ແຈ້ງການຂອງບໍລິສັດທາງລົດໄຟລາວ-ຈີນ ຈຳກັດ ໄດ້ເພີ່ມຖ້ຽວລົດໄຟ EMU ສອງຂະບວນຕໍ່ໃສ່ກັນໃນທຸກໆວັນສຸກ, ເສົາ, ອາທິດ ນັບແຕ່ວັນທີ 1 ມີນາ ເປັນຕົ້ນໄປ

ເຖິງຜູ້ໂດຍສານທີ່ຮັກແພງທຸກທ່ານ: 

 ລັດຖະບານລາວໄດ້ກຳນົດເອົາປີ 2024 ເປັນປີທ່ອງທ່ຽວລາວ. ດັ່ງນັ້ນ, ເພື່ອເປັນການສະໜັບສະໜູນນະໂຍບາຍຂອງພາກລັດຖະບານ ກໍຄືການຕອບສະໜອງຄວາມຕ້ອງການ ໃນການເດີນທາງຂອງບັນດານັກທ່ອງທ່ຽວ, ຍົກສູງຄຸນນະພາບການບໍລິການຂອງທາງລົດໄຟ. ສະນັ້ນ, ບໍລິສັດທາງລົດໄຟລາວ-ຈີນ ຈຳກັດຈະໄດ້ມີການເອົາລົດໄຟ EMU ສອງຂະບວນມາຕໍ່ໃສ່ກັນໃນວັນສຸກ, ເສົາ ແລະ ທິດ ສຳລັບຖ້ຽວລົດໄຟ C92/91 ແລະ C84/83 ນະຄອນຫຼວງວຽງຈັນ-ຫຼວງພະບາງ-ນະຄອນຫຼວງວຽງຈັນ ຊຶ່ງຈະເລີ່ມປະຕິບັດນັບແຕ່ວັນທີ 1 ມີນາ 2024 ເປັນຕົ້ນໄປ. ດັ່ງນັ້ນ, ຈຶ່ງຂໍແຈ້ງມາຍັງບັນດາທ່ານຜູ້ເດີນທາງ ແລະ ບັນດານັກທ່ອງທ່ຽວໃຫ້ຊາບຕາມນີ້ດ້ວຍ. 

 ອີກເທື່ອໜຶ່ງ, ບໍລິສັດທາງລົດໄຟລາວ-ຈີນ ຈຳກັດ ຂໍສະແດງຄວາມຂອບໃຈທີ່ບັນດາທ່ານໃຫ້ຄວາມໄວ້ເນື້ອເຊື່ອໃຈ ແລະ ເດີນທາງກັບພວກເຮົາ.