ກອງປະຊຸມສະຫຼຸບຖອດຖອນບົດຮຽນການຈັດຕັ້ງປະຕິບັດວຽກງານພະລາທິການ-ການເງິນ ທົ່ວກອງທັບປະຈໍາປີ 2023ໄດ້ຈັດຂຶ້ນໃນລະຫວ່າງວັນທີ 19-21 ກຸມພານີ້ທີ່ສະໂມສອນກົມໃຫຍ່ພະລາທິການກອງທັບ, ໂດຍພາຍໃຕ້ການເປັນປະທານຂອງທ່ານ ພົນຕີ ຄໍາເພັດ ສີຊານົນ ກຳມະການຄະນະປະຈຳພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີຄະນະນຳກະຊວງປ້ອງກັນປະເທດ, ກົມໃຫຍ່, ຫ້ອງວ່າການ, ຫ້ອງການປ້ອງກັນຊາດ-ປ້ອງກັນຄວາມສະຫງົບສູນກາງ, ກົມໃຫຍ່ພະລາທິການປ້ອງກັນຄວາມສະຫງົບ, ວິທະຍາຄານ, ກອງພົນ, ກອງບັນຊາການທະຫານແຂວງ, ກອງພັນໃຫຍ່, ກົມ, ຫ້ອງການ, ໂຮງຮຽນ, ໂຮງງານ, ໂຮງໝໍ, ຫົວໜ່ວຍວິສາຫະກິດ, ວິຊາສະເພາະພະລາ ແລະ ການເງິນຈາກບັນດາກົມກອງກໍາລັງຫຼວງ-ກໍາທ້ອງຖິ່ນເຂົ້າຮ່ວມ.
ທ່ານ ພົນຕີ ຄໍາເພັດ ສີຊານົນ ໄດ້ມີຄໍາເຫັນ ແລະ ກ່າວເປີດກອງປະຊຸມ ໂດຍຍົກໃຫ້ເຫັນຄວາມໝາຍຄວາມສໍາຄັນຂອງວຽກງານພະລາທິການ-ການເງິນທົ່ວກອງທັບ ຊຶ່ງແມ່ນພາກສ່ວນໜຶ່ງທີ່ສໍາຄັນ, ເປັນປັດໄຈພື້ນຖານປະກອບສ່ວນໃຫ້ກົມກອງເຮັດສໍາເລັດໜ້າທີ່ການເມືອງຂອງຕົນ ແລະ ເປັນກໍາລັງແຮງສັງລວມຂອງກອງທັບ, ຮັບປະກັນໂດຍກົງ ທາງດ້ານການເຄື່ອນໄຫວວຽກງານກຽມພ້ອມສູ້ຮົບ ກໍຄືຮັບປະກັນຊີວິດການເປັນຢູ່ຂອງພະນັກງານ-ນັກຮົບຢູ່ໃນກອງທັບ.ກອງປະຊຸມຈະໄດ້ພ້ອມກັນສັງເກດຕີລາຄາຄືນກ່ຽວກັບການຈັດຕັ້ງປະຕິບັດວຽກງານພະລາທິການ-ການເງິນ ໃນ 1 ປີຜ່ານມາ ກໍຄືການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ ໂດຍສະເພາະແມ່ນແຜນງານໃຫຍ່ທີ 3 ວຽກງານຈັດຕັ້ງຮັບປະກັນພະລາທິການເພື່ອຄວາມເປັນເອກະພາບໃນການປັບປຸງກໍ່ສ້າງກອງທັບ ໃຫ້ມີການຫັນປ່ຽນໃໝ່ຢ່າງຕັ້ງໜ້າ, ພ້ອມກັນຄົ້ນຄວ້າເປັນເອກະພາບຕໍ່ກັບທິດທາງແຜນການທີ່ຈະສຸມໃສ່ຈັດຕັ້ງປະຕິບັດໃນປີ 2024 ໃຫ້ມີຜົນສໍາເລັດສູງຂຶ້ນກວ່າເກົ່າ.
