ວັນທີ 25 ກຸມພາຜ່ານມາ, ທ່ານ ບົວສອນ ບຸບຜາວັນ ອະດີດນາຍົກລັດຖະມົນຕີ ພ້ອມຄະນະ ໄດ້ເຄື່ອນໄຫວພົບປະຢ້ຽມຢາມ, ພໍ່ແມ່ປະຊາຊົນບ້ານນາຕານເມືອງນາກາຍ, ໂດຍການພາທາງຂອງທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ພ້ອມຄະນະນຳຂັ້ນແຂວງ ແລະ ເມືອງ, ຕະຫຼອດຮອດພໍ່ແມ່ປະຊາຊົນໃຫ້ການຕ້ອນຮັບ.
ໂອກາດດັ່ງກ່າວ, ແມ່ນໄດ້ຮັບຟັງການລາຍງານສະພາບຈຸດພິເສດແລະທີ່ຕັ້ງຂອງບ້ານ, ຕະຫລອດຮອດດ້ານຂໍ້ສະດວກ ແລະ ຂໍ້ຫຍຸ້ງຍາກລວມເຖິງຜົນກະທົບຈາກໄພນໍ້າຖ້ວມຢ່າງໜັກໜ່ວງໃນປີຜ່ານມາ ຊຶ່ງບ້ານນາຕານແມ່ນບ້ານໜຶ່ງທີ່ຂຶ້ນກັບເມືອງນາກາຍ, ຫ່າງຈາກເທສະບານເມືອງປະມານ 68 ກິໂລແມັດ, ມີ 2 ຄຸ້ມບ້ານຄື: ຄຸ້ມນາຕານ ແລະ ຄຸ້ມໂພນຄໍາ, ມີເຜົ່າຊໍາ ແລະ ເຜົ່າຄັ້ງ. ມີ 114 ຫຼັງຄາເຮືອນ, 167 ຄອບຄົວ, ມີພົນລະເມືອງທັງໝົດ 686 ຄົນ ຍິງ 347 ຄົນ, ອາຊີບຕົ້ນຕໍຂອງປະຊາຊົນແມ່ນການປູກຝັງ-ລ້ຽງສັດ, ເຮັດນາ, ປູກພືດເປັນສິນຄ້າ, ຫັດຖະກຳຈັກສານ ແລະ ຕໍ່າແຜ່ນແພ.
ສໍາລັບຂໍ້ສະເໜີຂອງຕາງໜ້າອໍານາດການປົກຄອງບ້ານເປັນຕົ້ນແມ່ນສະເໜີຂໍສ້ອມແປງຕິດຕັ້ງລະບົບໄຟຟ້າແຮງສູງ ແລະ ເສັ້ນທາງປູຍາງແຕ່ນາກາຍໃຕ້ ຫາ ບ້ານນາຕານ ເນື່ອງຈາກພົບຄວາມຫຍຸ້ງຍາກໂດຍສະເພາະລະດູຝົນເຮັດໃຫ້ການຄົມມະນາຄົມມີຄວາມລໍາບາກ ຊຶ່ງເຂດດັ່ງກ່າວແມ່ນເປັນເຂດພື້ນຖານການຜະລິດທີ່ເຂັ້ມແຂງແລະ ມີທ່າແຮງທາງດ້ານການທ່ອງທ່ຽວ, ໂດຍສະເພາະກໍ່ຄືແຫຼ່ງທ່ອງທ່ຽວກອງລໍ-ນາຕານ.
