ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສປປ ລາວ ແລະ ສະຫະພັນ ຣັດເຊຍ ໃຫ້ນັບມື້ແຕກດອກອອກຜົນຍິ່ງຂຶ້ນ, ທ່ານ ອັນເດຣ ຣູເດັນໂກ (Andrey Rudenko) ຮອງລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ ພ້ອມດ້ວຍຄະນະ ໄດ້ເດີນທາງມາຢ້ຽມຢາມເຮັດວຽກຢູ່ ສປປ ລາວ ໃນວັນທີ 18-19 ກຸມພານີ້ ທີ່ ນະຄອນຫຼວງວຽງຈັນ.
ໃນຕອນເຊົ້າຂອງວັນທີ 19 ກຸມພາ ນີ້ ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ອັນເດຣ ຣູເດັນໂກ ຮອງລັດຖະມົນຕີກະຊວງການຕ່າງປະເທດ ແຫ່ງ ສ ຣັດເຊຍ ພ້ອມດ້ວຍຄະນະ ຊຶ່ງການມາຢ້ຽມຢາມຄັ້ງນີ້ ກໍເພື່ອເປັນການສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈຂອງການນຳຂັ້ນສູງສອງປະເທດ ລາວ-ຣັດເຊຍ ທີ່ໄດ້ຕົກລົງເຫັນດີນຳກັນ ປະກອບສ່ວນເຂົ້າໃນການຮັດແໜ້ນ ແລະ ເສີມຂະຫຍາຍການຮ່ວມມືສອງຝ່າຍ ລາວ-ຣັດເຊຍ ໃຫ້ແຕກດອກອອກຜົນ ແລະ ນໍາເອົາຜົນປະໂຫຍດອັນແທ້ຈິງມາສູ່ປະຊາຊົນສອງຊາດ ລາວ-ຣັດເຊຍ. ໃນໂອກາດນີ້, ສອງຝ່າຍ ໄດ້ເຫັນດີເປັນເອກະພາບຕີລາຄາສູງຕໍ່ການພົວພັນຮ່ວມມື ລາວ-ຣັດເຊຍ ໃນໄລຍະຜ່ານມາ ໂດຍສະເພາະໃນຂົງເຂດການເມືອງ ແລະ ຄວາມໝັ້ນຄົງ ຊຶ່ງເປັນຂົງເຂດການຮ່ວມມືທີ່ມີມູນເຊື້ອມາແຕ່ດົນນານ. ໃນນັ້ນ, ທ່ານຮອງນາຍົກລັດຖະມົນຕີ ໄດ້ສະເໜີໃຫ້ສອງຝ່າຍ ສືບຕໍ່ເພີ່ມທະວີການຮ່ວມມືດ້ານຕ່າງໆທີ່ມີທ່າແຮງຮ່ວມກັນໃຫ້ຫຼາຍຂຶ້ນ ທັງການຮ່ວມມືໃນຂອບສອງຝ່າຍ, ຫຼາຍຝ່າຍ, ໃນເວທີພາກພື້ນ ແລະ ສາກົນ. ພ້ອມນີ້, ຄະນະຜູ້ແທນຣັດເຊຍ ຍັງໄດ້ພົບປະກັບ ທ່ານ ອາລຸນແກ້ວ ກິດຕິຄຸນ ອະດີດລັດຖະມົນຕີປະຈຳສຳນັກງານນາຍົກລັດຖະມົນຕີ ຜູ້ຕາງໜ້າພິເສດຂອງປະທານອາຊຽນ ກ່ຽວກັບ ມຽນມາ ຂອງ ສປປ ລາວ ໃນປີ 2024 ແລະ ຍັງໄດ້ພົບປະກັບ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ຊຶ່ງໄດ້ປຶກສາຫາລື ກ່ຽວກັບ ການຊຸກຍູ້ສົ່ງເສີມການພົວພັນຮ່ວມມື ລະຫວ່າງ ອາຊຽນ-ຣັດເຊຍ ໃຫ້ນັບມື້ແຕກດອກອອກຜົນ ແລະ ຈະເລີນງອກງາມຍິ່ງໆຂຶ້ນ.