ທ່ານ ພົນຈັດຕະວາ ຈັນດີ ສຸລິວົງສັກ ກໍາມະການຄະນະພັກກະຊວງປ້ອງກັນປະເທດຮອງຫົວໜ້າກົມໃຫຍ່ພະລາທິການກອງທັບໄດ້ສະຫຼຸບຕີລາຄາຄືນເຖິງການເຄື່ອນໄຫວຈັດຕັ້ງປະຕິບັດວຽກງານໃນຫຼາຍດ້ານທີ່ພົ້ນເດັ່ນ ຂອງຄະນະພັກ-ຄະນະບັນຊາ, ພະນັກງານວິຊາການທີ່ເຮັດວຽກງານພະລາທິການກອງທັບ ທີ່ຍາດມາໄດ້ໃນໄລຍະຜ່ານມາ ໂດຍສະເພາະວຽກງານຮັບປະກັນໃຫ້ແກ່ການເຄື່ອນໄຫວ, ຫັດແອບ ແລະ ກຽມພ້ອມສູ້ຮົບ, ຈັດຕັ້ງຮັບປະກັນຢ່າງຄົບຖ້ວນ, ທັນເວລາ, ດ້ານວັດຖຸ, ພາຫະນະຮັບໃຊ້, ວຽກງານຮັບປະກັນຊີວິດການເປັນຢູ່ການຈັດຕັ້ງລ້ຽງດູທັບ ດ້ານສະບຽງອາຫານ, ດ້ານການຈັດຕັ້ງກິນດື່ມລວມໝູ່, ດ້ານເຄື່ອງນຸ່ງຫົ່ມ, ດ້ານນໍ້າມັນເຊື້ອໄຟ, ວຽກງານຄຸ້ມຄອງທີ່ດິນ, ໄຟຟ້າ ແລະ ນໍ້າປະປາ, ທີ່ດິນທົ່ວກອງທັບຄຸ້ມຄອງມີທັງໝົດ 1.928 ຕອນ, ດ້ານກະສິກໍາຢູ່ຂັ້ນກະຊວງ, ໄດ້ສຸມໃສ່ປັບປຸງບາງຫົວໜ່ວຍການຜະລິດຢ່າງຮອບດ້ານຕາມທິດຫັນໄປສູ່ການຜະລິດແບບໄລ່ລຽງ, ໂດຍສະເພາະແມ່ນກຸ່ມຜະລິດຄົບວົງຈອນເລກ 1, ເລກ 2 ເລກ 3 ໃນໜຶ່ງປີຜ່ານມາສາມາດສ້າງລາຍຮັບໄດ້ທັງໝົດ 46.518 ລ້ານກວ່າກີບ, ດ້ານອຸດສາຫະກຳເບົາ ໄດ້ປັບປຸງ 6 ຫົວໜ່ວຍໂຮງຈັກ-ໂຮງງານ, ສໍາລັບໂຮງງານຕັດຫຍິບເລກ 2 ສາຂາພາກເໜືອແຂວງອຸດົມໄຊໄດ້ແບ່ງເອົາງົບປະມານຂອງໂຮງງານຕັດຫຍິບເລກ 1 ຈຳນວນ 13,80% ຂອງງົບປະມານ.
