ຄະນະວິທະຍາສາດປ່າໄມ້ (ຄປມ) ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີສະຫຼຸບຊຸດຮຽນ 2019-2023, ເປີດສົກຮຽນໃໝ່ 2023-2024 ແລະ ສະເຫຼີມສະຫຼອງວັນຄູແຫ່ງຊາດ 7 ຕຸລາຂຶ້ນໃນວັນທີ 3 ຕຸລານີ້ ທີ່ ຄປມ ເປັນກຽດເຂົ້າຮ່ວມມີທ່ານ ເດຊານຸລາດ ແສນດວງເດດ ຮອງອະທິການບໍດີ ມຊ, ມີພະນັກງານຄູ-ອາຈານ, ນັກສຶກສາເຂົ້າຮ່ວມ.
ທ່ານນາງ ລັດສະໜີ ບຸບຜາ ຄະນະບໍດີ ຄປມ ໄດ້ລາຍງານໃຫ້ຮູ້ວ່າ: ຄປມ ປະກອບມີ 5 ພາກວິຊາ, ມີ 2 ສູນຄົ້ນຄວ້າ (ສູນສຶກສາການປ່ຽນແປງພູມອາກາດ, ສູນຄົ້ນຄວ້າວິທະຍາສາດ ແລະ ເຕັກໂນໂລຊີໄມ້) ແລະ 1 ສູນຮຽນຮູ້ກຳຈັດສິ່ງເສດເຫຼືອ.ປັດຈຸບັນມີພະນັກງານທັງໝົດ 81 ຄົນຍິງ 31 ຄົນ, ຄປມ ໄດ້ດຳເນີນການພັດທະນາໂດຍອີງໃສ່ແຜນການ5 ປີ ຊຶ່ງມີ7ແຜນງານ,32 ໂຄງການຜັນຂະຫຍາຍເປັນແຜນປີ 2022-2023 ແລະສາມາດຕີລາຄາຜົນສຳເລັດດັ່ງນີ້: ໃນສົກປີ 2022-2023ມີຜູ້ສຳເລັດການການສຶກສາທັງໝົດ 96 ຄົນ,ປະລິນຍາຕີ 76 ຄົນ,ນັກສຶກສາລະດັບປະລິນຍາໂທ 18 ຄົນ, ປະລິນຍາເອກ 2 ຄົນ. ນັກສຶກສາໄດ້ຕົວເດັ່ນຮອບດ້ານປະເພດ 1 ຈຳນວນ 29 ຄົນຍິງ 18 ຄົນ.ເດັ່ນການຮຽນ 21 ຄົນຍິງ 14ຄົນ, ເດັ່ນກິດຈະກຳ 21 ຄົນຍິງ15 ຄົນ. ໃນສົກຮຽນ 2023-2024 ມີນັກສຶກສາທັງໝົດ 351 ຄົນຍິງ 164 ຄົນ (ນັກສຶກສາໃນແຜນ: 75 ຄົນຍິງ 45 ແລະ ນອກແຜນ 276 ຄົນຍິງ 119 ຄົນ, ນັກສຶກສາລະດັບປະລິນຍາເອກ 22 ຄົນຍິງ 4 ຄົນ, ນັກສຶກສາປະລິນຍາໂທ 48 ຄົນຍິງ 11 ຄົນ, ນັກສຶກສາປະລິນຍາຕີ 273 ຄົນຍິງ 141 ຄົນ ແລະ ປະລິນຍາຕີຕໍ່ເນື່ອງ 8 ຄົນຍິງ 8 ຄົນ).
ເນື່ອງໃນໂອກາດວັນຄູແຫ່ງຊາດ ຂໍອວຍພອນໄຊແດ່ຄູໃນທົ່ວປະເທດ ຈົ່ງມີພະລານາໄມສົມບູນແຂງແຮງ, ມີຄວາມສຸກປະສົບຜົນສຳເລັດໃນໜ້າທີ່ວຽກງານ, ສືບຕໍ່ສ້າງນັກຮຽນລາວໃຫ້ເປັນຜູ້ສືບທອດທີ່ດີ ພັດທະນາສ້າງສາປະເທດຊາດຕໍ່ໄປ.
ໃນໂອກາດນີ້, ທ່ານ ເດຊານຸລາດ ແສນດວງເດດໄດ້ໃຫ້ກຽດມອບໃບປະກາສະນີຍະບັດໃຫ້ແກ່ຜູ້ສຳເລັດການສຶກສາຕາມລຳດັບ. ນອກນັ້ນທ່ານຍັງໄດ້ໃຫ້ກຽດໂອ້ລົມຮຽກຮ້ອງໃຫ້ນັກສຶກສາທີ່ສຳເລັດການສຶກສາໃນຄັ້ງນີ້ຈົ່ງນຳເອົາຄວາມຮູ້-ຄວາມສາມາດທີ່ໄດ້ຮຽນມາໄປນຳໃຊ້ເຂົ້າໃນການດຳລົງຊີວິດຕົວຈິງໃຫ້ເກີດດອກອອກຜົນ.
