ໂດຍ: ບຸນຕອມ
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 29 ປີທີ່ຈະໝູນວຽນມາເຖິງນີ້, ທ່ານນາງ ບົວວັນ ສີດາລາ ຜູ້ອຳນວຍການໂຮງຮຽນອະນຸບານສີດາລາ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 3 ຕຸລານີ້ວ່າ:ຄູປຽບເໝືອນແມ່ພິມຂອງຊາດ ຄູເປັນຜູ້ທີ່ຖ່າຍທອດຄວາມຮູ້ໃຫ້ນັກຮຽນຈົນປະສົບຜົນສຳເລັດ, ອາຊີບຄູຫຼືຄຳວ່າຄູເປັນອາຊີບໜຶ່ງທີ່ມີກຽດ, ຄູເປັນຜູ້ທີ່ເສຍສະຫຼະນໍາເອົາຄວາມຮູ້ທີ່ຕົນເອງມີຖ່າຍທອດໃຫ້ແກ່ນັກຮຽນຈົນປະສົບຜົນສຳເລັດ, ຄູຍັງປຽບເໝືອນພໍ່ແມ່ຜູ້ທີ່ສອງຂອງນັກຮຽນ ເປັນພໍ່ພິມ-ແມ່ພິມຂອງຊາດທີ່ບົ່ມສອນນັກຮຽນໃຫ້ມີຄວາມຮູ້-ຄວາມສາມາດກ້າສະແດງອອກ ແລະ ມີອະນາຄົດທີ່ດີ. ບາງຄົນກໍປຽບຄູສະເໝືອນກັບນັກວິຈິດສິນທີ່ແຕ້ມສີລົງໄປໃນເຈ້ຍຂາວ ເຮັດໃຫ້ເຈ້ຍຂາວແຜ່ນນັ້ນມີຄວາມສວຍສົດງົດງາມດ້ວຍນໍ້າສີທີ່ມີຄຸນນະພາບ ກໍຄືການເບິ່ງແຍງເອົາໃຈໃສ່ຂອງຄູທີ່ມີຕໍ່ນັກຮຽນ.
ທ່ານນາງ ບົວວັນ ສີດາລາ ກ່າວໃຫ້ຮູ້ອີກວ່າ: ປັດຈຸບັນໂຮງຮຽນມີພະນັກງານ-ຄູທັງໝົດ 7 ຄົນ ຊຶ່ງຄູທັງໝົດລ້ວນແຕ່ມີບົດບາດສຳຄັນ ປະກອບສ່ວນເຂົ້າໃນການສິດສອນ ເປົ້າໝາຍເພື່ອສ້າງນັກຮຽນໃຫ້ກາຍເປັນໜໍ່ແໜງທີ່ສຳຄັນຂອງຊາດ ຊຶ່ງລ້ວນແລ້ວແຕ່ມີຈຸດໂດດເດັ່ນທີ່ແຕກຕ່າງກັນ. ໃນສົກຮຽນ 2023-2024 ມີນັກຮຽນທັງໝົດ152 ຄົນຍິງ 66 ຄົນ. ເພື່ອສະເຫຼີມສະຫຼອງວັນຄູແຫ່ງຊາດທີ່ຈະມາເຖິງນີ້, ທາງໂຮງຮຽນຈະໄດ້ຈັດກິດຈະກຳພາຍໃນທີ່ສອດແຊກເອົາປະເພນີຂອງຊາດລາວເຮົາໃຫ້ນັກຮຽນໄດ້ຮຽນຮູ້ເຊັ່ນ: ການອ່ານກາບກອນອວຍພອນວັນຄູ, ການສົມມາຄູ ແລະ ຮູ້ບຸນຄຸນຄູ, ຈາກນັ້ນກໍມີການສະແດງສິລະປະ-ວັນນະຄະດີຂອງຫຼານນ້ອຍເຊັ່ນ: ການຟ້ອນ, ການເຕັ້ນຂອງນັກຮຽນ ແລະ ກິດຈະກຳຮ່ວມກັນລະຫວ່າງຄູ-ນັກຮຽນ“ເກມຍາດຕັ່ງ, ຕີປຸ່ມເປົ້າໃຫ້ແຕກ ແລະ ອື່ນໆ”.