ນອກນີ້, ຫຼາຍກົມກອງ-ທ້ອງຖິ່ນຍັງສູ້ຊົນກໍ່ສ້າງພື້ນຖານການຜະລິດ-ທຸລະກິດເພື່ອສ້າງແຫຼ່ງລາຍຮັບໃຫ້ກົມກອງເຊັ່ນ: ໂຮງງານຜະລິດດິນບ໋ອກ, ໂຮງງານນໍ້າດື່ມ, ໂຮງສີເຂົ້າ, ບ້ານພັກໂຮງແຮມ, ອູ່ສ້ອມແປງ, ປໍ້ານໍ້າມັນ, ກິດຈະການໃຫ້ເຊົ່າອື່ນໆໄດ້ທັງໝົດ 43 ຕື້ກ່ວາກີບ, ທຽບໃສ່ປີຜ່ານມາເພີ່ມຂຶ້ນ 26% ສາມາດນໍາລາຍຮັບດັ່ງກ່າວເຂົ້າມາແກ້ໄຂວຽກທີ່ຈໍາເປັນຂອງກົມກອງໄດ້ສ່ວນໃດສ່ວນໜຶ່ງ, ຕາມໂຕເລກລາຍງານຂອງກົມກອງ, ທ້ອງຖິ່ນຕ່າງໆ ເຫັນວ່າລາຍຮັບທີ່ໄດ້ມາຈາກຜົນຜະລິດຂ້າງເທິງໃນປີ 2023 ບັນລຸໄດ້ 123 ຕື້ກວ່າກີບ (ນັບທັງເງິນສົດ, ແຮງງານ ແລະ ວັດຖຸ), ໃນນີ້ມີທຶນໝູນວຽນ 36 ຕື້ກວ່າກີບ, ຖ້າທຽບໃສ່ປີຜ່ານມາເພີ່ມຂຶ້ນ 19% (ລາຍຮັບສ່ວນໃຫຍ່ໄດ້ຈາກການບໍລິການ, ສ່ວນການຜະລິດກະສິກຳແມ່ນຫຼຸດລົງຍ້ອນຖືກຜົນກະທົບທາງດ້ານເສດຖະກິດ), ບັນດາກົມກອງທ້ອງຖິ່ນສາມາດສ້າງລາຍຮັບໄດ້ 6 ຕື້ກີບຂຶ້ນໄປ.
ກອງປະຊຸມຄັ້ງນີ້, ຄະນະພັກ-ຄະນະບັນຊາແຕ່ລະຂັ້ນ, ກໍຄືພະນັກງານຜູ້ທີ່ເຮັດວຽກງານພະລາທິການ-ການເງິນທົ່ວກອງທັບ ຍັງຈະໄດ້ພ້ອມກັນຍົກສູງຄວາມຮັບຜິດຊອບຂອງຕົນສຸມສະຕິປັນຍາເຂົ້າໃນການຄົ້ນຄວ້າ ແລະ ປະກອບຄໍາເຫັນໃສ່ເນື້ອໃນຕ່າງໆຂອງກອງປະຊຸມວຽກງານພະລາທິການ-ການເງິນທົ່ວກອງທັບປະຈໍາປີ 2023 ແລະ ທິດທາງແຜນການຄາດໝາຍສູ້ຊົນວຽກງານ ປະຈໍາປີ 2024 ເພື່ອຮັບປະກັນວຽກງານຈຸຸດສຸມໃນຕໍ່
ໜ້າມີໃບໜ້າອັນໃໝ່ແລະໄດ້ຮັບປະສິດທິຜົນສູງຂຶ້ນກວ່າເກົ່າ.ກອງປະຊຸມຄັ້ງນີ້ ຈະໄດ້ດໍາເນີນເປັນເວລາ 3 ວັນຈຶ່ງຈະສໍາເລັດ.
ທ່ານ ພົນຕີ ຄໍາເພັດ ສີຊານົນ ໄດ້ມີຄໍາເຫັນ ແລະ ກ່າວເປີດກອງປະຊຸມ ໂດຍຍົກໃຫ້ເຫັນຄວາມໝາຍຄວາມສໍາຄັນຂອງວຽກງານພະລາທິການ-ການເງິນທົ່ວກອງທັບ ຊຶ່ງແມ່ນພາກສ່ວນໜຶ່ງທີ່ສໍາຄັນ, ເປັນປັດໄຈພື້ນຖານປະກອບສ່ວນໃຫ້ກົມກອງເຮັດສໍາເລັດໜ້າທີ່ການເມືອງຂອງຕົນ ແລະ ເປັນກໍາລັງແຮງສັງລວມຂອງກອງທັບ, ຮັບປະກັນໂດຍກົງ ທາງດ້ານການເຄື່ອນໄຫວວຽກງານກຽມພ້ອມສູ້ຮົບ ກໍຄືຮັບປະກັນຊີວິດການເປັນຢູ່ຂອງພະນັກງານ-ນັກຮົບຢູ່ໃນກອງທັບ.ກອງປະຊຸມຈະໄດ້ພ້ອມກັນສັງເກດຕີລາຄາຄືນກ່ຽວກັບການຈັດຕັ້ງປະຕິບັດວຽກງານພະລາທິການ-ການເງິນ ໃນ 1 ປີຜ່ານມາ ກໍຄືການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ ໂດຍສະເພາະແມ່ນແຜນງານໃຫຍ່ທີ 3 ວຽກງານຈັດຕັ້ງຮັບປະກັນພະລາທິການເພື່ອຄວາມເປັນເອກະພາບໃນການປັບປຸງກໍ່ສ້າງກອງທັບ ໃຫ້ມີການຫັນປ່ຽນໃໝ່ຢ່າງຕັ້ງໜ້າ, ພ້ອມກັນຄົ້ນຄວ້າເປັນເອກະພາບຕໍ່ກັບທິດທາງແຜນການທີ່ຈະສຸມໃສ່ຈັດຕັ້ງປະຕິບັດໃນປີ 2024 ໃຫ້ມີຜົນສໍາເລັດສູງຂຶ້ນກວ່າເກົ່າ.
