ສະຖານທູດຍີ່ປຸ່ນປະຈຳ ສປປ ລາວ ໄດ້ຈັດພິທີສະເຫຼີມສະຫຼອງວັນປະສູດຂອງສົມເດັດພະເຈົ້າຈັກກະພັດນາຣຸຣີໂຕະ ຄົບຮອບ 64 ພັນສາ ໃນວັນທີ 20 ກຸມພານີ້ ທີ່ເຮືອນພັກຂອງເອກອັກຄະຣາຊະທູດຍີ່ປຸ່ນປະຈໍາ ສປປ ລາວ ທີ່ນະຄອນຫຼວງວຽງຈັນ.
ໃຫ້ກຽດເຂົ້າຮ່ວມງານລ້ຽງ ໂດຍ ທ່ານ ອາລຸນໄຊ ສູນນະລາດລັດຖະມົນຕີຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ທ່ານ ພຸດ ສິມມາລາວົງລັດຖະມົນຕີກະຊວງສຶກສາທິການ ແລະ ກິລາປະທານສະມາຄົມມິດຕະພາບ ລາວ-ຍີ່ປຸ່ນ, ທ່ານ ບຸນເຫຼືອ ພັນດານຸວົງຮອງລັດຖະມົນຕີກະຊວງການຕ່າງເທດ ພ້ອມດ້ວຍບັນດາແຂກຖືກເຊີນ.
ທ່ານ ເຄັນອິຈິ ໂຄບະຢະຊິເອກອັກຄະຣາຊະທູດຍີ່ປຸ່ນປະຈໍາ ສປປ ລາວ ໄດ້ກ່າວ ຕ້ອນຮັບແຂກຜູ້ມີກຽດ ແລະ ໄດ້ທວນຄືນເຖິງສາຍພົວພັນອັນແໜ້ນແຟ້ນລະຫວ່າງຍີ່ປຸ່ນ ແລະ ສປປ ລາວ ທີ່ມີມາເປັນເວລາຍາວນານ; ທ່ານເຄັນອິຈິໂຄບະຢະຊິໄດ້ກ່າວສະແດງຄວາມຂອບໃຈຢ່າງສຸດຊຶ້ງຕໍ່ກັບສານສະແດງຄວາມເສົ້າສະຫຼົດໃຈຈາກທ່ານ ສອນໄຊ ສີພັນດອນນາຍົກລັດຖະມົນຕີ ເຖິງທ່ານ ຄິຊິດະນາຍົກລັດຖະມົນຕີ ຍີ່ປຸ່ນ ກ່ຽວກັບເຫດການແຜ່ນດິນໄຫວທີ່ແຫຼມໂນໂຕະໃນຕົ້ນປີນີ້. ທ່ານຍັງໄດ້ສະແດງຄວາມຂອບໃຈຕໍ່ ລັດຖະບານ ແລະ ປະຊາຊົນລາວ ແລະ ທຸກຝ່າຍທີ່ກ່ຽວຂ້ອງສໍາລັບການສະໜັບສະໜູນ ແລະ ມິດຕະພາບທີ່ຍືນຍົງ ແລະ ທ່ານທູດ ຍັງໄດ້ກ່າວເຖິງພິທີລົງນາມ ແລະ ແລກປ່ຽນສັນຍາການຊ່ວຍເຫຼືອໃນ “ໂຄງການປັບປຸງສະໜາມກິລາເຈົ້າອະນຸວົງ. ທ່ານໄດ້ສະແດງຄວາມຄາດຫວັງວ່າສະໜາມກິລາທີ່ໄດ້ຮັບການປັບປຸງຈະຖືກຊົມໃຊ້ເປັນເວລາຍາວນານໃນຖານະສັນຍາລັກແຫ່ງມິດຕະພາບລະຫວ່າງສອງປະເທດ ສືບຕໍ່ຈາກຕົ້ນຊະກຸລະ ແລະ ຊ້າງ.
