ວຽງແກ້ວ ວັນດີວິໄລຈິດ
ໃນຕອນເຊົ້າວັນທີ 26 ມັງກອນ 2024, ຄະນະຈັດຕັ້ງສູນກາງພັກ ໄດ້ຮ່ວມກັບ ທະນາຄານແຫ່ງ ສປປ ລາວ ໄດ້ຈັດພິທີເປີດຊຸດຝຶກອົບຮົມກ່ຽວກັບ; “ວຽກງານຈັດຕັ້ງ, ກໍ່ສ້າງພັກ-ພະນັກງານ” ຂຶ້ນພາຍໃຕ້ການເປັນປະທານຂອງ ສະຫາຍ ນາງ ວັດທະນາ ດາລາລອຍ ຮອງເລຂາຄະນະບໍລິຫານງານພັກ, ຮອງຜູ້ວ່າການທະນາຄານແຫ່ງ ສປປ ລາວ. ໃນບັ້ນຝຶກອົບຮົມຄັ້ງນີ້, ມີຄະນະໜ່ວຍພັກ ແລະ ຄະນະພັກຮາກຖານອ້ອມຂ້າງອົງຄະນະພັກ ທະນາຄານແຫ່ງ ສປປ ລາວ ເຂົ້າຮ່ວມ ທັງໝົດ 75 ສະຫາຍ. ການຝຶກອົບຮົມຈະດຳເນີນເປັນເວລາ 5 ມື້ (26 ກຸມພາ ຫາວັນທີ 1 ມີນາ 2024).
ຈຸດປະສົງຂອງການຈັດຝຶກອົບຮົມໃນຄັ້ງນີ້ ເພື່ອສ້າງຄວາມຮັບຮູ້-ຄວາມເຂົ້າໃຈຂອງຄະນະໜ່ວຍພັກ, ຄະນະພັກຮາກຖານ-ຄະນະນຳແຕ່ລະຂັ້ນ ຕໍ່ກັບແນວທາງ, ນະໂຍບາຍຂອງພັກ-ລັດ ແລະ ນິຕິກຳ ທີ່ຕິດພັນກັບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ; ເຊີດຊູຄວາມຮັບຜິດຊອບຂອງກົງຈັກຊ່ວຍວຽກໃນວຽກງານດັ່ງກ່າວ ຢູ່ແຕ່ລະຂັ້ນ ຊຶ່ງຈະເປັນປັດໄຈຮັບປະກັນໃຫ້ການຈັດຕັ້ງປະຕິບັດວຽກງານຕົວຈິງ ມີຄວາມເປັນເອກະພາບ, ເປັນລະລົບ, ມີປະສິດທິພາບ ແລະ ປະສິດທິຜົນສູງຂຶ້ນ.
ໃນການຝຶກອົບຮົມໃນຄັ້ງນີ້, ບັນດາສະຫາຍທີ່ເຂົ້າຮ່ວມທັງໝົດ ຈະໄດ້ພ້ອມກັນຄົ້ນຄວ້າຮໍ່າຮຽນທາງດ້ານທິດສະດີ, ພຶດຕິກຳຕົວຈິງ ລວມທັງນິຕິກຳກ່ຽວຂ້ອງຈຳນວນໜຶ່ງ. ໃນນັ້ນ, ຈະເລັ່ງໃສ່ 9 ຫົວຂໍ້ສຳຄັນຄື: ຍົກສູງຄຸນນະພາບສະມາຊິກພັກ ແລະ ວຽກງານຂະຫຍາຍພັກ ໃນໄລຍະໃໝ່, ວຽກງານຄຸ້ມຄອງປ້ອງກັນພັກ ໃນໄລຍະໃໝ່, ບົດຮຽນການດຳເນີນຊີວິດໜ່ວຍພັກ, ແບບແຜນວິທີນຳພາ ແລະ ຫຼັກການລວມສູນປະຊາທິປະໄຕ ຂອງພັກ, ວຽກງານຄຸ້ມຄອງພະນັກງານ, ການສ້າງແຜນກໍ່ສ້າງ-ບຳລຸງພະນັກງານນຳພາ-ຄຸ້ມຄອງ, ວຽກງານກະກຽມດຳເນີນກອງປະຊຸມໃຫຍ່ ຂອງພັກ, ລະບົບການເມືອງ ຂອງ ສປປ ລາວ ໃນເງື່ອນໄຂໃໝ່ ແລະ ທັດສະນະຂອງພັກ ປະຊາຊົນປະຕິວັດລາວ ກ່ຽວກັບວຽກງານກໍ່ສ້າງພັກ.