ພາຍຫຼັງສຳເລັດການເຂົ້າຢ້ຽມຂ່ຳນັບ ກໍໄດ້ເຂົ້າຮ່ວມກອງປະຊຸມປຶກສາຫາລືສອງຝ່າຍຢ່າງເປັນທາງການ ກັບ ທ່ານ ບຸນເຫຼືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໃນຖານະຄູ່ຮ່ວມຕຳແໜ່ງ ຊຶ່ງ ສອງຝ່າຍ ໄດ້ປຶກສາຫາລືວຽກງານການພົວພັນຮ່ວມມື ລາວ-ຣັດເຊຍ ໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ, ພ້ອມທັງໄດ້ແລກປ່ຽນຄຳຄິດເຫັນຕໍ່ບັນຫາສະພາບການພາກພື້ນ ແລະ ສາກົນທີ່ມີຄວາມສົນໃຈຮ່ວມກັນ. ການພົບປະເຮັດວຽກຄັ້ງນີ້, ສອງຝ່າຍ ໄດ້ຕີລາຄາສູງຕໍ່ສາຍພົວພັນຮ່ວມມືອັນເປັນມູນເຊື້ອຍາວນານ ບົນພື້ນຖານການເປັນຄູ່ຮ່ວມມືຍຸດທະສາດດ້ານຄວາມໝັ້ນຄົງຢູ່ໃນພາກພື້ນ ອາຊີ-ອາຊີຟິກ, ສະແດງອອກໃນການພົບປະແລກປ່ຽນ ລະຫວ່າງ ການນຳຂັ້ນສູງຂອງສອງປະເທດ ລວມເຖິງການໄປມາຫາສູ່ກັນຂອງປະຊາຊົນດ້ວຍກັນ ຢ່າງເປັນປົກກະຕິ, ຊຶ່ງການພົວພັນສອງປະເທດ ແມ່ນນັບມື້ໄດ້ຮັບການເສີມຂະຫຍາຍຢ່າງມີຜົນສຳເລັດສູງ ທັງໃນຂອບການຮ່ວມມືສອງຝ່າຍ ແລະ ຫຼາຍຝ່າຍ ເປັນຕົ້ນ ດ້ານການເມືອງ, ວຽກງານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ-ການຄ້າ, ການລົງທຶນ, ພະລັງງານ-ບໍ່ແຮ່, ການເງິນ-ການທະນາຄານ, ການສຶກສາ, ການພັດທະນາຊັບພະຍາກອນມະນຸດ, ສາທາລະນະສຸກ, ວຽກງານມະນຸດສະທຳ, ການທ່ອງທ່ຽວ, ວັດທະນະທຳ ແລະ ອື່ນໆ, ການສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ.
ໃນຕໍ່ໜ້າ, ສອງຝ່າຍ ເຫັນດີສືບຕໍ່ຊຸກຍູ້ການພົບປະຢ້ຽມຢາມ ລະຫວ່າງ ການນຳຂັ້ນສູງສອງປະເທດ ເພື່ອຂະຫຍາຍການຮ່ວມມືໃນຕໍ່ໜ້າ, ເຫັນດີສືບຕໍ່ຈັດກອງປະຊຸມປຶກສາຫາລືດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ຣັດເຊຍ. ພ້ອມນີ້, ສອງຝ່າຍ ເຫັນວ່າຈະໄດ້ເພີ່ມທະວີຊຸກຍູ້ການພົວພັນຮ່ວມມື ດ້ານເສດຖະກິດ-ການຄ້າ-ການລົງທຶນ ໃຫ້ຫຼາຍຂຶ້ນ ໂດຍອີງໃສ່ທ່າແຮງຂອງແຕ່ລະປະເທດ ເນື່ອງຈາກໄລຍະຜ່ານມາ ມູນຄ່າການຄ້າ ແລະ ການລົງທຶນສອງຝ່າຍ ແມ່ນຍັງບໍ່ສູງຫຼາຍເທົ່າທີ່ຄວນ, ເພີ່ມທະວີການຮ່ວມມືດ້ານການເງິນ-ການທະນາຄານ, ທ່ອງທ່ຽວ, ວັດທະນະທຳ, ການສຶກສາ, ສາທາລະນະສຸກ, ການຮ່ວມມືໃນຂົງເຂດຄວາມປອດໄພດ້ານຂໍ້ມູນຂ່າວສານສາກົນ ລວມທັງ ໃຫ້ ການສະໜັບສະໜູນເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ ເປັນຕົ້ນ ສປຊ, ອາຊຽນ ແລະ ອື່ນໆ.
