ຮຽບຮຽງໂດຍ:ວັນໄຊ ຕະວິນຍານ
ການຈັດຕັ້ງປະຕິບັດແຜນພັດທະນາເສດຖະກິດ ປີ 2023 ຂອງແຂວງຊຽງຂວາງ ແມ່ນການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ຊຶ່ງເປັນປີທີ 3 ຂອງການຈັດຕັ້ງປະຕິບັດແຜນການ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ. ພາຍໃຕ້ສະພາບແວດລ້ອມສາກົນ, ພາກພື້ນ ແລະ ໃນໂລກມີການຜັນແປຢ່າງສັບສົນໄວວາ ຊຶ່ງມີທັງກາລະໂອກາດທີ່ເອື້ອອຳນວຍ ແລະ ສິ່ງທ້າທາຍຫຼາຍປະການ ເປັນຕົ້ນແມ່ນບັນຫາຄວາມຫຍຸ້ງຍາກ ທາງດ້ານເສດຖະກິດ-ການເງິນ ຂອງປະເທດ, ການເໜັງຕີງລາຄາສິນຄ້າ, ນ້ຳມັນແລະ ອັດຕາແລກປ່ຽນເງິນຕາເພີ່ມຂຶ້ນ, ບັນຫາອຸບັດເຫດ, ບັນຫາຢາເສບຕິດ, ບັນຫາໄພພິບັດທາງທຳມະຊາດ ແລະ ອື່ນໆ.
ແຕ່ເຖິງແນວໃດກໍຕາມ ພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ,ການນໍາແຕ່ລະຂັ້ນ ໄດ້ຕັດສິນໃຈຜ່ານຜ່າຂໍ້ຫຍຸ້ງຍາກນາໆປະການ ຈຶ່ງເຮັດໃຫ້ເສດຖະກິດຂອງແຂວງຊຽງຂວາງມີທ່ວງທ່າກ້າວຂຶ້ນ.
ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ ໄດ້ຍົກໃຫ້ເຫັນຜົນສໍາເລັດບາງດ້ານໃນການພັດທະນະາເສດຖະກິດ-ສັງຄົມ ປີ 2023 ວ່າ:ໃນປີ 2023 ເສດຖະກິດແຂວງຊຽງຂວາງຂະຫຍາຍຕົວໃນລະດັບ4,8%, ທຽບໃສ່ແຜນການ (4,5%) ປະຕິບັດລື່ນຄາດໝາຍ 0,3%, ລວມຍອດຜະລິດຕະພັນພາຍໃນ (GDP) ປະຕິບັດໄດ້ 6.161,72 ຕື້ກີບ. ໃນນັ້ນ, ຂົງເຂດກະສິກໍາ-ປ່າໄມ້ ຂະຫຍາຍຕົວ3,83%, ກວມ 35,19%, ຂົງເຂດອຸດສາຫະກໍາ-ກໍ່ສ້າງ ຂະຫຍາຍຕົວ5,54%, ກວມ 34,26%, ຂົງເຂດການບໍລິການຂະຫຍາຍຕົວ5,30%, ກວມ 30,55%,ສະເລ່ຍລາຍຮັບຕໍ່ຫົວຄົນບັນລຸ1.063 ໂດລາ/ຄົນ/ປີ (ອັດຕາແລກປ່ຽນ 1ໂດລາ/20.541 ກີບ).
