງ ມື້ນີ້ການນຳຂອງແຂວງໄດ້ຈັດຕັ້ງພິທີປາຖະກະຖາຫວນຄືນວັນເກີດປະທານ ຄຳໄຕ ສີພັນດອນ ທີ່ມີຄຸນງາມຄວາມດີຕໍ່ປະເທດຊາດ, ປະທານຄຳໄຕສີພັນດອນແມ່ນຜູ້ໜຶ່ງໃນບັນດາຜູ້ນຳຮຸ່ນທຳອິດຂອງພັກເຮົາທີ່ມີຄວາມປີຊາສາມາດ, ອົງອາດກ້າແກ່ນ, ມີຄວາມສຸຂຸມຮອບຄອບ ແລະ ໜັກແໜ້ນໃນທຸກສະຖານະການ, ເພິ່ນທັງແມ່ນນັກຍຸດທະສາດ-ນັກຍຸດໂທບາຍທີ່ເຫັນການໄກ, ຄ່ອງແຄ້ວ, ວ່ອງໄວ ແລະ ມີຄວາມປະດິດສ້າງສູງ, ແມ່ນຜູ້ນຳທີ່ມີແບບແຜນຊີ້ນຳ-ບັນຊາແທດກັບຕົວຈິງ.
ການປາຖະກະຖາຄັ້ງນີ້, ເພື່ອລະນຶກເຖິງຄຸນງາມຄວາມດີຂອງປະທານຄຳໄຕ ສີພັນດອນ ທີ່ມີຕໍ່ປະເທດຊາດແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງເພີ່ນມາໝູນໃຊ້ເຂົ້າໃນການຈັດຕັ້ງເຄື່ອນໄຫວ ແລະ ການດຳລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆເພື່ອສືບຕໍ່ພັດທະນາປະເທດກ້າວຂຶ້ນຕາມອຸດົມການຂອງພັກຢ່າງມີໄຊ.
ທ່ານ ບົວສອນ ບຸບຜາວັນ ກໍໄດ້ຍົກໃຫ້ເຫັນເຖິງຊີວິດເຍົາໄວ ແລະ ຈຸດເລີ່ມຕົ້ນປະຫວັດການເຄື່ອນໄຫວຂອງປະທານ ຄຳໄຕ ສີພັນດອນ ໃນແຕ່ລະໄລຍະນັບຕັ້ງແຕ່ປີ 1931 ເຖິງ 2006 ປີຈົນເຖິງປັດຈຸບັນ. ປະທານ ຄຳໄຕ ສີພັນດອນ ແມ່ນຜູ້ໜຶ່ງໃນບັນດາຜູ້ນຳຮຸ່ນກໍຕັ້ງຂະບວນການ ແລະ ບຸກເບີກເສັ້ນທາງປະຕິວັດຢູ່ປະເທດເຮົາຊຶ່ງເວລາໃດກໍໜັກແໜ້ນທາງດ້ານການເມືອງ, ມີສະຕິຕໍ່ການຈັດຕັ້ງ, ມີຄວາມຮັບຜິດຊອບສູງຕໍ່ໜ້າທີ່ໆໄດ້ຮັບມອບໝາຍເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດຄຽງບ່າຄຽງໄຫຼ່ກັບປະທານໄກສອນພົມວິຫານ, ປະທານສຸພານຸວົງແລະຜູ້ນໍາຄົນອື່ນໆຂອງແນວລາວຮັກຊາດ ໄດ້ຮັບໄຊຊະນະ ແລະ ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975 ປະກອບສ່ວນຄົ້ນຄວ້າ ແລະ ກໍານົດທິດທາງຍຸດທະສາດປົກປັກຮັກສາ ແລະ ສ້າງສາພັດທະນາປະເທດຊາດລວມທັງວາງແນວທາງປ່ຽນແປງໃໝ່ອອກຢ່າງຖືກຕ້ອງສອດຄ່ອງ ທັງໄດ້ນຳພາ-ຊີ້ນຳການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.
(ຂ່າວ: ສະຫວັນ)
