ວັນທີ 24 ກຸມພາຜ່ານມາ ທີ່ນໍ້າກັດຢໍລະປາ ແຂວງອຸດົມໄຊ ໄດ້ມີພິທີເປີດພິພິຕະພັນຊີວະນາໆພັນ ນໍ້າກັດຢໍລະປາ ໂດຍການເຂົ້າຮ່ວມຂອງທ່ານ ນາງ ບຸນຄຳ ວໍລະຈິດ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ, ມີແຂກຖືກເຊີນຈາກສູນກາງ ແລະ ທ່ອງຖິ່ນເຂົ້າຮ່ວມ.
ໃນພິທີ ຜູ້ເຂົ້າຮ່ວມໄດ້ຮັບຟັງປະຫວັດຄວາມເປັນມາຂອງພິພິຕະພັນຊີວະນາໆພັນ ນໍ້າກັດຢໍລະປາ ຈາກທ່ານ ສົມເພັດ ມ້າວປະເສີດ ປະທານບໍລິສັດ ແຟເຊັດ ພັດທະນາແຫຼ່ງທ່ອງທ່ຽວທຳມະຊາດ, ຮັບຟັງຄວາມເປັນມາຂອງວຽກງານຄົ້ນຄວ້າກ່ຽວກັບ ງູ-ສັດເລືອຄານ ແລະ ຄວາມເປັນມາຂອງວຽກງານຄົ້ນຄວ້າກ່ຽວກັບພັນດອກໄມ້ຈາກ ຊ່ຽວຊານ. ພິພິຕະພັນຊີວະນາໆພັນ ນໍ້າກັດຢໍລະປາ ສ້າງຂຶ້ນເພື່ອເປັນບ່ອນອານຸລັກຟື້ນຟູທຳມະຊາດ ແລະ ສຶກສາຄົ້ນຄວ້າ ລວບລວມເອົາຊີວະນາໆພັນຢູ່ໃນເຂດອານຸລັກສາຍນໍ້າ ຕິດພັນກັບການທ່ອງທ່ຽວທາງທຳມະຊາດ ໃນອານາຄົດ ເພື່ອບັນລຸ 3 ເປົ້າໝາຍຕາມແຜນການພັດທະນາຄື: ວຽກງານອານຸລັກ, ຟື້ນຟູຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ສຶກສາຄົ້ນຄວ້າຊີວະນາໆພັນ, ທັງເປັນການສ້າງວຽກເຮັດງານທໍາ, ສ້າງສີມືແຮງງານໃຫ້ຄົນໃນທ້ອງຖິ່ນຕິດພັນ ກັບ ການອານຸລັກວັດທະນາທຳ ຮີດຄອງປະເພນີຂອງຊົນເຜົ່າ ແລະ ວຽກງານສ້າງຜະລິດຕະພັນ(ກິດຈະກໍາທ່ອງທ່ຽວທຳມະຊາດ ສະຖານທີ່ພັກແຮມ ແລະ ອົງອົງປະກອບການບໍລິການຕ່າງໆທີ່ປິ່ນອ້ອມ, ກິດຈະກຳທ່ອງທ່ຽວວັດທະນາທຳ ຮີດຄອງ ຂອງຊົນເຜົ່າ ກິດຈະກຳທ່ອງທ່ຽວໃນຮູບແບບສຶກສາ ຄົ້ນຄວ້າ ຊີວະນາໆພັນ).