ໃນພິທີເປີດຊຸດຝຶກອົບຮົມ ປະທານກອງປະຊຸມ ໄດ້ຮຽກຮ້ອງໃຫ້ບັນດາສະຫາຍ ທີ່ເຂົ້າຮ່ວມ ຈົ່ງເອົາໃຈໃສ່ຍົກສູງຄວາມຮັບຜິດຊອບ ໃນການແລກປ່ຽນບົດຮຽນ ຈາກພຶດຕິກຳຕົວຈິງທີ່ຕົນ ໄດ້ປະຕິບັດ ທຽບໃສ່ກັບບົດຮຽນ ກໍຄືແນວທາງນະໂຍບາຍຂອງຂັ້ນເທິງ ໃຫ້ເລິກເຊິ່ງ ເພື່ອເກັບກ່ຽວເອົາບົດຮຽນດັ່ງກ່າວມາໝູນໃຊ້ ແລະ ປັບປຸງວຽກງານ ກໍ່ສ້າງພັກ-ພະນັກງານ ຢູ່ອົງຄະນະພັກ ທະນາຄານແຫ່ງ ສປປ ລາວ ໃຫ້ນັບມື້ເຕີບໃຫຍ່, ເຂັ້ມແຂງ ແລະ ມີຄຸນນະພາບຍິ່ງຂຶ້ນ.
ໃນຕອນເຊົ້າວັນທີ 26 ມັງກອນ 2024, ຄະນະຈັດຕັ້ງສູນກາງພັກ ໄດ້ຮ່ວມກັບ ທະນາຄານແຫ່ງ ສປປ ລາວ ໄດ້ຈັດພິທີເປີດຊຸດຝຶກອົບຮົມກ່ຽວກັບ; “ວຽກງານຈັດຕັ້ງ, ກໍ່ສ້າງພັກ-ພະນັກງານ” ຂຶ້ນພາຍໃຕ້ການເປັນປະທານຂອງ ສະຫາຍ ນາງ ວັດທະນາ ດາລາລອຍ ຮອງເລຂາຄະນະບໍລິຫານງານພັກ, ຮອງຜູ້ວ່າການທະນາຄານແຫ່ງ ສປປ ລາວ. ໃນບັ້ນຝຶກອົບຮົມຄັ້ງນີ້, ມີຄະນະໜ່ວຍພັກ ແລະ ຄະນະພັກຮາກຖານອ້ອມຂ້າງອົງຄະນະພັກ ທະນາຄານແຫ່ງ ສປປ ລາວ ເຂົ້າຮ່ວມ ທັງໝົດ 75 ສະຫາຍ. ການຝຶກອົບຮົມຈະດຳເນີນເປັນເວລາ 5 ມື້ (26 ກຸມພາ ຫາວັນທີ 1 ມີນາ 2024).