ສຳລັບທິດທາງຕໍ່ໜ້າ, ທາງໂຮງຮຽນມີແຜນທີ່ຈະປຸກສ້າງອາຄານຮຽນຕື່ມອີກ 1 ຫຼັງເພື່ອຮອງຮັບນັກຮຽນໃຫ້ພຽງພໍກັບຄວາມຮຽກຮ້ອງຕ້ອງການຂອງພໍ່ແມ່ຜູ້ປົກຄອງ, ໃນສົກຮຽນນີ້ພວກເຮົາຈະເນັ້ນໜັກໃຫ້ນັກຮຽນໄດ້ມີການພັດທະນາທັກສະທີ່ເໝາະສົມຕາມໄວ, ມີໂພຊະນາການທີ່ດີ, ມີສຸຂະພາບທີ່ແຂງແຮງ. ພ້ອມດຽວກັນກັບການຮຽນຮູ້ນອກ ແລະ ໃນໂຮງຮຽນໃຫ້ທັນກັບສະພາບໃນປັດຈຸບັນ.
ເນື່ອງໃນໂອກາດວັນຄູແຫ່ງຊາດຂ້າພະເຈົ້າຂໍອວຍໄຊໃຫ້ພອນແດ່ຄູໃນທົ່ວປະເທດ ຈົ່ງມີພະລານາໄມທີ່ສົມບູນແຂງແຮງ, ມີຄວາມຜາສຸກປະສົບຜົນສຳເລັດໃນໜ້າທີ່ວຽກງານ, ສືບຕໍ່ເປັນພໍ່ພິມ ແມ່ພິມຂອງຊາດ ເພື່ອສ້າງນັກຮຽນລາວໃຫ້ເປັນຜູ້ສືບທອດທີ່ດີ ພັດທະນາສ້າງສາປະເທດຊາດສືບຕໍ່ໄປ.
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 29 ປີທີ່ຈະໝູນວຽນມາເຖິງນີ້, ທ່ານນາງ ບົວວັນ ສີດາລາ ຜູ້ອຳນວຍການໂຮງຮຽນອະນຸບານສີດາລາ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 3 ຕຸລານີ້ວ່າ:ຄູປຽບເໝືອນແມ່ພິມຂອງຊາດ ຄູເປັນຜູ້ທີ່ຖ່າຍທອດຄວາມຮູ້ໃຫ້ນັກຮຽນຈົນປະສົບຜົນສຳເລັດ, ອາຊີບຄູຫຼືຄຳວ່າຄູເປັນອາຊີບໜຶ່ງທີ່ມີກຽດ, ຄູເປັນຜູ້ທີ່ເສຍສະຫຼະນໍາເອົາຄວາມຮູ້ທີ່ຕົນເອງມີຖ່າຍທອດໃຫ້ແກ່ນັກຮຽນຈົນປະສົບຜົນສຳເລັດ, ຄູຍັງປຽບເໝືອນພໍ່ແມ່ຜູ້ທີ່ສອງຂອງນັກຮຽນ ເປັນພໍ່ພິມ-ແມ່ພິມຂອງຊາດທີ່ບົ່ມສອນນັກຮຽນໃຫ້ມີຄວາມຮູ້-ຄວາມສາມາດກ້າສະແດງອອກ ແລະ ມີອະນາຄົດທີ່ດີ. ບາງຄົນກໍປຽບຄູສະເໝືອນກັບນັກວິຈິດສິນທີ່ແຕ້ມສີລົງໄປໃນເຈ້ຍຂາວ ເຮັດໃຫ້ເຈ້ຍຂາວແຜ່ນນັ້ນມີຄວາມສວຍສົດງົດງາມດ້ວຍນໍ້າສີທີ່ມີຄຸນນະພາບ ກໍຄືການເບິ່ງແຍງເອົາໃຈໃສ່ຂອງຄູທີ່ມີຕໍ່ນັກຮຽນ.