ຈາກນັ້ນ, ທ່ານທູດຍັງໄດ້ກ່າວເຕືອນຄວາມຈໍາວ່າ: ປີໜ້າ ປີ 2025 ເປັນປີຄົບຮອບວາລະ 70 ປີແຫ່ງການສ້າງຕັ້ງສາຍພົວພັນການທູດລະຫວ່າງຍີ່ປຸ່ນ ແລະ ລາວ. ຈາກການໂອ້ລົມທີ່ມີຊີວິດຊີວາ ແລະ ການແລກປ່ຽນທີ່ເປັນໄປໃນທາງບວກ, ທ່ານເຄັນອິຈິໂຄບະຢະຊິ ໄດ້ສະແດງຄວາມປາຖະໜາຂອງຍີ່ປຸ່ນທີ່ຈະແນມໄປຂ້າງໜ້າ ແລະ ຈັບມືເຮັດວຽກຮ່ວມກັນກັບມິດສະຫາຍຈາກຫຼາກຫຼາຍຂະແໜງການໃນ ສປປ ລາວ.
ໃນລະຫວ່າງການສະແດງຄວາມເຄົາລົບຕໍ່ສົມເດັດພະເຈົ້າຈັກກະພັດ ແລະ ສະເຫຼີມສະຫຼອງ ວັນຊາດຍີ່ປຸ່ນ, ທ່ານທູດ ແລະ ແຂກຜູ້ມີກຽດທຸກທ່ານໄດ້ຮ່ວມກັນ ດື່ມອວຍພອນໃຫ້ສາຍພົວພັນ ລະຫວ່າງຍີ່ປຸ່ນ ແລະ ລາວ ແໜ້ນແຟ້ນຍິ່ງໆຂຶ້ນ ຊຶ່ງເປັນຄວາມປາຖະໜາທີ່ມີຮ່ວມກັນ ພ້ອມທັງ ອວຍພອນໃຫ້ທຸກໆທ່ານມີສຸຂະພາບທີ່ດີ ແລະ ປະສົບຜົນສໍາເລັດໃນໜ້າທີ່ວຽກງານຂອງຕົນ.
ໃນຄໍ່າຄືນ ຂອງງານລ້ຽງດັ່ງກ່າວ, ທ່ານນາງ ທິດພະໄທ ວໍລະລາດນັກຮ້ອງຈາກ Lao Music Hub ໄດ້ເປັນຜູ້ຂັບຮ້ອງເພງຊາດລາວ ແລະ ທ່ານ ໂຄກິ ຢາມາກິຊິຜູ້ອໍານວຍການໂຮງຮຽນອິດສະຫຼະພອນ ກໍໄດ້ຂັບຮ້ອງເພງຊາດຍີ່ປຸ່ນ. ບັນດາແຂກທີ່ມາຮ່ວມງານ, ຍັງໄດ້ຊິມອາຫານ ແລະ ເຄື່ອງດື່ມຍີ່ປຸ່ນ ແລະ ໄດ້ເລາະຊົມຮ້ານວາງສະແດງຜະລິດຕະພັນຕ່າງໆ ທີ່ຈັດສະແດງການເຄື່ອນໄຫວຂອງບັນດາບໍລິສັດຍີ່ປຸ່ນ, ອົງການບໍ່ສັງກັດລັດຖະບານ (NGOs) ແລະ ອົງການບໍ່ສະແຫວງຫາຜົນກໍາໄລ (NPOs) ໃນ ສປປ ລາວ.
ໃນປີນີ້, ສະຖານທູດຍີ່ປຸ່ນຍັງໄດ້ຮ່ວມມືກັບບໍລິສັດຍີ່ປຸ່ນໃນ ສປປ ລາວເພື່ອຈັດຫາອາຫານ ອັນແຊບ ຄື “kaisendon” ເຂົ້າໜ້າທະເລທີ່ເຮັດຈາກອາຫານທະເລຍີ່ປຸ່ນຄຸນນະພາບສູງມາບໍລິການອີກດ້ວຍ.
ທ່ານທູດ ຍັງໄດ້ກ່າວຕື່ມວ່າ: ຜ່ານການລິເລີ່ມໃນຄັ້ງນີ້, ຫວັງວ່າອາຫານທະເລຍີ່ປຸ່ນ ລວມທັງຈາກພູມີພາກ ທີ່ໄດ້ຮັບຜົນກະທົບຈາກແຜ່ນດິນໄຫວຄັ້ງໃຫຍ່ໃນພາກຕາເວັນອອກຂອງຍີ່ປຸ່ນຈະເປັນທີ່ນິຍົມຂອງຄົນລາວ ທັງໃນອະນາຄົດອັນໃກ້ນີ້ ແລະ ຕໍ່ໄປອີກຍາວນານ.