ໃນໂອກາດດຽວກັນ, ທ່ານ ບຸນເຫຼືອ ພັນດານຸວົງ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈ ມາຍັງ ລັດຖະບານ ແລະ ປະຊາຊົນຣັດເຊຍ ທີ່ໃຫ້ການສະໜັບສະໜູນຊ່ວຍເຫຼືອ ສປປ ລາວ ໃນໄລຍະຜ່ານມາ; ພ້ອມນີ້ ກໍໄດ້ແຈ້ງໃຫ້ຊາບ ກ່ຽວກັບ ການເປັນປະທານອາຊຽນຂອງ ສປປ ລາວ ໃນປີ 2024 ໂດຍເນັ້ນການສົ່ງເສີມການເຊື່ອມຕໍ່ພາກພື້ນ ແລະ ສ້າງຄວາມເຂັ້ມແຂງແກ່ອາຊຽນ ແລະ ເສີມຂະຫຍາຍການພົວພັນຮ່ວມມືກັບບັນດາຄູ່ຮ່ວມພັດທະນາຕ່າງໆ; ໃນປີ 2024 ນີ້, ສປປ ລາວ ກໍໄດ້ເປີດປີທ່ອງທ່ຽວລາວ ພ້ອມທັງ ຂໍເຊີນຊວນປະຊາຊົນ ຣັດເຊຍ ມາທ່ອງທ່ຽວລາວ ໃຫ້ນັບມື້ນັບຫຼາຍຂຶ້ນ.
ກອງປະຊຸມພົບປະສອງຝ່າຍ ໄດ້ດຳເນີນໄປດ້ວຍບັນຍາກາດອັນອົບອຸ່ນ, ໄມຕີຈິດມິດຕະພາບອັນສະໜິດສະໜົມ ແລະ ເຮັດວຽກຮ່ວມກັນດ້ວຍບັນຍາກາດສ້າງສັນ ແລະ ໄດ້ຮັບໝາກຜົນຢ່າງໜ້າເພິ່ງພໍໃຈ, ສ່ອງແສງໃຫ້ເຫັນເຖິງສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນດີງາມ ລະຫວ່າງ ສປປ ລາວ ແລະ ສ. ຣັດເຊຍ ທີ່ນັບມື້ໄດ້ຮັບການເພີ່ມພູນຄູນສ້າງຂຶ້ນເລື້ອຍໆ.
(ຂ່າວ: ກຕທ)
ໃນຕອນເຊົ້າຂອງວັນທີ 19 ກຸມພາ ນີ້ ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ອັນເດຣ ຣູເດັນໂກ ຮອງລັດຖະມົນຕີກະຊວງການຕ່າງປະເທດ ແຫ່ງ ສ ຣັດເຊຍ ພ້ອມດ້ວຍຄະນະ ຊຶ່ງການມາຢ້ຽມຢາມຄັ້ງນີ້ ກໍເພື່ອເປັນການສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈຂອງການນຳຂັ້ນສູງສອງປະເທດ ລາວ-ຣັດເຊຍ ທີ່ໄດ້ຕົກລົງເຫັນດີນຳກັນ ປະກອບສ່ວນເຂົ້າໃນການຮັດແໜ້ນ ແລະ ເສີມຂະຫຍາຍການຮ່ວມມືສອງຝ່າຍ ລາວ-ຣັດເຊຍ ໃຫ້ແຕກດອກອອກຜົນ ແລະ ນໍາເອົາຜົນປະໂຫຍດອັນແທ້ຈິງມາສູ່ປະຊາຊົນສອງຊາດ ລາວ-ຣັດເຊຍ. ໃນໂອກາດນີ້, ສອງຝ່າຍ ໄດ້ເຫັນດີເປັນເອກະພາບຕີລາຄາສູງຕໍ່ການພົວພັນຮ່ວມມື ລາວ-ຣັດເຊຍ ໃນໄລຍະຜ່ານມາ ໂດຍສະເພາະໃນຂົງເຂດການເມືອງ ແລະ ຄວາມໝັ້ນຄົງ ຊຶ່ງເປັນຂົງເຂດການຮ່ວມມືທີ່ມີມູນເຊື້ອມາແຕ່ດົນນານ. ໃນນັ້ນ, ທ່ານຮອງນາຍົກລັດຖະມົນຕີ ໄດ້ສະເໜີໃຫ້ສອງຝ່າຍ ສືບຕໍ່ເພີ່ມທະວີການຮ່ວມມືດ້ານຕ່າງໆທີ່ມີທ່າແຮງຮ່ວມກັນໃຫ້ຫຼາຍຂຶ້ນ ທັງການຮ່ວມມືໃນຂອບສອງຝ່າຍ, ຫຼາຍຝ່າຍ, ໃນເວທີພາກພື້ນ ແລະ ສາກົນ. ພ້ອມນີ້, ຄະນະຜູ້ແທນຣັດເຊຍ ຍັງໄດ້ພົບປະກັບ ທ່ານ ອາລຸນແກ້ວ ກິດຕິຄຸນ ອະດີດລັດຖະມົນຕີປະຈຳສຳນັກງານນາຍົກລັດຖະມົນຕີ ຜູ້ຕາງໜ້າພິເສດຂອງປະທານອາຊຽນ ກ່ຽວກັບ ມຽນມາ ຂອງ ສປປ ລາວ ໃນປີ 2024 ແລະ ຍັງໄດ້ພົບປະກັບ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ຊຶ່ງໄດ້ປຶກສາຫາລື ກ່ຽວກັບ ການຊຸກຍູ້ສົ່ງເສີມການພົວພັນຮ່ວມມື ລະຫວ່າງ ອາຊຽນ-ຣັດເຊຍ ໃຫ້ນັບມື້ແຕກດອກອອກຜົນ ແລະ ຈະເລີນງອກງາມຍິ່ງໆຂຶ້ນ.
ພາຍຫຼັງສຳເລັດການເຂົ້າຢ້ຽມຂ່ຳນັບ ກໍໄດ້ເຂົ້າຮ່ວມກອງປະຊຸມປຶກສາຫາລືສອງຝ່າຍຢ່າງເປັນທາງການ ກັບ ທ່ານ ບຸນເຫຼືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໃນຖານະຄູ່ຮ່ວມຕຳແໜ່ງ ຊຶ່ງ ສອງຝ່າຍ ໄດ້ປຶກສາຫາລືວຽກງານການພົວພັນຮ່ວມມື ລາວ-ຣັດເຊຍ ໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ, ພ້ອມທັງໄດ້ແລກປ່ຽນຄຳຄິດເຫັນຕໍ່ບັນຫາສະພາບການພາກພື້ນ ແລະ ສາກົນທີ່ມີຄວາມສົນໃຈຮ່ວມກັນ. ການພົບປະເຮັດວຽກຄັ້ງນີ້, ສອງຝ່າຍ ໄດ້ຕີລາຄາສູງຕໍ່ສາຍພົວພັນຮ່ວມມືອັນເປັນມູນເຊື້ອຍາວນານ ບົນພື້ນຖານການເປັນຄູ່ຮ່ວມມືຍຸດທະສາດດ້ານຄວາມໝັ້ນຄົງຢູ່ໃນພາກພື້ນ ອາຊີ-ອາຊີຟິກ, ສະແດງອອກໃນການພົບປະແລກປ່ຽນ ລະຫວ່າງ ການນຳຂັ້ນສູງຂອງສອງປະເທດ ລວມເຖິງການໄປມາຫາສູ່ກັນຂອງປະຊາຊົນດ້ວຍກັນ ຢ່າງເປັນປົກກະຕິ, ຊຶ່ງການພົວພັນສອງປະເທດ ແມ່ນນັບມື້ໄດ້ຮັບການເສີມຂະຫຍາຍຢ່າງມີຜົນສຳເລັດສູງ ທັງໃນຂອບການຮ່ວມມືສອງຝ່າຍ ແລະ ຫຼາຍຝ່າຍ ເປັນຕົ້ນ ດ້ານການເມືອງ, ວຽກງານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ-ການຄ້າ, ການລົງທຶນ, ພະລັງງານ-ບໍ່ແຮ່, ການເງິນ-ການທະນາຄານ, ການສຶກສາ, ການພັດທະນາຊັບພະຍາກອນມະນຸດ, ສາທາລະນະສຸກ, ວຽກງານມະນຸດສະທຳ, ການທ່ອງທ່ຽວ, ວັດທະນະທຳ ແລະ ອື່ນໆ, ການສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ.