ທ່ານ ພົນຈັດຕະວາ ຈັນດີ ສຸລິວົງສັກ ກໍາມະການຄະນະພັກກະຊວງປ້ອງກັນປະເທດຮອງຫົວໜ້າກົມໃຫຍ່ພະລາທິການກອງທັບໄດ້ສະຫຼຸບຕີລາຄາຄືນເຖິງການເຄື່ອນໄຫວຈັດຕັ້ງປະຕິບັດວຽກງານໃນຫຼາຍດ້ານທີ່ພົ້ນເດັ່ນ ຂອງຄະນະພັກ-ຄະນະບັນຊາ, ພະນັກງານວິຊາການທີ່ເຮັດວຽກງານພະລາທິການກອງທັບ ທີ່ຍາດມາໄດ້ໃນໄລຍະຜ່ານມາ ໂດຍສະເພາະວຽກງານຮັບປະກັນໃຫ້ແກ່ການເຄື່ອນໄຫວ, ຫັດແອບ ແລະ ກຽມພ້ອມສູ້ຮົບ, ຈັດຕັ້ງຮັບປະກັນຢ່າງຄົບຖ້ວນ, ທັນເວລາ, ດ້ານວັດຖຸ, ພາຫະນະຮັບໃຊ້, ວຽກງານຮັບປະກັນຊີວິດການເປັນຢູ່ການຈັດຕັ້ງລ້ຽງດູທັບ ດ້ານສະບຽງອາຫານ, ດ້ານການຈັດຕັ້ງກິນດື່ມລວມໝູ່, ດ້ານເຄື່ອງນຸ່ງຫົ່ມ, ດ້ານນໍ້າມັນເຊື້ອໄຟ, ວຽກງານຄຸ້ມຄອງທີ່ດິນ, ໄຟຟ້າ ແລະ ນໍ້າປະປາ, ທີ່ດິນທົ່ວກອງທັບຄຸ້ມຄອງມີທັງໝົດ 1.928 ຕອນ, ດ້ານກະສິກໍາຢູ່ຂັ້ນກະຊວງ, ໄດ້ສຸມໃສ່ປັບປຸງບາງຫົວໜ່ວຍການຜະລິດຢ່າງຮອບດ້ານຕາມທິດຫັນໄປສູ່ການຜະລິດແບບໄລ່ລຽງ, ໂດຍສະເພາະແມ່ນກຸ່ມຜະລິດຄົບວົງຈອນເລກ 1, ເລກ 2 ເລກ 3 ໃນໜຶ່ງປີຜ່ານມາສາມາດສ້າງລາຍຮັບໄດ້ທັງໝົດ 46.518 ລ້ານກວ່າກີບ, ດ້ານອຸດສາຫະກຳເບົາ ໄດ້ປັບປຸງ 6 ຫົວໜ່ວຍໂຮງຈັກ-ໂຮງງານ, ສໍາລັບໂຮງງານຕັດຫຍິບເລກ 2 ສາຂາພາກເໜືອແຂວງອຸດົມໄຊໄດ້ແບ່ງເອົາງົບປະມານຂອງໂຮງງານຕັດຫຍິບເລກ 1 ຈຳນວນ 13,80% ຂອງງົບປະມານ.