ທ່ານນາງ ບົວວັນ ສີດາລາ ກ່າວໃຫ້ຮູ້ອີກວ່າ: ປັດຈຸບັນໂຮງຮຽນມີພະນັກງານ-ຄູທັງໝົດ 7 ຄົນ ຊຶ່ງຄູທັງໝົດລ້ວນແຕ່ມີບົດບາດສຳຄັນ ປະກອບສ່ວນເຂົ້າໃນການສິດສອນ ເປົ້າໝາຍເພື່ອສ້າງນັກຮຽນໃຫ້ກາຍເປັນໜໍ່ແໜງທີ່ສຳຄັນຂອງຊາດ ຊຶ່ງລ້ວນແລ້ວແຕ່ມີຈຸດໂດດເດັ່ນທີ່ແຕກຕ່າງກັນ. ໃນສົກຮຽນ 2023-2024 ມີນັກຮຽນທັງໝົດ152 ຄົນຍິງ 66 ຄົນ. ເພື່ອສະເຫຼີມສະຫຼອງວັນຄູແຫ່ງຊາດທີ່ຈະມາເຖິງນີ້, ທາງໂຮງຮຽນຈະໄດ້ຈັດກິດຈະກຳພາຍໃນທີ່ສອດແຊກເອົາປະເພນີຂອງຊາດລາວເຮົາໃຫ້ນັກຮຽນໄດ້ຮຽນຮູ້ເຊັ່ນ: ການອ່ານກາບກອນອວຍພອນວັນຄູ, ການສົມມາຄູ ແລະ ຮູ້ບຸນຄຸນຄູ, ຈາກນັ້ນກໍມີການສະແດງສິລະປະ-ວັນນະຄະດີຂອງຫຼານນ້ອຍເຊັ່ນ: ການຟ້ອນ, ການເຕັ້ນຂອງນັກຮຽນ ແລະ ກິດຈະກຳຮ່ວມກັນລະຫວ່າງຄູ-ນັກຮຽນ“ເກມຍາດຕັ່ງ, ຕີປຸ່ມເປົ້າໃຫ້ແຕກ ແລະ ອື່ນໆ”.
ສຳລັບທິດທາງຕໍ່ໜ້າ, ທາງໂຮງຮຽນມີແຜນທີ່ຈະປຸກສ້າງອາຄານຮຽນຕື່ມອີກ 1 ຫຼັງເພື່ອຮອງຮັບນັກຮຽນໃຫ້ພຽງພໍກັບຄວາມຮຽກຮ້ອງຕ້ອງການຂອງພໍ່ແມ່ຜູ້ປົກຄອງ, ໃນສົກຮຽນນີ້ພວກເຮົາຈະເນັ້ນໜັກໃຫ້ນັກຮຽນໄດ້ມີການພັດທະນາທັກສະທີ່ເໝາະສົມຕາມໄວ, ມີໂພຊະນາການທີ່ດີ, ມີສຸຂະພາບທີ່ແຂງແຮງ. ພ້ອມດຽວກັນກັບການຮຽນຮູ້ນອກ ແລະ ໃນໂຮງຮຽນໃຫ້ທັນກັບສະພາບໃນປັດຈຸບັນ.
ເນື່ອງໃນໂອກາດວັນຄູແຫ່ງຊາດຂ້າພະເຈົ້າຂໍອວຍໄຊໃຫ້ພອນແດ່ຄູໃນທົ່ວປະເທດ ຈົ່ງມີພະລານາໄມທີ່ສົມບູນແຂງແຮງ, ມີຄວາມຜາສຸກປະສົບຜົນສຳເລັດໃນໜ້າທີ່ວຽກງານ, ສືບຕໍ່ເປັນພໍ່ພິມ ແມ່ພິມຂອງຊາດ ເພື່ອສ້າງນັກຮຽນລາວໃຫ້ເປັນຜູ້ສືບທອດທີ່ດີ ພັດທະນາສ້າງສາປະເທດຊາດສືບຕໍ່ໄປ.