ໂຄງການພັດທະນາ ພິພິຕະພັນຊີວະນາໆພັນ ນໍ້າກັດຢໍລະປາ ໄດ້ເລີ່ມສຶກສາຄົ້ນຄວ້າແຕ່ປີ 2016, ເປົ້າ ໝາຍການສຶກສາຄົ້ນຄວ້າ ເພື່ອສັງລວບລວມເອົາຊີວະນາໆພັນ ທີ່ມີຢູ່ໃນເຂດອານຸລັກອ່າງໂຕ່ງຂອງສາຍນໍ້າກັດຕິດພັນກັບການສ້າງຜະລິດຕະພັນການທ່ອງທ່ຽວ ທາງທຳມະຊາດ. ປັດຈຸບັນສາມາດດຳເນີນການສຶກສາຄົ້ນຄວ້າຊີວະນາໆພັນໄດ້ແລ້ວ 4 ກຸ່ມຄື: ກຸ່ມງູ ແລະ ສັດເລືອຄານ ຈຳນວນ 60 ຊະນິດ, ກຸ່ມແມງກະເບື້ອ ແລະ ແມງໄມ້ມີ 260 ຊະນິດ, ກຸ່ມນົກ 114 ຊະນິດ ແລະ ກຸ່ມດອກໄມ້ປ່າມີ 68 ສາຍພັນ.
ໂອກາດນີ້, ທ່ານ ນາງ ບຸນຄໍາ ວໍລະຈິດ ໄດ້ມີຄຳເຫັນຍ້ອງຍໍຊົມເຊີນຕໍ່ຜູ້ພັດທະນາໂຄງການ ແລະ ຊ່ຽວ ຊານຄົ້ນຄວ້າຊີວະນໆພັນ ຄວາມອຸດົມສົມບູນຂອງຊີວະນາໆພັນໃນປ່າແມ່ນມໍລະດົກທາງຊັບພະຍາກອນທຳມະຊາດ ແລະ ສິ່ງແວດລ້ອມ ອັນລຳຄ່າຂອງແຂວງອຸດົມໄຊ ກໍຄືຂອງປະເທດເຮົາ ແລະ ຫວັງວ່າການລິເລີ່ມສຶກສາຄົ້ນຄວ້າ ແລະ ສ້າງພິພິຕະພັນນໍ້າກັດຢໍລະປາແຫ່ງນີ້ ຈະເປັນໜໍ່ແໜງທີ່ເປັນໂຕແບບໃຫ້ແກ່ການອານຸລັກ ແລະ ຮັກສາມໍລະດົກທາງທຳມະຊາດຂອງປະເທດຊາດເຮົາຕໍ່ໄປໃຫ້ອານາຄົດ.
(ຂ່າວ: ແສງອາທິດ)
ໃນພິທີ ຜູ້ເຂົ້າຮ່ວມໄດ້ຮັບຟັງປະຫວັດຄວາມເປັນມາຂອງພິພິຕະພັນຊີວະນາໆພັນ ນໍ້າກັດຢໍລະປາ ຈາກທ່ານ ສົມເພັດ ມ້າວປະເສີດ ປະທານບໍລິສັດ ແຟເຊັດ ພັດທະນາແຫຼ່ງທ່ອງທ່ຽວທຳມະຊາດ, ຮັບຟັງຄວາມເປັນມາຂອງວຽກງານຄົ້ນຄວ້າກ່ຽວກັບ ງູ-ສັດເລືອຄານ ແລະ ຄວາມເປັນມາຂອງວຽກງານຄົ້ນຄວ້າກ່ຽວກັບພັນດອກໄມ້ຈາກ ຊ່ຽວຊານ. ພິພິຕະພັນຊີວະນາໆພັນ ນໍ້າກັດຢໍລະປາ ສ້າງຂຶ້ນເພື່ອເປັນບ່ອນອານຸລັກຟື້ນຟູທຳມະຊາດ ແລະ ສຶກສາຄົ້ນຄວ້າ ລວບລວມເອົາຊີວະນາໆພັນຢູ່ໃນເຂດອານຸລັກສາຍນໍ້າ ຕິດພັນກັບການທ່ອງທ່ຽວທາງທຳມະຊາດ ໃນອານາຄົດ ເພື່ອບັນລຸ 3 ເປົ້າໝາຍຕາມແຜນການພັດທະນາຄື: ວຽກງານອານຸລັກ, ຟື້ນຟູຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ສຶກສາຄົ້ນຄວ້າຊີວະນາໆພັນ, ທັງເປັນການສ້າງວຽກເຮັດງານທໍາ, ສ້າງສີມືແຮງງານໃຫ້ຄົນໃນທ້ອງຖິ່ນຕິດພັນ ກັບ ການອານຸລັກວັດທະນາທຳ ຮີດຄອງປະເພນີຂອງຊົນເຜົ່າ ແລະ ວຽກງານສ້າງຜະລິດຕະພັນ(ກິດຈະກໍາທ່ອງທ່ຽວທຳມະຊາດ ສະຖານທີ່ພັກແຮມ ແລະ ອົງອົງປະກອບການບໍລິການຕ່າງໆທີ່ປິ່ນອ້ອມ, ກິດຈະກຳທ່ອງທ່ຽວວັດທະນາທຳ ຮີດຄອງ ຂອງຊົນເຜົ່າ ກິດຈະກຳທ່ອງທ່ຽວໃນຮູບແບບສຶກສາ ຄົ້ນຄວ້າ ຊີວະນາໆພັນ).