ໃນຕໍ່ໜ້າ, ສອງຝ່າຍ ເຫັນດີສືບຕໍ່ຊຸກຍູ້ການພົບປະຢ້ຽມຢາມ ລະຫວ່າງ ການນຳຂັ້ນສູງສອງປະເທດ ເພື່ອຂະຫຍາຍການຮ່ວມມືໃນຕໍ່ໜ້າ, ເຫັນດີສືບຕໍ່ຈັດກອງປະຊຸມປຶກສາຫາລືດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ຣັດເຊຍ. ພ້ອມນີ້, ສອງຝ່າຍ ເຫັນວ່າຈະໄດ້ເພີ່ມທະວີຊຸກຍູ້ການພົວພັນຮ່ວມມື ດ້ານເສດຖະກິດ-ການຄ້າ-ການລົງທຶນ ໃຫ້ຫຼາຍຂຶ້ນ ໂດຍອີງໃສ່ທ່າແຮງຂອງແຕ່ລະປະເທດ ເນື່ອງຈາກໄລຍະຜ່ານມາ ມູນຄ່າການຄ້າ ແລະ ການລົງທຶນສອງຝ່າຍ ແມ່ນຍັງບໍ່ສູງຫຼາຍເທົ່າທີ່ຄວນ, ເພີ່ມທະວີການຮ່ວມມືດ້ານການເງິນ-ການທະນາຄານ, ທ່ອງທ່ຽວ, ວັດທະນະທຳ, ການສຶກສາ, ສາທາລະນະສຸກ, ການຮ່ວມມືໃນຂົງເຂດຄວາມປອດໄພດ້ານຂໍ້ມູນຂ່າວສານສາກົນ ລວມທັງ ໃຫ້ ການສະໜັບສະໜູນເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ ເປັນຕົ້ນ ສປຊ, ອາຊຽນ ແລະ ອື່ນໆ.
ໃນໂອກາດດຽວກັນ, ທ່ານ ບຸນເຫຼືອ ພັນດານຸວົງ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈ ມາຍັງ ລັດຖະບານ ແລະ ປະຊາຊົນຣັດເຊຍ ທີ່ໃຫ້ການສະໜັບສະໜູນຊ່ວຍເຫຼືອ ສປປ ລາວ ໃນໄລຍະຜ່ານມາ; ພ້ອມນີ້ ກໍໄດ້ແຈ້ງໃຫ້ຊາບ ກ່ຽວກັບ ການເປັນປະທານອາຊຽນຂອງ ສປປ ລາວ ໃນປີ 2024 ໂດຍເນັ້ນການສົ່ງເສີມການເຊື່ອມຕໍ່ພາກພື້ນ ແລະ ສ້າງຄວາມເຂັ້ມແຂງແກ່ອາຊຽນ ແລະ ເສີມຂະຫຍາຍການພົວພັນຮ່ວມມືກັບບັນດາຄູ່ຮ່ວມພັດທະນາຕ່າງໆ; ໃນປີ 2024 ນີ້, ສປປ ລາວ ກໍໄດ້ເປີດປີທ່ອງທ່ຽວລາວ ພ້ອມທັງ ຂໍເຊີນຊວນປະຊາຊົນ ຣັດເຊຍ ມາທ່ອງທ່ຽວລາວ ໃຫ້ນັບມື້ນັບຫຼາຍຂຶ້ນ.
ກອງປະຊຸມພົບປະສອງຝ່າຍ ໄດ້ດຳເນີນໄປດ້ວຍບັນຍາກາດອັນອົບອຸ່ນ, ໄມຕີຈິດມິດຕະພາບອັນສະໜິດສະໜົມ ແລະ ເຮັດວຽກຮ່ວມກັນດ້ວຍບັນຍາກາດສ້າງສັນ ແລະ ໄດ້ຮັບໝາກຜົນຢ່າງໜ້າເພິ່ງພໍໃຈ, ສ່ອງແສງໃຫ້ເຫັນເຖິງສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນດີງາມ ລະຫວ່າງ ສປປ ລາວ ແລະ ສ. ຣັດເຊຍ ທີ່ນັບມື້ໄດ້ຮັບການເພີ່ມພູນຄູນສ້າງຂຶ້ນເລື້ອຍໆ.
(ຂ່າວ: ກຕທ)