ແຂວງຊຽງຂວາງໄດ້ອອກແຮງສູ້ຊົນເກັບລາຍຮັບເຂົ້າງົບປະມານແລະຄຸ້ມຄອງການປະຕິບັດລາຍຈ່າຍຢ່າງຮັດກຸມ ເຮັດໃຫ້ລວມຍອດລາຍຮັບພູດສູນກາງແລະທ້ອງຖິ່ນປະຕິບັດໄດ້ທັງໝົດ300,69ຕື້ກີບ, ລື່ນແຜນການປີ12,27%,ໃນນີ້ ລາຍຮັບພູດສູນກາງປະຕິບັດໄດ້95,12 ຕື້ກີບ, ເທົ່າກັບ90,59% ຂອງແຜນການປີ,ລາຍຮັບພູດທ້ອງຖິ່ນປະຕິບັດໄດ້205,56 ຕື້ກີບ, ລື່ນແຜນການປີ26,25%; ລາຍຈ່າຍທັງໝົດທົ່ວແຂວງ ປະຕິບັດໄດ້ 612,17 ຕື້ກີບ, ເທົ່າກັບ 97,99% ຂອງແຜນການປີ ໂດຍໄດ້ເລັ່ງໃສ່ປະຕິບັດຈ່າຍເງິນເດືອນ, ເງິນນະໂຍບາຍເປັນບຸລິມະສິດ ຊຶ່ງໄດ້ເບີກຈ່າຍເງິນເດືອນໃຫ້ພະນັກງານ-ລັດຖະກອນ ໄດ້ທັນຕາມກຳນົດເວລາໃນແຕ່ລະເດືອນ.
ໃນປີຜ່ານມາສາມາດລະດົມການລົງທຶນທົ່ວສັງຄົມໄດ້ທັງໝົດ3.094,70 ຕື້ກີບ, ລື່ນແຜນການ72,05%ໃນນັ້ນການລົງທຶນຂອງລັດມູນຄ່າ165,17 ຕື້ກີບກວມ5,34%,ການລົງທຶນຂອງພາກເອກະຊົນພາຍໃນແລະຕ່າງປະເທດມູນຄ່າ 1.999,61ຕື້ກີບ,ກວມ64,61%,ທຶນຊ່ວຍເຫຼືອແລະກູ້ຢືມ242,56 ຕື້ກີບກວມ7,84% ແລະສິນເຊື່ອທະນາຄານ687,36 ຕື້ກີບ,ກວມ22,21%.
ແຂວງຊຽງຂວາງ ໄດ້ຮັບອະນຸມັດແຜນການການລົງທຶນຂອງລັດ ປະຈໍາປີ 2023 ທັງໝົດ 276 ໂຄງການມູນຄ່າ 165,29 ຕື້ກີບ. ໃນນັ້ນ, ທຶນບ້ວງປົກກະຕິ 114,48 ຕື້ກີບ, ທຶນບ້ວງຈົດຮັບ-ຈົດຈ່າຍ ແລະ ອື່ນໆ ມູນຄ່າ 27 ຕື້ກີບ ແລະ ທຶນບ້ວງເງິນເກີນແຜນຂອງແຂວງ ມູນຄ່າ 23,81 ຕື້ກີບ.
ສໍາລັບການຊ່ວຍເຫຼືອແລະກູ້ຢືມຈາກຕ່າງປະເທດ ແຂວງໄດ້ເອົາໃຈໃສ່ຊີ້ນໍາການຈັດຕັ້ງປະຕິບັດກ່ຽວກັບວຽກງານຮ່ວມມືຂັ້ນແຂວງເປັນແຕ່ລະໄລຍະ ເພື່ອຍາດແຍ່ງເອົາການຊ່ວຍເຫຼືອຈາກອົງການຈັດຕັ້ງສາກົນ ແລະ ເພື່ອນມິດຕ່າງປະເທດ ມາເປັນແຫຼ່ງທຶນປະກອບສ່ວນເຂົ້າໃນການພັດທະນາເສດຖະກິດ- ສັງຄົມຂອງແຂວງ, ສາມາດຈັດຕັ້ງປະຕິບັດໄດ້ທັງໝົດ34 ໂຄງການ, ມູນຄ່າ 16.170.976ໂດລາ ຫຼື ປະມານ242,56 ຕື້ກີບ, ເທົ່າກັບ 90,07% ຂອງແຜນການປີ, ໃນນັ້ນ, ທຶນຊ່ວຍເຫຼືອເພື່ອການພັດທະນາ(ODA)ມີ 8 ໂຄງການ, ມີມູນຄ່າ 1.085.419 ໂດລາຫຼືປະມານ16,28 ຕື້ກີບ;ທຶນຊ່ວຍເຫຼືອ NGO ມີ22 ໂຄງການ, ມີມູນຄ່າ 12.573.267ໂດລາຫຼືປະມານ188,60 ຕື້ກີບ, ທຶນພາຍໃນ 88.580ໂດລາຫຼືປະມານ1,33 ຕື້ກີບແລະທຶນກູ້ຢືມ4 ໂຄງການ, ມູນຄ່າ 2.423.709ໂດລາຫຼືປະມານ36,35 ຕື້ກີບ.