ຂ່າວ-ຮູບ: ບຸນຕອມ
ທ່ານນາງ ລັດສະໜີ ບຸບຜາ ຄະນະບໍດີ ຄປມ ໄດ້ລາຍງານໃຫ້ຮູ້ວ່າ: ຄປມ ປະກອບມີ 5 ພາກວິຊາ, ມີ 2 ສູນຄົ້ນຄວ້າ (ສູນສຶກສາການປ່ຽນແປງພູມອາກາດ, ສູນຄົ້ນຄວ້າວິທະຍາສາດ ແລະ ເຕັກໂນໂລຊີໄມ້) ແລະ 1 ສູນຮຽນຮູ້ກຳຈັດສິ່ງເສດເຫຼືອ.ປັດຈຸບັນມີພະນັກງານທັງໝົດ 81 ຄົນຍິງ 31 ຄົນ, ຄປມ ໄດ້ດຳເນີນການພັດທະນາໂດຍອີງໃສ່ແຜນການ5 ປີ ຊຶ່ງມີ7ແຜນງານ,32 ໂຄງການຜັນຂະຫຍາຍເປັນແຜນປີ 2022-2023 ແລະສາມາດຕີລາຄາຜົນສຳເລັດດັ່ງນີ້: ໃນສົກປີ 2022-2023ມີຜູ້ສຳເລັດການການສຶກສາທັງໝົດ 96 ຄົນ,ປະລິນຍາຕີ 76 ຄົນ,ນັກສຶກສາລະດັບປະລິນຍາໂທ 18 ຄົນ, ປະລິນຍາເອກ 2 ຄົນ. ນັກສຶກສາໄດ້ຕົວເດັ່ນຮອບດ້ານປະເພດ 1 ຈຳນວນ 29 ຄົນຍິງ 18 ຄົນ.ເດັ່ນການຮຽນ 21 ຄົນຍິງ 14ຄົນ, ເດັ່ນກິດຈະກຳ 21 ຄົນຍິງ15 ຄົນ. ໃນສົກຮຽນ 2023-2024 ມີນັກສຶກສາທັງໝົດ 351 ຄົນຍິງ 164 ຄົນ (ນັກສຶກສາໃນແຜນ: 75 ຄົນຍິງ 45 ແລະ ນອກແຜນ 276 ຄົນຍິງ 119 ຄົນ, ນັກສຶກສາລະດັບປະລິນຍາເອກ 22 ຄົນຍິງ 4 ຄົນ, ນັກສຶກສາປະລິນຍາໂທ 48 ຄົນຍິງ 11 ຄົນ, ນັກສຶກສາປະລິນຍາຕີ 273 ຄົນຍິງ 141 ຄົນ ແລະ ປະລິນຍາຕີຕໍ່ເນື່ອງ 8 ຄົນຍິງ 8 ຄົນ).
ເນື່ອງໃນໂອກາດວັນຄູແຫ່ງຊາດ ຂໍອວຍພອນໄຊແດ່ຄູໃນທົ່ວປະເທດ ຈົ່ງມີພະລານາໄມສົມບູນແຂງແຮງ, ມີຄວາມສຸກປະສົບຜົນສຳເລັດໃນໜ້າທີ່ວຽກງານ, ສືບຕໍ່ສ້າງນັກຮຽນລາວໃຫ້ເປັນຜູ້ສືບທອດທີ່ດີ ພັດທະນາສ້າງສາປະເທດຊາດຕໍ່ໄປ.
ໃນໂອກາດນີ້, ທ່ານ ເດຊານຸລາດ ແສນດວງເດດໄດ້ໃຫ້ກຽດມອບໃບປະກາສະນີຍະບັດໃຫ້ແກ່ຜູ້ສຳເລັດການສຶກສາຕາມລຳດັບ. ນອກນັ້ນທ່ານຍັງໄດ້ໃຫ້ກຽດໂອ້ລົມຮຽກຮ້ອງໃຫ້ນັກສຶກສາທີ່ສຳເລັດການສຶກສາໃນຄັ້ງນີ້ຈົ່ງນຳເອົາຄວາມຮູ້-ຄວາມສາມາດທີ່ໄດ້ຮຽນມາໄປນຳໃຊ້ເຂົ້າໃນການດຳລົງຊີວິດຕົວຈິງໃຫ້ເກີດດອກອອກຜົນ.
ຂ່າວ-ຮູບ: ບຸນຕອມ