ໂຄງການພັດທະນາ ພິພິຕະພັນຊີວະນາໆພັນ ນໍ້າກັດຢໍລະປາ ໄດ້ເລີ່ມສຶກສາຄົ້ນຄວ້າແຕ່ປີ 2016, ເປົ້າ ໝາຍການສຶກສາຄົ້ນຄວ້າ ເພື່ອສັງລວບລວມເອົາຊີວະນາໆພັນ ທີ່ມີຢູ່ໃນເຂດອານຸລັກອ່າງໂຕ່ງຂອງສາຍນໍ້າກັດຕິດພັນກັບການສ້າງຜະລິດຕະພັນການທ່ອງທ່ຽວ ທາງທຳມະຊາດ. ປັດຈຸບັນສາມາດດຳເນີນການສຶກສາຄົ້ນຄວ້າຊີວະນາໆພັນໄດ້ແລ້ວ 4 ກຸ່ມຄື: ກຸ່ມງູ ແລະ ສັດເລືອຄານ ຈຳນວນ 60 ຊະນິດ, ກຸ່ມແມງກະເບື້ອ ແລະ ແມງໄມ້ມີ 260 ຊະນິດ, ກຸ່ມນົກ 114 ຊະນິດ ແລະ ກຸ່ມດອກໄມ້ປ່າມີ 68 ສາຍພັນ.
ໂອກາດນີ້, ທ່ານ ນາງ ບຸນຄໍາ ວໍລະຈິດ ໄດ້ມີຄຳເຫັນຍ້ອງຍໍຊົມເຊີນຕໍ່ຜູ້ພັດທະນາໂຄງການ ແລະ ຊ່ຽວ ຊານຄົ້ນຄວ້າຊີວະນໆພັນ ຄວາມອຸດົມສົມບູນຂອງຊີວະນາໆພັນໃນປ່າແມ່ນມໍລະດົກທາງຊັບພະຍາກອນທຳມະຊາດ ແລະ ສິ່ງແວດລ້ອມ ອັນລຳຄ່າຂອງແຂວງອຸດົມໄຊ ກໍຄືຂອງປະເທດເຮົາ ແລະ ຫວັງວ່າການລິເລີ່ມສຶກສາຄົ້ນຄວ້າ ແລະ ສ້າງພິພິຕະພັນນໍ້າກັດຢໍລະປາແຫ່ງນີ້ ຈະເປັນໜໍ່ແໜງທີ່ເປັນໂຕແບບໃຫ້ແກ່ການອານຸລັກ ແລະ ຮັກສາມໍລະດົກທາງທຳມະຊາດຂອງປະເທດຊາດເຮົາຕໍ່ໄປໃຫ້ອານາຄົດ.
(ຂ່າວ: ແສງອາທິດ)