ການລົງທຶນຂອງພາກເອກະຊົນພາຍໃນແລະຕ່າງປະເທດໃນປີ 2023 ສາມາດຈັດຕັ້ງປະຕິບັດວຽກງານສົ່ງເສີມການລົງທຶນຂອງພາກເອກະຊົນພາຍໃນ ແລະ ຕ່າງປະເທດ ທີ່ຂຶ້ນກັບພະແນກອຸດສາຫະກຳ ແລະ ການຄ້າ ໄດ້ທັງໝົດ 716 ຫົວໜ່ວຍ ແລະ 13 ໂຄງການ ທີ່ຂຶ້ນກັບພະແນກແຜນການ ແລະ ການລົງທຶນ ຊຶ່ງມີມູນຄ່າທັງໝົດ 1.999,61 ຕື້ກີບ, ລື່ນແຜນການປີ 3 ເທົ່າຕົວ, ໃນນີ້: ກິດຈະການທີ່ຂຶ້ນກັບພະແນກອຸດສາຫະກໍາ ແລະ ການຄ້າ ແຂວງ ມີ 716 ຫົວໜ່ວຍ ມີມູນຄ່າ 1.049,36 ຕື້ກີບ. ກິດຈະການທີ່ຂຶ້ນກັບພະແນກແຜນການ ແລະ ການລົງທຶນ ສາມາດອະນຸຍາດການລົງທຶນໄດ້ 13 ໂຄງການ ມີມູນຄ່າການລົງທຶນທັງໝົດ950,25 ຕື້ກີບ; ຂັ້ນສູນກາງອະນຸຍາດລົງທຶນ 9 ໂຄງການ ມີມູນຄ່າການລົງທຶນທັງໝົດ 884,44 ຕື້ກີບ ແລະ ຂັ້ນແຂວງອະນຸຍາດໄດ້ 4 ໂຄງການ ມີມູນຄ່າການລົງທຶນທັງໝົດ 65,80 ຕື້ກີບ;ຈັດພິທີເຊັນບົດບັນທຶກຄວາມເຂົ້າໃຈMOU ໄດ້11 ໂຄງການ.
ສ່ວນທະນາຄານຈໍານວນ9 ສາຂາ ທີ່ປະຈໍາຢູ່ ແຂວງຊຽງຂວາງໄດ້ປະກອບສ່ວນໃນການປ່ອຍທຶນເຂົ້າໃນການພັດທະນາເສດຖະກິດ-ສັງຄົມ ຢ່າງຕໍ່ເນື່ອງ; ການປ່ອຍສິນເຊື່ອແມ່ນສຸມໃສ່ການສົ່ງເສີມການຜະລິດເປັນສິນຄ້າຂອງກຸ່ມການຜະລິດ,ການຜະລິດຂອງຄອບຄົວ, ບັນດາຫົວໜວ່ຍທຸລະກິດຂະໜາດນ້ອຍ ແລະ ຂະໜາດກາງ ພ້ອມກັນນັ້ນກໍໄດ້ເຄື່ອນໄຫວທຸລະກໍາດ້ານການເງິນ ເພື່ອບໍລິການຮັບໃຊ້ແກ່ສັງຄົມ.