ຈຸດປະສົງຂອງການຈັດຝຶກອົບຮົມໃນຄັ້ງນີ້ ເພື່ອສ້າງຄວາມຮັບຮູ້-ຄວາມເຂົ້າໃຈຂອງຄະນະໜ່ວຍພັກ, ຄະນະພັກຮາກຖານ-ຄະນະນຳແຕ່ລະຂັ້ນ ຕໍ່ກັບແນວທາງ, ນະໂຍບາຍຂອງພັກ-ລັດ ແລະ ນິຕິກຳ ທີ່ຕິດພັນກັບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ; ເຊີດຊູຄວາມຮັບຜິດຊອບຂອງກົງຈັກຊ່ວຍວຽກໃນວຽກງານດັ່ງກ່າວ ຢູ່ແຕ່ລະຂັ້ນ ຊຶ່ງຈະເປັນປັດໄຈຮັບປະກັນໃຫ້ການຈັດຕັ້ງປະຕິບັດວຽກງານຕົວຈິງ ມີຄວາມເປັນເອກະພາບ, ເປັນລະລົບ, ມີປະສິດທິພາບ ແລະ ປະສິດທິຜົນສູງຂຶ້ນ.
ໃນການຝຶກອົບຮົມໃນຄັ້ງນີ້, ບັນດາສະຫາຍທີ່ເຂົ້າຮ່ວມທັງໝົດ ຈະໄດ້ພ້ອມກັນຄົ້ນຄວ້າຮໍ່າຮຽນທາງດ້ານທິດສະດີ, ພຶດຕິກຳຕົວຈິງ ລວມທັງນິຕິກຳກ່ຽວຂ້ອງຈຳນວນໜຶ່ງ. ໃນນັ້ນ, ຈະເລັ່ງໃສ່ 9 ຫົວຂໍ້ສຳຄັນຄື: ຍົກສູງຄຸນນະພາບສະມາຊິກພັກ ແລະ ວຽກງານຂະຫຍາຍພັກ ໃນໄລຍະໃໝ່, ວຽກງານຄຸ້ມຄອງປ້ອງກັນພັກ ໃນໄລຍະໃໝ່, ບົດຮຽນການດຳເນີນຊີວິດໜ່ວຍພັກ, ແບບແຜນວິທີນຳພາ ແລະ ຫຼັກການລວມສູນປະຊາທິປະໄຕ ຂອງພັກ, ວຽກງານຄຸ້ມຄອງພະນັກງານ, ການສ້າງແຜນກໍ່ສ້າງ-ບຳລຸງພະນັກງານນຳພາ-ຄຸ້ມຄອງ, ວຽກງານກະກຽມດຳເນີນກອງປະຊຸມໃຫຍ່ ຂອງພັກ, ລະບົບການເມືອງ ຂອງ ສປປ ລາວ ໃນເງື່ອນໄຂໃໝ່ ແລະ ທັດສະນະຂອງພັກ ປະຊາຊົນປະຕິວັດລາວ ກ່ຽວກັບວຽກງານກໍ່ສ້າງພັກ.
ໃນພິທີເປີດຊຸດຝຶກອົບຮົມ ປະທານກອງປະຊຸມ ໄດ້ຮຽກຮ້ອງໃຫ້ບັນດາສະຫາຍ ທີ່ເຂົ້າຮ່ວມ ຈົ່ງເອົາໃຈໃສ່ຍົກສູງຄວາມຮັບຜິດຊອບ ໃນການແລກປ່ຽນບົດຮຽນ ຈາກພຶດຕິກຳຕົວຈິງທີ່ຕົນ ໄດ້ປະຕິບັດ ທຽບໃສ່ກັບບົດຮຽນ ກໍຄືແນວທາງນະໂຍບາຍຂອງຂັ້ນເທິງ ໃຫ້ເລິກເຊິ່ງ ເພື່ອເກັບກ່ຽວເອົາບົດຮຽນດັ່ງກ່າວມາໝູນໃຊ້ ແລະ ປັບປຸງວຽກງານ ກໍ່ສ້າງພັກ-ພະນັກງານ ຢູ່ອົງຄະນະພັກ ທະນາຄານແຫ່ງ ສປປ ລາວ ໃຫ້ນັບມື້ເຕີບໃຫຍ່, ເຂັ້ມແຂງ ແລະ ມີຄຸນນະພາບຍິ່ງຂຶ້ນ.