ນອກນີ້, ຫຼາຍກົມກອງ-ທ້ອງຖິ່ນຍັງສູ້ຊົນກໍ່ສ້າງພື້ນຖານການຜະລິດ-ທຸລະກິດເພື່ອສ້າງແຫຼ່ງລາຍຮັບໃຫ້ກົມກອງເຊັ່ນ: ໂຮງງານຜະລິດດິນບ໋ອກ, ໂຮງງານນໍ້າດື່ມ, ໂຮງສີເຂົ້າ, ບ້ານພັກໂຮງແຮມ, ອູ່ສ້ອມແປງ, ປໍ້ານໍ້າມັນ, ກິດຈະການໃຫ້ເຊົ່າອື່ນໆໄດ້ທັງໝົດ 43 ຕື້ກ່ວາກີບ, ທຽບໃສ່ປີຜ່ານມາເພີ່ມຂຶ້ນ 26% ສາມາດນໍາລາຍຮັບດັ່ງກ່າວເຂົ້າມາແກ້ໄຂວຽກທີ່ຈໍາເປັນຂອງກົມກອງໄດ້ສ່ວນໃດສ່ວນໜຶ່ງ, ຕາມໂຕເລກລາຍງານຂອງກົມກອງ, ທ້ອງຖິ່ນຕ່າງໆ ເຫັນວ່າລາຍຮັບທີ່ໄດ້ມາຈາກຜົນຜະລິດຂ້າງເທິງໃນປີ 2023 ບັນລຸໄດ້ 123 ຕື້ກວ່າກີບ (ນັບທັງເງິນສົດ, ແຮງງານ ແລະ ວັດຖຸ), ໃນນີ້ມີທຶນໝູນວຽນ 36 ຕື້ກວ່າກີບ, ຖ້າທຽບໃສ່ປີຜ່ານມາເພີ່ມຂຶ້ນ 19% (ລາຍຮັບສ່ວນໃຫຍ່ໄດ້ຈາກການບໍລິການ, ສ່ວນການຜະລິດກະສິກຳແມ່ນຫຼຸດລົງຍ້ອນຖືກຜົນກະທົບທາງດ້ານເສດຖະກິດ), ບັນດາກົມກອງທ້ອງຖິ່ນສາມາດສ້າງລາຍຮັບໄດ້ 6 ຕື້ກີບຂຶ້ນໄປ.
ກອງປະຊຸມຄັ້ງນີ້, ຄະນະພັກ-ຄະນະບັນຊາແຕ່ລະຂັ້ນ, ກໍຄືພະນັກງານຜູ້ທີ່ເຮັດວຽກງານພະລາທິການ-ການເງິນທົ່ວກອງທັບ ຍັງຈະໄດ້ພ້ອມກັນຍົກສູງຄວາມຮັບຜິດຊອບຂອງຕົນສຸມສະຕິປັນຍາເຂົ້າໃນການຄົ້ນຄວ້າ ແລະ ປະກອບຄໍາເຫັນໃສ່ເນື້ອໃນຕ່າງໆຂອງກອງປະຊຸມວຽກງານພະລາທິການ-ການເງິນທົ່ວກອງທັບປະຈໍາປີ 2023 ແລະ ທິດທາງແຜນການຄາດໝາຍສູ້ຊົນວຽກງານ ປະຈໍາປີ 2024 ເພື່ອຮັບປະກັນວຽກງານຈຸຸດສຸມໃນຕໍ່
ໜ້າມີໃບໜ້າອັນໃໝ່ແລະໄດ້ຮັບປະສິດທິຜົນສູງຂຶ້ນກວ່າເກົ່າ.ກອງປະຊຸມຄັ້ງນີ້ ຈະໄດ້ດໍາເນີນເປັນເວລາ 3 ວັນຈຶ່ງຈະສໍາເລັດ.