ທ່ານບຸນຈັນສີວົງພັນກ່າວຕື່ມວ່າ:ຂໍ້ມູນທີ່ຍົກຂຶ້ນມານັ້ນ,ເປັນພຽງຜົນງານທີ່ພົ້ນເດັ່ນໃນກາານພັດທະນາເສດຖະກິດສ່ວນໜຶ່ງຂອງແຂວງ ແຕ່ຄຽງຄູ່ກັບຜົນສຳເລັດທີ່ກ່າວມາຂ້າງເທິງນັ້ນ, ແຂວງພວກເຮົາຍັງມີຈຸດອ່ອນ,ຂໍ້ຄົງຄ້າງຈຳນວນໜຶ່ງທີ່ຈະຕ້ອງໄດ້ເອົາໃຈໃສ່ແກ້ໄຂເຊັ່ນ:ໂຄງປະກອບການຜະລິດກະສິກໍາຍັງບໍ່ທັນແຂງແຮງ, ພື້ນຖານໂຄງລ່າງທີ່ອໍານວຍຄວາມສະດວກບໍ່ທັນເປັນລະບົບ, ການວາງແຜນຈັດສັນທີ່ດິນ ແລະ ເຂດທໍາການຜະລິດແຕ່ລະເປົ້າໝາຍຍັງບໍ່ທັນມີຈຸດສຸມເຮັດໃຫ້ມີການບຸກລຸກປ່າໄມ້ ແລະ ຖາງປ່າຊະຊາຍ; ການຂະຫຍາຍຖານຂໍ້ມູນລາຍຮັບໃໝ່ທີ່ເປັນລາຍຮັບທີ່ໝັ້ນຄົງຍັງມີຈໍາກັດ,ການດໍາເນີນທຸລະກິດສ່ວນຫຼາຍແມ່ນທຸລະກິດຂະໜາດນ້ອຍກະແຈກກະຈາຍບໍ່ທັນຫັນເຂົ້າສູ່ລະບົບຖືບັນຊີຖືກຕ້ອງຕາມລະບຽບກົດໝາຍວາງອອກ; ການຕິດຕາມ,ກວດກາ ແລະປະເມີນຄືນບັນດາໂຄງການລົງທຶນຂອງພາກເອກະຊົນທັງພາຍໃນ ແລະຕ່າງປະເທດທີ່ໄດ້ອະນຸຍາດຜ່ານມາລວມທັງໂຄງການເຮັດທົດລອງຍັງບໍ່ທັນໄດ້ທົ່ວເຖິງ.
ການຈັດຕັ້ງປະຕິບັດແຜນພັດທະນາເສດຖະກິດ ປີ 2023 ຂອງແຂວງຊຽງຂວາງ ແມ່ນການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ຊຶ່ງເປັນປີທີ 3 ຂອງການຈັດຕັ້ງປະຕິບັດແຜນການ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ. ພາຍໃຕ້ສະພາບແວດລ້ອມສາກົນ, ພາກພື້ນ ແລະ ໃນໂລກມີການຜັນແປຢ່າງສັບສົນໄວວາ ຊຶ່ງມີທັງກາລະໂອກາດທີ່ເອື້ອອຳນວຍ ແລະ ສິ່ງທ້າທາຍຫຼາຍປະການ ເປັນຕົ້ນແມ່ນບັນຫາຄວາມຫຍຸ້ງຍາກ ທາງດ້ານເສດຖະກິດ-ການເງິນ ຂອງປະເທດ, ການເໜັງຕີງລາຄາສິນຄ້າ, ນ້ຳມັນແລະ ອັດຕາແລກປ່ຽນເງິນຕາເພີ່ມຂຶ້ນ, ບັນຫາອຸບັດເຫດ, ບັນຫາຢາເສບຕິດ, ບັນຫາໄພພິບັດທາງທຳມະຊາດ ແລະ ອື່ນໆ.
ແຕ່ເຖິງແນວໃດກໍຕາມ ພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ,ການນໍາແຕ່ລະຂັ້ນ ໄດ້ຕັດສິນໃຈຜ່ານຜ່າຂໍ້ຫຍຸ້ງຍາກນາໆປະການ ຈຶ່ງເຮັດໃຫ້ເສດຖະກິດຂອງແຂວງຊຽງຂວາງມີທ່ວງທ່າກ້າວຂຶ້ນ.
ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ ໄດ້ຍົກໃຫ້ເຫັນຜົນສໍາເລັດບາງດ້ານໃນການພັດທະນະາເສດຖະກິດ-ສັງຄົມ ປີ 2023 ວ່າ:ໃນປີ 2023 ເສດຖະກິດແຂວງຊຽງຂວາງຂະຫຍາຍຕົວໃນລະດັບ4,8%, ທຽບໃສ່ແຜນການ (4,5%) ປະຕິບັດລື່ນຄາດໝາຍ 0,3%, ລວມຍອດຜະລິດຕະພັນພາຍໃນ (GDP) ປະຕິບັດໄດ້ 6.161,72 ຕື້ກີບ. ໃນນັ້ນ, ຂົງເຂດກະສິກໍາ-ປ່າໄມ້ ຂະຫຍາຍຕົວ3,83%, ກວມ 35,19%, ຂົງເຂດອຸດສາຫະກໍາ-ກໍ່ສ້າງ ຂະຫຍາຍຕົວ5,54%, ກວມ 34,26%, ຂົງເຂດການບໍລິການຂະຫຍາຍຕົວ5,30%, ກວມ 30,55%,ສະເລ່ຍລາຍຮັບຕໍ່ຫົວຄົນບັນລຸ1.063 ໂດລາ/ຄົນ/ປີ (ອັດຕາແລກປ່ຽນ 1ໂດລາ/20.541 ກີບ).
ແຂວງຊຽງຂວາງໄດ້ອອກແຮງສູ້ຊົນເກັບລາຍຮັບເຂົ້າງົບປະມານແລະຄຸ້ມຄອງການປະຕິບັດລາຍຈ່າຍຢ່າງຮັດກຸມ ເຮັດໃຫ້ລວມຍອດລາຍຮັບພູດສູນກາງແລະທ້ອງຖິ່ນປະຕິບັດໄດ້ທັງໝົດ300,69ຕື້ກີບ, ລື່ນແຜນການປີ12,27%,ໃນນີ້ ລາຍຮັບພູດສູນກາງປະຕິບັດໄດ້95,12 ຕື້ກີບ, ເທົ່າກັບ90,59% ຂອງແຜນການປີ,ລາຍຮັບພູດທ້ອງຖິ່ນປະຕິບັດໄດ້205,56 ຕື້ກີບ, ລື່ນແຜນການປີ26,25%; ລາຍຈ່າຍທັງໝົດທົ່ວແຂວງ ປະຕິບັດໄດ້ 612,17 ຕື້ກີບ, ເທົ່າກັບ 97,99% ຂອງແຜນການປີ ໂດຍໄດ້ເລັ່ງໃສ່ປະຕິບັດຈ່າຍເງິນເດືອນ, ເງິນນະໂຍບາຍເປັນບຸລິມະສິດ ຊຶ່ງໄດ້ເບີກຈ່າຍເງິນເດືອນໃຫ້ພະນັກງານ-ລັດຖະກອນ ໄດ້ທັນຕາມກຳນົດເວລາໃນແຕ່ລະເດືອນ.
ໃນປີຜ່ານມາສາມາດລະດົມການລົງທຶນທົ່ວສັງຄົມໄດ້ທັງໝົດ3.094,70 ຕື້ກີບ, ລື່ນແຜນການ72,05%ໃນນັ້ນການລົງທຶນຂອງລັດມູນຄ່າ165,17 ຕື້ກີບກວມ5,34%,ການລົງທຶນຂອງພາກເອກະຊົນພາຍໃນແລະຕ່າງປະເທດມູນຄ່າ 1.999,61ຕື້ກີບ,ກວມ64,61%,ທຶນຊ່ວຍເຫຼືອແລະກູ້ຢືມ242,56 ຕື້ກີບກວມ7,84% ແລະສິນເຊື່ອທະນາຄານ687,36 ຕື້ກີບ,ກວມ22,21%.