(ຂ່າວ: ສະຖານທູດຍີ່ປຸ່ນ;ພາບ: ແສງຈັນ)
ໃຫ້ກຽດເຂົ້າຮ່ວມງານລ້ຽງ ໂດຍ ທ່ານ ອາລຸນໄຊ ສູນນະລາດລັດຖະມົນຕີຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ທ່ານ ພຸດ ສິມມາລາວົງລັດຖະມົນຕີກະຊວງສຶກສາທິການ ແລະ ກິລາປະທານສະມາຄົມມິດຕະພາບ ລາວ-ຍີ່ປຸ່ນ, ທ່ານ ບຸນເຫຼືອ ພັນດານຸວົງຮອງລັດຖະມົນຕີກະຊວງການຕ່າງເທດ ພ້ອມດ້ວຍບັນດາແຂກຖືກເຊີນ.
ທ່ານ ເຄັນອິຈິ ໂຄບະຢະຊິເອກອັກຄະຣາຊະທູດຍີ່ປຸ່ນປະຈໍາ ສປປ ລາວ ໄດ້ກ່າວ ຕ້ອນຮັບແຂກຜູ້ມີກຽດ ແລະ ໄດ້ທວນຄືນເຖິງສາຍພົວພັນອັນແໜ້ນແຟ້ນລະຫວ່າງຍີ່ປຸ່ນ ແລະ ສປປ ລາວ ທີ່ມີມາເປັນເວລາຍາວນານ; ທ່ານເຄັນອິຈິໂຄບະຢະຊິໄດ້ກ່າວສະແດງຄວາມຂອບໃຈຢ່າງສຸດຊຶ້ງຕໍ່ກັບສານສະແດງຄວາມເສົ້າສະຫຼົດໃຈຈາກທ່ານ ສອນໄຊ ສີພັນດອນນາຍົກລັດຖະມົນຕີ ເຖິງທ່ານ ຄິຊິດະນາຍົກລັດຖະມົນຕີ ຍີ່ປຸ່ນ ກ່ຽວກັບເຫດການແຜ່ນດິນໄຫວທີ່ແຫຼມໂນໂຕະໃນຕົ້ນປີນີ້. ທ່ານຍັງໄດ້ສະແດງຄວາມຂອບໃຈຕໍ່ ລັດຖະບານ ແລະ ປະຊາຊົນລາວ ແລະ ທຸກຝ່າຍທີ່ກ່ຽວຂ້ອງສໍາລັບການສະໜັບສະໜູນ ແລະ ມິດຕະພາບທີ່ຍືນຍົງ ແລະ ທ່ານທູດ ຍັງໄດ້ກ່າວເຖິງພິທີລົງນາມ ແລະ ແລກປ່ຽນສັນຍາການຊ່ວຍເຫຼືອໃນ “ໂຄງການປັບປຸງສະໜາມກິລາເຈົ້າອະນຸວົງ. ທ່ານໄດ້ສະແດງຄວາມຄາດຫວັງວ່າສະໜາມກິລາທີ່ໄດ້ຮັບການປັບປຸງຈະຖືກຊົມໃຊ້ເປັນເວລາຍາວນານໃນຖານະສັນຍາລັກແຫ່ງມິດຕະພາບລະຫວ່າງສອງປະເທດ ສືບຕໍ່ຈາກຕົ້ນຊະກຸລະ ແລະ ຊ້າງ.
ຈາກນັ້ນ, ທ່ານທູດຍັງໄດ້ກ່າວເຕືອນຄວາມຈໍາວ່າ: ປີໜ້າ ປີ 2025 ເປັນປີຄົບຮອບວາລະ 70 ປີແຫ່ງການສ້າງຕັ້ງສາຍພົວພັນການທູດລະຫວ່າງຍີ່ປຸ່ນ ແລະ ລາວ. ຈາກການໂອ້ລົມທີ່ມີຊີວິດຊີວາ ແລະ ການແລກປ່ຽນທີ່ເປັນໄປໃນທາງບວກ, ທ່ານເຄັນອິຈິໂຄບະຢະຊິ ໄດ້ສະແດງຄວາມປາຖະໜາຂອງຍີ່ປຸ່ນທີ່ຈະແນມໄປຂ້າງໜ້າ ແລະ ຈັບມືເຮັດວຽກຮ່ວມກັນກັບມິດສະຫາຍຈາກຫຼາກຫຼາຍຂະແໜງການໃນ ສປປ ລາວ.
ໃນລະຫວ່າງການສະແດງຄວາມເຄົາລົບຕໍ່ສົມເດັດພະເຈົ້າຈັກກະພັດ ແລະ ສະເຫຼີມສະຫຼອງ ວັນຊາດຍີ່ປຸ່ນ, ທ່ານທູດ ແລະ ແຂກຜູ້ມີກຽດທຸກທ່ານໄດ້ຮ່ວມກັນ ດື່ມອວຍພອນໃຫ້ສາຍພົວພັນ ລະຫວ່າງຍີ່ປຸ່ນ ແລະ ລາວ ແໜ້ນແຟ້ນຍິ່ງໆຂຶ້ນ ຊຶ່ງເປັນຄວາມປາຖະໜາທີ່ມີຮ່ວມກັນ ພ້ອມທັງ ອວຍພອນໃຫ້ທຸກໆທ່ານມີສຸຂະພາບທີ່ດີ ແລະ ປະສົບຜົນສໍາເລັດໃນໜ້າທີ່ວຽກງານຂອງຕົນ.
ໃນຄໍ່າຄືນ ຂອງງານລ້ຽງດັ່ງກ່າວ, ທ່ານນາງ ທິດພະໄທ ວໍລະລາດນັກຮ້ອງຈາກ Lao Music Hub ໄດ້ເປັນຜູ້ຂັບຮ້ອງເພງຊາດລາວ ແລະ ທ່ານ ໂຄກິ ຢາມາກິຊິຜູ້ອໍານວຍການໂຮງຮຽນອິດສະຫຼະພອນ ກໍໄດ້ຂັບຮ້ອງເພງຊາດຍີ່ປຸ່ນ. ບັນດາແຂກທີ່ມາຮ່ວມງານ, ຍັງໄດ້ຊິມອາຫານ ແລະ ເຄື່ອງດື່ມຍີ່ປຸ່ນ ແລະ ໄດ້ເລາະຊົມຮ້ານວາງສະແດງຜະລິດຕະພັນຕ່າງໆ ທີ່ຈັດສະແດງການເຄື່ອນໄຫວຂອງບັນດາບໍລິສັດຍີ່ປຸ່ນ, ອົງການບໍ່ສັງກັດລັດຖະບານ (NGOs) ແລະ ອົງການບໍ່ສະແຫວງຫາຜົນກໍາໄລ (NPOs) ໃນ ສປປ ລາວ.
ໃນປີນີ້, ສະຖານທູດຍີ່ປຸ່ນຍັງໄດ້ຮ່ວມມືກັບບໍລິສັດຍີ່ປຸ່ນໃນ ສປປ ລາວເພື່ອຈັດຫາອາຫານ ອັນແຊບ ຄື “kaisendon” ເຂົ້າໜ້າທະເລທີ່ເຮັດຈາກອາຫານທະເລຍີ່ປຸ່ນຄຸນນະພາບສູງມາບໍລິການອີກດ້ວຍ.
ທ່ານທູດ ຍັງໄດ້ກ່າວຕື່ມວ່າ: ຜ່ານການລິເລີ່ມໃນຄັ້ງນີ້, ຫວັງວ່າອາຫານທະເລຍີ່ປຸ່ນ ລວມທັງຈາກພູມີພາກ ທີ່ໄດ້ຮັບຜົນກະທົບຈາກແຜ່ນດິນໄຫວຄັ້ງໃຫຍ່ໃນພາກຕາເວັນອອກຂອງຍີ່ປຸ່ນຈະເປັນທີ່ນິຍົມຂອງຄົນລາວ ທັງໃນອະນາຄົດອັນໃກ້ນີ້ ແລະ ຕໍ່ໄປອີກຍາວນານ.
(ຂ່າວ: ສະຖານທູດຍີ່ປຸ່ນ;ພາບ: ແສງຈັນ)