ໂອກາດນີ້, ທ່ານອະດີດນາຍົກລັດຖະມົນຕີ ໄດ້ສະແດງຄວາມເປັນຫ່ວງເປັນໄຍ ແລະ ຖາມຂ່າວຄວາມສຸກ(ທຸກຂອງພໍ່ແມ່ປະຊາຊົນເພາະຄຸ້ມບ້ານດັ່ງກ່າວແມ່ນໄດ້ຮັບຜົນກະທົບຈາກໄພນໍ້າຖ້ວມຢ່າງໜັກໃນຊ່ວງລະດູຝົນປີ2023 ຜ່ານມາ ພ້ອມນີ້ ທ່ານຍັງໄດ້ຮຽກຮ້ອງມາຍັງອໍານາດການປົກຄອງບ້ານຈົ່ງໄດ້ເຊື່ອໜັ້ນຕໍ່ການນໍາພາຂອງພັກ, ຂອງລັດ, ເຊື່ອໜັ້ນຕໍ່ແນວທາງນະໂຍບາຍຂອງພັກ-ລັດ, ຂອງແຂວງ, ເມືອງຕໍ່ກັບການແກ້ໄຂຄວາມຫຍຸ້ງຍາກຕໍ່ການດໍາລົງຊີວິດຂອງປະຊາຊົນ, ໃຫ້ມີຄວາມສາມັກຄີເປັນປຶກແຜ່ນແໜ້ນໜາຊ່ວຍເຫຼືອເຊິ່ງກັນ ແລະ ກັນ ໃນການພັດທະນາເສດຖະກິດ-ສັງຄົມ ສິ່ງສໍາຄັນເພື່ອສ້າງໃຫ້ພື້ນຖານຊີວິດການເປັນຢູ່ຄອບຄົວໃຫ້ເຂັ້ມແຂງ, ແຕ່ລະຄອບຄົວໃຫ້ສ້າງພື້ນຖານການຜະລິດຕາມທ່າແຮງຂອງຕົນເຊັ່ນ: ດ້ານການປູກ-ການລ້ຽງ, ຕິດພັນກັບດ້ານການທ່ອງທ່ຽວໂດຍການສ້າງຄວາມສະອາດຈົບງາມບ້ານຊ່ອງເຮືອນຊານ. ປະຊາຊົນຕ້ອງມີອັດທະຍາໃສທີ່ດີ, ມີໄມຕີຈິດຍີມແຍ້ມແຈ່ມໃສ, ຄຽງຄູ່ກັນນັ້ນໃຫ້ຮັກສາຄວາມສະຫງົບປອດໄພ ແລະ ຮັກສາສະພາບແວດລ້ອມຕ່າງໆ, ເອົາໃຈໃສ່ສືບຕໍ່ຮັກສາວຽກງານປ້ອງກັນຄວາມສະຫງົບ. ພ້ອມດຽວກັນນີ້ ອະດີດນາຍົກລັດຖະມົນຕີຍັງໄດ້ມອບເງິນສົດຈໍານວນໜຶ່ງ ແລະ ເຄື່ອງອຸປະໂພກ-ບໍລິໂພກ, ອຸປະກອນການສຶກສາ-ກິລາມາມອບໃຫ້ປະຊາຊົນຕື່ມອີກ.
(ຂ່າວ: ມະນີວັນ)
ໂອກາດດັ່ງກ່າວ, ແມ່ນໄດ້ຮັບຟັງການລາຍງານສະພາບຈຸດພິເສດແລະທີ່ຕັ້ງຂອງບ້ານ, ຕະຫລອດຮອດດ້ານຂໍ້ສະດວກ ແລະ ຂໍ້ຫຍຸ້ງຍາກລວມເຖິງຜົນກະທົບຈາກໄພນໍ້າຖ້ວມຢ່າງໜັກໜ່ວງໃນປີຜ່ານມາ ຊຶ່ງບ້ານນາຕານແມ່ນບ້ານໜຶ່ງທີ່ຂຶ້ນກັບເມືອງນາກາຍ, ຫ່າງຈາກເທສະບານເມືອງປະມານ 68 ກິໂລແມັດ, ມີ 2 ຄຸ້ມບ້ານຄື: ຄຸ້ມນາຕານ ແລະ ຄຸ້ມໂພນຄໍາ, ມີເຜົ່າຊໍາ ແລະ ເຜົ່າຄັ້ງ. ມີ 114 ຫຼັງຄາເຮືອນ, 167 ຄອບຄົວ, ມີພົນລະເມືອງທັງໝົດ 686 ຄົນ ຍິງ 347 ຄົນ, ອາຊີບຕົ້ນຕໍຂອງປະຊາຊົນແມ່ນການປູກຝັງ-ລ້ຽງສັດ, ເຮັດນາ, ປູກພືດເປັນສິນຄ້າ, ຫັດຖະກຳຈັກສານ ແລະ ຕໍ່າແຜ່ນແພ.