ແຂວງຊຽງຂວາງ ໄດ້ຮັບອະນຸມັດແຜນການການລົງທຶນຂອງລັດ ປະຈໍາປີ 2023 ທັງໝົດ 276 ໂຄງການມູນຄ່າ 165,29 ຕື້ກີບ. ໃນນັ້ນ, ທຶນບ້ວງປົກກະຕິ 114,48 ຕື້ກີບ, ທຶນບ້ວງຈົດຮັບ-ຈົດຈ່າຍ ແລະ ອື່ນໆ ມູນຄ່າ 27 ຕື້ກີບ ແລະ ທຶນບ້ວງເງິນເກີນແຜນຂອງແຂວງ ມູນຄ່າ 23,81 ຕື້ກີບ.
ສໍາລັບການຊ່ວຍເຫຼືອແລະກູ້ຢືມຈາກຕ່າງປະເທດ ແຂວງໄດ້ເອົາໃຈໃສ່ຊີ້ນໍາການຈັດຕັ້ງປະຕິບັດກ່ຽວກັບວຽກງານຮ່ວມມືຂັ້ນແຂວງເປັນແຕ່ລະໄລຍະ ເພື່ອຍາດແຍ່ງເອົາການຊ່ວຍເຫຼືອຈາກອົງການຈັດຕັ້ງສາກົນ ແລະ ເພື່ອນມິດຕ່າງປະເທດ ມາເປັນແຫຼ່ງທຶນປະກອບສ່ວນເຂົ້າໃນການພັດທະນາເສດຖະກິດ- ສັງຄົມຂອງແຂວງ, ສາມາດຈັດຕັ້ງປະຕິບັດໄດ້ທັງໝົດ34 ໂຄງການ, ມູນຄ່າ 16.170.976ໂດລາ ຫຼື ປະມານ242,56 ຕື້ກີບ, ເທົ່າກັບ 90,07% ຂອງແຜນການປີ, ໃນນັ້ນ, ທຶນຊ່ວຍເຫຼືອເພື່ອການພັດທະນາ(ODA)ມີ 8 ໂຄງການ, ມີມູນຄ່າ 1.085.419 ໂດລາຫຼືປະມານ16,28 ຕື້ກີບ;ທຶນຊ່ວຍເຫຼືອ NGO ມີ22 ໂຄງການ, ມີມູນຄ່າ 12.573.267ໂດລາຫຼືປະມານ188,60 ຕື້ກີບ, ທຶນພາຍໃນ 88.580ໂດລາຫຼືປະມານ1,33 ຕື້ກີບແລະທຶນກູ້ຢືມ4 ໂຄງການ, ມູນຄ່າ 2.423.709ໂດລາຫຼືປະມານ36,35 ຕື້ກີບ.
ການລົງທຶນຂອງພາກເອກະຊົນພາຍໃນແລະຕ່າງປະເທດໃນປີ 2023 ສາມາດຈັດຕັ້ງປະຕິບັດວຽກງານສົ່ງເສີມການລົງທຶນຂອງພາກເອກະຊົນພາຍໃນ ແລະ ຕ່າງປະເທດ ທີ່ຂຶ້ນກັບພະແນກອຸດສາຫະກຳ ແລະ ການຄ້າ ໄດ້ທັງໝົດ 716 ຫົວໜ່ວຍ ແລະ 13 ໂຄງການ ທີ່ຂຶ້ນກັບພະແນກແຜນການ ແລະ ການລົງທຶນ ຊຶ່ງມີມູນຄ່າທັງໝົດ 1.999,61 ຕື້ກີບ, ລື່ນແຜນການປີ 3 ເທົ່າຕົວ, ໃນນີ້: ກິດຈະການທີ່ຂຶ້ນກັບພະແນກອຸດສາຫະກໍາ ແລະ ການຄ້າ ແຂວງ ມີ 716 ຫົວໜ່ວຍ ມີມູນຄ່າ 1.049,36 ຕື້ກີບ. ກິດຈະການທີ່ຂຶ້ນກັບພະແນກແຜນການ ແລະ ການລົງທຶນ ສາມາດອະນຸຍາດການລົງທຶນໄດ້ 13 ໂຄງການ ມີມູນຄ່າການລົງທຶນທັງໝົດ950,25 ຕື້ກີບ; ຂັ້ນສູນກາງອະນຸຍາດລົງທຶນ 9 ໂຄງການ ມີມູນຄ່າການລົງທຶນທັງໝົດ 884,44 ຕື້ກີບ ແລະ ຂັ້ນແຂວງອະນຸຍາດໄດ້ 4 ໂຄງການ ມີມູນຄ່າການລົງທຶນທັງໝົດ 65,80 ຕື້ກີບ;ຈັດພິທີເຊັນບົດບັນທຶກຄວາມເຂົ້າໃຈMOU ໄດ້11 ໂຄງການ.
ສ່ວນທະນາຄານຈໍານວນ9 ສາຂາ ທີ່ປະຈໍາຢູ່ ແຂວງຊຽງຂວາງໄດ້ປະກອບສ່ວນໃນການປ່ອຍທຶນເຂົ້າໃນການພັດທະນາເສດຖະກິດ-ສັງຄົມ ຢ່າງຕໍ່ເນື່ອງ; ການປ່ອຍສິນເຊື່ອແມ່ນສຸມໃສ່ການສົ່ງເສີມການຜະລິດເປັນສິນຄ້າຂອງກຸ່ມການຜະລິດ,ການຜະລິດຂອງຄອບຄົວ, ບັນດາຫົວໜວ່ຍທຸລະກິດຂະໜາດນ້ອຍ ແລະ ຂະໜາດກາງ ພ້ອມກັນນັ້ນກໍໄດ້ເຄື່ອນໄຫວທຸລະກໍາດ້ານການເງິນ ເພື່ອບໍລິການຮັບໃຊ້ແກ່ສັງຄົມ.
ທ່ານບຸນຈັນສີວົງພັນກ່າວຕື່ມວ່າ:ຂໍ້ມູນທີ່ຍົກຂຶ້ນມານັ້ນ,ເປັນພຽງຜົນງານທີ່ພົ້ນເດັ່ນໃນກາານພັດທະນາເສດຖະກິດສ່ວນໜຶ່ງຂອງແຂວງ ແຕ່ຄຽງຄູ່ກັບຜົນສຳເລັດທີ່ກ່າວມາຂ້າງເທິງນັ້ນ, ແຂວງພວກເຮົາຍັງມີຈຸດອ່ອນ,ຂໍ້ຄົງຄ້າງຈຳນວນໜຶ່ງທີ່ຈະຕ້ອງໄດ້ເອົາໃຈໃສ່ແກ້ໄຂເຊັ່ນ:ໂຄງປະກອບການຜະລິດກະສິກໍາຍັງບໍ່ທັນແຂງແຮງ, ພື້ນຖານໂຄງລ່າງທີ່ອໍານວຍຄວາມສະດວກບໍ່ທັນເປັນລະບົບ, ການວາງແຜນຈັດສັນທີ່ດິນ ແລະ ເຂດທໍາການຜະລິດແຕ່ລະເປົ້າໝາຍຍັງບໍ່ທັນມີຈຸດສຸມເຮັດໃຫ້ມີການບຸກລຸກປ່າໄມ້ ແລະ ຖາງປ່າຊະຊາຍ; ການຂະຫຍາຍຖານຂໍ້ມູນລາຍຮັບໃໝ່ທີ່ເປັນລາຍຮັບທີ່ໝັ້ນຄົງຍັງມີຈໍາກັດ,ການດໍາເນີນທຸລະກິດສ່ວນຫຼາຍແມ່ນທຸລະກິດຂະໜາດນ້ອຍກະແຈກກະຈາຍບໍ່ທັນຫັນເຂົ້າສູ່ລະບົບຖືບັນຊີຖືກຕ້ອງຕາມລະບຽບກົດໝາຍວາງອອກ; ການຕິດຕາມ,ກວດກາ ແລະປະເມີນຄືນບັນດາໂຄງການລົງທຶນຂອງພາກເອກະຊົນທັງພາຍໃນ ແລະຕ່າງປະເທດທີ່ໄດ້ອະນຸຍາດຜ່ານມາລວມທັງໂຄງການເຮັດທົດລອງຍັງບໍ່ທັນໄດ້ທົ່ວເຖິງ.