ສໍາລັບຂໍ້ສະເໜີຂອງຕາງໜ້າອໍານາດການປົກຄອງບ້ານເປັນຕົ້ນແມ່ນສະເໜີຂໍສ້ອມແປງຕິດຕັ້ງລະບົບໄຟຟ້າແຮງສູງ ແລະ ເສັ້ນທາງປູຍາງແຕ່ນາກາຍໃຕ້ ຫາ ບ້ານນາຕານ ເນື່ອງຈາກພົບຄວາມຫຍຸ້ງຍາກໂດຍສະເພາະລະດູຝົນເຮັດໃຫ້ການຄົມມະນາຄົມມີຄວາມລໍາບາກ ຊຶ່ງເຂດດັ່ງກ່າວແມ່ນເປັນເຂດພື້ນຖານການຜະລິດທີ່ເຂັ້ມແຂງແລະ ມີທ່າແຮງທາງດ້ານການທ່ອງທ່ຽວ, ໂດຍສະເພາະກໍ່ຄືແຫຼ່ງທ່ອງທ່ຽວກອງລໍ-ນາຕານ.
ໂອກາດນີ້, ທ່ານອະດີດນາຍົກລັດຖະມົນຕີ ໄດ້ສະແດງຄວາມເປັນຫ່ວງເປັນໄຍ ແລະ ຖາມຂ່າວຄວາມສຸກ(ທຸກຂອງພໍ່ແມ່ປະຊາຊົນເພາະຄຸ້ມບ້ານດັ່ງກ່າວແມ່ນໄດ້ຮັບຜົນກະທົບຈາກໄພນໍ້າຖ້ວມຢ່າງໜັກໃນຊ່ວງລະດູຝົນປີ2023 ຜ່ານມາ ພ້ອມນີ້ ທ່ານຍັງໄດ້ຮຽກຮ້ອງມາຍັງອໍານາດການປົກຄອງບ້ານຈົ່ງໄດ້ເຊື່ອໜັ້ນຕໍ່ການນໍາພາຂອງພັກ, ຂອງລັດ, ເຊື່ອໜັ້ນຕໍ່ແນວທາງນະໂຍບາຍຂອງພັກ-ລັດ, ຂອງແຂວງ, ເມືອງຕໍ່ກັບການແກ້ໄຂຄວາມຫຍຸ້ງຍາກຕໍ່ການດໍາລົງຊີວິດຂອງປະຊາຊົນ, ໃຫ້ມີຄວາມສາມັກຄີເປັນປຶກແຜ່ນແໜ້ນໜາຊ່ວຍເຫຼືອເຊິ່ງກັນ ແລະ ກັນ ໃນການພັດທະນາເສດຖະກິດ-ສັງຄົມ ສິ່ງສໍາຄັນເພື່ອສ້າງໃຫ້ພື້ນຖານຊີວິດການເປັນຢູ່ຄອບຄົວໃຫ້ເຂັ້ມແຂງ, ແຕ່ລະຄອບຄົວໃຫ້ສ້າງພື້ນຖານການຜະລິດຕາມທ່າແຮງຂອງຕົນເຊັ່ນ: ດ້ານການປູກ-ການລ້ຽງ, ຕິດພັນກັບດ້ານການທ່ອງທ່ຽວໂດຍການສ້າງຄວາມສະອາດຈົບງາມບ້ານຊ່ອງເຮືອນຊານ. ປະຊາຊົນຕ້ອງມີອັດທະຍາໃສທີ່ດີ, ມີໄມຕີຈິດຍີມແຍ້ມແຈ່ມໃສ, ຄຽງຄູ່ກັນນັ້ນໃຫ້ຮັກສາຄວາມສະຫງົບປອດໄພ ແລະ ຮັກສາສະພາບແວດລ້ອມຕ່າງໆ, ເອົາໃຈໃສ່ສືບຕໍ່ຮັກສາວຽກງານປ້ອງກັນຄວາມສະຫງົບ. ພ້ອມດຽວກັນນີ້ ອະດີດນາຍົກລັດຖະມົນຕີຍັງໄດ້ມອບເງິນສົດຈໍານວນໜຶ່ງ ແລະ ເຄື່ອງອຸປະໂພກ-ບໍລິໂພກ, ອຸປະກອນການສຶກສາ-ກິລາມາມອບໃຫ້ປະຊາຊົນຕື່ມອີກ.
(ຂ່າວ: ມະນີວັນ)
